連續幾間Reject嘅心情，難以言喻⋯

bebehu

藴藴 發表於 20-11-7 11:14
琴晚收埋最後兩個rejected ，全軍覆沒，而朋友仔有3個2nd in，不停自問失敗係邊？
自問學數ok，英文能自行 ...

我記得你，Rejected係唔係有個培僑？不過你個仔咁優秀都唔得？
我哋都係PKU同WKF入唔到二面，不甘心實有，因為成2000個人入去，我覺得嬴面成數大嘅。
咁妳下一步有冇其它計划？

TONG0720

藴藴 發表於 20-11-7 11:14
琴晚收埋最後兩個rejected ，全軍覆沒，而朋友仔有3個2nd in，不停自問失敗係邊？
自問學數ok，英文能自行 ...

你呢段話睇到我眼濕濕，霖起我仔仔兩年前嘅情況，係一模一樣。但我果個當時好內向。媽媽係呢刻一定難免不了傷心，但希望你可以收拾好心情再迎戰，千企唔好放棄，仲有九龍塘小學下星期一開始報名，仲有大抽獎...如果未能如願都仲有叩門，學術叻一定最後有學校欣賞，加油啊(emoji)

bebehu

Nicole-hui88 發表於 20-11-7 11:20
無對比無傷害，特別係男仔同女仔根本唔可以比，女仔點都定過男仔㗎

無錯，女仔語言能力亦都略勝D

synthesis

bebehu 發表於 20-11-7 07:50
小朋友私幼，自認學術ok，英文不錯。撞啱今年我好朋友個女亦一齊考小一，我哋一齊加油打氣。努力到今日，距 ...

我一向好少留言，見到你嘅故事諗起我當年，想鼓勵你唔好灰心
當年我報咗七間私小，全部reject. 只有一間waiting.  我又係認為我個女都幾叻，點解冇學校收，down 咗一排，唯有寄望大抽獎，點知抽中寶校，幾乎崩潰，唯有叩門，點知又係全部reject. 只有一間非心儀嘅有offer.   無辦法之下都要接受。臨開學前兩日，waiting 嗰間有offer ，雖然唔係最心儀但都好開心，讀咗一年轉校又成功喎，仲要係最心儀嗰間
所以如果係叻嘅，而你又努力過，一定會讀到你想要嘅學校，希望在人間吖！ 共勉之

Nicole-hui88

bebehu 發表於 20-11-7 11:31
無錯，女仔語言能力亦都略勝D

不過尋日收到英華reject ，都好唔開心

藴藴

TONG0720 發表於 20-11-7 11:30
你呢段話睇到我眼濕濕，霖起我仔仔兩年前嘅情況，係一模一樣。但我果個當時好內向。媽媽係呢刻一定難免不 ...

同一間幼稚園，相差太多，有人成手offer，有人連一個2nd 都無，唯一共同點係佢地父母係專業人士，我老公係普通打工仔，因為疫情影響收入，所以我無報比較貴既小學，始終學費4、5千，連校車補習雜費等，而家我地家庭負擔唔起，始終我地都要生活，衣食住行樣樣都要錢，無大包圍，只報左5間心儀既學費較平既小學。
今年因疫情，好多證書trinity 、Starters考唔切，而且仔仔花左好多時間操水，教練話佢成績比賽拎頭五名無問題，可惜因為疫情無再游，今年更加無比賽。
只有普通話GAPSK 初中高級既卓越成績證書，朗誦比賽有一個季軍，幾個優異，Oxford phonics 發出既優異學生證書。
我係全職媽媽，每日伴讀，去興趣班，去學游泳等，付出左好多時間同心機，三年時間感覺一場空，見到同學媽媽報喜，好難受，好想退群

DengCK

deleted

Galaxymommy

樓上嘅媽媽我引用唔到回覆，只想比d鼓勵你，相信你已經將能力範圍內最好嘅比左小朋友，仔仔好叻，而家因客觀因素發唔到力又好、大器晚成又好，相信最好嘅還在後頭，加油！洗錢好易，陪伴最難，唔好怪自己。

skb2015

bebehu 發表於 20-11-7 07:50
小朋友私幼，自認學術ok，英文不錯。撞啱今年我好朋友個女亦一齊考小一，我哋一齊加油打氣。努力到今日，距 ...

樓主振作啲。而家先上半場，仲有好多機會。唔好咁大壓力。最好的尚未來臨。

xubin2008

bebehu 發表於 20-11-7 07:50
小朋友私幼，自認學術ok，英文不錯。撞啱今年我好朋友個女亦一齊考小一，我哋一齊加油打氣。努力到今日，距 ...

真係唔好灰心，小朋友好叻叻，我都係心情好差2間不中，但不想小朋友見到媽咪不開心

yanyanb0401

bebehu 發表於 20-11-7 09:58
其實係自己自責多啲，質疑自己教育方向有冇錯？完全唔關小朋友事，因為覺得小朋友係努力向上嘅乖仔。
...

