何文田維記 - 升K2傾傾

fiancawong

Cyrusmum,
我啱啱忙完上半場(去完深圳及野生動物園), 今日明日返兩天工, 星期五又要出發去博博daddy鄉下探親2天, 真係好忙,但又好充實

nokmom

hi!

我地下午係澳門反黎啦.  星期一朝早去, 吾錯呀.  好在有兩個朋友一齊,所以可以幫下手抱妹妹.  我地食左好多野(肥死啦!), 去左澳門博物館同消防博物館, 重有其他common spots...星期一個日澳門好多好多人,lunch無book臺竟然食吾到,真係吾憂做...

希望你地有個開心愉快的餘下假期

Cyrusmum

fiancawong,
你啲節目果然排得密密喎!

nokmom,
澳門又真係有幾多好嘢食既! 雖然我冇去第度, 但留係香港, 一樣食多好多嘢, 自己都覺得漲咗好多呢!
澳門消防博物館好唔好玩呀? 多唔多互動嘢比佢哋玩? 有機會我都想同思翰去睇吓先!

nokmom

cyrusmum,

澳門消防博物館其實好細,不過入面有兩架舊的真消防車同其他展覽品,所以都幾特別.  另外澳門博物館都ok, 比較大一些.

你地有無比小朋友參加下星期一的講故事活動?會講什麼故事呀?

Cyrusmum

nokmom,
思翰好鐘意消防員, 所以就算細, 我諗對佢嚟講都幾吸引, 希望下次有機會帶佢去啦!
我都唔記得咗交份表, 不過今日問過思翰, 佢話ok, 咁佢就求其揀咗本自己成日睇完都笑既書嚟講! 冇揀特別乜名著!

你哋有冇同啲小朋友換咗季? 啲排啲天氣真係好熱呀! 本來琴晚諗住提早比思翰換季, 點知睇返通告, 佢哋又話23/4開始家長可以自行決定換唔換!

Cyrusmum

各位最近點呀? 我上星期去接Cyrus放學, 佢就比老師投訴, 放完假返嚟好心散, 上堂唔專心, 仲有係個課室度走嚟走去!  :cry:  希望佢可以快快收拾好心情啦! 唔係下次放假, 我都唔敢安排咁多節目比佢架啦! (其實今次反而都冇乜地方去過, 都唔知點解?)

SybilChang,
你最近點呀? bb生長如何?

nokmom

Hi Cyrusmum,

小朋友午睡,有少少自己時間

我諗思瀚係未收拾心情唶,好快會回復正常架啦! 諾諾就剛剛叫病好,佢發左幾日燒,昨日都無返學.佢可能食得太多藥,個面仔同眼肚紅左一噠噠 :cry: 佢已經夠瘦啦,以家簡直得堋骨

你地有無join個表演晚會呀?我就報左合唱團  

上星期見到sybil,佢幾好啊,七月生啦

nokmom

Dear all,

For the birthday party on Friday, what will you dress your kids based on the theme??  Funny hair styles?  Wig?  

Cyrusmum

nokmom,
樂樂都唔係太廋呀! 唔駛擔心! 其實思翰都唔多食嘢(同身邊小朋友比較, 佢係食得最少嗰個), 只不過佢勝在吸收, 所以睇嚟都有啲件頭!
今次生日會個主題又係幾難諗, 我問過思翰, 但佢又唔願意戴假髮, 啲兩日會儘量遊說佢, 都係唔肯既話就隨便gel起佢就算!
我哋都有參加到個表演, 初初思翰都話要唱歌, 但我一見係要親子, 就遊說佢參加跳舞!   好在佢都肯!

SteffiGraf

cyrusmum,

我無參加表演呀, 因kristie每次上到台都唔係好合作, 係唔係個個同學仔都有參加呀?
係呀, 我上個月去咗觀課喇, 想話你知Cyrus上課時好留心, 又舉手答問題, 我見佢真係好開心. 返而kristie就好似發緊夢, 唔通d小朋友真係因為見媽咪係度都會有d異常表現?

