從前我希望/要求仔女點樣,依家仔女咁樣!唉!要接受好大落差

小時了了

Yanamami 發表於 14-8-14 20:57
唔記得聽邊度講：仔女唔喺要黎實現你未完既夢想架~~~

無錯, 學鋼琴就係我自己個人的夢想而強加係阿囡身上.

基於自己心結, 自己無機會學亦不識彈鋼琴, 但我好喜歡係屋企聽鋼琴音樂, 而教會司琴亦很缺乏, 小女BB 時已好想她快些長大, 到適合年齡可以到琴行學鋼琴, 將來可以在教會幫手負責司琴. 而我當時亦上網找尋了演藝學院課外音樂課程, 打算小女又再長大些報讀.

好不容易小女上幼稚園夠年齡學了, 我立即報附近琴行學琴, 但學了差不多大半年, 小女表現得非常不積極, 亦不時說不想學. 平日是老爺奶奶接送她去琴行, 有一日我突襲到琴行偷看她學琴, 我卻看見一個情景 – 老師好有耐性向她教如何在琴鍵上彈, 我卻看見小女的眼皮不受控制緩緩墜下, 而頭顱亦隨著眼皮不停向上向下來回擺動, 老師不停輕拍她, 她都是醒一下, 睡三下. 因為這情景令我好深刻印象, 我決定不再強迫她學佢無興趣的鋼琴了. 什麼負責教會司琴, 什麼藝演學院學音樂, 一切已遙不可及了.

小時了了

hkpapa852 發表於 14-8-14 17:48
好多事情都係雙向嘅，你對人地有要求，人地對你都有要求

係「檢討」之餘，又有冇問過仔女對自己嘅期望？答 ...

阿女表達的希望及要求:

1) 阿媽唔好返工全職照顧家庭
2) 想有弟弟/妹妹一齊玩及被佢照顧 (因為她依家係獨女)
3) 想每晚同佢只係玩棋或玩其他, 總之每晚唔想聽, 睇英文書及英文作文
4) 非常想學足球 (但作為阿媽嘅我非常不願意, 什麼運動都可以, 惟獨足球不願意. 因為小女已經非常男仔頭了, 我好驚佢性傾向男性咁點算? 若日後佢要變性又或者同性X, 我都唔知點算?)

所以, 自己對自己期望 (作母親角色的期望 ), 自己對小女的期望等, 往往有好大落差, 要不停學習 "接受現實"

edith208

小時了了 發表於 14-8-15 09:18
阿女表達的希望及要求:

1) 阿媽唔好返工全職照顧家庭

學足球唔會令女孩子男性化
我識有小學同中學時期學踢足球 / 欖球的學生, 佢地冇因踢波變得男仔頭,

佢地體能不錯, 知道讀書時讀書, 練波時練波, 好自律

Yanamami

小時了了 發表於 14-8-15 09:18
阿女表達的希望及要求:

1) 阿媽唔好返工全職照顧家庭

我好驚佢性傾向男性咁點算? 若日後佢要變性又或者同性X, 我都唔知點算?)



同性戀喺咪天生的？不會因為完足球而變吧（最多粗魯d~）我同學個女，能文能武，3項鐵人，上山下海~~但都又可以好女仔下。我d女無玩比較男仔的運動，但從來唔著裙，日日tee同波鞋，咪一樣？我細女同學，劍擊、田競、排球，又喺唔著裙的，都OK呀！反正touch wood有一天你發現她變了。。。。都無法，始終喺自己個女，唔鍾意都要接受。父母既愛應該可以包容一切。有d人喺活動型，唔好困住他，先有得發揮，先做到成績的。

MariaTsui

我沒有刻意要求對仔女,反而有意外收穫:

哥哥想參加幼童軍,就讓他參加,可能是自己想參加,所以很投入,升中後,會繼續晉團做童軍,他希望將來可以做童軍領袖,在這段期間,發現他的交際能力原來很強,也有點領導才能.

