想問問有關中文既形容詞

HaYi

bobbob 發表於 18-5-10 10:27
請問咩係六感句？真係未聽過

看，聞，摸，聽，味，情感？

哩個同四素一樣常見，尤其是描寫文，

中文文法真似teach non chinese to learn Chinese.
而家普遍初小好多呢類功課，我一直覮得是考核為本，同提升能力無關，只關分數

HaYi

jenniferK 發表於 18-5-10 13:29
題外話。呢d方法我覺得似內地教法。我不可以說不對，因為和英文一樣是文法的一部分。但係過份強調和規限， ...

bobbob

HaYi 發表於 18-5-10 15:04
看，聞，摸，聽，味，情感？

哩個同四素一樣常見，尤其是描寫文，

通常我哋會叫用五感描述，好少可用埋第6感，可能要打開『鬼眼』先用到
睇返近年嘅中文教材，的確係似以外國人學中文咁教授，但那邊廂我又覺得有系統同易明，特別適合一般學生（非高材生）使用，即係要考試時嗰幾十分鐘嘔到長短文各一

bobbob

little_yolky 發表於 18-5-10 13:37
多讀好既文章, 多背古詩文, 多寫。簡單講即係多睇、多背、多寫。

唔同意唔好鬧我。

你講到咁大路無奶油鬧你喎

little_yolky

bobbob 發表於 18-5-10 16:23
你講到咁大路無奶油鬧你喎

好多人唔同意學語文要背既, 仲要背古文, 會俾人鬧。

曈曈媽咪

little_yolky 發表於 18-5-10 13:37
多讀好既文章, 多背古詩文, 多寫。簡單講即係多睇、多背、多寫。

唔同意唔好鬧我。

咁基本係咁既，但教育制度，係課堂學既同考試係2回事，同埋而家學校同學生打既基礎太薄弱，
我暫時只諗到呢個方法幫佢應付考試

曈曈媽咪

HaYi 發表於 18-5-10 15:04
看，聞，摸，聽，味，情感？

哩個同四素一樣常見，尤其是描寫文，

的確，而家同以前唔同，考試同基礎野完全分開，搞到基礎又應付唔到考試，
雖然我唔係一個求分數既家長，但無奈果女對自己有要求，佢而家係咁催我俾筆記佢溫，
（佢小二，未識mark筆記）（佢6月考試）

曈曈媽咪

bobbob 發表於 18-5-10 10:27
請問咩係六感句？真係未聽過

動，看，聽，說，想，感

little_yolky

曈曈媽咪 發表於 18-5-10 17:52
咁基本係咁既，但教育制度，係課堂學既同考試係2回事，同埋而家學校同學生打既基礎太薄弱，
我暫時只諗到 ...

係架, 我既方法係, 平時就應付老師, 暑假就我話事。而且, 我會响佢哋D閑書度入手。

曈曈媽咪

little_yolky 發表於 18-5-10 18:01
係架, 我既方法係, 平時就應付老師, 暑假就我話事。而且, 我會响佢哋D閑書度入手。 ...

呢樣我都有俾個女睇課外書，同時我唔主張不停做練習，暑假佢做完佢既功課就算架喇，不過基礎呢樣野就平時同佢做，我而家推動緊個女寫信俾同學仔，做筆友

HaYi

little_yolky 發表於 18-5-10 17:47
好多人唔同意學語文要背既, 仲要背古文, 會俾人鬧。

我雖然一向唔係好like傳統方式(抄, 背)  ---覺得好悶,  但小學生針對中文成績真係唯有呢D方式先快見效, 背十幾篇文分分鐘比自由睇幾本書在提升output (eg 寫作) 方面有成效, 用到句式, 認到生字, 記到成語熟語...  背文可以快速input.  尤其古詩, 字字珠璣, 聲聱押韻,  背誦時用埋聲音輸入個記憶, 比單看好.   
英文或許都是,不過英文冇咩背野呢方面的實戰所以不評論.  

kwunpa

little_yolky 發表於 18-5-10 13:37
多讀好既文章, 多背古詩文, 多寫。簡單講即係多睇、多背、多寫。

唔同意唔好鬧我。

你幫我答佐，唔該你！

點會鬧你，完全同意你講法，多看、多背、多寫。背書好重要，不過唔系背而家D 垃圾教科書，系背好的文章（古詩文爲主）。

另外，好少人提的是朗讀，無論學中英文，朗讀都好重要。以前學校好重視朗讀，而家課堂D 時間做埋 D無謂野（説話、聆聽練習，教四素句等），學生缺少朗讀。

閲讀派講大量閲讀，廣泛閲讀，無錯。不過呢D系泛讀，無提精讀；而精讀都好重要。朗讀就系精讀的一部分。古詩文，朗讀之後就背；好的白話文，唔想背的話，就朗讀多幾次。

jessie005

對於小學生來說，不應講解這些概念，會比較容易混亂。但對於中文老師及對外漢語教學來說，是需要的。
內地中文母語教學基本不會講語法，純粹教外國人需要。不過，家長知道狀態形容詞和性質形容詞，可以解答一個問題：為甚麼有的形容詞重疊形式是AABB，而有的又是ABAB。例：
漂亮（性質形容詞）- 漂漂亮亮
雪白（狀態形容詞）- 雪白雪白

little_yolky

kwunpa 發表於 18-5-10 22:24
你幫我答佐，唔該你！

點會鬧你，完全同意你講法，多看、多背、多寫。背書好重要，不過唔系背而家D 垃圾 ...

十分同意, 次次見到阿女背默範圍係不論不類既白話文, 就火都嚟埋, 明明隔多幾課就有古詩都唔揀果下火起。

我好民主, 泛讀小朋友自己揀書, 精讀由我揀。古詩文佢哋都要朗讀, 我都省唔起, 白話文唔想背都可以朗讀喎, 多謝提醒。

bobbob

little_yolky 發表於 18-5-11 08:31
十分同意, 次次見到阿女背默範圍係不論不類既白話文, 就火都嚟埋, 明明隔多幾課就有古詩都唔揀果下火起。

...

我都唔反對背，但起碼要明咗先