補習哥哥經常遲到

Yanamami

其实同上门補習老師唔洗禁避忌，有乜野三口六面講清楚就好了｡佢成曰遲到，你咪问佢呢个時间係咪好趕？洗唔洗改遲15mins. 如果想停，就直接補完果堂同佢講，仔活动timetable有变，今堂係最後－堂，多謝你一直以黎禁有心机教阿仔~遲d阿仔timetable好d, 或者大家再夾时间｡大家成年人，佢会听得明，好來好去｡

Charlotte_mom

要睇咩情況
如果哥仔放學老遠過黎，家長又唔肯遲d開始（例如話6:00已經好晏喇仲要食飯盛盛，堅持唔肯6:30）
如果哥仔遲10分鐘內，我個人覺得可以接受。學生坐屋企等就輕鬆啊。出面交通情況話唔埋

1998Ruby1998

經常遲到，係咪趕唔切黎？我有時候真係趕唔到班車／冇車會遲到。如果經常發生的話，我會建議遲 d 開始／補少 d，咁樣家長唔會吃虧、呆等。

都就黎到月尾，如果你唔想補，就同佢講下兩個月有活動，上唔到堂，多謝你教我小朋友。做得補習都係成年人，一定明嘅。

Yanamami

ar_mak 發表於 18-4-18 18:18
我唔明，我真係唔明，我只係想安份守己，同個細路好好咁補習，我只係遲到，冇殺人冇放火，點解你要咁對我？ ...

放心啦你~大把人揾補习，哥哥点洗係街行来行去？搶手既“天皇”仲要睇佢俾唔俾到时间上门，而且係唔会大費周章上门只補—个鈡，係个半鈡起表~老实講，你真係就到我就唔洗“成曰”遲到咯~

WinnieCatCat

careylunchan 發表於 18-4-16 12:35
如果補習哥哥經常遲到，會唔會繼續用？如果決定唔用，應該幾時提出？
哥哥係以月薪形式計，但無簽合約、之 ...

私補唔使禁formal簽合約吧，會簽合約我反而第一次聽。補習係人夾人，如果遇到個同小朋友夾既老師，不妨同佢協調下時間，大學既課堂有時同人傾野、或者交通問題，都會影響遲到的。當然，如果你本身覺得哥哥唔太幫到小朋友，又成日遲到，咪唔再請他囉。在月尾那堂同佢講話時間夾唔到唔再補就是了，如果你想哥哥有d預算唔好禁突然，就尾二那堂同佢講補埋下次唔補囉。

Yanamami

以前我女个補習姐姐自己大学要考試温書黎唔到，好好人，whatsapp教我女功課。我怕阻住佢温書添~好在我女係好自律，自己做好晒儲埋唔識问｡

Yanamami

ar_mak 發表於 18-4-18 19:08
我覺得好慘囉，而家我地個個都知，阿補習哥哥係當事人但最後一個先知。

成日遲到要承担既後果~~成年人嘛~等日出黎做野俾人即炒一样吖~

Kidspect_candy

佢遲到有冇補番遲左幾分鐵定係照夠鐘就落堂？
因為我地呢啲做開私補真係好講名譽
如果知道會遲或者時間上既野有需要同家長協調都會主動講聲佢冇理由唔知遲到幾次會影響家長對佢既觀應掛