面試後,大家分享下啦!

ccdccl

Oscar媽
我今個星期六4:00會去聖心面試, 我想問下老師問左你咩問題, 難唔難答?係咪真係要1個鐘架, 你有冇問佢有冇外籍老師教英文, 同埋k1會教的咩野架?

蔚晴
我上個星期六都有去靈糧面試, 我係10:00, 我好似都聽到老師叫曉晴個名, 你覺唔覺得間幼稚園好細, 恒安

eemother

ccdcc

其實當日我有問先生 K1 會否三文兩語 ,先生同我講 , K1唔 會有普通話 只有英文同中交 而外籍老師教英文係沒有的

蔚晴

PIGPIGMA,
我只係in左靈糧堂,田家炳&吳多泰,嗰日仲辛苦過返工,靈糧堂:我覺得比較細d,但設施都好新.
田家炳:地方較大但設施好似冇咁多同殘d.
吳多泰:教學模式好似幾好,設施都ok,好似係3個月會有一份report比家長,咁都幾好呀,起碼俾我知道我小朋友進度如何.
ccdccl,
我係8:45am間幼稚園係好似細d,但口碑幾好,保良局馮梁結好似冇咩聽講,吳多泰in左啦但都ok.

小寶媽

tiffany_wong23,

我培正到係9:30-10:30交表呀
你講得無錯培正真係遠左d,我奶奶勁唔鐘意要搭校車.
所以首選都係聖心,但培正唔考過我又唔心熄喎.

你屋企咁多人讀過聖心,你都唔洗咁驚啦,起碼有分加先麻

小寶媽

原來大家都報定幾間先,仲多數同校添
等我開頭仲以為自己過份得制唔咁同人講呢,
我總共報左5間(多唔多?),有兩間都係得過報字
培正,聖心,田家炳,吳多泰,東華三院
星期六走三間,都好辛苦下
但首選都係聖心,我都問過老師,佢地有一個外藉修女考英文,但k1無份.普通話我就無問過.
田家炳:感覺上都幾好,地方真係幾大,但我又唔覺得話d設施好似冇咁多同殘d
吳多泰:
(之前睇書介紹過但無唸住報的,因太多間啦,但姑奶又推薦)
我係3/11個朝in左,正如蔚晴所言,教學模式真係好似幾好,兩個月做一次評估,無考試測驗,親子活動好多,學校設施都ok,但校舍就殘d...同埋對我黎講太遠啦,要搭校車....仲可能要成45分鐘...咁出九龍都得

小寶媽

我之前聽講過d媽咪講聖心面試會問咩
都會講到會問上下午班有無問題的....
咁這條係咪必答題呀?
老師都有問我這問題喎...反而無問我點解報佢學校
咁係問左係機會大d定係相反呢?

Oscar媽

小寶媽

我培正係15/11 10:30-11:30交表
你講得

2boysmum

Hello all mama,
我個日都有 到聖心&田家炳&馬陳景霞interveiw. 個日勁辛苦要in 3間!  
聖心: 真係好多人in, 一個hall, 有成十幾組人in 跟,都幾難入, 我囝囝都表現0k啦! 考反應, 老師指著我問佢(囝囝)我係邊個, 老師指著老師自己問佢(囝囝)係邊個,又指住囝囝問佢叫嘜名。我囝囝都答到,不過係細聲地,因為個 hall實在太嘈,而囝囝又怕羞。當時真係有張椅子跌落地下,引起巨響。老師比兩個小公仔叫我囝囝切好, 但囝囝切不到其中一塊, 比粒糖佢都識得講多謝, 已又叫佢推好張椅,
佢走都有同老師講拜拜和握手,老師都話佢說話反應都幾好, 都有問我如果上午班抽唔到,下午班讀唔讀。囝囝整体表現我都好滿意。入唔到聖心都冇辧法, 佢都好叻仔啦!

至於田家炳, 老師 in得好急,一入到房, 就叫我引囝囝講野,  老師拿住本圖書,問佢公仔,又問佢吃甚麼早餐, 然後就出可以出去玩啦! 室內地方都幾大, 環境都好好,比到空間小朋友玩。

至於馬陳景霞, 仲簡單, 叫小朋友簡生果比隻貓食, 跟著到in家長,冇嘜難度。地方唔係好大, 但多大陸人。

我囝囝考到浸信會幼稚園上午班, 都0K啦!

