現在的學生 ( 包括家長 ) 都很自私

hinhinmummy

我以前中學都遇過啦, 人地問我功課我好地地教人wor, 但當考試, 大家討論自己溫過d 乜野, 果個同學永遠只係聽, 吾出聲, 後尾發現, 原來佢自己有溫另外一d 我們無提過的題目..................結果又真係佢貼中題目, 當然自己都有吾岩, 吾應該貼題, 但都可以反應到佢既自私

但依家, 可能阿女都算係叻果個, 所以只有同學打黎問佢功課................就算sl, 都吾見佢有打去問同學仔功課wor, 但將來再上高年級就吾知啦..............同埋我個女又吾會話吾教同學wor, 同埋我可能都算係蠢果個家長啦, 連習作都幫人買埋

龍舌蘭

自私之心人人都有.
問題是, 當你遇到這些人, (假設自已是一個不自私的人)
  你會怎樣做 ?
不理會, 仍與他們分享自已所知; 還是與他們一樣將自已緊緊包裹起來 ?

Snow

How about this case?

If your child needs to do a group project, you know some classmates always submit late when they do individual project and not paying too much effort even for their own project.

Will you ask your child not to group with them?

Pansy21

我個仔話如果同學仔打電話黎問功課，老師講明係吾可以講比佢地知(因缺席打黎問功課就可以講)，因為上堂時，有D小朋友真係吾專心抄手冊，又吾聽書，佢地大安指意打電話問番同學，老師覺得小朋友要對自己既功課負責任，下下咁輕易就問到同學，果類形吾專心既小朋友只會越來越吾專心。

雖然有D人會覺得咁係好自私，但諗心一層，老師咁講，都有佢既道理。所以，當阿仔抄漏手冊，或吾記得左老師吩咐佢要做セ野、帶セ野, 我都吾比佢問人，因為我都想佢為自己負番應有既責任。 到宜家，佢知道如果自己抄漏手冊，或吾記得左老師既吩咐, 係無人可以幫到佢, 所以佢真係吾敢吾專心上堂。

hinhinmummy

龍舌蘭

我會教個女, 無私甘去教人, 如果自己係識而又勤力既話, 吾會因為你教左人, 而令自己成績變差, 如果甘細過, 就教佢收收埋埋吾教人, 甘幾時到大, 出黎社會做野?

佢依家學緊國際象棋, 上年出去比賽, 拿到獎, 跟住佢d 同學拿吾到獎之後就無再學, 好似得返佢一個(識果d同學)學, 依家佢學完, 之後都會教返無再學既同學, 我老公就覺得, 點解自己比$個女學完, 之後還要去教返無比$ 上堂既同學, 但我就好欣賞個女甘既做法, 因為顯得佢既無私, 其實大人同小朋友諗既野吾同, 大人會覺得, $ 係我比既, 無理由我比$個女去上堂, 返黎要我教返你個女野, 但小朋友就吾係甘諗, 佢可能覺得, 我識, 你吾識, 我教你, 影得我叻或者其他, 但古乜論佢(個女)點諗都好, 我覺得佢無私甘教人, 我都好欣賞佢

至於做project, 如果係group project, 甘無計架, 一定要一齊做, 如果吾齊心既話緊本就做吾到, 等佢地返學校一齊吾教或點, 等老師教訓下law, 吾通一人做一part?

可能我個女果間吾係乜野名校, 所以又吾見得d 同學仔係甘自私.......................

大眼仔mama

Right. 囝囝d同學不但自私, 而且cunning. 有兩次囝囝在測驗前不見了某張補充紙, 問了好幾個平日的「死擋」借來影印溫習, 問了足足一星期, 到頭來沒有人肯借, 有個仲衰到叫囝囝比功課佢抄做交換條件, 真係太過份, 最後我們當然無就犯, 因為抄功課或給功課同學抄一樣是「犯法」的. 同學不明白, 可以教他一兩條, 但不能直說答案. 我知道囝囝心裡不開心, 因為他也有很多次樂意借工作紙給同學, 在他心中應是「禮上往來」吧. 後來我便開解囝囝, 跟他說不見了補充紙本來就是自己的責任, 要自己去承擔後果, 我們不能強要他人幫忙. 有很多人都是很自私的, 幫了別人也不能要求回報, 人家怎樣不是我們控制的, 但在我們角度, 能夠幫忙的都應該幫便是了. 都好, 順便給他感受下人性的醜惡和錯折, 因為出來做事後他要面對的世界比現在可以恐怖百倍.

