《玩轉腦朋友》--- 一部好有意義的一家大細睇的戲

小曳人

我一家四口去睇
大嗰個無表情，睇完唔願意講返劇情
細嗰個(5歲)，睇到中途就話唔想睇，要走，我好明白在佢嚟講，個故事內容好沉重，好唔開心，我自己都試過睇戲睇到一半頂唔住要離場

如果作為暑期開心節目，建議唔好帶細d嘅小朋友，或者性格比較敏感嘅，佢地會好唔開心

MASAYA

小曳人 發表於 15-8-4 12:30
我一家四口去睇
大嗰個無表情，睇完唔願意講返劇情
細嗰個(5歲)，睇到中途就話唔想睇，要走，我好明白在佢 ...

我未睇，唔鍾意逼，所以睇戲通常遲d睇，原本諗住只帶大女睇，上次睇五個小孩的校長一齊喊到豬頭咁
見妳話性格敏感唔好帶佢地睇，而家十五十六添

HaYi

其實點解性格敏感會睇左唔開心, 因為收不到結局帶來正面信息? 定係個concept  "悲哀同快樂并存" 較難接受?

我反而覺得套戲可以引導內向的小朋友"形象化"心中所思, 易表達出來, 尤其是比較不易表達自己的小朋友. 比只感到哀傷有得著.  但都是要大些如P2以上會明D...

MrBeast

小曳人 發表於 15-8-4 12:30
我一家四口去睇
大嗰個無表情，睇完唔願意講返劇情
細嗰個(5歲)，睇到中途就話唔想睇，要走，我好明白在佢 ...

我想問這問題好耐，因為見到的大多cmt都是來自父母，但好少聽到子女的feedback，小朋友究竟precieve 到乜msg？不過又不想spoil the fun ，直到見到你個po。looks like 我都係等看碟了。

小曳人

MrBeast 發表於 15-8-4 19:48
我想問這問題好耐，因為見到的大多cmt都是來自父母，但好少聽到子女的feedback，小朋友究竟precieve 到乜ms ...

其實最後細仔都睇到尾，但ending講回復正常講好短時間，就完喇！亦唔係好帶到開心氣氛，但細仔自己識講：(主角)無事喇，好返喇！
都叫released嘅，但中途不停遇到問題，阿樂返唔到總部，真係好難受，好絕望架

anyways，教識細仔講感受，我都好開心

阿哥就真係.... 唔知佢諗乜

bigmacq88

我個仔6歲, 睇完冇唔開心.
仲識得問點解之前的記憶球只有一種顏色,
後來產生的記憶球會有2種顏色(ie. 黃+籃)
我好開心! 透過這套電影, 令我易於解釋俾佢聽,
一段記憶, 其實會夾雜2種情緒 (之後引用亞仔的實際例子)
P.S. 睇到中場我感動到喊

Olympian

原帖由 bigmacq88 於 15-08-04 發表
我個仔6歲, 睇完冇唔開心.
仲識得問點解之前的記憶球只有一種顏色,
後來產生的記憶球會有2種顏色(ie. 黃+ ...

我都係……直頭忍唔到。冇諗過睇卡通片喊，好在老公冇去，唔係有排比佢笑。兩個細路冇野，只係呆左唔出聲。

Olympian

我兩個6歲和3歲，唔會明白太多，所以佢地話好睇。仔個朋友仔就抱住阿媽話驚。

其實阿樂和阿愁一路返唔到總部，令我一路睇，一路個心好唔舒服，睇到佢個假想朋友粉紅象消失那一刻真係忍唔住流眼淚。

雖然套戲有點沉重，但好值得看，因可讓孩子知道，我們的行為會受情緒支配。稍後會買故事書重溫內容令他們加深了解。

bigmacq88

原帖由 Olympian 於 15-08-04 發表
本帖最後由 Olympian 於 15-8-4 23:28 編輯

我兩個6歲和3歲，唔會明白太多，所以佢地話好睇。仔個朋友仔 ...

