富安威寶的家長, 入黎交流吓啦

qkhui

Hi ktmama ,如無記錯，好似每次評估完都有開家長會...
我巳申請學卷la.... 係唔係讀全日都係得10000補貼ar?//

ktmama

Hi, QKHUI
咁又幾好喎, 一個學期有二次家長會.  不過 D 老師就辛苦 D 啦.

我都唔肯定呀, 等我幫你問吓其他 D 家長啦. 問完話你知呀.

HI, GIANN728
我幫仔仔報咗紙黏土班呀, klaudy 問你女女有無報喎? 咁你你女女有無幫呀?

giann728

ktmama,
其實都想架，佢之前有玩開，不過佢一個星期返兩日興趣班，我已經覺得佢好倦，放左學次次都響巴士訓著架﹗  仲有，好似撞左體操班個時間呀﹗

qkhui

hi, 係AR.. 如果上太多真係會好累, 我之前比我仔仔學
1WEEK差唔多返足, 我以為佢都係返去玩, 唔會辛苦, 但原來唔係, 佢會辛苦KA.我覺得1WEEK上2日都OK

meldoy2216

各位媽媽,

唔好意思, 我想問多小小問題, 威寶雜費和校服大慨幾多錢, THX

ktmama

QKHUI
我問過同學仔既媽媽, 佢話如果全日班全年學費唔超過 4 萬 八的話, 會有 2 萬的資助.


GIANN728
喺呀, 我有日接仔仔放學, 真喺見你女女校車度瞓著咗呀.
我都估你會撞時間 GAR, 因為我記得你女女星期一要上體操嘛.

今日我返學接亞仔放學, 好好彩呀, 俾我影到佢哋喺 PLAYGROUND 玩的情況呀,  MS WONG 仲全程睇住佢哋同提示佢哋要小心 D 呀.

ktmama

Giann728
琴日下午上完 fun english 後, 你女女同心怡喺學校附近個公園玩橋橋板呀.  我見佢哋二個玩得好開心呀.  睇黎你女女真喺同心怡好好朋友. 真喺令人羨慕呀.  

giann728

ktmama,
我睇左佢地響playground玩果條片啦﹗   

係呀，我女女好鐘意同心怡玩，尋日佢見到心怡買麵包，佢又lur我工人買，最後更係食唔落飯啦﹗ 咁你仔仔同邊個最friend呀??

ktmama

Giann728
喺呀, 我見佢哋玩得好開心呀.  我都錄得好開心呀.  講真都要多謝你個朋友, 好彩得佢我先明白點樣可以將 D VIDEO 加喺 BLOG 度咋. 可惜 D VIDELO UPLOAD 完後無聲 ...... 真喺有 D 失望呀

我都唔知佢同邊個小朋友最 friend, 佢次次講  d 名都唔同  , 所以都唔知佢講真定講假. 等我遲 D 問吓 MS WONG 佢通常同邊個一齊玩多 D 先得.  

D 小朋友喺咁 GAR, 所以通常喺食飯前一個鐘內我都唔會俾雜食俾仔仔食. 唔喺陣間佢又唔食飯啦.  

giann728

ktmama,
睇黎今次評估無家長日，下星期三上學期畢業禮會派成績表同評估表啦﹗  其實有d緊張，不過無得見吓ms wong又有d失望﹗

ktmama

Giann728
唔緊要啦, 我諗佢哋喺四月應該有家長日 gar.  因為我記得上年亞仔讀 nursery 時, 都喺 11 月 同 4 日有家長日.

喺呀, 我都好緊張呀. 唔知仔仔考成點呢?  不過我成日都同自己講要放鬆 d.  佢哋讀書既時間漫漫長. 真喺唔好俾太大壓力俾自己同個小朋友.

如果你真喺想同  ms wong 傾吓, 你可以試吓搵朝早少少送女女返學時順便同佢傾吓.  

qkhui

ktmama, 係ar, 全日有2萬補貼ar....噉都可以唸下k3比仔仔讀全日wor..

qkhui

ktmama & Giann728, 你們平時有無同小朋友溫書? 其實都唔需要太緊張, 小朋友佢地自己識ka la... 不過如果可以平時問下佢地學佐o既o野就ok ka la...

giann728

qkhui,
我平時好少同女女溫書架，係評估週先同佢溫﹗  睇黎我平時要勤力d同佢溫吓先得啦﹗   

ktmama

HI, QKHUI & GIANN728
我平時通常都喺一個星期先同佢溫一次書. 到要評估時就會同佢溫得密 D 囉.  不過佢每日放學返黎, 我都會問佢教咗 D 嘜.

最慘喺叫佢做功課,  成日唔願做功課掛住玩, 有時真喺俾佢激 C .    

qkhui

Hi Ktmama & GIANN728, 我都係ｋａ，　我都唔係成日同佢溫書, 不過就會平時見到o的咩同佢講, 問返佢o的字點讀lo, 有時就會同佢用學校o的字咭比賽, 睇下who 識讀得多, 小朋友多數都like 噉玩.

ktmama, 你仔仔依家做功課成日都掛住玩ar? 你通常係咩時間叫佢做ka ?  

ktmama

HI, QKHUI
我通常都喺等佢食完午飯, 休息咗一陣之後先叫佢做 GAR.  不過有時佢心急想玩, 就會做得好求其 .....   , 有時做做吓仲會話 : 好攰呀, 媽咪 ( 仲要嘟長個咀講喎 )   睇黎都要慢慢引渡先得啦.

有時真喺無佢辦法. 下學期仲要開始寫字添架, 到時如果寫得唔好, 都唔知擦唔擦佢好.    

giann728

ktmama,
唔好擦呀，擦左ms. wong就唔會知佢既進度，我個女畫到本功課花晒我都唔擦架，等ms. wong話吓佢都好丫﹗   

我見今日唔駛帶書，叫左女女攞左袋食物袋、膠樽翻去，真係都幾重吓，我工人連支超巨型油樽都放埋入去﹗   

唔知今日邊個攞到進步獎呢??  你會唔會翻學校接仔仔順便睇吓呀??   

ktmama

Giann728
都好喎, 等 ms wong 話吓佢, 等佢俾心機 d 做都好喎.

我呢幾日都有攞 d 食物袋, 膠樽, 紙盒俾仔仔攞返學校 gar.

我問過仔仔啦, 佢話鄧博文攞到進步獎喎.   
亞仔知道自己今次識數攞唔到 100 分, 得 90 分有 d 唔開心呀. 佢喊喊話有個 交叉喎. 攪到婆婆即刻要氹番佢.     

我今日無去接個傻豬放學呀, 不過聽日會呀, 因為聽日下午要上 fun english 嘛.