stitch626113b

好似我細個果陣，人地問我功課，我都吾係太想講，原因吾係我自私，而係一次經歴，令我怕左。  有一次，有個同學問我功課，我咪講佢知law, 但後來派番D功課番黎，連我自己都錯，果個同學就帶埋佢亞媽鬧到我狗血淋頭。你地話ar, 吾自私都要比人鬧，真係叫我點做ar :cry:  :cry:  :cry:  :cry: 之後，我真係驚教錯人，所以我選擇吾講。  同我熟既人會明白我，但係吾熟果D都會認為我自私。   :cry:

cameo

其實我自己個女身邊又唔多覺又呢類同學仔,可能唔係名牌小學卦,,,,haha
不過,我自己係會咁諗,我女有一個要好o既同學仔,佢間中都會問功課,我地亦比較多機會見面,有時個同學仔會好直接咁問我而唔係問我個女,我反而會叫個女去解答!
一來,我覺得我個女都可以幫到佢,我個女唔會淨講個答案俾佢聽,會引導佢,若有所錯漏我先插咀!我覺得咁樣兩個小朋友都會明白咩叫"互相幫助"!
二來,有時唔係人地有冇得益,而係我自己個女喺教同學仔過程中,可能只係一題問題,但係反而我個女都對呢個題目加深左印象,咁對我個女都係一件好事嘛!

龍舌蘭 寫道:
自私之心人人都有.
問題是, 當你遇到這些人, (假設自已是一個不自私的人)
  你會怎樣做 ?
不理會, 仍與他們分享自已所知; 還是與他們一樣將自已緊緊包裹起來 ?

龍舌蘭

看了幾位的回應, 其實, 現在的學生 ( 包括家長 ) 都不是很自私呢.       

會教別人/教會別人, 更加証明自已是有實力的. 我也要小朋友向這方面努力!!

大家一齊加油啦~~~        

蝦碌媽咪

以前我囡的一位同學成日打電話來問功課,我囡唔識點教,就將條算式照讀出來,對方照抄.我見到呢件事,我係TEL旁話佢照抄,根本唔明,學唔倒知識.  跟住攞個TEL再教過佢,引導佢自己做番.(其實佢屋企都有人可問,唔知點打比亞囡?)
我叫亞囡:如果同學打來問功課,要比我聽,我教.咁樣以後反而冇0甘多電話.

蝦碌媽咪

chuiiris:
係咪個位家長都好似我心態,唔想小朋友教錯咋.有冇誤解呢?

(你囝囝轉校適應下來了嗎,同學相處好了嗎?)

xmanman

我仔都有個同學日日打電話問功課,  不過佢唔係想問點做,  只想要答案    eg.  數學 888 x 21 + 678  這些數真係要計,  佢自己唔計,  問阿仔個答案就算!  我告訴阿仔要教佢計算方法而唔係比答案,  如果只係比答案, 佢同學永遠都不懂得計算方法了!  但係阿仔話同學唔要人教,  只要答案,  於是我就叫阿仔唔好比答案佢,  因為這樣做只會令同學仔更加唔識自己做功課了!  我話如果阿仔教唔明佢就叫聽, 等我教佢點做, 不過之後個同學仔就唔再打來問功課!      (仲有,  個同學他的媽咪係家庭主婦,  唔明點解佢媽咪唔教佢 )

jojoplanet

真恐怖....不過我仍然會教育我個仔, 如果有同學請教佢, 佢都要答人.....d人自私係佢地人品有問題啫.....

不過個仔而家先得4個月....   

faxfax

試過大家家長傾計
有個好成績小朋友既媽咪話佢小朋友無補習
重話咩咁細個駛咩補習, 幾時補到大之言論.......

不過我同仔仔講番話人地唔駛補習都考得好
我仔O大個嘴
話唔係呀, 同學仔同佢講有 1:1 西人老師上門補 ????
重講買 "不過呀媽話唔駛講比人知....."

好好笑     

xmanman

同學仔已經唔係請教啦,  只求答案吧了!  只告訴他答案係無意思,  個同學仔永遠都學唔到野,  永遠都唔識自己做功課的   


由 jojoplanet 於 2007-04-04 15:10:33

真恐怖....不過我仍然會教育我個仔, 如果有同學請教佢, 佢都要答人.....d人自私係佢地人品有問題