SteffiGraf

nokmom,

我諗住囡囡就夾個假曲髮頭夾, 但仔仔就未諗到, 佢早兩日先剪咗頭髮, 都唔知整咩好.

fiancawong

Hi Hi,

明天的生日會假髮造型, 博博連帽都唔肯戴:evil:  更何況帶假髮, 明天都係著便服返學算了吧

至於嗰個表演cyrusmum我都係同妳咁諗因為唱歌要親子, 所以同博博報咗跳舞, 昨日收到通告, 演出時間早咗15分鐘, 之後一日仲放埋假添 好似每個學期都有好多特別假期咁     
nokmom, 諾諾有冇好番d, 近掛d天氣忽冷忽熱, 真係好容易 , 大家都要保重身體  

我終於有得觀課la, 約咗5月15日, 到時可以睇下博博上課時留唔留心

nokmom

Cyrusmum,

你平時見諾諾塊面係佢最多肉的地方啦,佢除左見衫之後真係得d骨,佢體重已經停留係32lb好耐!

合唱個到收到通告啦,要3次係康怡練習.

SteffiGraf,
諾諾都吾肯戴假髮,真係吾知整乜好

nokmom

hee, fiancawong, 你都係度.  我諗諾諾都係同博博一樣啦,著便服算.  佢好好多啦,無乜野,係瘦左個圈囉 :cry:

Cyrusmum

nokmom,
咁諾諾個樣都"握"得吓人喎! 不過小朋友至緊要都係身體健康啫, 幾多磅唔成問題既!
三次練習就攪掂啦? 咁要星期幾去呀? 我哋跳舞就仲未知幾時同埋要去幾多次綵排, 希望可以係返何文田攪掂啦!

SteffiGraf,
女仔又真係要攪好多, 啲男仔都冇乜好攪! 思翰都已經算係肯扮架啦! 但今次我問佢好幾款佢都唔肯! :cry:

fiancawong,
博博唔肯戴帽架? 咁怪之得要搵張咁珍貴既相嚟做大頭相啦!
你去到觀課, 又點會睇到平日既佢丫? 不過起碼可以知多啲佢係學校既嘢, 又真係幾唔錯既!

fiancawong

Cyrusmum,

妳真係心水清, 呢張相確係極珍貴
睇完nokmom話要過海練習三次, 我依家開始擔心佢地去邊樹綵排

Cyrusmum

我真係隨時改變主意既人, 琴晚都仲諗住幫思翰gel起個頭, 加啲顏色就算, 不過今朝嫌麻煩兼冇買到閃粉, 所以臨時遊說思翰整個最容易既超人頭, 再比件超人外套佢著就算! 方便快捷!

fiancawong,
跳舞講合作同走位, 加上又冇家長陪埋上台, 唔知佢哋仲要綵排幾多添喎!

Cyrusmum

fiancawong,
多謝你啲貼紙呀! 思翰返到屋企都唔願除呀!

nokmom,
今日我見諾諾都有進步呀! 熱身一陣後, 已經係度同啲小朋友玩得好開心啦!

SybilChang,
你做乜冇出席呀? 我見Daddy整喊咗Tessie, 不過只係詐吓嬌! 事源個魔術師哥哥話帶咗個朋友仔嚟叫做Peter仔, 問啲小朋友知唔知係邊個, 唔知係咪Tessie袋裡有隻公仔又係叫Peter仔, 嗲吔好快舉手拎咗出嚟, Tessie一見佢寶貝曝光, 就即刻詐嬌囉!

nokmom

Cyrusmum,

Yes, he was better after warming up.  At first, he refused to go to the front.  I asked him later why and he said the magician spoke too loud

Few weeks ago, we took him to the cinema the first time.  He was quite scared and stayed for almost 25 mins inside, but he covered both his ears all the way  

fiancawong

Cyrusmum,
尋日思翰好乖, 魔術師在吹汽球時仲幫手維持秩序叫人唔好打尖 仲有,我好鍾意思翰尋日個look, 好帥呀, 媽媽應記一功

nokmom,
諾諾真係進步咗, 我都很高興見佢後來坐在前面,我諗係個show真係好好睇, 個個小朋友都投入晒 放心啦, 諾諾係屬於慢熱型, 俾d時間佢,佢實得嘅   

博博都唔好得諾諾好多, 佢上次入戲院睇完套反斗車王到依家都唔肯入戲院睇第二套電影