單對單學普通話有用嗎？

小時了了

我女學校粵教中，所以只有每星期一堂普通話堂學普通話，佢間小學普通話考試有3份卷：1）筆試考拼音；2）聆聽；3）口試。聽阿女講佢今次聆聽及口試滿分，但筆試拼音全部錯，而筆試考睇拼音寫返出中文字出來，以前佢全部撞都係全部錯，今次雖然仍然全部錯但佢可以寫到同音字（我覺得已經好大進步喇），只差少少，咁我相信繼續學落去，下次應該筆試拼音可以寫得準啲呱，另外，下年佢小五呈分試，都希望每科分數都好啲，咁考中學都可以有多啲機會，我係咁諗咋

eviepa

不知大家有沒有夢想？

十幾年前，當女兒呱呱落地時，我有個夢想，就是希望她讀中小學時，不要被大量的功課、溫習去奴役，不要被測驗考試的龐大壓力壓抑，但卻能考進香港的大學。相信當年人家都會認為這是痴人說夢。但到今天，很多相熟網友都知道，我的夢想已成真。我女兒可以在輕鬆的功課、小量的溫習、不大的壓力下進入了大學。

如果我當年是個投降派，認定了要入大學就必定要痛苦，我女兒的命運就會不一樣。

女兒從來未上過學校以外的普通話班，只是大量煲劇以自娛，但以香港人的標準看，是字正腔圓的，印證了我的想法。如果我沒有用愉快手段達致優良成績的夢想，女兒就算能學好普通話，付出的代價也會很大。

人生無夢想，同條………

bubuG

我小朋友K階段上普通話班，一班三、四個，一星期一小時，教下生字，唱遊，學下讀古詩，冇測驗冇考試，非常輕鬆的。上了小學就冇在外學，我覺得因為上普通話班令他有一定聆聽能力，所以現在只在學校學也容易上手。我絕對覺得之前一星期一小時普通話班很有用。

Yanamami

bubuG 發表於 15-6-21 09:19
我小朋友K階段上普通話班，一班三、四個，一星期一小時，教下生字，唱遊，學下讀古詩，冇測驗冇考試，非常 ...

係呀~~我女幼稚園讀英普班，K3又係—星期上下你呢种普通話班，順便学埋拼音，小学係普教中，虽然屋企無人講pth,但佢都幾掂下~~

Olympian

原帖由 小時了了 於 15-06-21 發表
本帖最後由 小時了了 於 15-6-21 07:03 編輯

我女學校粵教中，所以只有每星期一堂普通話堂學普通話，佢 ...

拼音明顯落後值得補下。有進步佢自己都會好開心。最緊要係有返信心。佢會自己攞d詩來朗讀証明佢對普通話有興趣。快暑假了，一星期學一堂一定不吃力。到九月開學先再諗有冇需要繼續上囉。

eviepa

講一個故事：

我姐姐是個很傳統的人，她認為傳統就是好，因此當我們聊到子女教育的問題，她都會用傳統的一把尺去估計大家共同朋友子女的潛力。很明顯，她一向覺得我女兒是個「先天不足，後天失調」的孩子。

我女兒小時候不單不聰明，而且讓人感覺到有點笨，先天不足。

我姐姐見到我教女犯十誡：不做練習、不串生字、不補習、選擇一間少功、少壓力的小學給女兒、不打不罵不哦、中學選擇一間中文中學、玩耍時候多，做功課時候非常少……..。

在EK，有些資深網友對我女兒的學業成績知之甚詳，但和大家的想象剛好相反，其實我的親友，絕大部分都不知道我女兒的學業成績。因為我從來不會無情白白地對對親友講：「很高興呀！我女兒今次考試考全班第一呀！」我只有兩個情況下才會披露女兒成績：第一是朋友主動問起；第二是要講述教育理論，引用女兒作一個佐証。

和姐姐傾談的優秀個案，總沒有我女兒份兒，亦因為姐姐「明知」我女兒成績好不到那裡，所以識趣地不會主動問我女兒的進度，生怕我尷尬，因此她從來都不知這姪女的實力。

到去年文憑試考完畢，但未放榜時，在一個聚會中，姐姐覺得也要問一下姪女的大概成績，否則會被覺得不關心後輩。一問之下，赫然知道姪女在文科班考第一，神情顯得很錯愕。

文憑試放榜的那一天，姐姐因為知道姪女全班考第一，所以知道成績不會差，放膽問我姪女的成績。她知道後語氣的驚愕，我到現在還很深刻。為何一個「先天不足，後天失調」的孩子，文憑試成績會比她認為資質高，教育方法得宜的孩子好得多？為何她是所有共同朋友的孩子中，成績最好的一個？

在以我姐姐為代表的主流人士來說，額外做些英文閱讀理解練習、文法練習、串生字不會花費孩子太多時間，但卻是有效學習方法，何樂而不為？另外，做些中文練習，也不會有太大問題。做些數學補充練習，背誦一些常識問題，樂多學幾件體育藝術……..不是問題。