我都係... 睇到粉紅象乒乓跳車, 我d眼淚就係咁流. 係我抹眼淚嘅時候, 仔問我攞爆谷食. 這一個情節, 佢睇唔明呢! 之後佢想買本書睇, 我買咗... 佢而家晩晚睇.

bigmacq88

Inside out 這套戲, 好似幫小朋友開咗一扇門. 令他們明白情緒影響行為...並把這種抽象概念立體化.
所以唔好帶小朋友睇完就算, 要加入日常生活的倒子, 同小朋友解釋一下.

Yanamami

面对自己既情緒对小朋友講应該係过早，所以成套片只有大人会喊，小朋友唔係get唔到、惊，就係唔出声、唔开心~面对情绪、接受同掌握係个漫長既学習，由BB开始到孩童時期、青春期……必須要由自己親自体会~不过套片起碼係开左个話題可以同小朋友傾｡只不过我覚得个話題同五、六年班既傾会啱d，奈何呢个年紀又唔想同阿媽去睇卡通片~其实都證明，同—样野係大人同小朋友眼中係好唔同｡

MrBeast

唔好話大人細路有不同回響，大人有不同人生經歷也一樣會。不過我也同意上面提到父母可從旁引導一下，不過咁其實好多劇和故事/書也可以做到（except most cctvb)

Yanamami

http://diply.com/country-living/cyber-bully-paralyzed-painting-response-twitter/164256

睇其他人唔同既人生經历都对自己有啟發~

anubisking

這套戲好感動，又好真實，我5.5歲的仔只記得笑位

我感觸良多，會反思每日小兒的經歷會產生不同的情緒球，做成核心記憶

quiqui

這套戲真的十分值得推介, 小兒看完後也有反醒自己的行為, 說自己腦內經常是阿燥話事, 他也要試試找回阿樂!!  

小時了了

quiqui 發表於 15-8-5 10:23
這套戲真的十分值得推介, 小兒看完後也有反醒自己的行為, 說自己腦內經常是阿燥話事, 他也要試試找回阿樂!! ...

無錯, 呢個咪就係我講好容易可以係現實中實踐嘅心理學好行為.

星期日晚睇完, 阿女即刻話我係阿愁+阿燥控制; 而阿女自己話自己係阿樂控制. 我呢幾日當情緒開始上升漸漸燥時, 心裏面即刻浮現阿燥形象, 同自己講我唔要阿燥, 我要阿樂, 腦裏抓阿樂個樣出來, 又深呼吸冷靜, 個人 cool down 咗, 同阿女同老公關係呢幾日好大改善, 希望自己情緒控制可以持之以恆, 咁屋企嘅氣氛及與家人關係改善

quiqui

小時了了 發表於 15-8-5 10:41
無錯, 呢個咪就係我講好容易可以係現實中實踐嘅心理學好行為.

星期日晚睇完, 阿女即刻話我係阿愁+阿燥控 ...

那真是很大的收獲, 繼續努力改善一家人的關係!!!
我也從這套電影中, 加深了解小兒的內心世界, 那些人他認為是愁, 那些人他認為是樂... 很有趣!!   
最意想不到的是, 我雖然也有嚴厲, 發忟的對待他, 但他心目中是我仍是一個被阿樂控制的媽媽, 很開心呢!!

hugub

我昨天早上丙完個囡... 佢下午whatapps話佢今日阿愁和阿驚 on duty.... 阿樂唔知去左邊....我好後悔

HaYi

小時了了 發表於 15-8-5 10:41
無錯, 呢個咪就係我講好容易可以係現實中實踐嘅心理學好行為.

星期日晚睇完, 阿女即刻話我係阿愁+阿燥控 ...

好有同感, 我個仔冇話我咩, 不過我自己都覺得大部份時間對住佢, 我是被阿燥控制左, 真心會反省下.  

睇左套戲會想番佢地細個, 真的有好多金色的記憶球.    我問佢, 佢最喜歡咩角色, 我以為佢會說主角之一, 佢反而說個想像朋友.