有無人無學普通話就上小一？

洋蔥頭媽咪

kwokbobo 發表於 17-8-8 20:29
就是想用自己母語學中文係最好的，所以唔想普教中，但有時唔到自己揀，所以想找方法解決和配合
...

揀唔揀最終都是由家長自己決定，點會冇得㨂，若認清自己方向及理念，根本不用擔心。

kwokbobo

洋蔥頭媽咪 發表於 17-8-8 21:18
揀唔揀最終都是由家長自己決定，點會冇得㨂，若認清自己方向及理念，根本不用擔心。 ...

考到有offers的學校都是普教中的，有粵教中的又無收佢，所以無得揀，唯有諗方法適應和解決，或了解個課程遇上的問題。

little_yolky

kwokbobo 發表於 17-8-8 20:33
本帖最後由 kwokbobo 於 17-8-9 09:44 編輯

咁你平時同佢睇書，係咪用粵語同佢讀？會唔會出現只識普通 ...

因為我一直用粵語同佢哋讀書, 所以無咁既情況出現。

little_yolky

kwokbobo 發表於 17-8-8 20:41
本帖最後由 kwokbobo 於 17-8-8 20:48 編輯

會考會話嗎？係咪仲會考拼音架？通常有冇unseen dictation ...

以我哋學校為例, 會話只佔中文全科5%, 而其中有50%是用粵語考, 考拼音只是其中20%, 另外30%是普通話對話, 我們事前有題目可以回家準備。至於默書, 我們二年級有unseen, 一般句子較淺, 而且unseen既問題係唔理講乜話, 根本就都唔識寫。而且, 我們默書只佔中文全科10%。而unseen只是其中一兩次, 佔10%, 即該次默書滿分是110。


因為衰極以上兩項都唔會0分, 正常都會合格, 合格是60分, 15分同9分, 只差6分, 你擔心下份筆試卷好過, D小朋友份卷寫錯字都唔只6分。

bananaGi

洋蔥頭媽咪 發表於 17-8-8 18:37
即係你小朋友小學係普教中啦。或者咁講，kg 升上小學字都識唔多，好大機會係小朋友睇書不多，字/詞係須要多 ...

我舉個例：

「洋蔥頭」佢唔識既，新字！ 好喇！ 咁學校教佢普通話啦，學左。

以後佢望住個字就講普通話！

咁中文廣東話係咩呢？ 佢可以唔識架喎！

有日，我同佢講洋蔥！ 佢會答 唔識呢個字！ 寫就識睇！

bananaGi

little_yolky 發表於 17-8-9 09:45
因為我一直用粵語同佢哋讀書, 所以無咁既情況出現。

你用廣東話，學校普教中？

bananaGi

kwokbobo 發表於 17-8-8 17:18
我都有相同疑問，普通話唔好，但又普教中㸃可學好中文，但其他家長又話無問題。其實我覺得本地中文會深d， ...

Agree!

點會一樣！
佢跟到一件事... 根本唔同！

寫文章時 用普通話諗？

little_yolky

bananaGi 發表於 17-8-9 10:35
你用廣東話，學校普教中？

是的, 學校普教中, 我用廣東話。

little_yolky

bananaGi 發表於 17-8-9 10:38
Agree!

點會一樣！

我小朋友寫文章時係用廣東話思考, 我自己都係。

little_yolky

bananaGi 發表於 17-8-9 10:34
我舉個例：

「洋蔥頭」佢唔識既，新字！ 好喇！ 咁學校教佢普通話啦，學左。

你在家完全不跟小孩子看書、溝通嗎? 學校教科書D字好少, 唔及平時看書的多。因為看書時我用廣東話, 所以無咁既問題出現, 反而一般新字佢唔識普通話。不過, 有D詞就會唔識, 例如：矮瓜, 佢哋會話係茄子, 仲好好笑咁問我點解咁長叫矮瓜。因為呢個字書面語都係茄子唔係矮瓜, 不過, 講過一次佢哋就知道。

little_yolky

kwokbobo 發表於 17-8-8 17:18
我都有相同疑問，普通話唔好，但又普教中㸃可學好中文，但其他家長又話無問題。其實我覺得本地中文會深d， ...