由於自己沒有藝術天份,一直沒有要求仔女學音樂,繪畫,除非自發性要求,妹妹讀幼稚園時,老師跟我說她畫得不錯,才留意她有繪畫天份,就讓她學繪畫,參加畫室的比賽,竟然有獎

我和其他家長一樣,最注重學業,我的要求不高,只需入到英中就可以,哥哥總算達標,但看著妹妹的進度,知道英中并不適合她,已調節自己的要求,只要入到一間校風好的中中都沒有問題

父母對初生兒有很多期望,隨時間長大,我們應按小朋友的能力,興趣而盡力裁培,也要按小朋友的意願,能力調節自己的要求,否則會影響親子關係,需明白小朋友是獨立個體.

hkpapa852

不妨看看這篇文章:
http://hk.apple.nextmedia.com/su ... t/20140809/18824841

最好的一句, 亦是我們最需要學習的事: 哀悼你理想的孩子，接受你孩子的一切。

Yanamami

MariaTsui 發表於 14-8-15 09:32
我沒有刻意要求對仔女,反而有意外收穫:

哥哥想參加幼童軍,就讓他參加,可能是自己想參加,所以很投入,升中後 ...

Yes yes，十隻手指有長短，爸媽就喺要喺小朋友成長過程中搵到他的亮點，再加以栽培。千祈唔好夾硬要魚兒去爬樹，烏龜去賽跑。

MrBeast

MASAYA 發表於 14-8-15 08:52
我記憶不強, 但有大量幼稚思想加少許同理心, 大約知小朋友既想法, 所以好鍾意shall we talk裡面既一句: 孩 ...

好句，我覺得tell me more, we should listen 會更好 ：）

MrBeast

小時了了 發表於 14-8-15 09:18
阿女表達的希望及要求:
...
4) 非常想學足球

不防問下佢喜歡的原因

小時了了

hkpapa852 發表於 14-8-15 09:38
不妨看看這篇文章:
http://hk.apple.nextmedia.com/supplement/family/art/20140809/18824841

hkpapa852, "哀悼你理想的孩子，接受你孩子的一切。" http://hk.apple.nextmedia.com/supplement/family/art/20140809/18824841 呢篇文章寫得非常好,  Post 出來同大家分享


在英國，我們有一句俗語：「哀悼你理想的孩子，接受你孩子的一切。」（mourn the child you wanted, accept the child you have.）

所有父母都會對孩子長大後有所期望。或許你會想孩子成為律師，又或者明星，或是高級行政員？無論你望子成為怎樣的「龍」，有很高的可能性，你的孩子不會有跟你一樣的目標，或不能滿足你的期望。這不只是殘疾孩子的家長所面對的挑戰，是每個家長所面對的挑戰。

哀悼孩子，意旨接受你自己夢想中理想的孩子已死。給自己一些時間去接受這現實，實實在在的生活下去，接受你現實生活中你擁有的孩子。

我朋友有個兒子。我的朋友喜歡電腦遊戲，但不愛運動，他尤其討厭足球。他經常提及希望兒子快快長大，跟他一起「打機」。但他的兒子愛踢球，但因為我的朋友不喜歡，就不鼓勵兒子踢足球。他不想兒子喜歡他不喜歡的東西。如果兒子長大後只愛足球，而討厭玩電腦遊戲，那怎麼辦？在未來，這或許會因為孩子未能滿足父母之期望而感壓力，繼而發展成家庭問題。這令孩子長大後也沒太多的安全感，因為他只會不斷嘗試去滿足父母之期望，當孩子長大成人後，他們從來不知道自己喜歡甚麼、自己想做甚麼，他們只懂討好他人而不會知道自己的心思。

我和大女兒影曦有一個類似的經驗。我愛驚慄電影、過山車、萬聖節，但影曦卻相反，這些都不喜歡。她尤其討厭過山車。當然我對這有點失望，因為我希望她喜歡我喜歡的，想跟她有共同喜好。但生活不是如此的。我需要接受她的一切，接受她是誰。她愛電腦遊戲，也會跟我靜靜的坐着看體育節目，所以透過這些事，我仍可跟她建立良好的親子關係。當我們去海洋公園時，我會讓她跟着媽媽（她也不喜歡過山車），我會和二女靖翹去坐不同的過山車。我有三個女兒，她們也很不同，我需要找我們的共同點來跟她們「溝通」。

哀悼你那「理想」的孩子，接納你的孩子，讓孩子尋找他們喜歡的、享受的，跟孩子一起分享那些快樂時光，這是和孩子建立親密的親子關係長久之法，這些回憶會成為你給孩子永久的禮物。

HaYi

我覺得家長的standard /要求應該是跟小朋友成長的步去不時調較, 所以正常不會長期有落差.

我個(8yr) 自細不同playgroup, 又不同運動 (Swim, TaiKwungDao, Tennis, Table Tennis, Badminton, basketball etc)  音樂( Piano, Violin, Choir and 吹的..) Art, Chess, Eng Drama, other interest class,
=> 其實佢冇野專, 叫做識下.
不過我自己都唔覺得要set 咩standard, 反正趁低年級, 喜歡又有時間就Keep, 冇要度, 落差反而不大 .

