直資抽飛改另一間直資

popodordor

王家爸爸 發表於 21-3-12 09:54
五、六月先call waiting入直資既，其實最著數。

唔好意思，我想問吓：

係咩情況下即知會去到五、六月才會call waiting？因為學生喺last minute 先抽飛？

假設本來有直資A及自行offer，係5月初之前，家長已經要二選一。如果選擇直資A，就唔會抽飛，咁樣就算直資B call waiting都無得註册喎，除非B肯信佢7月收到派位紙之後都仲揀佢，B先會肯留位比學生？

如果手上只得自行Offer，去到五六月才有直資B call waiting 的，就仲有「小六學生資料」在手上，可以直接註冊。

如果咁講，直資A不是最心儀的話，係咪應該係4月12日前抽返飛先呢？

Poyau

popodordor 發表於 21-3-13 12:52
唔好意思，我想問吓：

係咩情況下即知會去到五、六月才會call waiting？因為學生喺last minute 先抽飛？

假設已有直資A再獲官津自行正取
如選官津 直資抽飛限期為4月12日

cowboybaby

Poyau 發表於 21-3-13 20:56
假設已有直資A再獲官津自行正取
如選官津 直資抽飛限期為4月12日

請問有冇直資學校係 如果佢依家收咗你， 就會報上教育局， 自行學位都會自動取消？thx

Poyau

cowboybaby 發表於 21-3-13 22:36
請問有冇直資學校係 如果佢依家收咗你， 就會報上教育局， 自行學位都會自動取消？thx
...

EDB眀言限期或之前可以抽飛
直資應該唔會12/4限期前交名單
即使限期前已交亦不應影響自行

https://www.info.gov.hk/gia/general/202012/02/P2020120200301.htm

「如家長決定放棄該非參加派位直資中學的學位，可於二○二一年四月十二日或之前通知有關直資中學及取回《家長承諾書》和《小六學生資料表》的正本，以保留在自行分配學位階段成功申請的學位。」

SLHongkonger

popodordor 發表於 21-3-13 12:52
唔好意思，我想問吓：

係咩情況下即知會去到五、六月才會call waiting？因為學生喺last minute 先抽飛？

我唔知其他直資做法

但上年 我知道某直資做法係4月收完之後 佢到7月放榜日之後先再call
5 6月無聽聞過佢有俾offer

mcl203

popodordor 發表於 21-3-13 12:52
唔好意思，我想問吓：

係咩情況下即知會去到五、六月才會call waiting？因為學生喺last minute 先抽飛？

其實，直資註冊係唔一定要收你學生資料表，只係，當佢哋放你入名單而又交上EDB，係一定要有資料表證明你係同意放棄派位。即係，佢唔要求你交資料表亦可以，代表佢唔提上EDB而亦鎖唔住你無其他offer，亦所以一般唔會係5-6月仲俾offer。以往有一年，有家長分享過佢派位係去咗官津，但早已註冊咗某直資，亦交咗資料表，應該係該直資無交收生表上EDB~~~

我見過係有直資係7月放榜前出offer，可能係6月尾7月頭，可能原因係已經近放榜日，早點通知讓學生作選擇，反正已影響不大～～～

cowboybaby

Poyau 發表於 21-3-14 09:55
EDB眀言限期或之前可以抽飛
直資應該唔會12/4限期前交名單
即使限期前已交亦不應影響自行

明白，謝謝你

小時了了

之前，7月尾仲有直資call waiting 生註册
https://www.edu-kingdom.com/forum.php?mod=viewthread&tid=3420004

另外, 去年 2020年, 我記得7月中至尾, 有EK 網友係 EK 升中派位版講過有收到匯基 call 取錄 >> https://www.edu-kingdom.com/forum.php?mod=viewthread&tid=3815991&extra=page%3D40&page=19
#369  2020年，7月23日滙基仲 call pending 生註册

小時了了

mcl203 發表於 21-3-14 10:47
其實，直資註冊係唔一定要收你學生資料表，只係，當佢哋放你入名單而又交上EDB，係一定要有資料表證明你係同意放棄派位。即係，佢唔要求你交資料表亦可以，代表佢唔提上EDB而亦鎖唔住你無其他offer，亦所以一般唔會係5-6月仲俾offer。以往有一年，有家長分享過佢派位係去咗官津，但早已註冊咗某直資，亦交咗資料表，應該係該直資無交收生表上EDB~~~
我見過係有直資係7月放榜前出offer，可能係6月尾7月頭，可能原因係已經近放榜日，早點通知讓學生作選擇，反正已影響不大～～～

