點解呢個世代會有d咁無品既補習老師....

BB-2006

brother4 發表於 17-9-18 21:04
香港試工要俾錢的，不會講價，正常買第三者保險，如跌到家長要負責賠償，好的老師不會對功課，所以補習老師 ...

但我事前同老師講明要跟功課,老師係答應會跟,咁應承咗又可以唔睇?

kayi0556

回覆 BB-2006 的帖子

有經驗的老師其實應該知道時間75分鐘應該唔多夠, 同埋應該知道要對住本手冊對功課樓主下次唔好貪平, 有時真係寧願出貴d 的價錢請個有經驗的, 好過請左好多個冇經驗, 最後得個吉
成日轉老師對小朋友都唔好, 自己又成日煩請老師

haihaimom

BB-2006 發表於 17-9-19 10:46
但我事前同老師講明要跟功課,老師係答應會跟,咁應承咗又可以唔睇?

我覺得可能只係溝通上既問題，唔知道你點同老師講，如果你只是説要「跟」功課，可以係睇下小朋友功課做得啱唔啱。其實嗰位老師講得啱，孩子有責任自己攞功課出黎，自己對，如果孩子未做得到，可以同老師講孩子比較粗心大意，初頭幾次麻煩老師幫忙對一對手冊。即係你唔想下屬做錯，係要具體同仔細講出你對工作上既要求。

rulerL

我無請過私補，唔清楚實際係點操作。

但如果我搵得你嚟私補，亦同你講明要對功課，之後再做其他嘢。我會預期你跟手冊對，而唔係小朋友拎幾多出嚟就對幾多，無錯小朋友有責任執齊功課，但身為導師不是更應該對齊功課嗎？

我唔係撐樓主，但會覺得做人導師既要有責任感，同先做好自己本份囉。

bbsonyy

想問下樓主，你是過完數， 人地又確認收到錢, 之後先封鎖對話，但導師仲要sms話你??  

抑或是你只是口頭上話會過數， 人地未收到錢，但你又封鎖晒， 人地搵你唔到先sms你??

兩者有好大分別的

BB-2006

kayi0556 發表於 17-9-19 11:00
回覆 BB-2006 的帖子

有經驗的老師其實應該知道時間75分鐘應該唔多夠, 同埋應該知道要對住本手冊對功課樓 ...

多謝你提點其實真係唔平架, 同埋佢話自己有4年經驗,手上有好多學生.....

BB-2006

rulerL 發表於 17-9-19 14:15
我無請過私補，唔清楚實際係點操作。

但如果我搵得你嚟私補，亦同你講明要對功課，之後再做其他嘢。我會預 ...

其實我都未有請過私補的,我明白小朋友係有責任做齊功課,執齊嘢比老師,我做家長既都有提點,但小朋友始終都會有甩漏的,就係想請個補習老師來跟,點知會係咁...我都相信一個有責任既老師應該會知點做,所以先放手比老師發揮,但係冇諗過老師係冇做到..

asweetmom

BB-2006 發表於 17-9-19 14:59
其實我都未有請過私補的,我明白小朋友係有責任做齊功課,執齊嘢比老師,我做家長既都有提點,但小朋友始終都會 ...

那75分鐘你沒有從旁觀察嗎？首堂多少也要看老師如何教，是否合心意吧！

BB-2006

asweetmom 發表於 17-9-19 23:27
本帖最後由 asweetmom 於 17-9-19 23:27 編輯

那75分鐘你沒有從旁觀察嗎？首堂多少也要看老師如何教， ...

我只係間中望下小朋友有冇唔聽講,都聽到老師同佢哋默書,但整體做D乜就冇刻意去睇,我都明白如果我睇住佢,始終都好似比咗D無形既壓力佢,同埋都要信任一下老師既能力。只係75分鐘後老師對我交待話已經OK攪掂晒,咁我覺得既然老師咁講,都應該去信任,但可惜事實並不是這樣

bbsonyy

bbsonyy 發表於 17-9-19 14:44
想問下樓主，你是過完數， 人地又確認收到錢, 之後先封鎖對話，但導師仲要sms話你??  

抑或是你只是口頭上 ...

樓主為什麼不回答我之前的問題??

樓主說 $320 兩個鐘，但你冇提到價錢包括補多少個小朋友， 小朋友幾大，如果補兩個小五/六 的小朋友，收費真的已十分合理

而小朋友的年齡絕對影響老師教授方法， 如果已經小五/六， 但仍未能自己跟手冊執好功課， 的確不是補習老師的責任， 你話剛剛上小一就教你執功課啫

BB-2006

bbsonyy 發表於 17-9-20 11:21
樓主為什麼不回答我之前的問題??

樓主說 $320 兩個鐘，但你冇提到價錢包括補多少個小朋友， 小朋友幾大， ...

