升中自行分配 取錄擬3月通知 校長支持:免折磨家長多幾個月

yovin

haihaimom 發表於 19-3-4 17:35
我拋磚引玉啫，有啲學校呈宗教同普通話，我覺得唔夠公平，至少應該統一要呈分既科目。
...

但係我通常去工商界嗰邊D 諮詢會， 都成日去傾 長期服務金 嗰啲 計法， 唔會多咀教育界， 頂多散塲幾句 ！自己係教育方面唔專業，费事出洋柤。

但EK好多高手，靠高手啦！
請高手多行一步，為孩子發聲。

Thank you very much。

yovin

hkpapa852 發表於 19-3-4 17:21
只考兩次呈分, 同選Best 2等會有同一個問題: 會更容易出現同分既情況, 咁就更難將學生平均分到三份.

如果 ...

都係要專業計數人出馬。

一講數學我通常收聲 or

說:唔識、唔理！麻煩你哋諗掂去，你哋專業計數嘅一定有方法。

當然呢度係帖友吹下水，向大家學習唔可以咁講野。

加多一、兩科eg : stem、 普通話。 計多兩科， 乘多好多嘢， 條數會大咗， 照理應該唔會咁易同分。
科目單數，可不可以？

再唔係計埋 體育( 都係統一考試同類項目， 每年不同， 並用量化計法)
以後 interview， 校際獎項唔計分、 亦唔可以寫在表上， 費事啲黐線家長迫爆小學生。 不過呢一點、 我好可能會畀人插。

以上係 純粹funny suggestions.
至在向hkpapa或大家請教學嘢。

boboT

可以這樣嗎？
自1自2面試時考生自行提供回郵信封給中學減少他們通知學生的行政工作量，其他程序照舊。


這個做法，中學仍舊是七月放榜註冊兼叩門後正式落實下一屆新生名單。


而獲自1或自2其中一間或兩間同時取錄的學生可安下心來。


不獲取錄的學生繼續研究統一派位選校和叩門準備，或安心註冊直資。


候補生得知自己機會參半，可作出取捨。


至於已上岸學生餘下小六生涯的學習態度是他們個人、家長和老師的合成結果，不能完全賴到制度上。要等人迫才讀書，那麼有誰迫到他們學士、碩士、博士畢業呢？何況還有個 pre s1 等著評估他們，這可是給新學校的校長和老師們的第一印象，即使自行階段已放下心頭大石也不會一下子變成爛泥吧？！


而未上岸的學生雖然有比較，但他們得悉自己未到站知道要維持狀態，而且他們才是大多數，策略沒有轉變依舊是直踩到畢業試隨時準備叩門，反而老師可以集中火力輔助他們，也是另一收穫。


深信每所直資學校一定有他們的價值，這措施或者會使他們少收了一撮希望早日上岸的優秀學生，卻不至於恐慌或危機那麼嚴重吧？！直資學校資源較充足，課程有彈性，辦學理念各有特色，學生家庭背境較優厚等等，正所謂有麝自然香，好學校不愁無學生。心儀 DBS 的學生又剛巧被神津取錄的幸運兒人數有幾多呢？會因為官津而放棄 DBS 的機率又有幾多？！多到危害直資存亡？


官津當中 自1 和 自2 兩所學校之間的競爭不是源於遲早通知學生的。直資和官津之間的競爭，也只是減少官津過往被制度限制下而流失的正取生，並非打壓直資學校，相信人數不會誇張到影響直資學校規模或甚至倒閉吧？！

yovin

hkpapa852 發表於 19-3-4 17:15
如個我係官員呢, 會咁回應:

如家長如認為個別科目不合適以去考核學生能力, 可向學校反映. 如學校同意, 學 ...

