大埔英中 - 恩主教書院 vs 王肇枝中學

羊咩囝

我本身係王肇枝中學畢業, 92年囉!

我個人覺得係王記讀書pressure唔大,d老師唔會一味push你去讀書, 相反佢地d老師幾在意學生既行為同情緒, 時不時有時間就去接見d學生同佢地傾吓瞭解吓佢地, 至於功課方面亦唔多同唔少年(合適), 亦唔會強逼學生放學後參與活動,校風方面亦不算差, d學生都幾純樸吓!

我果年讀書, d老師十個之中就有二或三個係王記畢業回流返入去教書的, 所以感覺都幾親切.

王記以理科班成績最出色, 我果年入大學%講緊97%.

大埔區頭四位到今時今日都no change, 都係以恩主教, 莫寿増, 王肇枝同迦密柏雨開始!

我個年d學生仔係咁揀法:-
1)恩主教
2)莫寿增
3)王肇枝
4)迦密
5)沐恩
6)大埔官中




      

familychan

joenjac:
孫方中上全級前30名,我想你放4間英中好d,雖然有2間英中唔多鍾意,但都好過圓記及孫記,孫記仍是發展中,學生差異比較大(band 1又有少少,但也有較多band 3尾尾的,當然band 2生是屬大多數),如果是band 2生反而可選,
但如果是band 1生,我想可多選英中,因為你想入孫記,在派位後即日在小學部已有中學部的老師守候你報名.
既然是band 1生派完先到band 2生派,你大可放王記第3,如果真的有位剩都可以派到去,就算無位,中中都是band 1生派先(除非電腦出錯 )
話時話我附近的街坊(多數是band1中的)初頭放自行選王記,但到了攬珠,反而唔放第1,話攪珠反正講彩數,放番莫/密/恩,聽聞是班主任提意.

chenchenchen

請問小女屬band 1,如選莫第一,王第二,恩第三,是否很危險呢!機會是否微呀.thank

多士姊姊

Familychan

你的分享很全面, 謝謝.

你唔講我真係無留意英文科的A/B卷, 咁圓玄二中應可睇高一線. 會考慮放第五位.

多士姊姊

多謝你的分享.  

學生的歸屬感很強才會回流母校任教.

請問, 是否可告知王肇枝的課外活動情況?  

謝謝

多士姊姊

這個應是進取的選擇, 很難說是否危險, 因不知道其他人的取態,大家都是估計.  正如joenjac 話事解, 進取型的第一意願落空後, 好大可能要到第四或五意願材有機.

familychan

多士姊姊 寫道:
這個應是進取的選擇, 很難說是否危險, 因不知道其他人的取態,大家都是估計.  正如joenjac 話事解, 進取型的第一意願落空後, 好大可能要到第四或五意願材有機.

點都好,大家都係估估下,都要博一博,好似王/沐/羅好多BAND 2頭都博下放第一志願,無理由BAND 1唔放,到時流哂入BAND 2......況且今年大埔BAND 1位多左,機會大左

joenjac

chenchenchen,

個人認為係太進取,我都係決定聽 familychen意見,放棄左柏雨同王肇枝

familychan

預祝大家成功,上年我孩子學校D BAND 1仔都派得好好,也是因為班主任安排得好,BAND 1頭,中,尾都幫佢地分散在各英中,有70%肯聽下意見已經好好,大家試想如果全部人都選哂A校第一志願,死梗啦!
而且唔好向小朋友面前係咁講其他學校唔好,因為真係萬一派左第2志願OR以後的,對學校有偏見,讀得唔開心.
我見過有人派左第2志願英中,亞媽同個女喊到死去活來,話唔去讀,企係佢隔離個男仔好尷尬,因為佢係派同一間,佢係第一志願,而且間學校都係大埔出名既學校.
我在派位前都同孩子講派到任何一間英中都要讀,間間各有所長.
另補充:出過尖子(即係會考成績直接被大學取錄,讀完中六可上大學)的大埔區中學有莫/密/恩.

多士姊姊

Familychan

真的很多謝你的意見及分享.  希望大家都能派到適合的中學.



  

mangosweet

chenchenchen ,妳現在怎樣選擇?  

chenchenchen 寫道:
請問小女屬band 1,如選莫第一,王第二,恩第三,是否很危險呢!機會是否微呀.thank