荃灣浸聯小

MoonCFT

Dylanli2017 發表於 19-7-18 20:33
回覆 minichopper 的帖子

我覺得只要你拎青衣主恩或仁立既升中成績同浸聯比下，浸聯其實麻麻地 ...

浸聯今年未公佈派位，如用上年比較，仍明顯比青衣主恩好，浸聯派既band1A人數多。仁立連繫林護又吾同中學校網，甘樣比較都吾係幾公平。

gracelam

MoonCFT 發表於 19-7-18 21:11
浸聯今年未公佈派位，如用上年比較，仍明顯比青衣主恩好，浸聯派既band1A人數多。仁立連繫林護又吾同中學 ...

agree. 一個荃灣乞食網, 一個葵青區加有林護聯繫位, 咁比較好唔公平。

minichopper

gracelam 發表於 19-7-18 21:43
本帖最後由 gracelam 於 19-7-18 21:43 編輯

agree. 一個荃灣乞食網, 一個葵青區加有林護聯繫位, 咁比 ...

我就係覺得以荃灣網黎講,浸聯派位都好...純粹好奇...咁如果成績真係同學校無關...咁其實荃灣其他小學D家長都會自谷架啦,咁浸聯家長真係要自己谷得特别多？？？

manlyb

Dylanli2017 發表於 19-7-18 20:33
回覆 minichopper 的帖子

我覺得只要你拎青衣主恩或仁立既升中成績同浸聯比下，浸聯其實麻麻地 ...

荃灣區應該係浸聯同馬基算一線吧? 當然各區既一線都可能有距離。

我反而想知荃灣區一線同非寶校既差距係咪好細? 因為聽到有人話荃灣區小學算平均

manlyb

minichopper 發表於 19-7-18 23:01
我就係覺得以荃灣網黎講,浸聯派位都好...純粹好奇...咁如果成績真係同學校無關...咁其實荃灣其他小學D家長 ...

係lor, 你既思路又好似啱。我都唔明。

Joanlpk

manlyb 發表於 19-7-15 21:43
小一簡介會上黃校長用很大篇幅講活動和生命教育，好似較少講學術方面。

請問浸聯是happy school定學術形?  ...

本帖最後由 Joanlpk 於 19-7-19 08:55 編輯

Happy 得來但其實對學術有要求。

Happy 係因為學校活動多元化，學習冇壓力，冇背誦，長假功課只是看圖書，唔使做閲讀報告。對學術有要求係因為課程要求唔淺，在基本課程上加入校本教材。

我小朋友唔需要補習，但功課的確需要家長跟一跟。功課係唔多，但亦唔淺。尤其是校本教材，絕對不是搬字過紙。
出卷係深少少，作文字數要求亦高於一般津校，但其實考試內容都係有教過嘅。我個人認為唔係教淺考深，係教深考深，最好平日做功課時能夠楚理解，考試就冇咁吃力。

b3410

津聯我覺得好睇小朋友自己資質。
朋友兩個囡囡讀津聯，大概功課唔多，多時間玩。週末假期，全部都係玩。大女叻，和幾個同學一起跨區考到b1a中學。 不過妹就成績唔好，高小之後開始緊張，多補習，玩的少咗，唔知派成點。

subb

manlyb 發表於 19-7-19 08:10
荃灣區應該係浸聯同馬基算一線吧? 當然各區既一線都可能有距離。

我反而想知荃灣區一線同非寶校既差距係 ...

係,有一路睇數據就知, 好平均下!
今天馬基派B1官津%升左,不過B1直資就比住年少左 !

可以講馬基,浸聯, 深天,官小是派B1%比較多
其餘是伍, 思,荃基, 柴天..等
(有D小學, 沒有詳細數據, 不埋)
大家只是計B1官津都是3X% , 只一尾一頭

馬基,浸聯, 深天,官小 ~~3X尾

伍小,思源,荃基, 柴天 ~~3X頭.....

subb

是否多時間玩, 是睇家長 !
放學又怕小朋友在家玩, 又加里樣個樣
全日返學, 放學已經好攰, 所以平日放學..
就是回家, 不用再出去上什麼那麼...

口裡說不,身體卻限誠實 !

minichopper

Joanlpk 發表於 19-7-19 08:41
本帖最後由 Joanlpk 於 19-7-19 08:56 編輯

本帖最後由 Joanlpk 於 19-7-19 08:55 編輯

綜合意見...咁係咪應該咁講呢...
各位想揀浸聯既家長是否要將浸聯定義為happy school,就要因應自己既小朋友資質啦.

因為課程係比較深,而學校又多活動時間,教學時間相對小,小朋友係學校學唔明既時候,家長就要找外援啦.

有些小朋友資質較好又轉數快,但又唔鐘意做太多功課,咁係浸聯好適合

而有些小朋友比較適合傳統模式學習,太多活動反而影響左學習,家長又着重成績,讀浸聯反而辛苦

另外如果真正想happy而又唔介意成績既家長係浸聯一樣覺得 happy

manlyb

miriam 發表於 19-7-19 16:41
英文用 RWI 同其他學校唔同, 去叩門前都睇過資料有擔心過自己未必搞得掂

請問點解RWI會令你覺得搞唔掂呢?

gracelam

miriam 發表於 19-7-19 16:41
英文用 RWI 同其他學校唔同, 去叩門前都睇過資料有擔心過自己未必搞得掂

就係因為英文科難跟, 冇一般小學有晒教科書, 作業, 知道下個chapter將會教乜或學過D乜。

仲有數學考卷分2 parts, 其中一part多數係奧數或難題, 深! 深! 深!

manlyb

miriam 發表於 19-7-19 18:48
要跟返學校課程搵補習只諗到 ABC............

哦，荃灣區都有幾間有RWI, 不過都貴就真

Joanlpk

gracelam 發表於 19-7-19 21:48
本帖最後由 gracelam 於 19-7-19 21:48 編輯

就係因為英文科難跟, 冇一般小學有晒教科書, 作業, 知道下 ...

英文科有校本作業，所以唔會唔知教咗乜。一、二年級感覺同其他學校分別唔大，到三年級上學期開始學past tense, 係快咗半個學期。
數學係深，有時都覺得點解要咁深，不過呢個亦係學校賣點

學校唔會以不斷測考來催谷，所以學生忙唔忙確係在乎家長態度

Joanlpk

miriam 發表於 19-7-19 16:41
英文用 RWI 同其他學校唔同, 去叩門前都睇過資料有擔心過自己未必搞得掂

今年校本教材有QR code, 可以上網搵到個phonics 發音

其實RWI 都只係教拼音，考試都係考返一般grammar, 無需太擔心