自行只報一間, 會否太冒險?

little_yolky

sammag 發表於 17-1-6 13:43
佢自己都知A校機會大，因已有推薦位。而B校係傳統名校，拿B1A 成績都唔係易入。



  ...

咁如果A校你覺得佢讀得嚟, 你咪由得佢囉。

kkhon

回覆 little_yolky 的帖子

佢地大個左有自己想法，吾再係揀KG丶小學時的懵豬豬。

sammag

little_yolky 發表於 17-1-6 14:17
咁如果A校你覺得佢讀得嚟, 你咪由得佢囉。

A校佢應該讀得黎，只係我覺得既然有機會條件試B校，
點解唔把握機會，讓自己過一個與別不同的中學生涯呢?
佢現在還小，未太明白兩間學校比到d 咩唔同既野佢。

佢哩兩日已經冇再堅持話要A校擺自行一，都妥協左，
但我想再諗真D我應該點處理。

wanmum

我仔就睇完一間,就會愛上一間;再睇一間,又會愛上另一間,所以我係自己靜雞幫佢揀。

little_yolky

sammag 發表於 17-1-6 14:26
A校佢應該讀得黎，只係我覺得既然有機會條件試B校，
點解唔把握機會，讓自己過一個與別不同的中學生涯呢? ...

可能, 阿仔佢係諗埋第二時個DSE成績呢, 可能佢心諗：係阿媽你未諗得通透。

如果覺得佢讀得掂, 我會尊重佢既意見。阿女讀唔掂我都豪個位俾佢啦, 肯定in都無得in

bobo98

sammag 發表於 17-1-6 14:26
A校佢應該讀得黎，只係我覺得既然有機會條件試B校，
點解唔把握機會，讓自己過一個與別不同的中學生涯呢? ...

做媽媽都會係想揀B校,因為對他將來可能會好些,見識會廣啲。但A校環境和人都熟識啲,他會有較大的安全感,所以我明白小朋友為何想揀A校,最緊要一定要係他同意下將B校放自行一,如果唔係將來入咗B校,若他讀得唔好嘅話,他會有藉口,唔係我想讀呢間,係你要我讀。咁就弊喇!

WinnieCatCat

sammag 發表於 17-1-6 11:39
借樓主po一問，

自行揀A校和B校，

我都估B校係九華。
不如你試下換個角度，諗下A校其實係咪真係冇B校噤多姿多彩。A校應是地區名校如林護之類，以往地區名校可能真的以讀書為主，但經過噤多年、已穩收b1生而公開試成績都keep到1A，有很多這類地區名校已發展埋課外活動。以我所知，林護既樂團非常出色、張祝珊的紅十字會是傑出青年團，即學生唔係只有讀書。而比起某些傳統名校甚至更優勝的，是keep到1A成績（而你心儀的B校只是1B)，即真正做到學業與課外活動的平衡。當然唔係間間地區名校都係咁，有d都仍係讀書為主，所以你要了解下囉。另外你可能會覺得傳統男校bonding是一般學校冇的，無可否認男校的兄弟情是好正，但地區名校能做到1A最少也有二十多年歷史，bonding不會太弱的。
如果你諗過晒A校的優點，仍覺得B校較好，你便更明白自己為何想仔選B校，個心就唔會un住了。

順帶一提，如B校真的是九華，要考慮下阿仔是否自律型及有自學能力既人，九華傳統自由風，有人因自由風氣更能自主學習發揮所長，亦有人因太自由而變得懶散高中已追唔返成績。這觀察是因我在不同年代也認識九華學生所得（包括現讀生）。利申：我個係女，無意勸你不選九華

YmOra

sammag 發表於 17-1-6 11:39
借樓主po一問，

自行揀A校和B校，

1和2都係假,有時都會覺得男孩子們"好古惑",加上你囝囝咁有主見,1和2的選擇都會有機會出現[B校hea見],你唔係佢肚裡條蟲唔知佢有多盡力,所以1,2,3嘅選擇對我哋媽咪來說係有分別且各有不同的策略代表,但對你囝囝而言,可能同屬一種選擇而矣!就是方案3呢!方案有三個,囝囝其實只有一種面試心態,若然估對了,我覺得你首先要爭取時間分析給他知道,盡用自行兩個機會和盡力面見兩間中學總比只用一個認真面見嘅機會好,除非有"非君不嫁"的極大決心才好放棄,才勉強不來呢!不過,我會建議方案1,因為先有孩子的意願A校,又表明你對他的尊重,到傾條件時亦可以希望佢明白媽咪係最了解何為最適合你成長的中學B校,亦希望你可以如媽咪咁懂得尊重呢!

