是否沒有報讀名幼（eg. 學之園）小一面試去唔到熱門名校？

Jean1769

Dollys 發表於 23-3-19 18:58
如果你有心考名小，你沒有選擇名幼係絕對錯誤，
我諗你都會發覺，明明做得好好，就係晉級無自己份
...

我都係果句啦，一分錢一分貨。名幼收咁貴自有佢原因，否則點解咁多人爭住俾錢。無可能期望免費券幼俾到一樣既野（唔係指offer數目，係學術底子、學校環境、語境、教材、課程編排、細路presentation等）

樓主當初唔揀，慳左唔少錢，呢樣咪另類得著。至於上面話券幼都有神校offer， 百中無一。而且父母課後點加料法，who knows

fmf903

PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...

如揀劵幼，一樣要自己狂教狂補。名幼家長都要谷100%，普通幼要谷200% 先跟得貼。我會贊成讀面試班，係睇小朋友係公海咩位置，要加幾多力再推佢上去。

有讀名幼，同班有人零offer, 因為父母都hea 。
當我以為自己小朋友已經係頭15名，原來仲有好多人勁你好多，事實上只係排30。再來過，我會再努力啲。

fmf903

PeppaMami 發表於 23-3-18 17:34
今年我嘅小朋友面試效果不如人意，係咪當初決定唔去學術型幼稚園是一個錯誤嘅決定呢？
我見到好多名幼畢業 ...

只想講 靠學校都唔夠考，只係自己準備唔夠。

Anne_Hall

而家只係起步，最後大家目標都係讀大學，就算讀唔到心水小學都唔使灰心，讀書真係要等小朋友自己開竅同自覺，開始時可以父母幫手谷，唔代表讀上去可以保持到。小朋友有自己既路，父母盡左力但求問心無愧。

Anaisbear

樓主，我覺得重點唔係有冇讀名幼，係家長提供嘅支援同準備足唔足夠。

如果好早喺呢度爬文，應該有聽過大量家長講過，考小學唔可以靠幼稚園，考小成績亮麗，背後十成十係父母發功。

我有朋友仔讀學之園滿手Offer包括女拔/德望/優才/培橋/王錦輝etc, 佢長期讀兩個唔同嘅面試班，兩個都係超級谷嗰種，所以佢唔係用學之園嘅身份考入去，係大B身份加學之園加父母發功(讀谷嘅面試班，父母要跟好多度，練習好多)。

我朋友都係攞晒Offer先至同我哋朋友分享，其實佢讀咁多面試班。如果你唔認識佢，你以為佢用學之園身份去攞到咁好成績….

所以如果係明白嘅規矩，就知道好多考試成績亮麗嘅小朋友，父母係好拼命。佢哋嘅盡力同用力，唔係一般家長講嘅盡力，程度其實唔一樣。

我睇盡身邊朋友嘅個案，如果唔係讀名幼，機會係有受到影響，但係唔係咁大。

我自己小朋友嘅幼稚園都係冇學術，自己教，有上面試班亦跟到足，三四個Offer都會有。

PeppaMami

回覆 Anaisbear 的帖子

多謝你嘅分享，我好想知道小朋友要去到點樣嘅學術深度呢？

patsm

学術K3頭可應付到小一已足夠,係中英數常全面性,呢d係基本入場券,但考小唔係單靠學術,小朋友主动,學以致用,突出到優点才是優勢,再加上有禮愛笑,懂得與人分享,才可突圍

Azzurro

你從心儀嘅小學睇學生從邊啲幼稚園黎
你就知道點樣部署
我小朋友嘅中上小學大概係咁：60%名牌幼稚園，20%收費幼稚園，20%免費幼稚園
你自己想象最好嘅小學係點啦