呢個，以我所知及理解認同你

當年孩子升中時我曾打過電話問過教育局職員，我記得職員講教育局無要求直資學校交"小六學生資料表"俾教育局，而直資學校要求家長交"小六學生資料表"係學校與家長之間協議，教育局唔會理。

利申: 我記憶大約意思(4年前資料，當時未有自行分配學位提早公佈)，唔係百份百教育局職員口述全部。

後補資料如下：睇返教育局官方網站資料及文件，原來真係直資學校唔需要交 "小六學生資料表" 俾教育局的，直資學校只需要交俾教育局文件係《錄取的參加派位學生名單》及學生家長簽妥的《家長承諾書》副本。


如果自行學校收咗，唔洗交"小六學生資料表"註冊，唯一要做嘅係必須確保已取錄嘅直資唔好交自己孩子名俾教育局 &《家長承諾書》副本唔好交教育局，最好連"小六學生資料表"都攞得返。

中學學位分配辦法內容 (自行) https://www.edb.gov.hk/tc/edu-system/primary-secondary/spa-systems/secondary-spa/general-info/index.html >> 2018/2020年度開始實施自行分配學位正取學生的新通知安排 - 教育局通告第18/2019 號https://www.edb.gov.hk/attachment/tc/edu-system/primary-secondary/spa-systems/secondary-spa/general-info/EDBC18_2019_early%20notification_TC.pdf
3. 由2020 年度中學學位分配辦法開始實施的新通知安排乃行政措施，現行中學學位分配辦法機制並無改變。有關通知安排的重點如下：

(i ) 有意申請自行分配學位的學生家長會如常於每年1 月期間向不多於兩所屬意的參加派位中學遞交申請。

(i i) 參加派位中學須於3 月底前完成所有甄選程序後， 於教育局指定的日期（ 一般在3 月底／ 4 月初） 通知正取學生家長其子女已獲學校納入其自行分配學位正取學生名單。有關的通知安排不包括備取及落選學生。

(i ii ) 獲參加派位中學通知為正取學生的家長毋須就通知作出回應，亦毋須於4 月開展的統一派位階段填寫選校表格。

(iv ) 如個別學生家長分別獲兩所參加派位中學通知其子女獲甄選為正取學生， 他們會按現行中學學位分配辦法機制獲派首選的中學， 而部分學生（ 包括沒有收到學校通知為正取學生， 或只收到次選學校通知為正取學生的學生） 或會以備取學生身份獲派自行分配學位的中學（ 包括首選的中學） 。

(v ) 如有關家長亦有為子女申請非參加派位直資中學學位並已獲通知錄取， 可於指定時間內決定是否保留該學位。如家長決定保留該學位， 他們毋須理會有關通知。若有關家長決定放棄非參加派位直資中學的學位， 可於4 月指定時間內（ 即收到學校通知後約一星期內） 通知有關直資中學及取回《家長承諾書》和《小六學生資料表》的正本， 以保留在自行分配學位階段成功申請的學位。

直資中學 https://www.edb.gov.hk/attachment/tc/edu-system/primary-secondary/spa-systems/secondary-spa/general-info/NDSS_List_SSPA1921.pdf
Footnote:
非參加派位直資中學可自訂申請日期，家長須直接向有關中學查詢。由於學生申請非參加派位直資中學的數目並無限制，故此，學生可能會獲多所非參加派位直資中學錄取，但只要家長將簽妥的《家長承諾書》及《 小六學生資料表》正本呈繳予其中一所錄取其子女的學校，即表示確認接受有關非參加派位直資中學的中一學位，並願意放棄其他政府資助中一學位（包括自行分配學位及統一派位），學校會於 2021 年 5 月初或以前通知教育局家長的決定。教育局在收到非參加派位直資中學遞交的《錄取的參加派位學生名單》及學生家長簽妥的《家長承諾書》副本後，將不會透過中學學位分配辦法把有關學生分配到其他中學。

cartierkwan

請問如想申請某間直資，但之前無報名，如在4月先申請，係咪唔會有直資中學4月或5月可申請？只有到統一派位後先可以叩門？定還是叩門機會也很低？

Poyau

cartierkwan 發表於 21-3-26 08:28
請問如想申請某間直資，但之前無報名，如在4月先申請，係咪唔會有直資中學4月或5月可申請？只有到統一派位 ...

啟思 第二輪申請截止日期30/4

https://www.css.edu.hk/admission-to-secondary-1