個女讀英中一，開始談戀愛，唔知點處理。

sorlo

作為父母, 陪小朋友成長係好重要呀

smartck

ping_yu 寫道:
smartck
good~祝你成功
其實係冇溝通情況下,真係好易壞
因為其實覺得個家比唔到安全感自己
我以前就係咁~成日think快d結婚有自己個家就好
其實我而家都好後悔,但往往當局者迷
你女其實已經好好~我以前我媽一唔like就打我~
細佬佢地唔right,又係入我數...............
anyway~多d同佢傾下計,盡量同佢close d
等佢覺得原來father不是講唔到道理既人~
其實作為父母只能關心佢同咩人來往,比意見個女~
同佢講應該做既事,同唔該做既事~
但最係決擇都係你女身上,識想的可能會明~
唔識既真係要比耐性.................
我都係冇讀書後出黎做野先有改變~~~`
但太遲了....有好多野miss左就係miss左~
希望你同你女講既時候佢會明~

ping_yu,

多謝晒你嘅分享。
你仲後生，大排前途，咪放棄呀，我十四歲就出黎做野，之後讀夜校，挨咗好多好多年，挨到碩士就放棄，我有個朋友前年攞埋 Phd。
我諗我依家知點同個女傾，希望揍效啦。

smartck

sorlo 寫道:
作為父母, 陪小朋友成長係好重要呀

陪小朋友成長係好重要，我明嫁。
作為上班一簇嘅單親 daddy，要陪小朋友成長係好難好難嘅事，又有幾多人明白呢？正所謂家家有本難唸的經。
我係明白一分耕耘，一分收穫的道理，不過，我希望用有限嘅資源得到一個最大的收穫，唔想用錯方法教女。
各位，請賜教。

ZZdaphne

smartck

『哈佛的女孩-劉亦婷』成長篇 都有講點處理女兒談戀愛，
   可能幫到你，我覺得幾好，我囡P.5, 我已用定。

它形容少年人談戀愛好像『潘朵拉的盒子』，
未開則好奇，
打開了就煩惱不絕。
有時你想放棄，對方未必想，
所以要小心處理。

ZZ

vivi_vivi

smartck

    我哋會支持你架，有咩唔開心，隨時歡迎你上嚟傾下呀，咁當然，如果妳同囡囡有好ge 開始，咁都要上嚟同我哋分享喎

smartck 寫道:
[quote]
sorlo 寫道:
作為父母, 陪小朋友成長係好重要呀

陪小朋友成長係好重要，我明嫁。
作為上班一簇嘅單親 daddy，要陪小朋友成長係好難好難嘅事，又有幾多人明白呢？正所謂家家有本難唸的經。
我係明白一分耕耘，一分收穫的道理，不過，我希望用有限嘅資源得到一個最大的收穫，唔想用錯方法教女。
各位，請賜教。[/quote]

Sindy

我覺得唔好直接話佢聽唔好拍拖,如果佢成日煲電話粥,可以間中斷下屋企既電話線幾日,話無交電話費都得架,又時又話無交上網錢,不過就唔好直接話佢知想佢遠離而家既朋友,同時盡量逼爆佢既時間,等佢唔好得閒...hehehe

smartck 寫道:
我係單親daddy，個女讀緊英中一，三個月前，開始有男仔追，個男仔係 band 3 中三生，個女成日掛住煲電話粥，陪佢玩 on line games，直至深夜，成績一落千丈，唔知點處理，好煩。

ping_yu

smartck
加油吧！佢都係細個想事沒有大人這麼成熟
往往只顧現在,不理會將來條路會點
但緊記~不要逼得太緊哦~....太緊只會令佢覺得你煩`
而家呢個年紀,老實拍拖可能比其它野重要
我細時思想都係咁.......希望我小小經歷會令你明白
佢而家既心情.....
anyway加油~`~~

smartck

ZZdaphne 寫道:
smartck

『哈佛的女孩-劉亦婷』成長篇 都有講點處理女兒談戀愛，
   可能幫到你，我覺得幾好，我囡P.5, 我已用定。

它形容少年人談戀愛好像『潘朵拉的盒子』，
未開則好奇，
打開了就煩惱不絕。
有時你想放棄，對方未必想，
所以要小心處理。

ZZ

Hi ZZdaphne,
多謝你嘅意見，兩三年前我都看過『哈佛的女孩-劉亦婷』的電子版幾頁，當時沒什麼興趣，經你提點，粗略看一吓，以下節錄了一點大綱供其他人分享。
++++++
如果孩子已經陷入了早戀，勸他們回頭就難了。容易奏效的辦法，顯然是“提前輸入”。既然如此，我們決定開始給婷兒打“早戀預防針”。
早戀預防針之一：影視文藝作品，是生活的“哈哈鏡”，只能作消遣，不能當成人生的教科書。
早戀預防針之二：戀愛遊戲陷進去容易，可要想拔出來就沒那么容易了。
早戀預防針之三：既不要因為同學們亂起哄而弄假成真，也不要讓別人因為錯覺而抱幻想。
早戀預防針之四：早戀必然會影響人生奮鬥目標。
++++++

smartck

[quote]
Sindy 寫道:
我覺得唔好直接話佢聽唔好拍拖,如果佢成日煲電話粥,可以間中斷下屋企既電話線幾日,話無交電話費都得架,又時又話無交上網錢,不過就唔好直接話佢知想佢遠離而家既朋友,同時盡量逼爆佢既時間,等佢唔好得閒...hehehe[quote]