目前呢個遊戲規則已經二十年（直資有二十年歷史）
好多萬人經過呢個遊戲流水線
跟規則去玩係錯唔到

但是話說回頭，正如某校長說：最重要贏在終點線！
不少人係神校最後都去唔到神科

glo000

咁多年...成日都講乜乜名幼先入到，計下數先，間間名幼都百幾至幾百人只有當中十個八個學生入到名小...仲要有好多係識人/有家姐哥哥向名校入面讀或舊生仔女先收入名幼...N無入到名小果班真係天生叻同醒目底，父母出少少力谷都叻過人，唔係好關間學校事，叻小朋友間間名幼名小都想收，佢地滿手offer 好易入，睇清楚有雞先定蛋先

fmf903

PeppaMami 發表於 23-3-20 08:08
回覆 Anaisbear 的帖子

多謝你嘅分享，我好想知道小朋友要去到點樣嘅學術深度呢？

果種學術我覺得唔係片面識認字，是理解力及表達能力。還有日常生活知識。數學邏輯思維，並不是單純15以內加減，考小時，有些題目已包含代數，乘除喺裏面。

fmf903

Anaisbear 發表於 23-3-20 01:36
樓主，我覺得重點唔係有冇讀名幼，係家長提供嘅支援同準備足唔足夠。

如果好早喺呢度爬文，應該有聽過大量 ...

你覺得好啱，家長係好拼命。

P師奶

幼稚園只係起點，入名幼唔一定入到神校、神科，入券幼亦有機會喺升中、升大學時跑贏返
過去咗就算了，好好培養小朋友吧

Dollys

事實係絕大部份考得好既小朋友均來自名幼，
有時好簡單的interview內容，偏偏就係選中名幼而選唔中自己。
所以樓主後悔都正常，如果真的心儀名小，想當初應選擇名幼。

manmonster

樓主加油，不要懊悔現在已沒法改變的事，當日的決定總有當日的理由。鼓起勇氣和小朋友一起成長和努力吧。
另外，香港主流教育至今仍以「學術含量」和「苦讀」為首，想開開心心又在競爭劇烈的升小（和日後的升中）階段中脫穎而出，個人覺得一點也不容易。

kidscostume

成日有朋友問我名幼好唔好，讀成點，我會答俾得起錢就梗係讀，同基本私幼都真係有分別嘅（何況卷幼）
但夾埋車費雜費都成萬蚊一個月，值唔值呢其實就唔係好值😂

Dollys

kidscostume 發表於 23-3-20 18:19
成日有朋友問我名幼好唔好，讀成點，我會答俾得起錢就梗係讀，同基本私幼都真係有分別嘅（何況卷幼）
但夾 ...

事實考完小就覺得值。

kidscostume

回覆 Dollys 的帖子

唔至在1萬幾千就當然有得讀梗讀名幼，但我識人就要成個家庭節衣縮食咁讀，我就覺得唔值嘅。前前後後俾左30萬，其實家長都要好發功，最後成功就係學校拎哂個光環咁⋯

利申：讀緊名幼

piglover

kidscostume 發表於 23-3-20 19:17
回覆 Dollys 的帖子

唔至在1萬幾千就當然有得讀梗讀名幼，但我識人就要成個家庭節衣縮食咁讀，我就覺得唔 ...

我有朋友話讀名幼嘅人係傻嘅。

她話自己免費券幼，再加6千補習費加課外活動，覺得咁樣更有得著wor。

rchan1

piglover 發表於 23-3-20 19:39
我有朋友話讀名幼嘅人係傻嘅。

她話自己免費券幼，再加6千補習費加課外活動，覺得咁樣更有得著wor。

其實讀名幼+每月過萬興趣班學嘢好普遍

Jean1769

Dollys 發表於 23-3-20 17:54
事實係絕大部份考得好既小朋友均來自名幼，
有時好簡單的interview內容，偏偏就係選中名幼而選唔中自己。
...

exactly

如果真的心儀名小，想當初應選擇名幼。當初唔選擇，不外乎慳錢。現在錢慳左，還有乜好怨？邊有兩全其美。

名幼學術好，係幫家長慳到外補時間，唔外補都唔會死得哂。名幼就算零offer，去叩門時點都有得見一見啦