唔可以的， 中學sba 係每間學校 都有水平參照 作為調整。
如果每一個人都同分， 亦可能會被視為違犯、甚至 觸犯法律。(當然如果， 喺章程入面 寫明可以就冇問題)

我個人就覺得咁樣 就違反公平競爭 比賽精神。
唔可以輸打贏要， 你小朋友讀書叻啫、 人哋啲仔可能術科叻。 讀書唔叻靠術科嗰啲 or 讀書又叻術科又叻， 一定唔會支持 。 所以冇可能全校家長一至性or 大比數支持。

自己個人認為學校考試要全面性較好、唔應該只考讀書。 起碼大學 學位課程 都有視覺藝術科、音樂科、體育科……

我要讀書啦。再談！
謝謝你

YINGLIE127

可惜今年無份

yovin

hkpapa852 發表於 19-3-4 17:21
只考兩次呈分, 同選Best 2等會有同一個問題: 會更容易出現同分既情況, 咁就更難將學生平均分到三份.

如果 ...

睇理中間三頁:

想就其中一點去講，有關直資收生問題。
由今年金豬開始出生人數不斷上升，直至2012年都仲有九萬多少。即係話嚟跟呢5年直資中學收生人數唔會造成問題(質數另計)，只要係官津收生人數配合下，有5年時間比直資去找定位和出路。
好記得大字in福中練習時，second in只等15分鐘。到细仔今年second in,我等左差不多2小時。飯堂人海到摩肩接踵。

其實上嚟EK可以知道， 今年間間都人山人海， 去到龍年效應，真係No eye see.

個人估計，有好多名官津一定多說話，甚至有意走直資路線而令教局有壓力，先至會作出今次小動作。而家係好時機去「建議諮詢」，如果改成可能有些名津變直

yovin

yovin 發表於 19-3-5 02:02
睇理中間三頁:

想就其中一點去講，有關直資收生問題。

一係全部名津學 「喇叭」 陽奉陰違。這兩個都是教局想見到的。呢D名津校長/及對上高層，「牙力」都應少，仲未計比同级直資拉開dse距離嘅B2學校，還有一批既得利益嘅家長，仲有我呢D反賭博性選校嘅平權人仕， 以上呢幾類人在「建議咨詢中」都好麻煩下，同「直資會」 不相伯仲、…… 純屬個人推測。

等我得閒逐隻字去啄每份報纸，就早幾日嘅報導看看有無端倪，然後考完呈3四圍去八卦下先！今次呢壇法事，實在學到好多嘢好好玩！多謝各位賜教。

hkpapa852

yovin 發表於 19-3-4 18:54
本帖最後由 yovin 於 19-3-4 20:00 編輯

唔可以的， 中學sba 係每間學校 都有水平參照 作為調整。

因為中學係統一要考DSE，所以先可以制定高中進行SBA。

但小學畢業生沒有統一考核要求，所以根本無法進行SBA。（至少不會有SBA去調整Pre-S1成績）

其實EDB簡接俾咗彈性度小學，去自行制定咩類學生可以優先派位。

VA同音樂，更多時候係俾學校調整目標學生排名用，如學生學術成績好但操行差，唔係成績表上寫衰你未拉低你呢兩科D分囉！

silvia_ng

個人認為呢個係德政，當然最後出台點運作，總會有人歡笑有人愁。
想當年大仔考自行，又有直資OFFER，我都15/16。最後決定放棄直資，等佢最愛既津校，果幾個月都真係好折騰。後尾到正式放榜，見到好多本身手執直資OFFER既人都走返去津校叩門，其實本身都係混亂，只係叩門位唔多，唔會咁易有OFFER。

到細女果陣，一心一意考直資，因為覺得果間學校非常適合佢，自行表格一份都冇交過出去。

所以自己既部署，照計唔會因政策改變而有太大影響，反而越早有更多資訊(即係收定唔收)，仲可以調整自己部署。

elbar

升中自行收生提早「放榜」　教局求家長安心（程尚達）

　　中一自行分配學位及統一派位，以往同時在七月放榜，教育局應家長訴求，建議明年起要求中學在自行收生階段通知正取生取錄結果，這項最快二〇\二一學年實施的政策，將影響該年逾六萬名適齡中一生的升學安排，影響甚廣。程尚達將一連兩天討論，今日先從政策層面討論，教育局今次未如小學般分兩階段放榜，只在維持現行安排下，由中學向家長公布正取生資訊，原來有政策及技術上的考慮。

