請問有冇N1D1(PM)同學仔

loloyen

HI!媽珠
今日問一下校車司機嬸嬸返早上幾點係度等車,點知佢話8點2,我話唔使咁早呀嗎,唔係返9點8咩,佢話返9點2,佢要8點9到學校,大鑊啦我一路以為係返9點8,之前算過唔係太早起身,現在洗濕咗個頭冇得退出,點算,阿仔到時好辛苦呀,咁早起身,我 !現在考慮早上返學叫C6揸車送佢然後C6返工,咁時間多咗唔使趕校車,多啲時間訓,唉 !
你女女今日係未唔乖係學校,阿仔講你女女今日喊又話要揹書包話返屋企,問阿仔點解你女女喊佢又唔知道所以問下你!
hi miuc 888:
我感覺7月放暑假會好啲,因為唔使早上趕住返學又要教做功課,係就係佢成日係度,不過佢會自己玩同睇書,唔係咁難攪,最辛苦係要做家務,我有潔癖,成間屋我每日每度一定要清潔過先安樂,應該話我係有強迫症 !
面試班到時先同c6商量,我係c9仔唔識有冇用,好似多元智能班我本身都唔想比阿仔讀咁辛苦,但c6又話有用ok,咁咪聽佢講囉,如果你小朋友平時同人對答有文有路,講嘢又叻咁可以考慮唔使報,如果好似我阿仔咁講嘢麻麻,咁就諗諗先 !

媽珠

HI! loloyen,

其實自己送返學都係遲多少少o架咋! 可能係 10零分鐘. 因為學校區上午比下午更塞車.

阿女 其實係因為Miss Lam 問佢前日張 paper 有一處點解要畫到花晒之後再擦咗去做過 ?其實係因為嗰度要1圈圈晒 8/9 個生果, 但佢唔記得咗點圈, 2/3個圈一圈, 但之後佢又覺得唔妥, 所以問完我之後擦咗去做返o岩. 但Miss Lam 問佢佢又以為 Miss Lam 罵佢, 咪又亂答話我教佢圈到花晒, Miss Lam 再追問佢就 "nur" 地大聲喊 要返屋企  . Miss Lam 怕妨礙其它小朋友, 就咪抱佢過隔離課室冷靜下囉. 最後又要 Miss Lam 攪 一排先 冷靜返. 其實我都教咗阿女只要講返事實比 Miss Lam 聽, Miss Lam 唔會罵佢o架. 同時我已經同阿女講 得好清楚, 返學一定要等夠鐘先坐校車返屋企. 唔準再扭計話要走.   唔準再響學校喊. 希望佢記得啦!
Miss Lam 打嚟問我覺唔覺知阿女有啲咩唔妥, 因為一次扭得犀利過一次. 其實我都唔知, 因為佢放學之後好正常, 做功課, 練琴睇電視. 而家做功課仲係自己做, 做到唔明先行嚟問我, 好多時 (八九成)都係自己做又唔駛陪佢做. 做完比我 CHECK 咗就執書包. 連C6 見到佢細細個可以自己做功課都好開心 .

原帖由 loloyen 於 11-5-26 00:07 發表
HI!媽珠
今日問一下校車司機嬸嬸返早上幾點係度等車,點知佢話8點2,我話唔使咁早呀嗎,唔係返9點8咩,佢話返9點2,佢要8點9到學校,大鑊啦我一路以為係返9點8,之前算過唔係太早起身,現在洗濕咗個頭冇得退出,點算,阿仔到時 ...

loloyen

hi!媽珠
今日又見到你,真有緣 !你女女係未成日驚miss lam罵佢,所以小小事就喊? 你平時有冇問佢係學校開唔開心架,鍾唔鍾意miss lam?咁奇怪!
你女女呢排學琴學成點呀?ok!
我係york其他mama到見到話6月28日開始放暑假,但我見唔到係點解6月28日唔使返,剩係知道6月29同30唔使,請問你知唔知?thx! 下年L2話8月12日先返學,我又唔知道,唔係8月8日咩?真 !