單單獨地看，每一件事都沒有大問題，但無數的小問題，積累起來就等於涓涓細流匯聚成大江一樣，很容易會壓垮孩子。

舉一個例：

從前大家都覺得多做英文文法練習，是學好文法的關鍵。但此信念十年前被我們幾個家長挑戰：shadeslayer, stjoboldboy, mattsmum及我。我們每一個的孩子，都幾乎不做學校以外的文法練習，我們用了十年的時間去證明，只大量閱讀，不做學校以外文法練習的孩子，文法程度比大量做文法練習的更佳。如果用快快樂樂的方法也可以學好文法，為何要辛苦呢？

回到前面的故事，我姐姐只能看到文憑試描述的表現，她弟弟的愉快教育法還培養了一個普通話根底強勁的女兒，她到今天仍然未知。

如果用快快樂樂的方法也可以達到目標，為何要選擇沉悶辛苦的呢？

Yanamami

eviepa,你預設上堂学煲冬瓜一定好沉悶，但其实遇到好老師，讀下唱下听下故事学下拼音玩下遊戲，唔—定悶吖~唔再係我地小時bo po mo fo禁闷到釣哂鱼既pth堂啦~不过~~係就係多左个洗費就真｡

eviepa

回覆 Yanamami 的帖子

真的有些普通話班是輕鬆愉快地渡過嗎？我有興趣知道詳情。

bubuG

原帖由 eviepa 於 15-06-20 發表
學普通話需要花錢上普通話班嗎？需要孩子在學校課堂、功課之外，還要額外擔負沉悶的普通班嗎？

記得剛和太 ...

㷛劇方法不是人人得，至少我仔唔得。因為佢唔鐘意睇電視，後來想佢英文聆聽好D，引佢睇Disney junior ，佢ok ，但點都唔肯睇普通話甚至廣東話的卡通。上堂有老師和小朋友互動，嘻嘻哈哈過一堂就非常受落。現在他小學是普教中，我反而cut 咗校外普通話班，因為他跟得上，我又不追求卓越。

Yanamami

bubuG 發表於 15-6-21 17:36
㷛劇方法不是人人得，至少我仔唔得。因為佢唔鐘意睇電視，後來想佢英文聆聽好D，引佢睇Disney junior ，佢o ...

Yes, 上堂既重点係互动~我覚得上堂老師教較有系統，掌握左之後睇劇又好卡通又好，用黎維持或加强所学到既就好唔错~

小時了了

Yanamami 發表於 15-6-21 11:03
eviepa,你預設上堂学煲冬瓜一定好沉悶，但其实遇到好老師，讀下唱下听下故事学下拼音玩下遊戲，唔—定悶吖~唔再係我地小時bo po mo fo禁闷到釣哂鱼既pth堂啦~不过~~係就係多左个洗費就真｡

十萬個認同，阿女超鍾意個老師，每星期都好期待上堂，阿女真係唔覺係補習，仲講過好多次叫我唔准cut, 唔明點解認為學野就係好似好唔應該，十惡不赦咁嘅，唔可以用另一個角度當興趣班，又可以改進學業呢？！
Remarks 1: 阿女係快快樂樂的方法達到目標，絕無沉悶辛苦! 係我及C6 賺錢辛苦啫！

Remarks 2: 咁如果啲人要係出面學, 做練習及考國家語委的「普通話水平測試」(普通話), IELTS (the International English Language Testing System) (英文）or TOEFL (the Test of English as a Foreign Language ) (英文）的主流人士來說，額外做這些英文閱讀理解練習、文法練習、串生字...  都係好唔應該嘅方法 ?????唔通舉辦及考呢啲國際認同嘅試係非常之唔應該嘅？？？唔通學語文（英文又好，普通語又好），只有不做練習、不串生字、不補習、選擇一間少功、少壓力的小學、不打不罵不哦、中學選擇一間中文中學、玩耍時候多，做功課時候非常少, 從來未上過學校以外的普通話班，只是大量煲劇以自娛呢一個唯一方法，容不下其他人有其他方法，都可以係愉快學習而達到目的嘅？？？？？近年坊間及學校興起用英語音樂劇學英文，唔通呢個方法學係錯嘅？？？英語音樂劇嘅其中一間中學資料：http://blogcity.me/blog/reply_blog_express.asp?f=MH9H2DH7MQ239720&id=611091

Remarks 3: 我只係度閒話家常，吹下水，發表個人見解，唔係咩野學術研究 (雖然我女兒小時候不單聰明，而且讓人感覺到有點醒目及更有不少人話阿女資優, 阿女有做公認科學化及學術認可IQ Test, 證明唔係聰明過人，亦唔係資優，只不過正常小朋友一個 )，不喜必插！

scyauchris

回覆 小時了了 的帖子

我女一定唔會話自己的術科是補習, 佢對補習定義係教返同學校課程一様東西。學乜都好最重要是小朋友喜歡, 考公開試可以無壓力吓去比佢玩吓, 除左考琴就真係要佢認真d, 不過囡囡一級都未考過。其實每個小朋友興趣同能力唔同, 方法不是得一種,也不是人人合適。

王家爸爸

sllam2013 發表於 15-6-21 08:39
若學校普通話老師教得不好而父母也不識操正確普通話，那麼，小孩子去參加少量普通話補課或聘請一對一私人 ...

國語跟普通話雖然並非完全一様，但只是用字既唔同，相似既地方比不同的多。其實就好知港式廣東話同廣州廣東話類似，廣州話「我啦你講」，我地話「我同你講」。