　　在新建議下，官津中學須在三月底後以書面及電話方式，通知正取生家長取錄結果。由於家長可在自行收生階段不限校網報讀兩所中學，教育局友好同程尚達指，建議旨讓家長早日獲得選校資訊，更安心面對子女升學問題，「一直有家長問政府：為甚麼一月申請自行分配學位，要等到七月那麼久？」中學有三成學額以自行分配安排，友好稱措施起碼讓三成家長放心，令他們毋須心大心細，參加統一派位。

　　至於為何不採用兩階段放榜，友好解釋主因是中學選拔自行分配學位時，既參考教育局提供的學生成績次第名單，亦需要面試；但次第涉及小六上學期的呈分試數據，如整個程序提前進行，意味小六生返學沒多久便要考試，徒添他們的壓力。最終只能決定以建議做法，在不改變現行做法作出折衷。

　　然而，實際上不少家長為子女同時報讀直資中學，作為「水泡」。新建議下，當局容許已獲直資中學取錄的家長，在短暫時間內取回放棄參加派位的意向書，意味直資中學因此流失學生。友好稱當局理解對直資的影響，但估計這樣做的家長為數不多，而心儀直資的家長，報讀時已考慮課程特色等因素，未必因提前知悉自行分配結果而動搖。

　　聽友好說，提早通知自行分配結果，也有助小學把升學輔導的焦點，放在自行收生階段未獲正取的學生，協助家長進一步部署。小學界更要求當局提供獲正取的學生名單，但友好強調雙方有共識，當局不會提供學生獲哪些中學取錄的資料，即使家長向校方透露，這些資料亦不應作為宣傳之用。

　　新措施有助家長掌握升學資訊，減輕不確定感帶來的壓力；但學界亦有質疑加劇家長的「選擇困難症」，壓力不減反增。新建議如何牽動家長的升學策略，程尚達明天再說。

elbar

升中提早「放榜」　選校策略有進有退（程尚達）

　　教育局建議明年起要求中學在自行收生階段通知正取生取錄結果，即最快二〇\二一學年實施，程尚達昨在本欄以政策層面分析，今日集中探討如何影響家長升學部署，今次修訂主要讓最多家長獲悉自行分配學位結果，但是否減輕他們壓力，卻要視乎不同取錄情況而定。

　　在新建議下，官津中學須在三月底之後以書面及電話方式，通知正取生家長取錄結果，變相放榜。雖然如此，自行收生與統一派位學額「三七比」不變，即一旦獲自行分配取錄，便無法參加統一派位。故此，家長報讀自行分配的選校策略與現時理應相若，只是心儀一所中學的家長，不應同時盡用兩個選項，以免獲第二志願中學取錄，錯失經統一派位獲派首選心儀中學的機會。

　　若家長在自行收生階段報讀兩所中學，但卻不獲任何一所中學取錄的話，亦不代表無緣入讀心儀中學，因該生或被列為備取，如有其他正取生放棄學額，他們仍有機會補上，但學校不會通知家長。對於有意見認為，家長在提前知道結果下，應「善用」自行分配學額，比如把較次選的中學放在第二志願作「水泡」，因為自行收生是不限校網，考生可以面試表現作致勝機會，不過，家長「搏盡」可以預期，但相信所謂「善用」是一廂情願，家長須小心部署，因為一旦在自行收生階段獲取錄，便不可參加統一派位。

　　另一個焦點是，家長既報讀直資中學，但又在自行收生階段獲官津名校通知取錄，是否必然放棄直資？答案可以說相當複雜，因為假如兩者同是一線名校，家長需要比較兩者在辦學歷史、口碑、課程質素、師資，以及直資學校需要繳交學費等綜合考量，另外，比如子女與同學的成績組別、社經背景不同，社交與學習環境能否配合等亦要考慮。肯定的是，隨着官津中學公布自行收生階段正取生後，料直資中學會出現音樂椅效應，有意報讀二線或冒起中的直資中學家長，策略可以更為進取。

　　如何部署升學策略，取決於家長對子女情況的掌握，沒所謂「必勝法」，但家長提早知道自行分配結果，無論獲取錄與否，均有助他們部署下一步的升學策略，不用等到七月統一派位放榜始考慮。畢竟機會是留給有準備的人，多了一分資訊，家長便多一分準備，至於壓力是否少一分，相信就因人而異。

hkpapa852

elbar 發表於 19-3-5 09:05
升中提早「放榜」　選校策略有進有退（程尚達）

　　教育局建議明年起要求中學在自行收生階段通知正取生取 ...

