有關閱讀問題，請大家賜教

JC_mami

回覆 shadeslayer 的帖子

甘我又唔係好明點解唔可以由心讀出來，因為慢？

Ocean419

samhongkong 發表於 17-3-18 15:13
小女愛看書，但只喜歡  LAAP呢睇，我要兩分鐘睇一版既書，佢大約10秒LAAP完一版，從來唔肯細讀，遇到唔識既 ...

小朋友現在幾歲？你指睇得太快是中文定英文書？我仔自幼稚園開始就英強中弱，K1開始已經能自行閱讀各種英文書之後我就完全放手冇再伴讀。但中文書花了好幾年時間伴讀和教認字，直到上左小學先叫可以獨立地看長篇小小的書。他看書我不計較成效，只救他能夠享受閲讀的樂趣和靜下來比d野佢做，因為他係冇時停不斷搵野攪跳sofa 果隻

samhongkong

回覆 Ocean419 的帖子

小女六歲，佢只喜歡看英文書，中文書要我讀先會睇。因為佢話自己睇得明既中文書太無聊，而有趣既中文書又太多生字。知唔知有無一套好似Reading Tree 既中文書，遁序漸進，而又內容有趣？

MC1128

samhongkong 發表於 17-3-19 13:17
回覆 Ocean419 的帖子

小女六歲，佢只喜歡看英文書，中文書要我讀先會睇。因為佢話自己睇得明既中文書太無 ...

君偉上小學】有最新鮮刺激的校園、最酷炫的老師、最搞怪爆笑的同學，每天發生好多稀奇古怪、新奇有趣的事，編織成一段歡樂又難忘的童年回憶 ~
　　【君偉上小學】勾起大人們的兒時回憶，也給予孩子無限的未來展望。獻給曾經是、目前正是、或即將要讀小學的每一個讀者！
　　一年級鮮事多——小小校園新鮮人，學校生活初體驗！

Ocean419

samhongkong 發表於 17-3-19 13:17
回覆 Ocean419 的帖子

小女六歲，佢只喜歡看英文書，中文書要我讀先會睇。因為佢話自己睇得明既中文書太無 ...

我仔幼稚園時也是從不自動看中文書，但他愛聽故事和歷史，所以我不停跑圖書館借不同的中文故事和歷史漫畫等，再加上小一中文課讀寫比幼稚園深很多，所以中文閱讀理解特飛猛進，到暑假時已經可以自行閱讀伊索寓言和格林童話等書，而家他的中文閲讀程度開始追上了英文。個人認為要小朋友自動自覺看課外書，先要找對他有興趣的書。

samhongkong

回覆 MC1128 的帖子

謝謝你，等我去圖書館揾下先！

notcool

回覆 samhongkong 的帖子

Since she prefers English than Chinese and is 6 only, main objective is to get her exposed more to Chinese novels.You may need to read aloud together with her.

Go to the library and browse through the shelves. Trial and error

Ahbee02

yovin 發表於 17-3-18 19:01
我個仔都喜歡睇中文書，上到中學，中文成績可能係另一回事。俾定心理準備你！
...

可否講下＂另一回事＂係怎樣？

JC_mami

回覆 samhongkong 的帖子

https://www.edu-kingdom.com/forum.php?mod=viewthread&tid=2561265#6我之前找前輩們的舊post，我覺得好啱用，可以試下。

yovin

Ahbee02 發表於 17-3-19 20:50
可否講下＂另一回事＂係怎樣？

背景：大仔紅馬肯定 band1尾 學生， 六年小學中 ～有四年取得 閱讀獎(班中閱書量最多的一位)，他較 喜歡閱讀中文書。
經過：中一唯有中文取5x分,中二試過3×……嚇c我。我 都係唔明白點解, 小學投放最多時間在中文上,我上BK問過大家。
結果：向現實低頭，找補習才能上番6x。
結論： 自己同自己比較, 有閱讀習慣的自己總好過沒有閱讀習慣的自己。 現到中三分成十三科, 已經冇時間閱讀課外書了, 餘下的小小時間 只能多看英文報紙。

Ahbee02

yovin 發表於 17-3-20 20:53
本帖最後由 yovin 於 17-3-20 20:54 編輯

背景：大仔紅馬肯定 band1尾 學生， 六年小學中 ～有四年取得 ...

