阿仔抗拒去外國讀書

caerion

樓主，其實你個仔好識諗同埋乖，我當初都係因為中四選科問題鼓勵女兒去英國。你同令公子商量一下，因為由VTC轉返入HD或Associate Degree 並唔係想像中咁簡單，你地有無興趣join 聖誕假期的遊學課程，先體驗一下，再作打算。如果佢覺得唔想離開屋企咁耐，你可以計比佢睇，如果長假期先返香港的話大約3個月就返來1次，好似去camp咁上下，如果term break 都返就真係40日左右返一次。不用太擔心，因為我當初叫個女去英國時，佢同爸爸都不太接受，經過我地陪佢去到學校開學，爸爸見到間學校同老師傾過計，個女自己親身體驗過校園生活之後，就完全改觀。唔使太擔心，仲有時間考慮。

cy101

個仔咁識諗, 應該開心先啱, 反而now 係做父母要冷靜下消化下佢講嘅野先!!!

Ianmammy

我阿仔幾年前讀中二時我地打算送佢去英國，佢都係好唔願意唔肯走，佢覺得自己又唔係讀唔到加上唔捨得同學仔，所以好抗拒去外國，我地就安排左假期同佢去英國一轉，睇左幾間學校，盡量要求學校安排老師或學生同佢傾計介紹一下學校，等佢見識一下，回港後佢話只鍾意其中一間，考到就走，考唔到就算，結果好彩學校收左佢，到而家讀完第三年，成績都唔錯，再問佢有冇後悔去英國，佢話冇因爲學校係佢㨂，初頭半年係有d唔適應，之後有朋友就ok 啦。有時小朋友可能只是害怕轉變，試下同佢一齊去睇下學校，讓佢參與選擇過程，佢可能會冇咁驚。希望你地事事順利啦。

HHHR

回覆 BK999 的帖子

正如fooky-hk所講，VTC升HD同DEGREE條路唔易行，而課程、師資、特別係學生質素真係好參差。根據你的說法，你囝囝只係學業成積稍遜，試吓同學校老師傾吓有無辦法幫吓佢，唔一定跟唔上。囝囝有想法有計劃係好，但係我地做父母應該提醒佢一定要小心考慮箇中利弊，幫佢分析清楚。

如果真係想考慮外國升學，caerion提議先參加下年summer camp係好開始，一方面可以俾囝囝親身體會一下，另一方面俾一年時間試下係原校是否可以改善學習。到時真係唔得想佢考慮到外國升學都有根有據唔駛靠估，容易傾好多。


我個人嘅睇法VTC只應該係最後嘅選擇。

kkk3316

freespeech 發表於 17-10-2 23:57
唔好意思，有點離題，但真是不吐不快！我 覺得香港的教育制度 好有問題，為何考頭100名至可選科，這 變成好 ...

絕對同意

BK999

fooky-hk 發表於 17-10-3 08:05
唔係嚇你，我表妹就中五就由主流學校轉去VTC, 那(emoji)都是一群龍蛇混雜的學生。開學後三個月全班唔見咗一 ...

所以我先困擾！
唔出國，我可以慳番，但想轉去VTC 先令我難解決

brother4

其實想讀什麽科／將來想做？

ratafan

BK999 發表於 17-10-3 20:33
所以我先困擾！
唔出國，我可以慳番，但想轉去VTC 先令我難解決

你囝仔為什麼會那麼擔心若不習慣你不許他回來？是否他擔心你會很著緊他的成績而不其然有壓力？不如先鼓勵下他，如有需要，問他有冇需要補習, 可能成績會有改善。如其他家長提意，跟有留學經驗的人傾下了解下,或參加下exhibition. 如果他仍十分抗拒，便不要勉強，以免令他壓力太大。如果未ready, 其實可考慮year 12才去呢，不過太遲去一去便要應付A level,亦有壓力的

BK999

brother4 發表於 17-10-3 20:38
其實想讀什麽科／將來想做？

佢想讀Business of Account and Econ. 將來職業就未有方向。佢喜歡參與校內Event, 攝影, 剪片等製作，小學更是全香港高級组烹飪冠軍。可能幾年暑假有去做義工工作，所以有提過想做社工。

ratafan

BK999 發表於 17-10-3 20:58
佢想讀Business of Account and Econ. 將來職業就未有方向。佢喜歡參與校內Event, 攝影, 剪片等製作，小學 ...