Hi Sindy,
好提議。
我都唔敢直接話佢，唔好拍拖，我只係話佢長時間掛住煲電話粥，同埋打機，會影响學業，因為今次測驗有一科唔合格(雖然不是主科)。
我都有用類似嘅方法，襯佢玩 on line game 時，把 modem reset 一吓，佢就會斷線，要重新登入，搞到佢好無癮，就玩少咗，我就話和記寬頻，得個快字，又唔穩定，可惜合約未滿，不能轉PCCW。
我為咗個女都講咗好多大話，真係好羞家。

ZZdaphne

smartck 寫道:

Hi ZZdaphne,
多謝你嘅意見，兩三年前我都看過『哈佛的女孩-劉亦婷』的電子版幾頁，當時沒什麼興趣，經你提點，粗略看一吓，以下節錄了一點大綱供其他人分享。
++++++
如果孩子已經陷入了早戀，勸他們回頭就難了。容易奏效的辦法，顯然是“提前輸入”。既然如此，我們決定開始給婷兒打“早戀預防針”。
早戀預防針之一：影視文藝作品，是生活的“哈哈鏡”，只能作消遣，不能當成人生的教科書。
早戀預防針之二：戀愛遊戲陷進去容易，可要想拔出來就沒那么容易了。
早戀預防針之三：既不要因為同學們亂起哄而弄假成真，也不要讓別人因為錯覺而抱幻想。
早戀預防針之四：早戀必然會影響人生奮鬥目標。
++++++

Right

我幫阿囡打定預防針架啦！！！！

ZZ

Marie貓貓

阿女拍拖你萬大事要沈得住氣，無論你點鬧、講乜道理她都聽唔入耳，即使好彩畀你棒打鴛鴦甩到這個，下次又唔知係甚麼小生登場。

你試下詐唔知，借題發揮跟阿女談青少年談戀愛，表明你的睇法…雖然唔係非常贊成，但唔會反對(也反對不來~當然唔好畀她知)，並信任她的眼光，等阿女知道你的立場，並認知你唔係一個尊橫的阿爸。
另正所謂知己知彼，百戰百勝…瞭解那男孩的生活背境。若他們願意最好能認識他。

仔/女咁細個就拍拖，為人家長真係驚到訓唔著。
即使你&前妻極不願意開口，也要讓孩子明白婚前性行為的弊處，更需要教她保護身體 & 健康。

好彩早幾年趁我家少爺P4 已開始打針，連最難講的性都講過，家陣間中也會傾這頪話題，唔使話咁大個唔知點開口。

leema

smartck 寫道:
Hi Sindy,
好提議。
我都唔敢直接話佢，唔好拍拖，我只係話佢長時間掛住煲電話粥，同埋打機，會影响學業，因為今次測驗有一科唔合格(雖然不是主科)。
我都有用類似嘅方法，襯佢玩 on line game 時，把 modem reset 一吓，佢就會斷線，要重新登入，搞到佢好無癮，就玩少咗，我就話和記寬頻，得個快字，又唔穩定，可惜合約未滿，不能轉PCCW。
我為咗個女都講咗好多大話，真係好羞家。

小心大話穿左就更難彌補, 佢地雖然中一都知好多野架。慢慢平心靜氣咁同佢講你既担心, 同佢講你都係過來人, 明白佢而家的心情, 希望佢為自己着想, 不是為你着想, 佢地會收到, 可能你未必會見佢有即時的轉變, 要比d耐性, 要比多d鼓勵, 見到有小小的改善就即刻稱讚佢, 會work的。如果你平時都係好有父威, 不如搵一d大姐姐, auntie咁同佢傾下。

smartck

ZZdaphne 寫道:

Right

我幫阿囡打定預防針架啦！！！！

ZZ

你就的啦，有先見之明。
唉！我個女要打早戀事後針，唔知邊度有呢？
我會試吓同個女打早戀預防針，再加上我自制嘅早戀事後針 gala。

半桶水

談戀愛哩個問題,小學生已經時有發生.

唔好講話中學生,而家d小學生最喜歡講中意邊個同學,有時重會表達愛意.暗戀我可以接受,只要唔係拍拖就得喇!

拍施搞出人命最終受苦嘅係女仔,好多問題都要自己承擔,所以我未到有問題時已早同兩個女講「拍拖一定影響學業,要我唔反對你拍拖,只有兩個情況1.最快要上大學(已經取成人身份証)2.讀唔成書,已出社會做事.

