再談數學

babywoman

IloveJJ 發表於 17-11-3 08:23
但我仔反而係因為自己成日諗到方法計而慢，因為佢諗既方法，未必係最直截了當嗰個。
...

我覺得不重要，只要能解到，最初時間上花多些，但面對多些題形就識得自己簡化。我同仔解題最喜歡用圖，如以下圖第9題（這是最近為小六女同學解的），有時我自己都會兜大圈

17-11-3 09:29 上傳

下載附件 (42.3 KB)

17-11-3 09:29 上傳

下載附件 (64.7 KB)

1234ats

MrBeast

適當訓練是有必要，但不是盲目大量操練。訓練時最好縮少範圍，有清晰目標。

如果找到合適方法，其實訓練不應該很辛苦。

將題目拆細練習能讓小朋友較輕鬆掌握，容易產生成功感。

babywoman

IloveJJ 發表於 17-11-3 09:38
因為我仔長期面對考數學唔夠時間既問題，我為此好煩惱。

如果同班一半以上的人有此問題，應該向學校反映。照你之前所講，我都覺你仔校太多內容。

wan_sosin

IloveJJ 發表於 17-11-3 08:23
但我仔反而係因為自己成日諗到方法計而慢，因為佢諗既方法，未必係最直截了當嗰個。
...

我仔有時也會用了較麻煩的方法做到答案，我會再幫助佢想想點樣可簡化些。
如果覺得佢真係好明白整題數的原理，只係未懂個方法，我都會教下佢用什麼方法較為簡單，但如果未明，就唔會只教個方法，因為日後佢唔會識點樣解題甚至解難。

wan_sosin

1234ats 發表於 17-11-3 08:28
回覆 wan_sosin 的帖子

簡單來說，邏輯推理就是“因為所以”，即思考每一步要有根有據。

小朋友能做到自問自答，真係一個很好的目標。
現階段小兒多數是我問佢答，我一步步問佢問題。

wan_sosin

IloveJJ 發表於 17-11-3 11:40
我都係教埋我個簡單方法，咁俾佢睇下兩個方法既分別囉！不過，如果要去考試好快，就要平日做好多次，累積 ...

當然要用平時時間慢慢思考，但明咗要做得準，就輕易過唔明而去操揀。而且要每個題去操揀，好晒時間而且亦唔保證高分，因為如果出題轉一下方式問就會唔識。
我有朋友個小朋友，教一題識一題，唔識自己拆解題目，但學校是會出一些要轉下彎的題目，個小朋友無做過就即刻唔識點做了，所以始終數學去唔到高分。

哈利媽

想請教大家如何在家訓練 / 操練四式運算? 已小五, 雖然知道起步已慢咗, 但都想盡力改善, 謝

lhingw

1234ats 發表於 17-11-3 08:57
回覆 lhingw 的帖子

我不是反對用直式計算。我是說訓練四則數盡量減少用筆抄寫，因為效率低，小朋友相對辛 ...

你的方法是多思考，多練習，熟能生巧而令計數速度加快？我之前誤會了你的意思，擔心我叫小朋友用直式筆算會影響學習。

小朋友由個位加、減數開始，已經開始用他自己的方法去計，一直沿用至現在三、四位加減混算，因此我盡量不會左右他的計算方法，除非答案及速度上有大問題。

1234ats

很多學生小學時數學成績不錯，但升中後成績跟不上，其中很大程度是因為之前的基礎未打好。

以下是一些我認為較為重要但容易被忽略的基礎能力:

-熟練掌握基本運算，包括整數、分數、小數和百分數互換和四則運算，與及拆括弧等等。計算較複雜的四則數時不應有負擔或抗拒感。
我自己要求兒子能熟練筆算以後才可用計數機。

-能輕鬆高分完成小學的試卷，效率比前最少提升二三成。

-能清清楚楚解釋小學時所學過的課題背後原理，譬如為何直式乘除法能計出答案，拆括弧的原理，分數乘除原理，面積體積公式原理，還有最多學生識做唔識解的LCM與HCF。

-仔細搞清楚乘除概念。絕大部分數學公式都有乘除。百分率、比例、單位轉換、體積面積等都涉及乘除，見過一些學生只關心用那條公式計出答案，完全没企圖理解背後原理，對為何要乘為何要除全無概念。相信類似的學生為數不少。

-要有尋根究底的習慣。

具備以上幾點，才算打好數學基礎。

sunwoo1982

(emoji)(emoji)

sensei

多數樓主分享.

我自細都有俾小朋友上珠心算, 老師會口算. 的確口算比用紙或算盤來得有趣, 快而準. 特別同其他小朋友一齊好開心.

過來人, 我都覺得速度同準成度好重要, 解題慢慢就可以, 俾多啲生活問題問佢自然OK. 做得快, 有時間覆卷, 做得慢, 識做晒但唔夠時間做, 或者識解但答案計算上出錯會好唔抵. 有攞100分嘅同學都試過唔夠時間得番7X分, 幸好唔係呈分試嗰次.

冇諗過1秒寫1個字嘅訓練, 都唔錯喎, 值得一試.

越細舊海棉吸收能力越好, 爛玩, 自然乜都同你玩.

rainrain613

1234ats 發表於 17-11-3 10:25
MrBeast

適當訓練是有必要，但不是盲目大量操練。訓練時最好縮少範圍，有清晰目標。

認同。謝謝大家分享。

HMmummy

1234ats 發表於 17-11-1 13:20
很多家長和老師都重視學生操練計數，一般都是從小大量做練習。
通常能力高的學生從做功課或練習中自己會總 ...

很好的分享，如果想認識多一點如何培養小孩子（小學）的數學興趣，可以再參考什麼書？

crysta2l

1234ats 發表於 17-11-1 13:20
很多家長和老師都重視學生操練計數，一般都是從小大量做練習。
通常能力高的學生從做功課或練習中自己會總 ...

很多謝你的長文, 也解釋了我的心結 - 為何小女的小一老師會強調在橫式上直接計算而不用列直式算.  看來她遇上了一位良師了!!   

老師有強調要她們熟習20以內的組合, 我都用口講的方式在努力中, 你的1-10紙咭方法看來更有效, 想問有沒有簡單方便的變化可以考到佢的變通.  我一直都覺得我女數弱, 現在加緊訓練她的個位加法, 比較好些了, 但在減法上仍是未得, 是否因為仍是未熟個位加法?

即  7+8 , 佢可以反射講到15, 但15-7, 就唔得了.

有咩簡易方法訓練一下?

omg012

回覆 HMmummy 的帖子

我是這樣培養我的小孩的：只提供學習環境和盡量小管他。小孩子天生都有好奇心，有興趣學習各種知識。他自己天天從YouTube 學習，我從不操練他，他已明白和學會很多高中的數學，包括三角函數和微績分等。

1234ats

回覆 HMmummy 的帖子

我沒有買過數學圖書，不過坊間和圖書館應該有一些適合不同年齡孩子的數學圖書。
兒子小五時從學校圖書館借過一本韓國作者台灣翻譯的數學漫畫，內容豐富，應該算是初中數學啟蒙，適合高小與初中學生，兒子看完之後問過我一些書中提及的數學問題。圖書館應該有類似圖書。

另外你也可在網上搜尋一下一些數學遊戲，或者自己設計不同數學遊戲。