多謝分享啊！

可否多口問句，中學語文成績弱原因嚮邊道？方便的話可否分享條link給我參考一下，等我及早學定先。

little_yolky

MNIF 發表於 17-3-19 17:41
閱讀最大嘅障礙係唔識字，特別係中文字，如果之前見都未見過，想讀出來都難。
心讀係唔好，但以一個小一小 ...

你果Ｄ係由細背大, 識字量當然會高。我果D就係由細讀大, 所以都好習慣估。但一般家長如果唔小心無由識坐開始伴讀, 遲咗起步, 都要分享一下解決辦法。你個方法係好, 但遲咗起步, 過咗時間無做到就係無做到, 教個解決方法啦。

little_yolky

samhongkong 發表於 17-3-19 13:17
回覆 Ocean419 的帖子

小女六歲，佢只喜歡看英文書，中文書要我讀先會睇。因為佢話自己睇得明既中文書太無 ...

我小朋友一號小一時都唔識好多字, 但我一直都有堅持伴讀, 讀既時候佢都睇到本書D字, 然後「讀」出嚟, 唔係講出嚟。小朋友一般都鐘意聽故仔, 所以我當時係讀故事書。時間耐咗, 佢自己會嘗試攞嚟睇, 然後唔識既會估。呢個係一個過程, 佢小二時睇書就好獨立了。我當時一直沉着應戰, 無心急。


我小朋友二號就似你哋小朋友, 佢小一時真係飛laap。佢鐘意睇公仔, 所以就laap公仔, 然後估內容。我就間中哦下佢, 叫佢睇下字, 不過, 因為當時佢英文危殆D, 所以我都無理佢咁多中文。佢一直學業上中文都無乜問題, 認字默書都好快溫好。後來, 到差唔多暑假時, 因為(我)得閒咗, 見佢係咁飛laap, 忍唔住鬧佢, 點知俾佢鬧返轉頭。原來佢睇書係習慣先飛laap一次, 大概估咗個故事內容, 然後再細睇。



如果小朋友只係小一, 唔好阻住佢自己睇書。不過, 如果你擔心, 其實有D書你可以同佢一齊讀, 我就同MNIF網友比較接近(當然無佢咁勁), 鐘意同小朋友睇古詩文。有D短既讀得幾次佢哋自己都背咗。咁就可以保障識字量同興趣喇。

samhongkong

回覆 MC1128 的帖子

我尋日揾本君偉上學去比佢睇，對佢來講都係難，要我讀先明。

MC1128

samhongkong 發表於 17-3-21 13:58
回覆 MC1128 的帖子

我尋日揾本君偉上學去比佢睇，對佢來講都係難，要我讀先明。

君偉上小學系列是台灣出版, 內容及文字可能同我們香港孩子有點差距, 嘗試吓

如果唔得, 再試其他

JC_mami

回覆 samhongkong 的帖子

學校推薦睇青田出的彩虹系列，是分層閱讀，由淺入深，阿仔好鐘意。

samhongkong

回覆 JC_mami 的帖子

條Link 開唔到，話已冊。

尋日係佢睇英文書時同佢玩造句，take turn 咁玩，佢都幾like 喎，雖然無自己揸字典學得咁快，都好過無啦，勝在有親子互動，我以後會用呢種方法教佢生字。

你小朋友好叻，中英都强，你係先中後英咁教佢？小女係由flash 卡學左一批英文單詞才開始睇英文書。之後再用字卡教佢中文時，佢竟然話悶唔肯學。佢連基本中文詞語都唔足夠，全部科目最差中文，好想幫到佢。

samhongkong

回覆 JC_mami 的帖子

請問彩虹係列書名系？