媽珠

Hi! loloyen,

因為阿女呢個星期好似冇 MOOD 返學噉, 成日起身就問係咪跳舞, 所以去學校接佢, 等佢開心下囉. 順便睇下 Miss Lam 有冇嘢同我講.
我覺得阿女心理上真係有小小怕 Miss Lam 罵佢 , 佢以為 Miss Lam 問佢嘢就實罵佢, 佢唔知點處理咪喊 定先.
阿女呢排學琴我自己覺得 ok 啦 ! 因為邊隻手指琴邊個音佢都記得(唔駛再要每堂只上 1分鐘嘅媽媽提佢) , 但數拍子就亂啲. 因為每日我都要佢練琴, 要由 day one 開始教嘅歌我都要佢彈一次. 但我而家唔會再陪佢, 只會聽. 有時佢可能趕住睇電視佢會數拍子數得好快. 但呢啲我諗慢慢先改善啦! 不過佢嗰個8級鋼琴嘅表姨下個月返嚟, 到時睇下佢對阿女學得有咩 comment. 因為我始終都係門外漢.

通知係話29號 U3 畢業禮, 30號係頒獎禮, 所以 28號應該要返學, 暑假放到 8月8日止. 正常應該9號返, 但上年係 N1返學先 (8/11) L2 & U3 遲 2日先返 (8/13) , 但頭兩星期係適應班, 即返兩個鐘. 今年唔知係唔係 , 因為我唔係Mrs Fung 肚入面條蟲 ,  所以都係睇未來嘅通告穩陣啲.

原帖由 loloyen 於 11-5-27 23:58 發表
hi!媽珠
今日又見到你,真有緣 !你女女係未成日驚miss lam罵佢,所以小小事就喊?mouth:" /> 你平時有冇問佢係學校開唔開心架,鍾唔鍾意miss lam?咁奇怪!
你女女呢排學琴學成點呀?ok!
我係york其他mama到見 ...

媽珠

Hi! loloyen,

起初我以為佢哋考試做嗰啲 Paper 係全班一齊做, 阿女今日同我講原來係兩個兩個噉考o架!

仲有 Miss Lam 今日叫佢哋要溫字咭, 但最後兩日唔係考數學咩?

loloyen

HI!媽珠
我每日接阿仔都會問佢今日考乜,上星期已經同我講MISS LAM會叫名跟住出去做PAPER,其他既就係度玩LEGO,今日阿仔話考NUMBER同配對,佢又冇講要溫字咭,可能佢唔記得,我估可能之前有啲問題調轉或推遲咗,咁咪冇跟個行程去做,不過我今晚都冇同阿仔溫書,因為之前都溫好晒,臨場要靠佢自己,只係出門口同佢講小心做PAPER睇清楚同答問題,得唔得真係要等成績出咗先知 !你女女學琴個老師有冇教睇譜,認音符,手指要靚咁呢 ?要打好個底先得呀,如果開壞個頭好難改,我成日幫阿仔拍下佢彈歌片段,你有時間上FB到睇下,THX!

miuc888

Hi loloyen and媽珠:
      原來要溫字咭呀，我個仔都無同我講!姐姐放了假我都無時間同佢溫習，好彩靠爸爸早上同佢溫一會，不過都唔敢咁大其望！
       想同你地分享件事呀^>^
Ms lam早兩曰打給我,話多元智能班反應熱烈，所以加開一班,仔仔有幸收到，超開心,我就唔使出去找啦!yeah

媽珠

Hi! loloyen,

我而家唔夠胆問阿女今日有冇考試, 因為月初考 ORAL 時我日日 問佢, 我 FEEL 到佢有小小反感. 所以我冇再問. 但上星期有日佢落車時我聽到佢同同學仔講響學校做 PAPER . 依家我改日話做 PAPER, 佢又答我和.
不過阿女話尋日張 PAPER 好難, 如果唔係 Miss Lam 講點做佢都唔識做. 我估可能係字多過圖啦! 阿女尋日仲想畫返張 paper 內容比我睇, 不過我冇心機睇 . 因為佢畫咗好耐都係數數目連線.

阿女學琴個老師會有教佢睇琴譜數拍子, 老師每堂教佢新歌之前都同佢睇豆豉, 問佢嗰粒豆豉係咩音 (即 G, A, B, C, ....) . 老師話多數阿女都識, 如果有時唔記得, 比少少提示阿女都會答到. 彈琴手勢就係貓爪 + 手心有雞蛋(即除手指外, 手掌其他位唔準 TOUCH 到琴鍵).

原帖由 loloyen 於 11-6-1 01:08 發表
HI!媽珠
我每日接阿仔都會問佢今日考乜,上星期已經同我講MISS LAM會叫名跟住出去做PAPER,其他既就係度玩LEGO,今日阿仔話考NUMBER同配對,佢又冇講要溫字咭,可能佢唔記得,我估可能之前有啲問題調轉或推遲咗,咁咪冇跟個 ...