其實係咪大家期望不一樣呢？ <====== 可以咁講, 如果要求小朋友科科都要TOP, 咁就要努力一D了, 小一、二, 我哋適應到, 自動波, 咁就收貨了, 唔駛一定話要考幾多幾多的。



如果家長比較緊張成績, 建議早D了解清楚學校既評分標準, 然後跟貼D個測考schedule, 要小朋友成績好, 唯有家長自己俾心機了。

洋蔥頭媽咪

bananaGi 發表於 17-8-9 10:34
我舉個例：

「洋蔥頭」佢唔識既，新字！ 好喇！ 咁學校教佢普通話啦，學左。

其實樓上網友都解釋左，唔再重覆。書面語當然同我地平常所說的廣東話會有分別，但若在家中溝通時會用廣東話，通常不會存在完全唔識嘅問題，如家長好擔心又或有所保留，其實選校時就應該不要選普教中學校。
個人意見，小學課程以普教中不算太難，要思考的也不算太多，所以小學階段只要家長讓小朋友多接觸普通話 / 多支援佢地，一般都不會有太大問題，不用過份擔心。至於上到中學，由於會進入更深層次，加上文言文，普教中影響就會較大，所以上到中學很多學校或家長都會頃向以廣教中，就是這原因。當然最終怎樣選擇還是由家長來決定吧。

kenobaby

我都有D擔心的...就係因為KG學校冇教普通話，上小一會唔會好困難呢﹖

poodlema

回覆 twlo 的帖子

咁之前學了幾耐?

mch411

kenobaby 發表於 17-8-9 14:09
我都有D擔心的...就係因為KG學校冇教普通話，上小一會唔會好困難呢﹖

一定係有人得有人唔得,我亞仔KG學校冇教普通話,
上小二分班粵教中同普教中,
老師問意願, 我話你編乜讀乜,
老師話一般較多人選普教中,
但讀完一年會有人轉返粵教中,
讀左3年普教中, 冇乜問題,
我覺得好處係對普通話科有幫助
壞處係有時會攪亂廣東話字同普通話字,
不過教識佢英語, 廣東話同國語 D 音, 佢識分開


例如哈利波特經常出現 "培根"
亞仔用國廣東話,普通話各諗一次,
知道普通話音較接近英文音,
佢就知道呢個係普通話字

retriever

bananaGi 發表於 17-8-7 23:55
上小學等學校教？ 係咪死梗？

下？ 呢度係香港喎。

話說回頭，而家小學普通話支援唔錯架。

twlo

回覆 poodlema 的帖子

K2 開始學，小一無再學。

kwokbobo

little_yolky 發表於 17-8-9 10:47
你在家完全不跟小孩子看書、溝通嗎? 學校教科書D字好少, 唔及平時看書的多。因為看書時我用廣東話, 所以無 ...

哈哈，笑了，他問得好好呀！

妹妹頭

我以過來人講, 我個女升小學(全普教中, 冇得揀), 冇在外學過普通話, 小一頭一個月真係上堂遊雲(老師一早已同我地講會有依個情況, 叫我地要忍耐), 但奇怪在到10月中, 佢已經完全聽得明老師講(中文堂完全用普通話), 跟住一直進步中, 到小四時, 班主任直頭係由北京請回來, 一句白話也不懂, 佢地都相處得到, 中文作文更加好, 因為冇左"口語化"字句, 阿女小四. 小五普通話都有A, 依家佢話, 睇電視都TUNE去聽普通話, 好過廣東話.

所以樓主大可放心, 小朋友適應能力遠超過我地想像

無知人

根本除左新移民，幾多人會小一前學普通話 ?
就算係作文，小學雞階段都要講少少布局，結構啦，剩係識書面語(聲稱普通話先係書面語)，咪至多合格，布局情節唔係用任何方言喎。"窗外一個太陽，窗內一個太陽..."呢d文妓咁邪惡既布局，同任何語言無關喎。
認為普通話有優勢，咁唔好讀英中了。
其實普通話對中國人黎講，聽多就會，我土生土長香港人，近期睇youtube，"該吃吃、該喝喝，啥事不往心裡擱"，完全係聽得明喎。