K2 上學期，請問比較叻叻識多D野既大B，會有咩程度？

tommyxsarah

K2 我想問 叻又代表咩
唔叻又代表咩
K2 是否 應該要識琴琪書畫 天文地理 7 國語言 政治外交

係我覺度k2 最叻叻 係識食識訓識玩 聽話 有禮 身體健康 係我心目中已經叻叻

其他識多d 對我黎講 一d 都唔重要 識甘多無謂野 把鬼 第日都識架拉 甘早學 第日學咩

Jane1983

而家K2、K3，某一方面好似英文、數學、學琴...真係叻一叻都有，但咁樣吾代表考小一無往而不利，亦吾代表長大一定會好叻。

Jane1983

回覆 小曳人 的帖子

話時話，要考到一線小學，係二三千人突圍，真係要做到人群中的top 10%。

wing214

原帖由 bobbob 於 15-10-03 發表
真係唔知識啲恐龍名有乜謂

我仔識thomas火車1至7號名

kinnieyau

我覺得我個女（K2) 好叻，因為佢見到人會打招呼，識得自己食飯，會幫手拎筷子，自己換衫。其實一世人幾十年，淨係讀書都最少廿年，K2代表d咩？我要佢幼稚園學識自理，都唔要高分低能仔。

stephanie714

原帖由 kinnieyau 於 15-10-04 發表
我覺得我個女（K2) 好叻，因為佢見到人會打招呼，識得自己食飯，會幫手拎筷子，自己換衫。其實一世人幾十年 ...

Agree

methy

原帖由 karinepig 於 15-10-02 發表
K2 上學期時，請問比較叻叻識多D野既大B，會有咩程度？
如 看英文書會咩LEVEL，還是仍然認字中？

工作上好多前輩，仔女都中學大學，佢地不約而同一句：中學先見真章。

幼稚園唔使迫，亦唔好谷，保持到學習興趣就夠，佢有興趣就自然會主動讀主動學。
最有印象有前輩話自己三個仔女，兩個全自動波，主動要求出國，供到就供，兩個學成歸來，搵到工作養到自己，只有個細既踢極都唔郁，完全唔鐘意讀書，青春期時差點學壞，當年我聽佢呻，回想起來感受好深，覺得一個人唔係只懂讀書叻就夠...扯遠左..

樓主，人比人比C人。

Hillkymama

孩子有無弱項？各方便平均發展比較重要。

如果學校教的都已懂，可找些練習給他，但留意內容要和學校教的不同，這樣他便不會覺得上課悶，留心聽書對將來學習比較重要，勝過依家學多少少。
另外，目標為本一點，看看心儀小學考咩，跟著準備，正常兩、三日爬文看舊post, 可追齊面試past paper.
加油！

retriever

回覆 methy 的帖子

其實出來做野耐, 又有人生經歷既, 都會覺得SOFT SKILL, 同態度更加重要.
早期教育對以上很有影響, 當然家長唔好TURN OFF 佢地.

早期鬥深真係無什麼意思. 養好習慣比較有用

ok3

Jane1983 發表於 15-10-4 22:04
回覆 小曳人 的帖子

話時話，要考到一線小學，係二三千人突圍，真係要做到人群中的top 10%。 ...

今時今日間間直私閒閒地都過2,3千人考. 一級小一最多收百幾個(有D可能更少)學生. 做到人群中的top 10%已經唔足夠了

sissysze

原帖由 methy 於 15-10-05 發表
工作上好多前輩，仔女都中學大學，佢地不約而同一句：中學先見真章。

幼稚園唔使迫，亦唔好谷，保持到學習 ...

幼稚園唔谷，入唔到好小學，小學唔谷，入唔到中學。好多好中學自己有聯繫，直屬小學，你小學入唔到去，想中學先入難千百倍。我反而覺得一早fit 行入間有中學嘅小學。入到就 un足12年腳

AgapePa

原帖由 wing214 於 15-10-04 發表
我仔識thomas火車1至7號名

我個女K2時識全部滴滴尼公主中英文名＋其他閒角名. 連部份公主法文名都認得.

frogbobo

原帖由 daisylhn 於 15-10-03 發表
我女對玩有興趣

可以連續一路講嘢一路跑跳兩三小時不皺眉頭

其實，呢d先係真小孩

simonwan

sissysze 發表於 15-10-5 10:58
幼稚園唔谷，入唔到好小學，小學唔谷，入唔到中學。好多好中學自己有聯繫，直屬小學，你小學入唔到去，想中 ...

所以，我成日話好多怪獸家長其實系個制度逼出來。