我都有這種自責的感覺多於覺得小朋友唔夠好.既然都已成定局，趁今日咁好天氣，出去玩下，行下放鬆下自己.望住小朋友開心的笑容.開心健康成長，已經是我們當初為人父母的心願.勿忘初心加油(emoji)(emoji)

藴藴

DengCK 發表於 20-11-7 12:20
我為例，父母不是專業人士，叫做中層管理層。無任何英文普通話證書只是有一張朗誦節普通獎，一張學校學業獎 ...

我地當然唔知學校要d咩，無可否認自己既失敗，傷心難過難免，更難面對同學之間既差距。
而家唯有收拾心情為扣門努力，小兒特長一個係游泳，四歲幾已經可以自由式游到100米，一個係閱讀，歲幾開始伴讀，維持到而家，每日都會閱讀1-2小時，只係唔知扣門咩玩法。
有時都會內疚因為今年收入減少左四成，無能力再供佢讀私小...

DengCK

回覆 藴藴 的帖子

如果不是特偏好活動教學，又肯谷的話，津校無乜唔好。而且津校學生多元化，叻又有，唔叻又有，另一方面睇係易d考到頭幾名，有助細路建立自信。
入到名直私，個個學生都咁上下，家長一定係跟得貼。要做名列前矛很難。

lambeanmama

藴藴 發表於 20-11-7 11:14
琴晚收埋最後兩個rejected ，全軍覆沒，而朋友仔有3個2nd in，不停自問失敗係邊？
自問學數ok，英文能自行 ...

點會付出一場空呢？知識學了是屬於自己的。如果小朋友能力有呢個地步，叩門不用擔心。再講，其實上到小學真的是另一戰線開始。如果真係「好唔甘心」的，小一小二努力一吓，插班試試。

加油。

fwstides

DengCK 發表於 20-11-7 13:32
回覆 藴藴 的帖子

如果不是特偏好活動教學，又肯谷的話，津校無乜唔好。而且津校學生多元化，叻又有，唔叻 ...

係 津校更會花時間拔尖補底 小朋友資質不差確容易建立自信心 無咩問題

直私大家起步點高，學校唔谷都預家長會谷，追不上的學生學校不會太理會...或者你已做得很好，但永遠會覺得不夠，對自信心建立或有影響，當然這也跟期望有關，而家經過升小應有體會，可以點做都自覺不足，追追趕趕

讀神校出來做freelance, 開cafe也有，不想再競爭的也大有人在。這絕對沒問題，只是想講，成長變數太多，世事無絕對，人通常期望過高然後發現其實不外如是...適唔適合，也只有事後先知

要相信小朋友

藴藴

DengCK 發表於 20-11-7 13:32
回覆 藴藴 的帖子

如果不是特偏好活動教學，又肯谷的話，津校無乜唔好。而且津校學生多元化，叻又有，唔叻 ...

小兒受谷，課堂表現活躍會主動舉手簽答問題，英文好過中文，唯一係寫字唔靚，畫畫、音樂學過一段時間都因為唔鐘意而放棄左，反而運動方面有興趣及天份。
請教一下，如果扣門睇唔睇證書？英文老師話佢考Starters或Movers都可以，
打算出年兩個都考，，再考個trinity gese3，數學方面20以內加減可以心算，學緊100以內加減，中文方面可以寫到簡單句子，默寫到常用詞語例如「爸爸、媽媽、水果、你、我、他，們、的、公園、超人、生日快樂」，希望出年可以參加游泳比賽，拎個成績去扣門。
只係唔知扣門睇咩，應該手揸自行母校，升中30%band1既津小再去扣門，定係放棄自行果間去博大抽獎好。
道理大家都明，但當輪到自己既時候，果種感覺真係難以形容，實在太明白樓主既心情。

b3410

藴藴 發表於 20-11-7 14:13
小兒受谷，課堂表現活躍會主動舉手簽答問題，英文好過中文，唯一係寫字唔靚，畫畫、音樂學過一段時間都因 ...

如果經濟方面有隱憂，的確更加適合官津校。小朋友裝備的好好，就算抽唔到，叩門的實力也不錯。雖然心裏壓力大些，不過，可能結局更加好。

cy372818

回覆 藴藴 的帖子

Starters 而家可以報啦, 我女十月初先考完....你要預考完2個月先有結果, 所以要預早準備, 等叩門有得用喎...

Lilianyu500

藴藴 發表於 20-11-7 11:58
同一間幼稚園，相差太多，有人成手offer，有人連一個2nd 都無，唯一共同點係佢地父母係專業人士，我老公係 ...

我覺得你都係要將個重點放返喺學術上,雖然唔係話游水唔好,但係喺呢個階段,游水係一個portfolio裏面都好似係一個配菜咁樣. 主菜都係睇 孩子與人應對 ,中英文的能力 ,說話能力,show and tell,及說故事的表現。 這是我個人意見。

xAlexNgx

回覆 Lilianyu500 的帖子

十分認同。