媽珠

Hi! miuc888,

我同阿女有溫字咭, 但都係我自己心中有數知阿女識幾多. 如果佢答唔到嘅, 我教佢佢都唔入腦, 都係要留返比學校教先得.

恭喜你呀!  得償所願啦!

原帖由 miuc888 於 11-6-1 13:18 發表
Hi loloyen and媽珠:
      原來要溫字咭呀，我個仔都無同我講!姐姐放了假我都無時間同佢溫習，好彩靠爸爸早上同佢溫一會，不過都唔敢咁大其望！
       想同你地分享件事呀^>^
Ms lam早兩曰打給我,話多元智能班反應熱烈，所 ...

miuc888

Hi 媽珠：
    多謝唒呀!
    其實個字咭是否之前老師派的paper

媽珠

Hi! miuc888,

字咭是之前學校通告內之考試範圍, 一格格自己剪出嚟做一張張咭, 再同小朋友玩 (佢哋叫玩, 唔可以叫溫習, 袖其是我個女. )

PAPER 是考試模式, 等小朋友熟習 一下熱下身.

原帖由 miuc888 於 11-6-2 14:01 發表
Hi 媽珠：
    多謝唒呀!
    其實個字咭是否之前老師派的paper

loloyen

Hi! miuc888,
恭喜你阿仔可以入多元智能班!不過唔知上午上興趣班有冇茶點食?通告剩寫包LUNCH,早上食完小小嘢返學,唔通要等到LUNCH先有嘢落肚 !等我下次問下MISS LAM先!

loloyen

HI!媽珠
你女女個鋼琴老師都好,起碼有教基本功,希望你女女繼續努力!
我知今次考試份卷都幾深下,因為字多過圖,我問過阿仔開頭話好難,跟住又話識晒,重話有100分,都唔知係未架,要等份卷到我手先知佢講真定假,希望名次唔好排得後過上次就安樂,前過上次一名都好開心, !明天你去接女女放學嗎?我多數會去,有緣見 !

媽珠

Hi! loloyen,


因為我唔識, 所以我直覺覺得個老師都ok.
上 fb睇到你仔仔練琴, 彈時個樣好正經好型仔 . 但彈完望住你又變返細路仔 好天真噉笑.  好得意呀!

我相信今次考試係字比較多, 唔同之前嗰啲試卷睇圖就已經識做. 所以小朋友會話深. 但由 Miss 講解完其實都應該係佢哋學過嘅嘢嚟.

原本想去接o架! 不過頭先問阿女佢叫我唔好去學校接和. 佢話費事我行來行去噉辛苦 . 響屋企樓下接就得囉和......   
前兩日先叫我去接佢, 今日又唔洗, 好似有啲嘢噉!

loloyen

HI!媽珠
今日去接阿仔放學,已問多元智能班茶點問題,MISS LAM話應該包,不過唔知使唔使再比$,咁都冇咁擔心 !問MISS LAM阿仔考得好唔好,MISS LAM話好好,重話到時我見到成績表會好開心同驚喜,唔知係未叻過上次呢 !我話阿仔同我講啲PAPER好難,會唔會唔得,MISS LAM話阿仔做PAPER既時候好小心睇,冇問題咁 ,MISS LAM話好多小朋友都好心急同要睇字好亂,所以今次終結係深過上次好多!下星期三要出去超級市場,希望到時阿仔唔好周圍走,唔見咗佢,有啲擔心 ,你睇到我阿仔彈琴好開心,因為佢成日要人讚佢叻又要幫佢拍片,拍得片既都已經彈到好熟,所以佢彈完會囂,咁咪開心囖 !

媽珠

Hi! loloyen,

我相信 如果 Miss Lam 記得問主任嘅話, 佢應該會再 call 你 答返茶點嘅問題!

見到你問你仔仔嘅成績, 攪到我都好心急o添! Miss Lam 佢哋改卷都改得好快和, 依家已經有初步資料. 唔知係咪要等到 24號先有結果呢 ? 不過我直覺覺得阿女好似差過上學期 .

阿女星期四已經同我講話去 supermarket. 當時我都唔知佢講咩 ? 星期五又再同我講話唔駛我同佢去, 話 Miss Lam 同 Miss Ng 帶就得 .  睇完通告先知佢講咩!
不過你唔駛担心, 學校會有足夠人手睇住啲細路(可能有外籍老師同姐姐幫手). 我淨係叫阿女到時唔準買糖. 阿女又提返我個環保袋唔可以太大, 唔準好似媽媽嗰啲. 佢以為我唔明 , 今日見到我有個細嘅袋仔, 就話嗰個就o岩晒 喇!

