有D灰

beyondcontrol

april13mum 發表於 18-11-2 00:17
有道理，經歷過幾次失敗後都要好好檢討一下不足再針對性補下

我又鼓勵吓你呀，你報嗰D間間神校，咁大競爭，非戰之罪呀，我係過來人，亦是今年考小一的其中一位，其實呢個遊戲並不是純考學術，個人谈吐和性格都是其中一個因素。這只是一個配對遊戲，唔好咁快對自己和小朋友，失信心，大抽奖，叩門，求位，未到最後一刻都唔知結果㗎，加油

kira09

april13mum 發表於 18-11-1 23:32
錯過佐有冇得叩門架？

好似都仲有直資有第二輪報名,例如 林文燦 、嶺小、圓玄 等.....

MelonQueen

要相信自己的小朋友，他們其實都已經好努力啦，加油

星星的後裔

坐唔定+怕醜溝埋一齊對考傳統或非傳統都不利，再加樓主只考有名學校都是問題所在。樓主肯報差少少如真道，播道等，情況應唔同。

名幼，神幼家長難處是騎虎難下，旁人睇會覺得你實考到好小學。在一線幼稚園讀緊，要報比現時"差" 的學校是有種難受，why settle for less? 旁邊家長也有種壓力比到你。其實是心理問題，面子問題，過到自己心理關口就可以。二線直私，總好過去第三十志願，至少是自己選擇出來。

kenyuenkc

俾啲建議樓主，而家除左叫你見好剩下既學校外，真係要認真睇下大抽獎既學校，唔好又再miss 左大抽獎既deadline ~

除左大抽獎，如果樓主再想兒子入一啲名校，可以諗下出年扣門。如果真係扣門，訓練係唔少得。每日同兒子睇20一30分鐘書，可以訓練佢坐定啲。如果有經濟能力，可以幫佢報下學術班及面試班~

扣門形式，同考直私好唔同，第一部分，一般都係先做卷，再見老師校長。如果第一部分都過唔到，就無哂其他機會。

但我相信，讀得名幼，學術一定唔會太差既，訓練下佢坐定定仲好。

april13mum

kenyuenkc 發表於 18-11-2 07:33
俾啲建議樓主，而家除左叫你見好剩下既學校外，真係要認真睇下大抽獎既學校，唔好又再miss 左大抽獎既deadl ...

嗯，我覺得睇書真係好重要！我仔每日放學返來，做完功課就開始睇電視同玩玩具，我同我老公平時要返工，呢方面真係好難做好！

今日LMC公佈結果，又一個reject，真係好想知我仔in時既表現到底問題出喺邊度。

cattz288

april13mum 發表於 18-11-2 08:04
嗯，我覺得睇書真係好重要！我仔每日放學返來，做完功課就開始睇電視同玩玩具，我同我老公平時要返工，呢 ...

relax! 其實就算讀私幼, 都好多人大抽獎架! 唔理想再叩門喇! 何必咁擔心呢

legolas625

唔係讀名校先有出路，唔好諗到世界末日咁
而家開始操，好過乜都唔做，凖備未來的interview同叩門
就算讀名幼，家長都要自己操下，唔好靠哂學校，我见過SC仔上堂表現，坐唔定，唔答，仲衰過学券k小朋友。

feifei_baby

april13mum 發表於 18-11-2 00:10
抽啊，任何機會都唔可以放過

其實我個人覺得，讀中上嘅津校唔見得比二線直私差，又唔使錢，我兔女當年也全軍覆沒，讀津校也不錯，鍾意返學，學校又多活動，唔係免費就係平到笑，樣樣都話要玩，樣樣都話好玩，就嚟玩到書都唔使讀

kuku608

我同樓主好似，但我比樓主in得多，二線只要無撞都有去in。收reject收到質疑自己，覺得自己做得唔夠好

april13mum

kuku608 發表於 18-11-2 08:30
我同樓主好似，但我比樓主in得多，二線只要無撞都有去in。收reject收到質疑自己，覺得自己做得唔夠好 ...

係啊係啊，覺得自己發現問題遲佐，唔應該等佢自由發揮，要儘早操練

scgift

我諗坐唔定係主要原因吧。識人考某直資1st in(純ipad)老師同小朋友講佢答啱晒，但入唔到2nd,而呢個小朋友就係坐唔定既曳仔。

個人經驗小朋友慢熱怕羞講野細聲反而唔係大問題。阿囡都係今年考小而佢正正係超慢熱怕羞講野好細聲，但都有唔錯結果。

樓主襯呢幾個月執下小朋友訓練佢坐得定啲，為叩門做好準備吧。

Korira

本身我接受讀津校，自行報的那間都有信心收。所以直私我都好似樓主咁，只報了幾間一線。呢刻都係 all failed的。雖則話都知難度高，但睇到個result又的確係會覺灰，始終報過都會有D幻想麻~
不過呢，面試都係幫家長深入了解小朋友強弱處的過程。我地都要認真去面對每個問題再望遠少少咁去幫佢。　所以我唔贊成樓主臨急去報面試班的。大的小的都一定會有壓力，上幾堂亦無咩可能即時改善到Ｄ咩。不如用呢個K3 好好處理小朋友的弱項更實際。

cheetahmama

我又分享下，我囝都係坐唔定嘅，見到老師就BB聲。以前班主任一早話我知，仲要係無限power 嗰種，所以就知要加強佢專注力。於是俾佢畫畫，報lego班，伴讀，希望佢可以持續安靜去做一件事。結果，佢家下真係pat pat 痴到櫈，面試成績都唔錯。有邊個家長唔想俾小朋友自由發揮喎，不過大家都明坐唔定真係無乜老師會鐘意。加油呀，音樂椅仲有排轉，大把出路，家長都要調校下自己心態，作戰落去。相信自己小朋友!!

shatinming

唔係有D灰, 係好灰。
我個仔讀名幼又如何, 又係衰哂。唔好意思話比人知報咗幾多間添。

april13mum

scgift 發表於 18-11-2 09:23
我諗坐唔定係主要原因吧。識人考某直資1st in(純ipad)老師同小朋友講佢答啱晒，但入唔到2nd,而呢個小朋友就 ...

我仔都有話佢考某直資玩ipad答啱題，但最終都係reject，學術一定唔會有問題，平時佢學校操得好好，覺得坐唔定同埋唔夠主動最有可能

april13mum

cheetahmama 發表於 18-11-2 09:49
我又分享下，我囝都係坐唔定嘅，見到老師就BB聲。以前班主任一早話我知，仲要係無限power 嗰種，所以就知要 ...

我仔學佐畫畫有一年半，仲有學緊鋼琴，畫畫都拿過一等獎，但始終都係一D幫助都無

april13mum

shatinming 發表於 18-11-2 09:53
唔係有D灰, 係好灰。
我個仔讀名幼又如何, 又係衰哂。唔好意思話比人知報咗幾多間添。

同道中人啊！我想報面試班操練下，但會唔會太遲

moledy

我都係好灰..唔係有D灰...

noming

回覆 april13mum 的帖子

其實以你所講, 你仔性格特質同所報學校都唔配合, 收左可能係另一個煩惱既開始呢.
唔好再沈鬱於面試考學校, 目光放遠點去幫佢準備小一生活仲好, 繼續自由發揮坐唔定, 小學生涯都唔會好過, 加油!