請教: 港華 vs 港同

christy2011

回覆 mygift 的帖子

依兩間真係差不多，英文mss level4 %去到9x% 但無登level 5 %
反而港同有

LittlePigmom

回覆 judith07 的帖子

我仔果時都係港華同港同中選擇，結果決定搏港同。其實去完面試，仔已不喜歡港華的老師，年紀大等退休果d. 我仔都唔自律又懶散，港同係好自由但都有好多野做，並不hea。最重要係我仔係慢熱不善社交，港同比左好多機會迫他出黎講野，面對群眾，d同學好主動，令他社交都改善左，難得d同學會接受他，主動不停同他講野。當時我無太著重學術方面，始終肯讀書，呢兩間都唔會差。最重要他係邊間可以發揮到，邊間學校可以同小朋友性格相輔相乘。所以決定跳出傳統揾叻一片天地。係呢個疫情下，我更覺絕無選擇錯，不論學業上，學校連學生心理上都關注。

LittlePigmom

回覆 mygift 的帖子

問下個女鐘意邊間，反而女仔我會揀女校，我女上年都係揀女校，女仔在男女校較分心。我女不屬於好聰明同學野她要好有系統，在活動中學習，她未掌握到。傳統女校較適合。講真讀港同，小朋友點都係開心。
只係我覺得女係傳統女校似乎發展得好d. 我中一，二都可以輔助下。港同的課程家長跟唔到，真係自由發展。

sawn

今日有人同我講港同唔係傳統名校，日後冇關係網、成績冇保證，令我又諗多咗。撇去非傳統名校因素，我實在冇理由唔去選擇一間適合自己阿仔而又非常有heart嘅學校。睇完樓上各位分析，個心又定咗好多。

cafeva

mygift 發表於 20-4-8 21:51
想請教大家, 如果是女仔, 情況差不多, 瑪利曼 對 港同   大家會如何選擇？謝謝
...

情況好唔同。瑪利曼1A成績

Charlotte_mom

LittlePigmom 發表於 20-4-8 22:18
回覆 mygift 的帖子

問下個女鐘意邊間，反而女仔我會揀女校，我女上年都係揀女校，女仔在男女校較分心。我 ...

我自己女校出黎
有樣野我幾遺憾，係我從來無異性好朋友
有研究話，一生人最重要嘅朋友係中學時期識嘅，呢樣我好同意。成長階段，大家對大家家庭背景都熟，真係咩臭史都唔怕講。到人成熟左，已經無果份勇氣去交心
我女男女校大，佢有好好嘅同性朋友，亦有好好嘅男性朋友，互相照顧嘅，一齊玩嘅，講心事嘅。佢有同我講，有時成堆女仔都煩，是非多又小氣，有時同男仔反而傾到計（唔過電架、真friend黎，學佢話齋望住班麻甩仔日日做埋d白痴野仲有咩遐想）

Charlotte_mom

cafeva 發表於 20-4-8 22:33
情況好唔同。瑪利曼1A成績

瑪利曼確係好學校，舊生網絡亦遠較港同強

ucw

回覆 Charlotte_mom 的帖子

好睇係邊間女校同個學生本身個性。

有啲女校，尤其某些天主教會，係連聯校都唔會有。咁如果無其他connection，如補習、小學、街外活動，係限制咗識同齡異性嘅機會。

個性就唔多講。主動被動已經有分別。

bbeasy25

LittlePigmom 發表於 20-4-8 22:10
回覆 judith07 的帖子

我仔果時都係港華同港同中選擇，結果決定搏港同。其實去完面試，仔已不喜歡港華的老 ...

"係呢個疫情下，我更覺絕無選擇錯，不論學業上，學校連學生心理上都關注。"
非常同意, 真心覺得無揀錯

judith07

LittlePigmom 發表於 20-4-8 22:10
回覆 judith07 的帖子

我仔果時都係港華同港同中選擇，結果決定搏港同。其實去完面試，仔已不喜歡港華的老 ...

LittlePigmom, 很多謝你的分享，很高興你當時為兒子作出了正確的選擇。
大家似乎對港同評價頗高啊!😊
想問下港同學生係咪經常耍做project, 係咪用好多new technology?
我囝個人好disorganized, 我怕佢handle唔到!

judith07

IloveJJ 發表於 20-4-8 23:09
咁好似兩間都唔啱喎！無第三間了嗎？

冇啦!😅請問有冇港華用家可以分享下呢?
謝謝!😊

bbeasy25

judith07 發表於 20-4-9 11:37
LittlePigmom, 很多謝你的分享，很高興你當時為兒子作出了正確的選擇。
大家似乎對港同評價頗高啊!😊 ...

1人1 pad/notebook, 學校規定, 有時會用google classroom 交功課, 出通告等, F.1要習慣, 不過好快適應. 要做project, 多presentation做. 其實小朋友自己會適應, 學校經過三輪面試而又收, 肯定覺得仔仔適合, 無必要太擔心,.
我提多一點, 如果家長係要事事都要跟足, 不能放手, 可能港同未能滿足家長要求, 因為學校鼓勵自律自發學習.

奥脫福

IloveJJ 發表於 20-4-9 11:45
EK好似好少港華用家

我相信每十個華仁仔至少有八個都會甚有「傳承」的觀念，係可能的程況
下都會想自己的仔仔返母校。。。所以根本不會在呢類ｖｓ文章上面浪費
時間。

mcl203

奥脫福 發表於 20-4-9 12:37
我相信每十個華仁仔至少有八個都會甚有「傳承」的觀念，係可能的程況
下都會想自己的仔仔返母校。。。所 ...

同意，大部分傳統學校一向都唔太多網上分享～～～

mikalaw

回覆 Charlotte_mom 的帖子

我個女一直讀女校，嚟緊入港同，我哋一直覺得港同好適合阿女, 唯一擔心驚阿女讀男女校分心，聽完你講又正面好多，不過其實好多嘢整定，唔擔心得咁多。最緊要是不要死谷，死讀書。

LittlePigmom

回覆 Charlotte_mom 的帖子

講真睇小朋友性格，我自小都讀男女校，一個男仔朋友都無，男女校都各自玩。我仔係港同都無女仔朋友，廢事轉頭又好多緋聞，好鬼煩。
每個小朋友性格不同，家長期望不同，我只可說每間學校都有其優點缺點。
港華的傳承同歸屬感係做得好好，我都好喜歡，呢間學校我睇左三次，唔鐘意都不會揀，只是當時我地唔知自行的結果，又發現仔可能跳出傳統，可對將來有幫助。天時地利人和下選擇當時覺得最適合。
講真女校同男校果種團結，同男女校不同，係陸運會見到個分別好大。

LSYHK

bbeasy25 發表於 20-4-9 12:22
1人1 pad/notebook, 學校規定, 有時會用google classroom 交功課, 出通告等, F.1要習慣, 不過好快適應. 要 ...

請教一下

Pad 有無特別要求？
想留意定