孩子多是受軟唔受硬的呢!努力加油呀!

mcl203

你說佢九華唔易入，要揀醒目仔㗎，學校多元化D，又要讀又要玩，若九華收左，好多同學仔會羨慕你，一講校名好多人都知㗎，反為要担心佢掛住去課餘活動，咁咁囉~~~

mcl203

原帖由 WinnieCatCat 於 17-01-06 發表
我都估B校係九華。
不如你試下換個角度，諗下A校其實係咪真係冇B校噤多姿多彩。A校應是地區名校如林護之類 ...

我識過前家長係林護舊生，佢睇法係以前係林護只知要讀書，宜家先知係可以多元化好多，佢D囡囡升中唔會揀林護。當然呢D睇法係每人都唔同，各有各好~~~

sammag

little_yolky 發表於 17-1-6 14:40
可能, 阿仔佢係諗埋第二時個DSE成績呢, 可能佢心諗：係阿媽你未諗得通透。

如果覺得佢讀得掂, 我會 ...

佢初初係揀B校最鍾意，去完A校就改變主意，佢其中一個理由就係話，
佢怕佢自律唔夠，第日入唔到大學，佢要入大學，所以都係唔揀，寧願揀一間谷既。

sammag

WinnieCatCat 發表於 17-1-6 15:25
我都估B校係九華。
不如你試下換個角度，諗下A校其實係咪真係冇B校噤多姿多彩。A校應是地區名校如林護之類 ...

謝謝你既分享，好值得我參考及思考。
我仔平時放學去課托做功課和溫習，我放工六七點就接佢，通常都做妥晒，
返到屋企多數都係自由時間，係有時要小測或考試前，就會叫佢拎d補充做下，
當然佢唔會主動自己話要做，但我提佢佢都會做。
自律可能未得，只能做到他律。
而自學能力佢應該ok，因為佢好喜歡閱讀，很多新知識都係佢自己睇書學返黎。

佢原先係揀B校的，在改變主意時，佢同我講佢怕自己唔夠自律，第日入唔到大學，
佢話佢要入大學，甚至要拿獎學金去外國讀大學，所以佢都係唔揀B校，揀另一間DSE成績亮麗既學校。

little_yolky

sammag 發表於 17-1-6 16:09
佢初初係揀B校最鍾意，去完A校就改變主意，佢其中一個理由就係話，
佢怕佢自律唔夠，第日入唔到大學，佢 ...

其實你囝囝已經好清楚表達咗佢既諗法, 仲係下下到point, 唔係人云亦云。你應該好欣慰, 你可以放心俾佢自己選擇了。

sammag

little_yolky 發表於 17-1-6 16:35
其實你囝囝已經好清楚表達咗佢既諗法, 仲係下下到point, 唔係人云亦云。你應該好欣慰, 你可以放心俾佢自己 ...

但咁樣又算唔算係佢逃避培養自律既表現呢?

little_yolky

sammag 發表於 17-1-6 16:40
但咁樣又算唔算係佢逃避培養自律既表現呢?

佢主動揀間谷既學校, 又點會係想逃避呢。我區有間勁谷既B1A學校, 小朋友一般都係被(阿媽)迫揀, 個個都想去另一間自由既學校。我就見到佢目標清晰：「我要入大學」！

little_yolky

sammag  睇到你哩個回PO我鼻子眼睛一紅  發表於 2 分鐘前


見到你個囝, 我反而嘆晒氣, 唉！屋企細個件到底幾時至識諗。

YmOra

little_yolky 發表於 17-1-6 16:53
sammag  睇到你哩個回PO我鼻子眼睛一紅  發表於 2 分鐘前

相信孩子能,孩子就能,耐心DD等吧!

bobo98

sammag 發表於 17-1-6 16:09
佢初初係揀B校最鍾意，去完A校就改變主意，佢其中一個理由就係話，
佢怕佢自律唔夠，第日入唔到大學，佢 ...

他思想咁成熟,而且又有目標,其實可以比他自己揀了。

sammag

little_yolky 發表於 17-1-6 16:53
sammag  睇到你哩個回PO我鼻子眼睛一紅  發表於 2 分鐘前

生活上很多野佢仲好幼稚和倚賴，佢只有對佢讀大學既決心堅定。

WinnieCatCat

mcl203 發表於 17-1-6 16:07
我識過前家長係林護舊生，佢睇法係以前係林護只知要讀書，宜家先知係可以多元化好多，佢D囡囡升中唔會揀林 ...

我以前都以為林護只係讀書，但有同事兩個小朋友都讀林護，佢話為左樂團練習同比賽，早上未夠7:00就返學校練，晚上練到八九點才返屋企，為比賽瘋癲程度不下於傳統名校。當然家長唔鍾意課外活動玩到噤癲作別論