始終聖心係我首選, 其次係田家炳!  大家分享

Oscar媽

Hi ccdccl

老師問左我平時誰照顧囝囝,平時我係屋企同囝囝做d咩,
放假會帶囝囝去邊到多,會唔會考慮下午班等等
都唔係問我太多問題
我就冇1個鐘咁耐..因為我係2:00pm第一批..我1:30pm已經係學校門口等開門,學校1:45就開門比我們入去,我排第2個所以入去就好怏叫咪入房面試,我係第2個入去見.我2:00就走得..

PIGPIGMA

ALL MAMA

聖心先生有沒有同你地講佢地學校好多功課和活動呀 , 佢重話由於係天主教學校, 所有校內用的野都要同學校買 要人人平等 , 唔好以為學校弁利, 至於吳多泰我都有同感 學校殘d
但D 先行好好人, 我都覺得OK

tiffany_wong23

PIGPIGMA ：

對波鞋都要著返學校專用，一對記得好似$85！


ALL MAMA：

我有朋友佢個仔 K1 時考唔到聖心，
所以 K1 讀田家炳。
但田家炳 K1 個書包已經好重，
係我朋友自己拎旣都覺得好重！
在 K2 時再考返聖心好彩收佢個仔！

吳多泰我有朋友佢兩個仔都讀吳多泰，
佢話其實第二個仔讀時已經想唔讀吳多泰！
不過老師問到，所以讀返！
而家第二個仔讀緊K2！
最細個仔而家歲半，
不過一定唔會讀返吳多泰喎！

ccdccl

PIGPIGMA

所有野都係學校買, 咁係咪雜費唔包, 雜費幾多倒, 你有冇計過學費連雜費平均一個月幾錢?我住馬鞍山的, 我唸每個月都可能要2500喎

另外k1有冇電腦學架

小寶媽

各位媽咪,
我剛收到田家炳&吳多泰的信啦,兩間都收左...
但田家炳係下午班 :-| ,話係抽籤決定喎...唉
我次選係田家炳...但佢收我下午班..(唔知係咪因我係全職媽咪呢?)但我唸住阿仔返學我就做返野喎
真係煩,聖心又唔知幾時先知結果喎,但這兩間又要11/11註冊

Priscilla

我今日都收到田家炳同吳多泰兩間的信, 兩間都收我個仔讀上午班, 我自己都要番工, 家住係第一城, 將來會由工人接送搭校車, 而家兩間都收, 每間註冊費各耍500元, 究竟應該揀邊間? 請幫忙俾意見.

chingko

hi all,

我今日都收到田家炳的信,讀上午班11號就要交留位費,但我又等緊聖心消息,我知聖心下星期仲有面試,即係可能冇咁快有通知,希望有家長收到聖心既信,就通知一聲.thank you!

點好呢?我諗呢$500都要比左先!

PIGPIGMA

hi tiffany_wong

我想問下係知唔知道你朋友2個仔仔讀緊吳多泰最細個仔為什麼一定唔會讀返吳多泰 ,吳多泰有什麼唔好 , 請你問下你個朋友呀  因吳多泰係我次選另外我都係田家炳吳多泰都收我個女讀上午 , 而家等埋聖心 通知 , 萬一聖心唔收我都想問田家炳吳多泰邊間好d 有沒有mama 可以分享

PIGPIGMA

ccdccl
雜費好似要約 hk$1500左右 x2 /年 ,另外好像有什麼捐款活動 不過應該係心意 捐不限 的 不過我冇問到一class 有幾多人呢 今年招生幾多呢 有沒有知道呀

PIGPIGMA

小寶媽

你寫信給學校 申請讀上午啦 我都問左先生, 佢話要轉讀上午校可以申請 , 我起初都怕收我下午班, 我個日問了先生啦而家收我上午

蔚晴

我今日只收到田家炳信都係下午班,又要11/11註冊;但吳多泰就未有.
tiffany_wong23,
可以問吓你朋友吳多泰有咩唔好呀?thanks~~~

小寶媽

PIGPIGMA,
唉,我面試那天就係無問老師啦,我都打算寫信去,但有位先轉到,大多數都想讀上午班的,除非有人唔讀啦.

聖心到又有排等喎,就算收我都怕又係收下午班.
我都唸住去留位先,但只怕到時聖心唔收,田家炳留左位都係得下午班,咁要讀下午班可能奶奶會請願讀返樓下東華三院(未收到通知,但多數上午班)....咁咪又白比500 蚊囉
仲有就係我這兩間我比較喜歡田家炳麻