有小朋友入讀 的媽咪入來傾下好嗎?

sumyinmama

Christy_Pau ,
希望捷泳可以快些好返啦﹗前日看醫生時遇到心然朋友仔，她也病了兩個多星期，可能現在的菌很勁﹗
心然沒發燒，不過仍有咳，今天也沒有返學，費事傳比人﹗
等一陣我菲傭會到學校拿手冊，我知仲有母親節禮物，因為心然已說了出來，好像還有評估表。你會安排家人到校取回這些東西嗎？

Christy_Pau

sumyinmama:
我都希望心然快些好番.
我今早拿功課交回學校.  今晚放工再回校取功課.
好彩得你提醒, 今日好似係派評估表.
你個女好醒喎, 咁快告知你有母親節禮物.  那禮物一定是她親手做的.  我舊年都有收過, 由自己的寶貝親手送上給自己真係好開心架.     

sumyinmama

Christy_Pau ,
心然明天應可以返學，希望捷泳明天都能返學啦﹗

蕭夫人信箱

hi all moms
我想知康傑好嗎 ????

Christy_Pau

蕭夫人信箱:
總括來說, 我覺得幾好:
老師, 校長和嬸嬸有愛心, 耐心, 有禮貌.
功課不太多
今年有改格 (加多些英文, 有外藉老師長註校內)

candychan

christy:
你好!我小朋友今年岩岩報左k1青衣"康",有小小問題想請教下你
1.你小朋友k1時學及講英文程度你點睇?
2.老師教道小朋友方法正確否?(例如:佢地搶野玩,打人......)
3.上學後你覺得你小朋友有咩唔同左?

唔該比d意見

蕭夫人信箱

thanks christy

but i also want to know their teaching method, 同埋點樣處理學生既情緒, 又或者有小朋友爭執, 佢地又會點handle呢 ....

Christy_Pau

candychan:
1. 佢地的英文程度比較淺, 不同其他名校般學好多英文生字.
至於講英語, 就仲未識流利講晒成句, 希望新一年的英語改革及長註的外藉老師可以另到他們講到成句英語啦.  
2.  老師見到小朋友不聽話, 會採取適當辦法來教導.  例如: 試過有個小朋友打我個仔, 老師會叫打人個個向我個仔道歉, 再向那個頑皮的朋友灌輸正確的態度; 至於被人打的小朋友, 老師會叫他原諒別人.  不要記仇.
3. 上學後, 喜愛閱讀, 有自信, 學會分享 (間中帶糖回校請小朋友和老師吃), 成日在家扮老師上堂, 在家唱學校學過的歌, 喜愛在家做學校的早操,   好多好多...唔知點講.
總之, 佢好鍾意教佢的老師, 成日話想約埋成班老師出外玩.

係呢, 你點解揀康傑 ?

Christy_Pau

蕭夫人信箱:
閣下的問題好複雜, 要CASE BY CASE來講.
如有人插隊, 老師會公平對待, 不容許插隊.
處理學生既情緒:  好似我個仔在校內哭, 老師先問明原因, 然後再給與他意見如何解決問題.  在這件事裡, 覺得學校處理得幾好.  現在我個仔已解決了那不安的情緒.  記得在我小朋友好不開心的時候, 老師常陪伴他左右, 使他有安全感.

蕭夫人信箱 寫道:
thanks christy

but i also want to know their teaching method, 同埋點樣處理學生既情緒, 又或者有小朋友爭執, 佢地又會點handle呢 ....

candychan

Christy_Pau :
首先,多謝你咁詳細既回應~
另外,點解揀康傑 ?
1.近
2.校舍清潔及室氣流通
3.老師有善
其實我係"宏福"及"康傑"二選一
因我小朋友現係宏福返pg,宏福其實整體都好滿意,耐可佢校舍真係我地考慮最主要問題就係"細",小朋友活動空間唔夠,但我個仔好like返學亦好投入,但我先生想比佢係康傑試下先,如番一個學期未如理想,可能會轉校~

蕭夫人信箱

Christy_Pau
thanks for yr valuable comments

其實我都係有2間心水, 一間就係康傑, 另一間就係迦南.
我都係貪佢地近, 我本身都係住小西灣.

lingchuling

hi, Christy Pau

我仔仔現在讀緊小西灣康傑N班, 番了1個多月學, 基本上都可以, 他並沒有哭過, 現在肯去廁所小便, 不過, 未能主動通知我他要小便。

他於下學年度, 亦會繼續N班, 因他仍未夠2year and 8 months, 所以我想他出年都同妳仔仔做同學啦。

Christy_Pau

lingchuling :
但你仔仔是讀小西灣分校, 我仔仔是讀青衣分校, 睇怕做唔成同學.

題外話:
康傑上星期舉辦 <幼兒性教育> 講座, 呀仔k1的一班係講生命的起源.  佢聽完番來, 手拿貼子, 我問他一條條的公仔係乜, 佢話係精子, 會游去媽咪身體裡面的 (蛋)子, 佢把卵子記錯做蛋子.  其實, 康傑久不久就舉辦專題講給小朋友, 幾好架.

puifun

Christy_Pau,

你好, 我睇到呢個topic, 所以想問吓有關青衣康傑幼稚園嘅嘢, 我嗰女6月足兩歲, 諗住幫佢報N1, 本來一心諗住報'宏福', 但係佢個地方好細同埋啲玩具,膠墊等都好舊, 所以唔想比佢讀, 康傑係我其中一個選擇.

請問一班有幾多個小朋友及有幾多位老師?
是否以中文為主, 有否國際班?
老師有沒有愛心?
學費及雜費約多少?

希望可以分享一下意見, Thank you very much!

Christy_Pau

puifun:
我pm左你啦.  睇下幫唔幫到你.

puifun

Christy_Pau,

Thanks for your information, its useful for me!

Thank you very much.

sumyinmama

Puifun,
我有些朋友子女讀學之園、宏福、啟思等，結果我選了康傑，因為康傑照顧小朋友方面實在很好﹗我朋友讀幼兒心理，她的兒子在啟思，但她看了康傑的手冊、通告、工作紙，也很驚訝康傑老師的用心，老師們觀察仔細，真的以小朋友為中心﹗只是學術方面可能略為遜色，不過下年開始有駐校外國人教英文，應會好好多﹗

joetsang

我BB 7月將會2 歲我都係宏福 & 康傑2選1結果我都選了康傑,上個SAT我兩公婆同BB去宏福 & 康傑INTERVIEW, 先去宏福佢地好專業咁IN 又好清楚介紹佢學校比我但唔知係唔係因為宏福N班個校舍實在太細又舊BB好像不大開心仲叫住要走,於是乎老公就話去康傑LOOK LOOK 兩父子一入去就睇住啲玩具好開心點知主任介紹完校舍IN完BB仲話比佢哋玩吓先,而細節同我講就可以.我覺得HK小朋友由小一開始就要做填鴨幼兒園同幼稚園應該比佢地開心啲唔係人人話邊間好就比BB入邊間BB返學開唔心開心都重要.

sumyinmama

joetsang,
同意你講法，其實小女在宏福及學之園都上過playground，最快樂和易適應就是康傑﹗

joetsang

sumyinmama,

THANKS 我都係希望啲家長唔好名牌效應BB有心返學先學到嘢將來才有信心同人比.