我重會講多一句嚇人說話「你要在求學期間選擇拍拖,唔好叫我做亞媽」(或者我係激左d,不過我真係面對唔到 )

smartck

半桶水 寫道:
談戀愛哩個問題,小學生已經時有發生.

唔好講話中學生,而家d小學生最喜歡講中意邊個同學,有時重會表達愛意.暗戀我可以接受,只要唔係拍拖就得喇!

拍施搞出人命最終受苦嘅係女仔,好多問題都要自己承擔,所以我未到有問題時已早同兩個女講「拍拖一定影響學業,要我唔反對你拍拖,只有兩個情況1.最快要上大學(已經取成人身份証)2.讀唔成書,已出社會做事.

我重會講多一句嚇人說話「你要在求學期間選擇拍拖,唔好叫我做亞媽」(或者我係激左d,不過我真係面對唔到 )

半桶水媽媽，
你真係好激呀，咪咁啦。
其實，拍施搞出人命最終受苦點只係女仔，仲有佢哋嘅父母。
你試吓領會吓回貼人的意見，我相信會好受用。

smartck

好多謝以下各位的回應，經驗分享，意見，鼓勵和支持，小弟萬二分感激，我已經有把握 handle 到。
maba
PPFAMILY
dad1234
vivi_vivi
Homama2004
CHUCHU
ping_yu
sorlo
ZZdaphne
Sindy
Marie貓貓
leema
半桶水

再一次多謝 dad1234 兄的來電。
Many thanks!

依家要輕鬆吓，笑吓先，真係好好笑嫁。
<http://youtube.com/watch?v=OMQnc38ID2g&mode=related&search>

半桶水

smartck,

多謝你的建議

我只係發表吓內心感受,到而家為止我都未遇到你嘅情況.

學生戀愛都係父母嘅難題,慢慢來吧,相信你一定會揾到解決方法

maba

smartck,

記得去"仔女經" 到報告比我地知呀~~~   

ruby2004

smartck 寫道:
[quote]
ZZdaphne 寫道:

Right

我幫阿囡打定預防針架啦！！！！

ZZ

你就的啦，有先見之明。
唉！我個女要打早戀事後針，唔知邊度有呢？
我會試吓同個女打早戀預防針，再加上我自制嘅早戀事後針 gala。[/quote]



比你"嘅早戀事後針" c
我都在3、4年級開始同個女打早戀預防針. 今年暑假後都升中一了,我都好担心佢依然會中招 . (防不勝防呀)
smartck , 你有沒有和女兒一同看報紙的習慣呀 ? (可能而家掛住煲粥 , 無時間) , 最近有一則新聞 , 一名14歲女中二轉校生 , 放學後被邀往男同學家打機 、唱k , 後被男同學抱入房中侵犯 , 該女反抗 ,男同學家中的兄長聞聲出房 , 不單不阻止 , 且加入侵犯行列 , 後該女孩受創流血 , 告知家人報警 .
我把這則新聞與女兒討論 , 可教導的題材相當廣範 .
所以我通常會引用d 新聞做教材 ,因為個後果已活生生地呈現在眼前  .
我就安排亞女定期參加一些球類活動 , 青少年團契 , 希望你參考吓啦 , 愈大愈難管教架 .
最有效方法都是多溝通 , 令她覺得有"家"的溫暖感覺 , 慢慢從daddy身份轉變為朋友 . (我地都係同好朋友講心事多過同父母講).

smartck

ruby2004 寫道:
比你"嘅早戀事後針" c
我都在3、4年級開始同個女打早戀預防針. 今年暑假後都升中一了,我都好担心佢依然會中招 . (防不勝防呀)
smartck , 你有沒有和女兒一同看報紙的習慣呀 ? (可能而家掛住煲粥 , 無時間) , 最近有一則新聞 , 一名14歲女中二轉校生 , 放學後被邀往男同學家打機 、唱k , 後被男同學抱入房中侵犯 , 該女反抗 ,男同學家中的兄長聞聲出房 , 不單不阻止 , 且加入侵犯行列 , 後該女孩受創流血 , 告知家人報警 .
我把這則新聞與女兒討論 , 可教導的題材相當廣範 .
所以我通常會引用d 新聞做教材 ,因為個後果已活生生地呈現在眼前  .
我就安排亞女定期參加一些球類活動 , 青少年團契 , 希望你參考吓啦 , 愈大愈難管教架 .
最有效方法都是多溝通 , 令她覺得有"家"的溫暖感覺 , 慢慢從daddy身份轉變為朋友 . (我地都係同好朋友講心事多過同父母講).

Ruby2004，你有所不知啦，單親 daddy 又怕見到父親侵犯女兒嘅新聞，又係活生生嘅教材。
佢有玩樂器同興趣班，因為近考試，好多課外活動都停咗。
我都好同意，要多溝通，可惜個女同個油腔滑調嘅更多溝通，我會努力 gala。