原帖由 loloyen 於 11-6-4 03:45 發表
HI!媽珠
今日去接阿仔放學,已問多元智能班茶點問題,MISS LAM話應該包,不過唔知使唔使再比$,咁都冇咁擔心 !問MISS LAM阿仔考得好唔好,MISS LAM話好好,重話到時我見到成績表會好開心同驚喜,唔知係未叻過上次呢: ...

miuc888

Hi Loloyen and 媽珠:
   我聽到駿駿考得好都好替你開心!我仔仔都同講話今次好深，我都有點擔心!:(
  不過唔緊要啦！下次再努力呀!
  他今天同我講，話ms lam唔選他做班長喎.他唔:(，笑死我，咁細個都鐘意爭名!佢話hei tung做了班長，恭喜哂！
   現在的小朋友真的好smart,他常常問我D question,我都唔知點答。
   現在做mother真不容易，要一路睇書，一路請教下你哋學教仔^_^

loloyen

HI!miuc888 & 媽珠
其實我都唔肯定今次阿仔係未考得好過之前,真係要等到派成績表先知道,MISS LAM咁講我估係呱 !人梗有起跌,今次跌下次未企起身再嚟,如果阿仔今次考得衰過上次,我都會叫佢下次加油,唔好比咁大壓力佢,太細個啦,佢仲有20年書要讀,有排捱 ! 恭喜曦TUNG可以做班長
今日阿仔破晒紀錄,足足喊咗5次係學校,唔知點解男仔嚟講佢咁鬼易喊 ,係屋企比我 幾句又喊,激死我啦,已經成日叫佢唔好咁易喊,要堅強,叫佢不如做女仔好過,都唔知點攪,現在做人阿媽真係難,打又唔打得金,會比人告虐兒,唔太惡又怕佢得寸進尺,變咗港童,真係 !

媽珠

Hi! miuc888 & loloyen,

尋日阿女一落車就比個班長章我睇, 但 DETAILS 就唔肯同我講, 淨係同 C6 講. 佢話今次係由1人1票選出嚟, 佢有4票所以有得做. (佢淨係見到 loloyen 仔仔有舉手投佢) .今次阿女做咗班長佢又冇特别開心. 反而上次冇佢份做佢有啲嬲. 不過佢都唔知做得幾耐. 因為呢個班長好情緒化, 間唔中又會 .
好似尋晚刷刷下牙又 , 話要 C6返嚟陪佢 . 今朝起身我同佢講今日去 supermarket 如果有小朋友唔乖自己行開咗我叫佢唔好追, 話比  Miss 知就得. 轉頭又喊 話今日唔去 supermarket. 尋晚執書包仲好哋哋自己執埋個環保袋落書包.



成績我依家唔諗住喇! 考得好實開心o架! 但如果考得唔好我點都有啲唔開心. 但阿女噉細真係有小小考佢天才波. 不過真係好想快啲知結果. 因為如果30 號唔駛返可能可以去坐 airplane. 阿女最鍾意 , 因為坐 airplane 去玩嘅地方會好開心 .

原帖由 loloyen 於 11-6-8 00:50 發表
HI!miuc888 & 媽珠
其實我都唔肯定今次阿仔係未考得好過之前,真係要等到派成績表先知道,MISS LAM咁講我估係呱 !人梗有起跌,今次跌下次未企起身再嚟,如果阿仔今次考得衰過上次,我都會叫佢下次加油,唔好比咁大 ...

loloyen

HI!媽珠
今日你有冇接女女放學?我就冇啦,下星期五就會!
可能小朋友都係比較情勢化,現在阿仔都好易喊,唔知 ,以前我 佢未喊,要我出手佢先會喊,現在 兩句都眼紅,再 多一陣喊到唔停,真係 我!
你之前好似話唔去旅行 ,因為你有親戚係外國返嚟,現在決定去邊樹,我都訂晒機票7月尾一家人同我阿媽老豆一個姨生女去馬來西亞,本來想去韓國,諗諗下想同阿仔游下水,現在住個度冇會所,所以改咗地點,下年應該會去韓國,本來台灣都係一個好選擇,現在台灣去唔過,真可惜! 我年尾會搬去大圍啦,到時阿仔就要告別現在既校車姨姨,唔知到時阿仔會唔會 ,到時應該會係工人姐姐同佢搭KCR返學,放學就考慮中,唔知搭唔搭校車放學,真 !THX!