面試班的感受

aiko_0428

回覆 bkin1025 的帖子

我覺得好多老師有時會向錢看，當佢仲係你學生都會理下你，到唔比錢唔上佢堂就bye bye 你條尾

aiko_0428

回覆 sheepmeimei 的帖子

無錯，我覺得上完令我更加燥底，有時質疑小朋友既能力

Nicole-hui88

我小朋友都有上面試班，但最後係靠學術考上直私，個人認為學術重要啲，自己教好基本禮貌就ok

aiko_0428

回覆 Orhome 的帖子

多謝你，無錯，親子關係係最緊要，考唔到都唔係重要

aiko_0428

回覆 Nicole-hui88 的帖子

多謝你，呢d野都係要父母教，身教都好緊要

yeeling0101

其實揾一間夾嘅唔易我去過九龍塘個間，上左1,2個月，好彩轉左online,先知個老師咁唔掂，轉數好慢，有小朋友係車上緊，影響到舉手，正常人做法，應該變輪住答，再提下家長下次唔好係車上就ok,佢竟然叫人停車上堂，好啦，個家長又真係泊埋一邊，但佢到落堂都無再叫小朋友舉手答問題，總之好多呢啲奇怪野。
之後我又去另一間，疫情見佢上zoom堂都ok,但到復課，多客佢做唔切，覆得好慢，comment好虛，我又轉了。
然後，又去另一間，上上下zoom，佢轉面授上唔到，又轉
最後，二月開始上朋友介紹呢間，小朋友夾到，上得開心。
遇到夾ge係緣份，我覺得最重要係覺得唔適合就即走，唔好浪費時間

aiko_0428

回覆 yeeling0101 的帖子

無錯，夾到就好，夾唔到都係趁早走

大波大

其實小朋友仲好細架咋，佢哋有唔同階段嘅領悟同埋行為表現，比啲耐性去調教，可能當中家長要嘔好多血，但你會有一日感覺到佢哋有改變，佢哋係會時好時差，有恆心一定教得好，加油！

laigillian

上年我仔上面試班，我既情緒都係大起大落，老師comments 大過天，上zoom時要超安靜，要求阿仔超專心，如果阿仔唔答問題我又會勁嬲。上返實體時，見到張分紙面都黑晒，辛苦到不得了。

如果小朋友聽教，家長可以自己教面試技巧，再係ek搵返以前既posts，睇下每間學校考d咩。

俾心機～～

Mrscatcatfung

首要選愛心的学校，照顧了小人兒的情绪發展先。

我小時候入了一間地區一線，課堂規舉嚴格，老師很惡。好大心理壓力，常害怕坐不好，做不好捱罵。總希望老師留意不到我，我那天便平安了。

pwhr

放鬆點, 已進入直路, 捱埋佢, 如果小朋友真係唔願意上面試班, 轉第二間, 未必好之餘小朋友又需要時間適應,倒不如考慮呢兩個月辛苦啲自己同佢操

hermionexxxx

本來還想報名試下，看完留言我都決定不上面試班了。。。

aiko_0428

回覆 大波大 的帖子

講真，真係自己教無咁嬲，出去教，好與壞都係單憑老師既評語，聽完真係影響心情

HK-CR7

回覆 aiko_0428 的帖子

介唔介意講邊間面試班？ ＰＭ我都可以， 我地宜家搵緊面試班， 最怕碰到呢類學校同老師， 謝謝
不過我覺得搵到間夾既好重要， 同埋唔好將老師講既野太上心， 加油！

KWLW

出去上面試班其實都係想下有乜技巧，放鬆D
都明白上完堂大家都想小朋友俾老師讚，增強下佢地的信心

不過家長都真係不用對老師的評語太上心

TY168

朋友上年上過九龍塘有啲名氣面試班，基本上俾老師踩到一定冇學校收，我朋友重喊左好多次，
但結果都有幾個不錯既offer (不是神校)。
今年到我，我覺得盡咗力就算，大家加油

aiko_0428

回覆 laigillian 的帖子

好有同感，老師評語大過天，依家唔再上，比時間同仔仔玩多d仲開心

aiko_0428

回覆 Mrscatcatfung 的帖子

原來咁大壓力，其實我都已經唔係簡神校，我簡間比教活動教學，但坊間面試班一定要要求你坐定定，我仔仔根本做唔到佢要求

aiko_0428

回覆 HK-CR7 的帖子

其實我簡個間已經係比一般出面開心架啦，初初覺得都幾好，堂堂都開心，但一到模擬面試就，我仔仔咁活躍根本做唔到佢要求，評語越黎越差，我都唔知繼續上黎做咩，或者咁講，面試班根本唔適合一d比教活躍小朋友，佢哋要求就係要坐到好似公仔咁靚，答問題要完整句子，所以邊間都係一間

aiko_0428

回覆 hermionexxxx 的帖子

自己教好過，真係浪費金錢同時間，仲要即使上左唔代表一定入面直資/私校