讀下午班

angelhi

littlecarrot111 發表於 18-6-27 16:01
連am pm 都要比較好無聊。讀完一年n係am 就明白pm既好，唔駛咁早起身，可以慢慢做，下午自己又多啲時間。反 ...

我正擔心讀緊pn am既仔仔適應唔到來緊轉

K1 pm, 聽你咁講我放心D。而且佢黎緊誇區返K1, 返am要勁早起，特別是冬天，都怕佢辛苦。

laust

跟自己同小朋友需要就得，其實讀下午班都好多課外活動時間適合

lazycat317

我小朋友讀咗一年pm，唯一唔好係放學返嚟先瞓晏覺，令夜晚瞓覺時間推遲晒
但我同老公都係返下午工，朝早可以多啲時間陪佢，令我哋覺得返pm幾好，而且唔使朝早勁趕忙

boyboobee

睇習慣同家庭需要，我個女7點幾已經自然醒，中午要瞓晏覺，冇可能讀下午班，所以揀上午。但如果小孩好晏先醒，返下午亦冇問題。

sunnymama2

pm班都有好處。就是人數少d，老師教完上午，有咩不足下午可以改善。

學校老師親口同我講，佢鐘意教下午班多d,唔駛上午咁rush, 下午班每個學生發表時間長些，又容許佢地問問題，令老師更清楚明白每個學生的學習情況。


我好高興幫仔揀下午班，因為佢係好鐘意講野，問野的人，老師亦有時間解答佢，所以3年來幫佢建立自信好有幫助。。如果上午班人多，就未必做到。


仲有，我地係雙職家長，小朋友讀下午班，可以迉d瞓，我地亦可以和小朋友多些親子時間。

至於興趣班，我地係零興趣班，所以對我地冇影響。

Cowboy100

唔駛理人點講，反而我都擔心亞女黎緊轉pm，佢習慣8:00醒，轉左pm無得訓午覺，驚佢唔慣

angelhi

Cowboy100 發表於 18-6-29 17:20
唔駛理人點講，反而我都擔心亞女黎緊轉pm，佢習慣8:00醒，轉左pm無得訓午覺，驚佢唔慣
...

情況一樣，仔仔最近7點半就起身，到中午已經無哂電要午睡到3點，9月返pm唔知會點。驚佢會唔夠瞓會變得脾氣差同抵抗力差易病。

ricky0223

我覺得睇家庭需要同小朋友作息，好似我仔仔，早上七點左右已經起身，pm我係唔會考慮，到返學已經開始無電啦。
但我有朋友佢地小朋友都係遲起身、九點幾十點幾起身，就適合返pm，pm人少d，競爭又少d，不過比人感覺細b多d，其實無所謂啦，到小學大家都一樣

siufung

Cowboy100 發表於 18-6-29 17:20
唔駛理人點講，反而我都擔心亞女黎緊轉pm，佢習慣8:00醒，轉左pm無得訓午覺，驚佢唔慣
...

小朋友自己會調節……
我女當年PN讀am, 得2歲零咁細am可能好d，因為要午睡……
到K1轉左pm, 冇問題wor...朝早晏d起一條數，晏覺都戒埋，夜晚一覺瞓到第朝10點……
反正佢間幼稚園k2冇得揀，全部要pm……k3又係冇得揀，全部要am……
小朋友適應力強，總之湊埋夠睡眠時間就ok架喇……
其實到小學，個個都倒塔咁早，冇得揀架啦

小平媽媽

我大女都係pm，夾返老公夜返夜食飯，反而見多啲，又唔駛返學時間同人迫迫車 早左起身可以去公園去圖書館都無咁多人。

星星的後裔

我覺得上午返學，下午自由活動，時間好用d.

Jenjanjan

littlecarrot111 發表於 18-6-27 16:01
連am pm 都要比較好無聊。讀完一年n係am 就明白pm既好，唔駛咁早起身，可以慢慢做，下午自己又多啲時間。反 ...

我仔都係嚟緊轉pm. 有無咩見議點樣調整佢作息？佢呢一年自動波6:30am 就會自己起身，就算夜D瞓都會早起，搞到我都好辛苦(emoji)

soso3509

我因為老公返工返下午至晚上。所以仔揀幼稚園揀下午。同埋等佢訓夠返學。（當然下午班一般都係比較小人揀）

我覺得每人都唔同選擇/唔同需要。話人怪獸自己先係怪獸..

加上。升小有成兩個月。少則都有兩星期既時間可以調整返小學時間。唔覺得其他人講到咁有影響！

自己揀最適合自己就得了

soso3509

小平媽媽 發表於 18-7-11 18:50
我大女都係pm，夾返老公夜返夜食飯，反而見多啲，又唔駛返學時間同人迫迫車  早左起身可以去公園去 ...

同你一樣！我仔之前都係朝早報上興趣班堂。人數比例都少啲(emoji)