初小的成績

judy

我囡小一, 請問小學測驗考試70幾, 80幾 分, 係未好低分? 聽聞有學校70幾分已經收電話?

理佢幾多分做咩，分數又唔可以當飯食。

最紧要睇吓錯咩，錯嘅嘢緊唔緊要，如果只是不小心，就由佢。如果係唔識答，就教識佢。

ckh311

其實我覺得最緊要知佢錯咩教返佢仲好過太在意分數。我識人讀地區一線，個區大家都夢寐以求想入嘅小學，小一考試，每科都8x，9x，朋友都覺算過得去啦，點知到攞成績表，老師話呢個成績算中下，叫下次加油，我朋友眼都大埋，經過測考後，我朋友而家放輕鬆咗，話唯有盡力便算。

1773

比啲時間佢同你自己適應下先啦！鼓勵多啲！

jincaiyan

kanhan 發表於 16-12-21 12:20
算幾低，小一，8O幾都已低。

對我來講，70以上已經好滿意！
一年級大概130人，平均分70 ，全級排中間

benjuli

原帖由 IloveJJ 於 16-12-22 發表
贊同!如果識，只係態度問題，咁溫多啲書都無用，應該諗下用咩方法改善態度。
...

有無方法介紹,我囡都有同樣問題。

benjuli

原帖由 IloveJJ 於 17-01-09 發表
你既同樣問題係咩野?都係識但大意?定都係有學英文有學phonics但不高分?不如你講清楚你個女係點，先睇下點 ...

是識但大意和不大願意看題目,另外常常將唔想做掛在口邊,所以態度決令她常在做功課或練習時有脾氣。

jadenhayden

miujoey 發表於 16-12-21 12:05
我囡小一, 請問小學測驗考試70幾, 80幾 分, 係未好低分? 聽聞有學校70幾分已經收電話?       ...

我個仔成績都係未如我理想！心裡面有啲擔心佢，數學卷番到黎，好多都係錯埋啲無謂野！見到忍不住眼火爆，鬧左佢幾句！然後佢喊住話自己努力左！聽佢咁講，又唔忍心再話佢，但另一方面，亦想佢知道自己咁樣落去，係唔得嘅！話佢又唔係，唔話佢又唔係，進退兩難！但問心嗰句，我真心覺得佢真的唔夠努力，一邊睇老夫子，一邊溫書！唔知講乜好！

little_yolky

jadenhayden 發表於 17-1-13 12:04
我個仔成績都係未如我理想！心裡面有啲擔心佢，數學卷番到黎，好多都係錯埋啲無謂野！見到忍不住眼火爆， ...

我果個係打開本書, 靈魂出竅

little_yolky

IloveJJ 發表於 17-1-13 13:20
咁咪由佢唔好做，老師唔罰既咩？

阿細唔係唔做功課, 係唔溫書。佢今年好咗少少, 會自動做功課, 提佢佢會溫默書。不過, 次次測驗考試叫佢溫, 就表演靈魂出竅我睇。

jadenhayden

little_yolky 發表於 17-1-13 13:10
我果個係打開本書, 靈魂出竅

你地會點對待成績不如理想嘅小朋友？
鬧，佢又話自己已盡力
唔鬧下佢，又驚佢唔知自己衰左

little_yolky

jadenhayden 發表於 17-1-13 16:09
你地會點對待成績不如理想嘅小朋友？
鬧，佢又話自己已盡力
唔鬧下佢，又驚佢唔知自己衰左

我果個會知自己衰, 所以唔駛鬧, 叫佢下次努力D囉。結果出咗嚟係咁, 我就唔會鬧了。你鬧佢, 下次隔咁耐測考, 佢又係唔記得, 咁你咪白鬧? 好唔化算喎。

佢平時好似嘻嘻哈哈唔在意咁, 前幾日因為好努力、好努力，中英考默都好理想。佢私底下同我講，想俾D心機，唔想次次得六、七十分。當然講佢就天下無敵, 但知道其實佢心裡面都係在意的, 我當堂心都定埋。

jadenhayden

IloveJJ 發表於 17-1-13 16:21
佢話自己盡力啫，係咪真係盡力先?如何我認為唔係，我就會鬧啦！其實係溫嗰時，我已鬧咗。我唔會俾 ...

因為佢小一仔，專注力未夠住，所以我俾佢溫一陣，睇一陣！有沒有更好方法？

jadenhayden

little_yolky 發表於 17-1-13 16:19
我果個會知自己衰, 所以唔駛鬧, 叫佢下次努力D囉。結果出咗嚟係咁, 我就唔會鬧了。你鬧佢, 下次隔咁耐測考, ...

我嗰個唔知衰，仲話有個同學差過佢，又有同學同佢同分！不知進取