網貨之後，大家小朋友嘅成績係上升了或是下滑呢？

qpalzm

little_yolky 發表於 20-12-29 17:23
其實停課都無增加額外資源，咪就多咗阿媽跟一跟，考試前同佢講一次考試內容，講到喉嚨痛，病咗
...

有好多學生阿爸阿媽都做到好夜先返, 學識唔高又唔係掙得多錢。時間、錢同學識都係資源黎。

little_yolky

qpalzm 發表於 20-12-29 22:57
有好多學生阿爸阿媽都做到好夜先返, 學識唔高又唔係掙得多錢。時間、錢同學識都係資源黎。 ...

呢D就算停課唔停課都係一樣。停課最大問題反而係小朋友無限制打機，小學生尤其嚴重

qpalzm

little_yolky 發表於 20-12-30 12:54
呢D就算停課唔停課都係一樣。停課最大問題反而係小朋友無限制打機，小學生尤其嚴重
...

返學最少有老師睇住大半日, 對比成日無人睇已經差好遠。
當然返學唔代表一定會成材, 但的確係有佢效果的。

little_yolky

qpalzm 發表於 20-12-30 13:49
返學最少有老師睇住大半日, 對比成日無人睇已經差好遠。
當然返學唔代表一定會成材, 但的確係有佢效果的。
...

本帖最後由 little_yolky 於 20-12-30 21:56 編輯

返學發夢vs屋企打機，

屋企有資源既就踢去補全科。不過呢類人停唔停課都係補全科。無資源既就返唔返學都無得補全科。

我反而好奇有無小朋友返學努力但停課打機，令成績下滑。

qpalzm

little_yolky 發表於 20-12-30 21:56
本帖最後由 little_yolky 於 20-12-30 21:56 編輯

返學發夢vs屋企打機，

永遠返學都可以發夢, 永遠屋企都可以溫書, 唔講個別例子, 停課對基層學生真係有影響。
試下同親身經歷D老師傾下, 有好多教師都反映, 由於上年K3下學期多停課, 今年有部份小一生認知明顯較往年差。

little_yolky

qpalzm 發表於 20-12-30 22:48
永遠返學都可以發夢, 永遠屋企都可以溫書, 唔講個別例子, 停課對基層學生真係有影響。
試下同親身經歷D老師 ...

我想指出，停課唔單止對基層學生有影響，係對大部分學生都有影響，所以唔好成日highlight基層。小學雞嘢，要有幾多學識去教？中產好多都係雙職家庭，都係好夜放工。如果話有補習就得咁又同停課無關係喔，唔停課大家都係咁補㗎啦，又唔見個個狀元都係有錢人。我哋小學基本無基層學生，但係個個打機打到天昏地暗。你話家庭有資源？小朋友個心散咗，補習根本救唔到幾多，就算你話FTM又如何，聽你講至得，聽講就唔會日日掛住打機啦。今次呈二，班主任話有D小朋友直跣落廿名，D成績咁多咁過山車，我哋學校過去好少見。

qpalzm

little_yolky 發表於 20-12-31 12:47
我想指出，停課唔單止對基層學生有影響，係對大部分學生都有影響，所以唔好成日highlight基層。小學雞嘢， ...

停課人人都辛苦, 我地都係雙職0補習家長, 都係日日嘔血。
只係數據顯示, 由於基層家庭缺乏flexibility, 對學生影響最大咁解。

b3410

little_yolky 發表於 20-12-31 12:47
我想指出，停課唔單止對基層學生有影響，係對大部分學生都有影響，所以唔好成日highlight基層。小學雞嘢， ...

依家網上資源好豐富，真係無需要浪費錢/時間去補習。

https://www.thenational.academy/

介紹一個網站，我最細果個每日會自己plan 當日想學的topic，例如keystage II, English, 有writing and reading . 自己也拎出本圖書，跟instruction 讀一次，對著空氣答問題，再寫。都玩的不亦樂乎。佢平時唔係好鐘意睇小說，依家有堂上，有老師帶，反而睇多咗書。

science 課也不錯，揀自己上學期教過的，或者下學期準備教的，或者感興趣的內容，自學。

notes 都寫咗好多。

Amychannn

因為都有keep住幫佢搵補習姐姐 所以都冇話甩左好多

qpalzm

b3410 發表於 20-12-31 13:40
依家網上資源好豐富，真係無需要浪費錢/時間去補習。

https://www.thenational.academy/

有D人去補習唔係知識問題, 係想搵人睇住佢做野, 唔駛自己咁嘔血。
剛剛先完嘔血, 明明2個令鐘做嘅野比佢拖黎做足5個鐘, 同佢對恃5個鐘我只用口無用手自問已好高EQ, 我有時都諗係咪應該搵補習等自己無咁嘔血。

b3410

qpalzm 發表於 20-12-31 16:55
有D人去補習唔係知識問題, 係想搵人睇住佢做野, 唔駛自己咁嘔血。
剛剛先完嘔血, 明明2個令鐘做嘅野比佢拖 ...

睇到我都想用手


不過無論嘔血還是爆血管，捱過一個階段，就會順返。外判咗就未必可以再自己接收返。

qpalzm

b3410 發表於 20-12-31 17:13
睇到我都想用手

我估你睇埋落去直頭會搞出人命
個5個鐘做乜：

除小休外完全無玩無睇電視
5個鐘去成10次廁所, 每次佢去完要拉佢返位
一坐低話眼訓, 再唔係話肚餓
玩紙玩筆玩手指玩腳趾玩擦膠碎(今日凍帶手套玩埋手套)
發夢, 要定時check佢係咪望住本書
話做完但成版做漏
抄錯數學題目重做
自己草算太核突, 自己都睇錯自己寫乜重做
懶得抄落紙用心又計錯重做
抄個英文字抄錯重做
不能盡錄

b3410

qpalzm 發表於 20-12-31 17:32
我估你睇埋落去直頭會搞出人命
個5個鐘做乜：

咁不如大家一起玩陣先，佢都無心機做。玩的開心再做正經野。

qpalzm

b3410 發表於 21-1-1 15:32
咁不如大家一起玩陣先，佢都無心機做。玩的開心再做正經野。

點會未試過, 如果睇電視睇完一定攤係度更pea, 玩就一定玩過時, 越搞越晏越無精神。試過咁多方法都係襯最有精神個時做完D正經野, 之後放心玩最有效。

b3410

qpalzm 發表於 21-1-1 17:18
點會未試過, 如果睇電視睇完一定攤係度更pea, 玩就一定玩過時, 越搞越晏越無精神。試過咁多方法都係襯最有 ...

咁就真係要用埋手了

b3410

swytca 發表於 21-1-1 19:01
已經搞出人命啦，睇新聞，一個媽媽帶3個小朋友，除左做全部家務總要幫小朋友溫習輔導，受不了，上吊了。 ...

3個小朋友的話，一定要學習如何取捨，好難同一時間兼顧。

qpalzm

swytca 發表於 21-1-1 19:17
其實可以精力只放一個小朋友身上，另外小朋友看到會受感染，也會自覺主動要求做功課，小朋友都有爭寵心裡， ...

如果好似我大個個咁hea爆, 我既想像係, 淨係搞一個, 跟住另外兩個走去玩, 第一個見到另外兩個有得玩自己無, 扭計唔肯做野, 結果3個都搞唔到
同一方法, 唔同性格出黎效果可以好唔同, 唯有試下唔同方法睇下邊個work

happiemm

幾年班？好明顯對功課零興趣