想請教如何令小孩有上進心?

little_yolky

IloveJJ 發表於 17-3-6 11:26
無錯無錯。小朋友真係要俾佢自己跌自己緊張先得。
我仔上學期考試衰咗，其中一樣係時事題。佢平時會睇新聞 ...

依家最大問題係阿妹, 佢EQ太高, 跌極都唔怕, 仲要加埋個C6同佢灌輸所謂既「中庸」之道, 佢對自己相當滿意。

greentea000

IloveJJ 發表於 17-3-5 10:32
其實係咪你覺得你女好似唔係好肉緊，好用力，咁你就想佢有盡力既感覺。但你女可能本身都好叻，唔係好出力 ...

阿媽都咁同我講過，佢接受唔到我考試果幾日仲睇電視，完全唔緊張，唔睇電視溫多些少温熟D成績更好，如果我日溫夜溫都考唔好佢就認命。而我頂唔順考試壓力，要睇電視麻痺自己，同自己講唔係考試，只係做課堂練習，老豆都俾我睇電視，take it easy。
諗諗下，我都有錯，錯在無交足戲，無滿足到阿媽既劇本，自己改左演法。

greentea000

little_yolky 發表於 17-3-6 11:28
依家最大問題係阿妹, 佢EQ太高, 跌極都唔怕, 仲要加埋個C6同佢灌輸所謂既「中庸」之道, 佢對自己相當滿意。 ...

老豆同我講既中庸之道係: 綜合其他人既期望(父母)、社會既要求(學校、公司)同自我要求(能力、目標、價值觀)，揾出一個有效又可以持之以恒既生存方法。

greentea000

IloveJJ 發表於 17-3-6 11:42
哈哈！咁佢想唔想同家姐讀一間中學呀？同佢講：如果想，就要努力啦！

如果有兄弟姐妹，我唔想同佢地同校。如果第時有仔女，亦不會安排同校，避免直接比較。

little_yolky

IloveJJ 發表於 17-3-6 11:42
哈哈！咁佢想唔想同家姐讀一間中學呀？同佢講：如果想，就要努力啦！

錯！佢真係想同家姐讀同一間, 不過佢叫家姐同佢一齊讀聯繫間B2！

little_yolky

greentea000 發表於 17-3-6 12:17
老豆同我講既中庸之道係: 綜合其他人既期望(父母)、社會既要求(學校、公司)同自我要求(能力、目標、價值觀) ...

佢依家合乎佢阿爸對佢既期望、班主任對佢好滿意、佢自己對自己都好滿意, 所以呢個咪係佢既生存之道囉。

little_yolky

IloveJJ 發表於 17-3-6 12:38
哈哈哈！咁家姐點講先?
我細仔一路想話同哥哥同校，點知今次出嚟，佢成績好好（佢自己不嬲以為哥哥叻過佢 ...

家姐緊係話：吓！唔係嘛?
佢居然同家姐講：家姐你咁叻, 入到去一定考第一既, 好好架。

Ahbee02

little_yolky 發表於 17-3-6 10:59
拿, 自己同自己比呢樣嘢又係自己呃自己既。今次95, 下次94, 咁咪退步囉。今次100, 下次99, 咪退步囉。所以, ...

話時話，我又真係幾欣賞你先生的樂觀闊達。我記得吾知邊位台灣作家，好識贊個女。有次阿女考試零分，阿爸都搵到位贊，話羅零分甘難的事你都做得到。後來個女終於有一日開竅，自己發奮努力。所以你阿細仲細，等佢開竅，可能分分鐘叻到不得了。

Ahbee02

greentea000 發表於 17-3-6 11:17
自欺欺人呢招我好早就用過，上學期特登考差D，跌出頭20，自制進步空間，下學期正常發揮，入返頭10。咁咪搏 ...

我覺得d力用嚮呢道，真系好可惜。

greentea000

Ahbee02 發表於 17-3-6 14:01
我覺得d力用嚮呢道，真系好可惜。

而家諗返如果我一路咁好戲個結果可能唔一樣，阿媽開心我又好過，我咁誠實正直做咩呢！

Jessy

IloveJJ 發表於 17-3-6 11:26
無錯無錯。小朋友真係要俾佢自己跌自己緊張先得。
我仔上學期考試衰咗，其中一樣係時事題。佢平時會睇新聞 ...

好似我囝咁我都真係唔識教, 成績衰左, 無咩所謂, 個個星期欠帶書, 個個星期有功課欠交, 永遠都甩甩漏漏, 話幫佢CHECK功課又話唔想, 但又求其到爆, 考得唔好無咩所謂, 欠帶書無咩所謂, 欠交功課又無咩所謂.  平心靜氣同佢傾, 佢又想入好中學架喎, 佢又唔似唔明, 但就真係超唔上心, 我睇晒你地d case覺得你地個個的小朋友都唔差呀, 起碼有放個心落去呀!!

佢小四, 我都無晒辦法.  

hkpapa852

Jessy 發表於 17-3-6 15:23
好似我囝咁我都真係唔識教, 成績衰左, 無咩所謂, 個個星期欠帶書, 個個星期有功課欠交, 永遠都甩甩漏漏,  ...

帶阿仔去佢目標中學既openday行吓, 順便叫佢自己問吓個度既學生要"點樣"(有咩條件)先入到去.

如果佢好想入, 佢自然會想辦法達到D哥哥姐姐講既條件, 由佢自己迫發出嚟既動力遠比家長迫出嚟既有用.....

雖然呢方面我都唔係太成功 .

Jessy

hkpapa852 發表於 17-3-6 15:29
帶阿仔去佢目標中學既openday行吓, 順便叫佢自己問吓個度既學生要"點樣"(有咩條件)先入到去.

如果佢好想入 ...

你最後o個句好諷刺喎!!!
佢d性格呢....想入還想入....一去到上堂呀/做功課呀/溫書呀....個心就唔知飛左去邊.  

明年開始我會帶佢睇架喇, 因為之前我自己screen左先呀麻

greentea000

回覆 Jessy 的帖子

可以俾個仔揀學校嗎？你一直主導既未必係佢想要既，你越做得多佢可以做既就越少。由搜集資料，報名參觀等都係佢做，佢參與得多先會思考，有目標先會力爭上游。

Jessy

greentea000 發表於 17-3-6 15:56
回覆 Jessy 的帖子

可以俾個仔揀學校嗎？你一直主導既未必係佢想要既，你越做得多佢可以做既就越少。由搜 ...

因為佢星期六要返學校練波, 所以唔可能去得咁多間, 我知佢性格係要D好玩得同學生打成一片的老師佢先會用心點專心點上堂, 我其實已經為佢選了一間心水, 不過我都會帶佢去多3-4間比佢感受下, 唔係話逼佢, 不過佢性格係咁, 悶就唔會聽書, 現在中文個老師教得悶, 佢堂堂都唔聽書, 全發夢全放棄狀態, 我同佢傾過好多次佢都係咁.  
你同佢的分別係:  你自己好有目標, 但我囝無.