覺唔覺好多家長自己唔識教小朋友~~

rean_chau

唔識教呢個講法太概括。點先為之識教，讀書叻？行為好？我表弟由細到大都頑皮，讀書差學校成日投訴，佢媽都無佢辦法，但大個左最孝順係佢。我堂細佬品學兼優，讀得最多書，人工最高，又如何，一蚊家用都唔想比。

有時我地只係睇到眼前，覺得自己個小朋友好差，自己好差。但退一步來睇，撒種種瓜有好多因素影響成果。唔係個個天生識教，唔係個個小朋友都易教。仔女成就唔完全代表父母人生既成績表。

hellolo

我都好傷心，自己个仔唔受教，雖然不是非常頑皮，但情緒總是控制不了，人家看到就覺得你冇教，我都好無奈。只怪自己没福份生个聽教聽話的！

GenevieveTNL

原帖由 hellolo 於 14-10-31 發表
我都好傷心，自己个仔唔受教，雖然不是非常頑皮，但情緒總是控制不了，人家看到就覺得你冇教，我都好無奈。 ...

你囝囝會知道你的苦心，要相信不是唔受教，只是未開 "Hiu"。

爸爸愛您

原帖由 Yanamami 於 14-10-31 發表
唉~~無奈呀！講身教，有時真喺你有你教，佢有佢唔受教呀~

我喺唔會遲到既人，仲要早到。我細女P4時就話， ...

同意

hellolo

有評估……輕微自傾

櫻花公主

唔想話人，我自己都唔識教女，自問一直品格方面執得好嚴，但而家仲識講大話，真係寧願冇生過

moondream3003

我兩個仔都好乖好聽話， 一個K2 一個 P4, 食飯未到一歲會坐定定自己食， 有禮貌， 溫書唔使我理， 閒時會自己攞書睇…………等等， 我家都注重身教。  我心態係作為父母， 只能盡量做， 做左唔一定得， 但做左唔得都無悔。  家家有本難諗的經， 有時小朋友本身有點天生問題外人又不知， 又要受別人眼光很慘。  每個小朋友就算雙生兒也有不同性格， 父母做左小朋友又接受真係要感謝神。

stepyau

我大女脾氣好大性格好硬頸，硬一定唔得，軟都未必次次ok，看見人家好受教，一叫就肯聽的小朋友，真係眼淚在心裡流。

wan_sosin

原帖由 hellolo 於 14-10-31 發表
我都好傷心，自己个仔唔受教，雖然不是非常頑皮，但情緒總是控制不了，人家看到就覺得你冇教，我都好無奈。 ...

有福份嘅父母唔多架！我都無咁嘅福份，個仔都要去評估！

與其話人唔識教，不如關心下，點解教唔到！大家都做人父母，互相支持有用D

marble2004

回覆 marcuscyrus 的帖子

Bingo!   小朋友 青春 期 前 任 你 點, 青春 期 時 都 會 激 死 我,  但 回 想 自己小朋友 時 都 是 如 此......

marcuscyrus

marble2004 發表於 14-11-1 23:16
回覆 marcuscyrus 的帖子

Bingo!   小朋友 青春 期 前 任 你 點, 青春 期 時 都 會 激 死 我,  但 回 想  ...

弊在我從小唔使我媽操心，現在有時啲野睇唔過眼，老公仲話佢細個都同啲仔一樣係咁，我要從新審視我眼中的仔，否則比一大兩細仔激死都未天光。

MASAYA

hellolo 發表於 14-10-31 19:25
我都好傷心，自己个仔唔受教，雖然不是非常頑皮，但情緒總是控制不了，人家看到就覺得你冇教，我都好無奈。 ...

我女都係咁, 自己控制唔到情緒, 外人睇就覺得唔聽話, 但我自己知佢已接收到我教既訊息, 只係現階段未控制到自己, 我自己細個都係失晒控個種, 但大到青春期反而定性, 冇其他人青春期既反叛, 所以教都係咁教, 教育過程未完成, 唔通我地而家就想佢地突變成完全體?

Haz-mama

教育子女對父母來說, 真的不容易，有時不是不想教好他們，而是,不是每一個小孩也受教，真係“家家有本難唸的經”！

sugarbun

真係有苦自己知, 兩個一樣咁教, 一個人前人後好有禮貌, 一個就c都唔肯叫人, 已習慣比人話無家教

Mini-mummy

我都覺唔係教咩，個小朋友就肯聽咩。有時，佢：「哦哦哦」，你心諗佢會聽，終有一日會做，最終又係唔做，咁自己就會忟。
唉～真係唔識教。
我個小朋友仲要係相反咁教先肯聽⋯⋯例如：（語重心長地說）上堂要乖乖坐定定聽書，唔好出位，老師會罰無小息架。（佢唔會聽架）要講：（語帶諷刺地說）咁你上堂出位啦，比老師罰下啫，罰啦～罰啦～無小息ja ma。唉～旁人聽到，一定覺得呢個阿媽點解用咁嘅語氣呀～其實我都唔想，我都想做天使架～我都想好似電視劇嘅善姨好姨咁，或者溏心xx嘅大媽咁，用好慈祥嘅語氣同仔女講野，然後會教出一個個好孝順好聽話嘅子女

little_yolky

mandytanghk 發表於 14-10-31 17:56
一家唔知一家事，看到頑頗的小孩一定代表冇教？！有受教的小孩何其幸福。



  ...

係, 我兩個都好乖好聽話, 老公又好, 一切都好順利。大囡好乖, 性格好, 大事化小型, 人靚聲甜, 雖然讀書唔係名列前茅, 不過都叫自動自覺。細囡都好乖, 雖然係小事化大型, 無乜好朋友, 但都好聽話, 人又聰明, 成日笑面迎人, 啱啱又好彩收到小一offer, 提早收工。


不過, 我性格好悲觀, 成日覺得點解會咁好彩, 一定係有唔好既嘢响前面等緊我, 所以一直好憂慮。mg:" />

MASAYA

little_yolky 發表於 14-11-3 14:04
係, 我兩個都好乖好聽話, 老公又好, 一切都好順利。大囡好乖, 性格好, 大事化小型, 人靚聲甜, 雖然讀書唔係 ...

睇黎成家最難搞0個個係妳喎

little_yolky

MASAYA 發表於 14-11-3 17:53
睇黎成家最難搞0個個係妳喎

事關真係成日有唔好既事發生, 例如一儲到啲錢, 工人又走佬, 又要徙成萬蚊請過一個, 又要搵地方安置阿爸直到新工人嚟。生活平靜一啲, 又會响電話, 話阿爸邊度頭暈身興。隔一陣, 老公又同我講屋企邊度漏水, 要搵人裝修。明明好地地, 兩個囡又輪流咁咳。真係好煩。總之, 個天好似唔會俾我有好日子過咁。