又係一個唔熟悉升中機制既二流寫稿員扮專家

真係一定有3成學生提早知結果?

little_yolky

haihaimom 發表於 19-3-4 17:35
我拋磚引玉啫，有啲學校呈宗教同普通話，我覺得唔夠公平，至少應該統一要呈分既科目。
...

點會唔公平? 反正要爭既都係校內同學, 大家既客觀條件係一樣既, 唔會唔公平喎。

little_yolky

hkpapa852 發表於 19-3-5 09:11
又係一個唔熟悉升中機制既二流寫稿員扮專家

真係一定有3成學生提早知結果?

咁依你意見, 响新制下, 如果只心儀一間, 或想入聯中/直中既話, 係咪仍然應該只選一間自行呢?

hkpapa852

little_yolky 發表於 19-3-5 09:21
咁依你意見, 响新制下, 如果只心儀一間, 或想入聯中/直中既話, 係咪仍然應該只選一間自行呢?  ...

如果我同女朋友求婚等緊佢回覆時, 係咪有需要買個保險同時向其它女仔求婚呢?

如果目標只係想同人結婚, 唔係想同女朋友結婚, 當然OK.

hkpapa852

little_yolky 發表於 19-3-4 15:39
其實有無學校三月都未呈三? 如果全部三月內都完成呈三, 自行又規定三月底至公布, 咁小學就無得造數了。

...

如果按現有建議實行, 可能......


不少小學會將呈三推遲到4月頭先考, 到時7月放榜會更有趣

記住, 學校幾時考呈分, 點樣考, EDB係唔會理. 只要學校係EDB定既deadline前, 將學生呈分成績輸入呈分系統就得

haihaimom

little_yolky 發表於 19-3-5 09:16
點會唔公平? 反正要爭既都係校內同學, 大家既客觀條件係一樣既, 唔會唔公平喎。 ...

有啲學生冇語言天份，普通話唔好，喺要呈分既學校咪好不利。宗教科，可能我想揀既中學係官校冇宗教，咁點解小學又要呈分呢。要呈我認為最好統一科目。EDB要傾，肯定有排傾，噤咪話俾啲彈性學校。

little_yolky

hkpapa852 發表於 19-3-5 09:25
如果按現有建議實行, 可能......

但點解小學要咁做呢?

hkpapa852

haihaimom 發表於 19-3-5 09:25
本帖最後由 haihaimom 於 19-3-5 09:25 編輯

有啲學生冇語言天份，普通話唔好，喺要呈分既學校咪好不利 ...

所以家長選小學時, 其實應該要瞭解小學既考核要求 (可惜大部份人都唔理, 只係好膚淺咁睇要幾測幾考)

呈分制度, 係EDB俾小學按自己準則去評估學生能力, 如果你認為唔公平, 其實係你自己選錯學校, 因為你唔係符合該小學考核要求既人

little_yolky

haihaimom 發表於 19-3-5 09:25
本帖最後由 haihaimom 於 19-3-5 09:25 編輯

有啲學生冇語言天份，普通話唔好，喺要呈分既學校咪好不利 ...

但係, 我小朋友無數學生份, 同學仔又無音樂天份.....(下刪一百字), 十項全能既小朋友總係小數, 入到大學好多科都唔駛用中文/數學啦, 但一樣要有3322, 所以, 同一學校內同一班小朋友, 呈相同既學科嚟排名次, 我覺得就OK了, 缺點你可以話無端端要讀多一科, 優點你可以話多一科俾你拉分。


利申, 我校要呈宗教科, 仲要係X2, 之前普教中, 所以唔需要呈普通話。