一呂現家長 / potential 家長會

Homama2004

Alice,  很便宜$6X(12隻VCD)
成語動畫廊:
http://www.dangdang.com/product/9056/9056115.shtml
我通常用visa附屬e card付錢,因只有3000簽賬額,沒有那麼怕比人盜用.

Candy,
潯日星島有講"全港10大傑出學生"選舉, 呂小有位男同學得優異獎, 全港得20名咋.   今次學校又"威威"囉  > 我都想88,在那頁呀! 教育版唔見喎!!想知是否我心目中那位男同學仔.

找到了,不是男同學是位女同學,聽聞DGS收了她.這位女同學在學校很出名呀!我PM了88資料給你們...

alicetong

Homama,Candy
如果下次妳地訂開書本...可唔可以幫我訂埋呀？..我睇到簡體字就頭暈架0拿..哈哈！

Candy,
〝P1-P3唱普通話歌曲比賽〞
我生仔就係咁..佢乜野都唔同我講？個人又蒙查查看.好彩有妳地報料比我知0者？妳話呀....



Homama,
我下星期三都會去書展喎？可能見到妳都唔定...哈哈！

candytl

alice,

你係咪要訂, 係就一齊啦, save 運費呀! 可以做拼單.
冇問題, 唔使你得登來喇, 我星期日時時去市中心的, 到時你call我啦.
哈哈, 男仔係咁架喇.

homama,

係潯日嘅教育版睇到架渦, 好似係姓"鄭"的, 我記得段文字介紹佢話佢六年轉咗六間學校 但一樣去到邊适適應到邊.

alicetong

candy,
我想訂呀...勞煩晒妳呀？    其實仲有d咩好介紹呀...
妳同Homama都係我指路明燈....真係我0既福氣？哈哈哈！

Homama2004

Candy
可以做拼單嗎???我未試過喎!多謝您的資料 咁下次我不用又要group番咁上下多才又定貨

Alice,
<中華少兒作文全書>係在圖書館借的,坊間好似唔多見!真是好書,中學組那些適合我們睇,程度很高

女仔就很多匯報,有時多到你"衣衣哦哦"咁應佢時,佢又會話你無誠意.

男仔係做"大事"的 < 我老公話,所以不在乎小節,如生日送禮物給你呀! < 藉口   

各有各好!!

alicetong

Homama,
希望我仔仔將來係妳話齋..做大事0個個啦！哈哈...講得好
0岩,d老公依家都好現實...唔浪漫了？ :tongue:

謝謝妳報料..去圖書館搵下先？

所以話其實有多書都可以係公共圖書館借到..另外又有dangdang網...去書展只係見識下感受下閱讀氣氛..主力斬係習作多d...

係未星期一經過去搵妳先生呀？今朝我勞煩佢轉交書展票給妳,佢都問我係咩0黎...今次真夠大整估？哈哈..好計,等佢無藉口唔陪妳同小朋友去行下.....

Homama2004

係未星期一經過去搵妳先生呀？<係呀!

今朝我勞煩佢轉交書展票給妳,佢都問我係咩0黎...今次真夠大整估？哈哈..好計,等佢無藉口唔陪妳同小朋友去行下.....      多謝您呀!!   

alicetong

Homama,
終於細心睇清楚妳女女0既文章0拿..寫得好好呀,係發自佢內心0既感受..現代生活係香港小朋友實在太幸福0拿？好多野都變得理所當然...唔懂得珍惜不但只,仲嫌棄做得少...比佢地多d了解其它較落後地區小朋友讀書同生活的點滴..令佢地有所體會同領悟...最心甜0個句就係多謝媽媽借呢本書比佢呀...   

candytl

我問咗dangdang, 原來我做咗"提交訂單"就唔可以加單, alice, 幫唔到你訂喇 下次啦, 我哋邊個訂開話聲你知.
homama講得啱, 男仔係做"大事"的, "芝麻綠豆事"邊理得咁多.  

alicetong

candy,
唔緊要..下次有機會先,成日要勞煩妳地兩位就真...
哈哈！ :
唯有係咁安慰自己囉.......

Homama,
請check pm,我要星期二才可取書本....

Homama2004

昨天吃飯時,我和她們談及"三位中年婦人集體自殺"的新聞,問她們的感受.大囡第一句便講是她們愚蠢(點解) 應想方法解決(哦!)因她記得看過的一本書談及一個小朋友因小事和媽媽爭吵,自殺後上了天堂,回望世上媽媽+親人+同學+老師都愁苦地過以後的每一天,很後悔自己不理別人的感受而鹵莽結束自己的生命. 所以那天Candy介紹"文字的美"講座,"文字"不只"美"的而且力量真是不可忽視.

看過一篇文章,看書是一種主動學習模式,因你要主動一頁一頁地翻著看,而上堂老師講的可以像"小孩不笨"那場"左耳入右耳出"般流走了(當然有些老師present技巧好就另話),我個人覺得小朋友肯拿起書看就一定有得著的

alicetong

  其實點可以培養到小朋友肯睇多方面層面不同類別書本呢？我小朋友局限於老鼠記者,偵探小說..好主動甚至乎一出就要買？最近我借左Q版特工系列,佢睇左2本都話無咁好睇？..甚至乎唔想再睇...我真係要多多向妳地學習呀?

candytl

"其實點可以培養到小朋友肯睇多方面層面不同類別書本呢？"---------我都想知呀!
我囡囡睇書好單一, 喜歡睇校園, 温情系列短篇小說. 佢肯睇, 都係好事, 但我總覺得時間寶貴,  讀一本好書勝過讀十本無價值的書.  

candytl

homama,

如果你囡囡interview咁答, 實搶好高分
閱讀習慣係要自細養成, 我好遺憾細時錯過了, 現在努力總也感到力不從心, 希望我兩個囡不會似我.

