好沮喪～

w.ling

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

加油呀! 做mama係辛苦，佢地仲好細，慢慢黎啦。佢地開始有自己思想架啦。

cck216

唔洗沮喪喎。。我仔都係N。。出界屬正常事啦，亂畫更加經常發生，要狂係佢隔離係咁講油邊到，唔係周圍油㗎!!
我都有額外買d 填色畫冊比佢得閒練習下，好似佢喜歡車。。我就買車主題提高個興趣囉。。其實我都只係想訓練返個專注力，填得靚唔靚我個人覺得無所謂!!

Julybabe

其實無需要沮喪la, only 2，3歲人仔，吾油、亂油好正常姐……咪由得佢自由發揮lor,如果比我便會由得佢，油得几多得几多，功課照交！

yannietimb

其實n班日日有功課都真係唔正常，我姨甥仔n班時又係每日一張大過A4既圖畫要油顏色，佢每日都唔願做，差不多每日份功課都係阿媽等佢訓左幫佢油，因為迫都迫唔黎，姨甥仔係有點發展遲緩，到現在k3，終於脱胎換骨，自己主動做功課，有時小朋友能力未及，等佢hea做啦，愈迫佢失去興趣更慘！

Orelia

禁細個小肌肉未發展好，佢地油油係會好累的，如果唔想佢出界，佢油時你用張紙頂住D邊位就OK，油得多就會進步，不用緊張

朵朵

同意

moondream3003

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

你是否要求太高呀， N 班咋， K1 都未必得啦，小肌肉都未ready, 小心你已經嚇怕左佢啦。

moondream3003

原帖由 w.ling 於 14-10-26 發表
其實曾經睇過一個報導，details唔太記得，但睇完我buy架。HK會由細教小朋友填顏色，係一個框框內填色，其實 ...

agree

catcatma

2歳的幼兒是屬於塗鴉期，即係在紙上亂畫線條，當中可見幼兒能否用多種色彩、或線條的深淺評幼兒的手肌能力，而出界與否又関乎到手眼協調和空間感的能力，大人看似簡單的填色，但2歳的小朋友就不那麼容易了，或者比佢畫大筆畫會好玩D和易控制支筆。如你了解過幼兒畫畫的各發展階段，了解下就不會那麼擔心了。

vpo0615

係囉, 扼殺小朋友D創意.

msbear

唔好太緊張啦, 只不過二歲多嘅小朋友, 做家長都要放鬆下, 唔係精神壓力過大啦, 好易影響親子關係~

hysalice

原帖由 catli11 於 14-09-22 發表
女女n班，每星期都有份填色功課，每星期都筋疲力竭咁同佢一齊填，佢成日好似唔想填咁，好唔專心，填到出晒 ...

我係同路人，我囡剛返N班，返到屋企唔肯做油顏色功課，連揸筆都唔願意。莫講話出界 。問過學校老師，在學校老師揸佢手油，又可以叫佢油，佢都會油少少。但在屋企，佢連俾我揸佢手都唔俾。我諗緊俾唔俾佢參加畫畫班，提升興趣