有些國際學校有media studies or food technologies 學科，你可做下research 看看是否適合。

BK999

ratafan 發表於 17-10-3 20:54
你囝仔為什麼會那麼擔心若不習慣你不許他回來？是否他擔心你會很著緊他的成績而不其然有壓力？不如先鼓勵 ...

可能我選錯了學校，由小學起已不斷補習，成績總是合格邊緣，唔穩定，主科只差一分也有留級危機，所以我也驚足幾年了！中二升中三好認真揾band 2 英中，可惜落空，所以只好留原校升讀，但師兄們都話中三好辛苦，中四好chor, 所以我先提早同阿仔計劃出国，暑假時間我自己去咗agent, 溝通後agent 提意我考慮澳洲或新西蘭，因為UK 的GSE & A Level兩個試. 未必適合阿仔！ 但agent 竟然話阿仔成績唔差，好多學校選擇，只係唔想太大壓力，HK學制同英國一樣，HK 讀得辛苦就不如選擇其他地方。

fooky-hk

我諗下諗下唔知咁行唔行得通。你們可以VTC同留學計劃同時進行，到時再決定，但可能會浪費留位費。

而家報Y10, 應該會睇中一、中二成績，可以試吓報名先，看看有沒有適合學校。

而VTC方面，每年大9月、1月、4月都會開新班。可唔可以1月入學試吓，比佢自己比較係咪佢想像中咁理想。

為將來，花錢可能免不了。

我唔知work 唔work, 但VTC條路確實不易行到尾，最怕學壞埋。

brother4

朋友band1Ｂ英中考全级尾尾；留學後律師畢業：所以band1c真係不差。。。

BK999

brother4 發表於 17-10-3 21:51
朋友band1Ｂ英中考全级尾尾；留學後律師畢業：所以band1c真係不差。。。

我都認為阿仔未需要去到VTC 的级别，所以我先心痛。成績不進則退，中四至六的學術冇增長，再諗入大學仲難！

fooky-hk

BK999 發表於 17-10-3 21:57
我都認為阿仔未需要去到VTC 的级别，所以我先心痛。成績不進則退，中四至六的學術冇增長，再諗入大學仲難 ...

我仔都係B1C中游份子，我覺得外國的教育制度同紛圍會激發佢創意和學習意欲。由最初佢抗拒留學到而家接受了，我都用咗一年時間講多d睇多d留學的生活，而家佢終於肯試肯同佢d死黨分開。

你嘗試花多點時間再同佢分析吓，了解各方案，唔好急於一時做決定，唔好過份堅持自己，這樣會傷害大家關係。

1C仔嘅潛能可能仲未爆出嚟，成日聽人講男仔中四無端端開竅，成績突飛猛進，所以唔好咁快label 咗佢地係邊沿人考大學實無佢份嗰隻，比佢係多嘗試不同的事，希望你同阿仔大家搵到個平衝方案。

BK999

fooky-hk 發表於 17-10-3 22:20
我仔都係B1C中游份子，我覺得外國的教育制度同紛圍會激發佢創意和學習意欲。由最初佢抗拒留學到而家接受了 ...

多謝你鼓勵！

BK999

BK999 發表於 17-10-3 22:28
多謝你鼓勵！

你地的學校中四係咪可以自由選科？可否分享，比我多一個留港選擇！

LOOLOO

如果阿仔唔捨得同學朋友，你可解釋佢知，現在科技發達，用通訊軟件溝通跟本無疆界，隨時隨地都可傾計，香港的時事無所不知，跟本好像沒離開。我仔過去袋鼠國已三個月，好快適應，佢話時間好快過，因為好開心。

BK999

LOOLOO 發表於 17-10-4 00:10
如果阿仔唔捨得同學朋友，你可解釋佢知，現在科技發達，用通訊軟件溝通跟本無疆界，隨時隨地都可傾計，香港 ...

可否分享澳洲的學校，我有朋友係Melbourne,  如果合適可以找朋友代照顧，佢個仔同我個仔是同齡，如weekend 敍吓，可能也有在家的感覺.

ricetaster

fooky-hk 發表於 17-10-3 22:20
我仔都係B1C中游份子，我覺得外國的教育制度同紛圍會激發佢創意和學習意欲。由最初佢抗拒留學到而家接受了 ...

麥明詩都係高中先爆seed