小一後對功課

Jane1983

回覆 miriam 的帖子

我女初小有個數學老師都係咁講。佢話咁樣佢係改功課先可以知道實況，有無咩地方需要講多d，解釋好d。呢種做法其實好make sense。
說到底，都係睇小朋友情況和老師有無嫌棄。教仔女無一條公式，不過只要有心，一定有辦法。

MrBeast

miriam 發表於 19-10-21 09:44
我同朋友講會話返我轉頭, 唔明緊係要講到佢明喇, 做唔岩咪要改正, 搵黎搞咩..............

我囡 d 功課錯 ...

真的要看個別老師和小朋友，我們小一二跟得很足，otherwise慢細摩惶冇可能survive 到，小三四跟一半半，功課唔跟方便自己看到測考要focus 什麼，小五六就放八九成，不過還要高空盤旋gup 住，有時候小朋友覺得不小心錯其實是基本概念問題，基礎唔好讀上去就好難追

little_yolky

miriam 發表於 19-10-21 08:46
我囡 P.1 時數學科老師講左一番話, 有幾多家長願意跟真係唔知, 我就有跟

呢番說話係 EK 都講過唔少次

呢番說話我哋學校係校長講既，我份人好乖，做到足

Elenalan

自問對小朋友學業要求高，所以我唔會對功課、唔會陪溫書，小一就係俾佢跌跌碰碰勇於嘗試好時機。

Baymax

唔對功課這做法要看情況。老師一對三十多個學生。不是每一個都看得仔細。以數學為例，假如他十錯一，這可由他。假如他十錯五，這就是他有不明白的地方。假如這重覆出現，家長不可不出手。

Elenalan

Baymax 發表於 19-10-22 11:54
唔對功課這做法要看情況。老師一對三十多個學生。不是每一個都看得仔細。以數學為例，假如他十錯一，這可由 ...

唔對功課係指俾佢自己做然後交, 等派簿返來睇下佢有冇錯、錯d乜野, 先可以知道佢學習上有咩問題。簡單問題/ 錯唔小心呢類就俾佢自己去留意和解決, 如果係理解上出錯, 家長可以適當指導 (不過我都係寧願佢自己主動問老師, 肯主動發問係求知表現)。

如果全部由家長改到完美先交俾老師, 咁永遠唔知小朋友究竟有乜唔識, 亦令佢唔會主動去求知, 因為家長一定出手幫。

lambeanmama

miriam 發表於 19-10-21 08:46
我囡 P.1 時數學科老師講左一番話, 有幾多家長願意跟真係唔知, 我就有跟

呢番說話係 EK 都講過唔少次

我仔明年升小一... 我會PRINT呢段野出來..... 貼在房內! 要做一個「懶」媽。

Elenalan

miriam 發表於 19-10-22 17:02
我都係完全唔對, 明明睇到錯都 "時運高, 睇唔到", 等老師改完返黎再問佢錯乜, 改正都再錯時先會出手糾正,  ...

我係睇都唔睇，唔小心睇到都當睇唔到。我完全接受到呀女功課成績差/平時分因功課差而拉低，幾乎每份都要改正，改完又改甚至重做。仲好，改正重做當溫書，認真做多幾次功課，測考唔使溫。

Elenalan

miriam 發表於 19-10-22 17:15
我點都會望做齊咁多題未, 未就叫佢望多次, 佢都望唔到就算, 大筆一揮簽家課欄, 跟手叫佢放返落功課袋, 禮成 ...

我係連有冇做齊功課都唔check，有冇帶唔齊課本亦唔理, 所以佢小一初期經常欠交功課 ，老師亦常寫手册。老師打電話來了解我都表明自己教育理念立場。慢慢老師都明白。

我對學業要求高，不止求分數呢個層次，我唔接受不求甚解和不負責任。

lambeanmama

Elenalan 發表於 19-10-22 17:22
我係連有冇做齊功課都唔check，有冇帶唔齊課本亦唔理, 所以佢小一初期經常欠交功課  ，老師亦常寫 ...

Very well said, 學到野。

retriever

Elenalan 發表於 19-10-22 17:09
我係睇都唔睇，唔小心睇到都當睇唔到。我完全接受到呀女功課成績差/平時分因功課差而拉低，幾乎每份都要改 ...

記得呢度有位長老唔係咁認同喎。話老師差佢錯，跟家長搵到錯係一樣。。。

Elenalan

retriever 發表於 19-10-22 18:59
記得呢度有位長老唔係咁認同喎。話老師差佢錯，跟家長搵到錯係一樣。。。
...

唔識邊位。各施各法，因材施教。

Lomum

MrBeast 發表於 19-10-21 09:59
真的要看個別老師和小朋友，我們小一二跟得很足，otherwise慢細摩惶冇可能survive 到，小三四跟一半半，功 ...

高空盤旋⋯你的形容好正