Homama2004

Alice & Candy, 我都不知! 我自己看書很濫的,在書局打書釘甚麼書都會拿來看看,如很愛不惜手便會抄下來,看圖書館有沒有得借.有些書如EQ&男女大不同&在天堂遇見的五個人等等,我都看了數次,每次看都有不同的得著...囡囡暫只有興趣看在天堂遇見的五個人.

Candy,對呀!現階段都係我們選書給她們好些,我大囡在書局看到那少女系列書,都會拿來看,我通常會同佢一起看同一本,然後同佢解釋/傾內容,因有些劇情真是很脫離現實呀!大家一起笑到碌地...佢哋問過我怎樣選男友/老公,經我考慮很久後答佢哋要選一個自己鍾意+能成日令自己笑的+開心的,錢係重要,但你嫁了佢,佢亦可以無晒錢. 想深一層這是很高難度呀(自己鍾意+能成日令自己笑的+開心的)喎!!

Alice,我兩個囡囡都喜歡看老鼠記者呀! 昨天收到鼠迷會通訊都嚷著話要在書展買那幾本新書.但我老公看過些少,就話啲中文譯得不好,成日叫我不要買.相比內地版的書,我覺得很貴呀!!

Candy
想起來我同事囡囡幾年前in沙曾時,真係問過類似題目.多謝你提醒大囡就快要面試(我這個阿媽 ),這個暑假的晚飯時間都不應浪費,還要她們每天看報紙添!!因聽家長講很多升中問題都會有時事題,當然不似常識卷裡的那麼淺白...啲家長話要答得有深度又要不"行貨"....

我不擔心囡囡們不肯看書,她們已是名符其實的"書虫",人家說"煲機",她們便會同我講今天"煲了甚麼書".我只擔心她們的近視度數. 兩姐妹現在煲緊我在dangdang買的"哈利波特"及"福爾摩斯" (http://www.dangdang.com/product/8806/8806788.shtml). 那套"福爾摩斯"(共4本)都譯得不錯,印刷包裝都很精美.每本都好似有3-4XX頁,而且一張圖片都沒有呀!妹妹可以一天半左右便煲一本,真嚇人!! 所以我要耐不耐打電話回家提佢哋做眼部操,休息15分鐘.我怕過完暑假度數會深了很多呀!

我還在dangdang買了日本卡通"柯南"1-50集給她們間中看下,都幾精彩!順便學埋普通話listensing,沒有中文字幕的,我老公就跟不到 看看下會 我哋三個就看得很開心   

alicetong

Homama,
老鼠記者我買左26-30,即係最新0個幾集...妳不用買,我仔仔已睇完,下星期囉比妳先生好嗎?哈哈..唔好意思！又同佢作對添...
26..尋找失落的史提頓
27..紳士鼠的野蠻表弟
28..牛仔鼠勇闖西部
29..足球鼠瘋狂冠軍盃
30..狂鼠報業大戰

Homama2004

Alice, 謝謝你呀! 佢哋一定好開心.  
你聯絡到Candy沒有???

alicetong

Homama,
唔好客氣..資源共享..又唔浪費更合乎經濟原則...哈哈！
我無呀..今晚忙執拾小三課本..兼大掃除？今日自己去左
shopping(當然有收獲啦,嘻嘻！),行開大眾書局,原來係無學校課本買架..諗住買定2本handwriting比個仔寫定先..
另外買左冒險小虎隊( 巫婆沼澤)比個仔,聽佢提過呢本書...

candytl

潯日alice call我時, 我帶兩個囡去剪頭發, 留低電話係屋企, 所以揾我唔到. 唔好意思呀.
潯日出門前同兩個女講好一起去剪頭發, 結果細囡去到唔肯剪, 大女剪完一出發型屋門口, 立刻眼濕濕, 話剪得太剪(其實都差不多掂到膊頭啦), 冇得扎頭發, 唔靚, 我話宜加夏天, 頭發留得太長好熱, 梳洗又麻煩, 佢話阿邊個邊個仲長過我啦, 佢哋又冇剪, 唉.........你哋話我係咪專制得呀.

candytl

Homama,

我諗等我女再大啲, 都應罐輸正确的戀愛觀念/價值觀給佢.  如果係電視上睇到啲男女親密鏡頭, 你囡囡會有乜反應, 我囡會咋低做其他嘢行開, 或者攞起本書擋住視線, 我估佢都知係乜事架喇, 我好無奈, 點同佢講呢? 照直講會唔會”火上加油”, 加速佢成熟架,  唔講又騖佢知啲唔知啲, 好矛盾.
同佢哋一起睇同本一書都係個引導有正确觀念的好方法.

關於面試, 我估間間學校都係想揀啲學業優秀, 課外知識豐富的學生, 我覺得一個天文, 地理, 歷史都通曉, 思維敏捷的學生要比一個鋼琴8級, 游水第一的學生仲難得呀!
唔係講鋼琴8級, 游水第一的學生唔叻, 而係前者所得到的會係跟佢成世的, 后者就未必, 當你停下, 過種技能就會離你而去.