你好,我只係miss咗,唔係唔答你,$320兩個鐘係補2個升小四的小朋友,大家既觀點角度都唔同,好難去衡量合唔合理,既然我揀得,就當然接受,所以都冇就收費方便講價當然,小五小六應該有責任由自己去執拾功課,但對一個啱啱升上小四的小朋友,有甩漏都屬正常吧,
就係知道自己既小朋友有呢個情況,所以已經事前重點對老師講明要睇功課,無理由唔攞出嚟就唔使理,可能你哋都認為老師做法係無錯既,係怪我冇詳盡教老師點去睇功課,又或者係我唔知依家私補既老師係咁既教學方式

BB-2006

bbsonyy 發表於 17-9-19 14:44
想問下樓主，你是過完數， 人地又確認收到錢, 之後先封鎖對話，但導師仲要sms話你??  

抑或是你只是口頭上 ...

我收到佢whatsapp後嗰刻口頭答應會過數比佢,過數後亦都會通知佢一聲,由於當刻湊住小朋友參與活動,為免被騷擾同再有爭拗,所以唯有暫時封鎖佢,或者係我做得唔好

qesjcccc

先唔講邊個唔岩邊個唔着，個人認為未必關老師有否責任心事，可能係老師性格上未係超級細心果種，所以冇提小朋友拎手冊出黎對。但無論如何，網上既野唔好盡信，就算個補習老師自稱係讀專業學科，都總會有不良份子混入，之前睇新聞都知就連校長都會有做得唔好既地方，所以頭初你都要跟番個老師做得合唔合你意。如果可以最好搵有熟人介紹既補習老師

1998Ruby1998

我好奇想知，係兩個小朋友分開補定係一齊？  如果係一齊，$320 兩個鐘，仲要兩個小朋友，真係好平呀！ 我冇＄ 240／小時我都唔做。

升小一其實就已經可以自己執功課，到小二就唔再應該有甩漏（我咁大意，小二開始都冇漏功課）。之前你咁講，我仲以為你個小朋友剛剛升小一。下次請老師要註明：「孩子粗心大意，導師一定要細心嚴格，對齊功課」。我見隔離版 d 家長請老師都係咁講「有愛心、耐性，必須對齊功課」等好多要求。不過咁多要求，就要預左貴都唔可以講價。

poonseelai

樓主你一開話好耐無接觸私補，中間又話未用過，即係用過未？你話覺得佢手法有問題，決定唔用，之後才發現無做足你要求，咁佢那些手法令你不滿意？你一直同孩子对手册，所以小四孩子仲未識自己做？十歲人仔啦

little_yolky

1998Ruby1998 發表於 17-9-22 02:22
我好奇想知，係兩個小朋友分開補定係一齊？  如果係一齊，$320 兩個鐘，仲要兩個小朋友，真係好平呀！:mone ...

其實我都好震驚, 依家D小朋友真係咁既。
噚晚, 阿大(小五喇)同我講, 佢級三果位同學同佢講, 到依家佢爸爸每日都同佢check功課我話, 吓！考級三都要check功課? 咁佢爸爸咪好辛苦? 阿大話, 人哋D爸爸媽媽真係好喇。佢成日俾說話我聽。

MrBeast

little_yolky 發表於 17-9-22 11:01
其實我都好震驚, 依家D小朋友真係咁既。
噚晚, 阿大(小五喇)同我講, 佢級三果位同學同佢講, 到依家佢爸爸每 ...

唔係ar，在「成長的天空」的親子活動，我發現精英班的爸爸出席率比普通班高

little_yolky

MrBeast 發表於 17-9-22 13:04
唔係ar，在「成長的天空」的親子活動，我發現精英班的爸爸出席率比普通班高 ...

真係唔可以睇小「爸爸的力量」架, 好似舊年爸爸一出馬, 大寶常識考99分, 聖經100分, 細寶常識都93分, 聖經100分, 真係「爸爸一出, 誰與爭鋒」。

rulerL

little_yolky 發表於 17-9-22 11:01
其實我都好震驚, 依家D小朋友真係咁既。
噚晚, 阿大(小五喇)同我講, 佢級三果位同學同佢講, 到依家佢爸爸每 ...

其實真係唔奇，我細嗰個依家小四，我依然係天天同佢對功課（除非返工唔得閒），我預期上到五年級都會咁做（當然到時視乎佢情況）。

小朋友個人責任問題方面，如果個小朋友能夠自行做妥應做的事，咁固然可喜，做家長都會輕鬆啲。可惜現實中係有好多小朋友上到小四仍會有甩漏呢（包括小兒），並不是個別現象，喺同班家長群組裏，仲不時見到同學仔們有抄漏手冊、遺漏課本於學校、作業不知所終等。

家長有家長的期望，奈何世事往往不如人意呢⋯⋯