讀'聖瑪加利大幼稚園'家長入來傾傾啦!

heima

ckh689

班主任叫咩名? 要讚下先!

*******************
今日收到校服了, 但無褲, 即係仲未著得
但係件外套個袋有少少爛, 點好? 可以星期六拿回去換嗎?

cfman

昨天琛瑜仍然著学校的運動衫，但係就加了長袖Ｔ裇喺底和改穿長褲，而今天就Ｔ裇加大線衫加長褲。

我覺得套校服好靚，不過件裇衫啲質地我唸幾容易起毛粒。

ckh689

阿女個班主任係陸老師，其實佢唔止一次打俾我，阿女啱啱自己返學第二日，因為唔慣飲其他飲品，個日佢飲唔哂d飲品，就成個杯擺返入書包，後來陸老師打俾我道歉話因為睇唔到，所以成個書包污jo哂。我同佢話係我個女唔啱，因為佢唔慣飲其他野，但係唔識講俾老師聽，所以我請佢多留意一下。之後我見個女每日個杯都好乾淨，而且囡囡話每日都係飲水，我諗係老師知道佢唔飲其他野，每天都只係俾水佢飲，所以我好多謝個老師，佢真係抵讚。

Liu

囡囡頭先放學返來話比我知,老師教佢地好似企鵝甘跳舞。我叫佢等我返屋企跳比我睇,佢話:「我都唔識跳,又冇音樂。你快D買音樂碟碟啦!」我話我又未聽過隻音樂,唔識買喎!係邊度買架?佢話:「係北角買囉,你識買架喇,好似企鵝kooki kooki甘囉!」請問有冇人知係咩音樂呢?

Liu

mrs.correia

heima,

Silvestra的運動服及冷衫size太大要換, 我今早打去問,office老師話叫小朋友帶回校便ok,因要2weeks後才換到。

mrs.correia

我個囡讀下幼孝,開學頭幾日陸老師會入課室幫手,佢好照顧Silvestra,頭幾日見阿女o係禮堂好孤獨0甘望住其他小朋友玩,陸老師立刻會來哄她笑及帶她去和其他小朋友玩。  陸老師眼大大又有梨渦,幾可愛又顧家.....(保密)

Pochacco2001

ckh689,
陸老師係好好人的!因我朋友個女都係讀上幼孝,她都話我知陸老師烋細心,而且又係成日都會主動打電話俾D家長傾o下小朋友向學校的表現,所以我聽完我朋友講都覺得她好好的!
你可唔可以話我知你囡囡叫甚麼名字呀?因我想向P,1update資料呀!thanks!

papadaddy,
今日真係唔該晒你呀!如果唔係你,我估我可能已經立即帶她去睇醫生了!不過老師都話她今日已經比昨日好好多了!我亦已經聽你講去買了藥,希望她快d好番啦!

JoJo

Pochacco2001,
你女女唔舒服呀.. 希望佢快d 好返啦..

heima

mrs.correia

    

Pochacco2001,

囡囡咩事呀?

kakibeebee

我昨天打去學校問有關校服一唔, 因昨天(星期四)仔仔放學都未有校褲返(我欠2條校褲), 但通告話星期一轉季, 所以打去學校問, 學校話因為校服未返齊, 星期一可繼續穿便服返學 :wink:

ckh689

Pochacco2001：
我的囡囡叫蔡芊芊 (上幼孝)，麻煩妳幫我update啦！
ckh689

papadaddy

Pochacco2001
唔洗客氣 今日囡囡好d未???         我個細囡個病未好,醫生話係流感,要34日至好,好驚會傳染個大囡,

Pochacco2001

JoJo,heima & papadaddy,
你們有心了!囡囡已經好番好多了!因前日囡囡起身話條頸好痛,所以我們估她應該是'訓蟻'頸,但已經第二日都未好,所以有媽咪叫我帶她去睇醫生,不過後來papadaddy教了我方法,所以已經好好多了!大家有心!

papadaddy,
我囡囡已經唔痛了!不過唔知係唔係因這二天慣了側頸,所以到今日都成日側頸,希望真的無事啦!

ckh689,
唔該晒!我會幫你update的!你是不是自己帶囡囡返學的?

mrs.correia

heima,

o係喎!個網o甘出名,可能校長都會睇,我delete o左o拉,唔該你提醒我, thankyou so much, heima!

ckh689

Pochacco2001,

我囡囡是搭校車返學的，在小西灣上車。

ckh689

helencyl

Hello! 各位,

今日我陪個女參加高班幼兒同樂日,係荃灣成門谷運動場舉行.好似9間幼稚園一齊參與.開幕儀式都好精彩,所有學生都有份表演,重有D家長都有份跳舞.其實幼兒同樂日主要都係玩親子遊戲.
我個女佢就好開心有我陪佢參加.但玩完遊戲後,佢竟然問番我玩得開吾開心?我答:謹係開心,有得陪你玩.佢都不知幾開心.不過最驚佢成日叫我吾好返工陪住,咁就大件事,因為我好無EQ.

mrs.correia

ckh689,

o夷!原來妳囡囡也是在小西灣上車,保姆車是嗎?  可是妳囡囡是上幼孝,而我囡囡是下幼孝,真有緣, nice to meet you!

Pochacco2001

ckh689,
我想知你住小西灣邊度呀?因我奶奶係住富欣花園的,我成日都會過去食晚飯的,睇o下下次有無機會見到大家!

helencyl,
嘩!聽你講都感受到你們玩得好開心!我們都仲要等多兩年先可以參加!

ckh689

Pochacco2001,

我而家住係藍灣半島，不個係租既，而家仲有8個月左右就約滿，個業主係沙士後買樓，跟住即刻租左俾我地，而家樓價升左咁多，我估佢都唔會再租俾我地，又或者會大幅加租，所以我已經有哂心理準備要搬。

mrs.correia,

其實我一向都有上bk，都知道妳住小西灣，不過妳囡囡返下晝，唔同校車，如果唔係就好嘞。我間中都有都小西灣間惠康同聖安娜買野，個度d野好似平d。

ckh689

JoJo

Pochacco2001, Mrs. correia, ckh689,
你地住小西灣.. 我奶奶都係家.. 我大約隔個星期返奶奶度食飯家..

以前個仔比佢地揍就晚晚返去佢地度食飯兼睇仔囉.. 而家有工人揍.. 唔駛咁辛苦呢.

ckh689,
咁如果要搬, 你會搬去邊呢..