成績我見佢Kinder 都不錯, 點知上小學中文問題多, 開始是有較大落差, 2年來追下追下都己改善

我經常勸自己:　短期的落差實難免, 長期的落差要避免,
希望以後多來的是"驚喜"吧..

external

相對上, 小朋友的要求來得簡單得多, 無論父母的樣貌如何, 健康如何, 聰明與否, 做什麼職業也好,他們的希望就是父母有時間用心地陪他玩和成長.
這個落差大嗎

hkpapa852

看看這文, 作為父母的我們, 大家又做到了多少?
http://baby.mxabc.com/sidaoqi/nengli/200612/37419.shtml

skkeung

原帖由 小時了了 於 14-08-14 發表
本帖最後由 小時了了 於 14-8-14 17:43 編輯

呢排無聊, 突發奇想數算小女呢 9年來的成長經過, 數算之下, ...

很有趣的比較！結論或心得如何？

小時了了

external 發表於 14-8-15 10:42
相對上, 小朋友的要求來得簡單得多, 無論父母的樣貌如何, 健康如何, 聰明與否, 做什麼職業也好,他們的希望 ...

無錯, 成人的睇法同小孩的睇法, 簡直外星人同地球人的分別.


我真係覺得自己又肥(生女前115磅, 生女後160磅), 又醜, 又惡... 下刪 500字.

但阿女自幼到依家, 都話我唔肥, 佢仲成日話好鍾意依家嘅媽咪, 佢好鍾意攬住我肚皮, 好好攬. 而我成日話要減肥, 佢每次都唔鍾意及唔想聽到我話減肥. 係佢眼中, 自少佢真係覺得我靚呢個落差都好大吓.........

little_yolky

eviepa 發表於 14-8-15 07:31
當BB呱呱落地時，做父母的很自然會有很多的幻想，期望這個小不點將來可以發光發熱照萬家。有這樣的想法，並 ...

就係因為記性好, 所以成日覺得「點解我做到你做唔到」。但近來心情調適咗, 卻發現原來阿囡好叻, 有「更多」既嘢係佢做到但我當年做唔到。
例如：
1. 好細個已經識畫畫
2. 好細個已經識自動自覺睇書
3. 好快戒片
4. 好多同學仔都鐘意同佢做朋友, i.e.幼稚園時成日坐生日枱(獲生日同學邀請)
5. 唱歌好好聽
6. 5、6歲人仔夠膽單挑上台表演粵劇
7. 好細個識自己沖涼
8. 好細個識用杯, 可以戒奶樽
9. 識得用好聽的說話呃媽咪為求達到自己的目的
10. 英文、普通話好過當年的我

原來, 到最後發現自己細個時, 只係讀書叻過佢, 同埋自律過佢兩樣而已。真慚愧。

little_yolky

小時了了 發表於 14-8-15 10:59
無錯, 成人的睇法同小孩的睇法, 簡直外星人同地球人的分別.

都係減下好, 我哋開始年紀大, 太肥好易塞血管同關節痛, 我答應寶寶s, 要保持健康既身體, 第日幫佢哋照顧(佢哋既)小寶寶的。130+差唔多, 有啲肉又唔太瘦。

MASAYA

little_yolky 發表於 14-8-15 11:08
就係因為記性好, 所以成日覺得「點解我做到你做唔到」。但近來心情調適咗, 卻發現原來阿囡好叻, 有「更多」 ...

同以前比較仲大鑊過同身邊既人比較...
點解而家d球員冇佐敦同馬勒當拿咁勁？點解以前有達文西有愛因斯坦，雖然近年有steve jobs，但都成為過去...

little_yolky

MASAYA 發表於 14-8-15 11:44
同以前比較仲大鑊過同身邊既人比較...
點解而家d球員冇佐敦同馬勒當拿咁勁？點解以前有達文西有愛因斯坦， ...

美斯都唔錯的, 起碼性格好過馬勒當拿。
我諗用霍金同愛因斯坦比較會合適啲。

little_yolky

hkpapa852 發表於 14-8-14 17:48
好多事情都係雙向嘅，你對人地有要求，人地對你都有要求

係「檢討」之餘，又有冇問過仔女對自己嘅期望？答 ...

大女對媽媽既要求：買多啲禮物俾我
細女對媽媽既要求：唔好成日咁惡, 成日陪住佢

都唔係好難受啫。