九龍城區是不是不可叩本區中學

ATSLO

goodenough 發表於 14-7-5 00:27
如果有經驗的家長，從客觀因素去分析就知問題會出現的地方。上年有家長第五派入旅港，你只需將旅港填第四或 ...

重點不就是要＂確定＂是Band one！問題係一日未派位，一日都未必知自己的Banding（其實派了都未必知）。
去年老師實牙實齒話我的孩子一定係Band 1，結果係派第８志願。初時以為自己選校策略失敗，存加上隨機編號太後，影響派位，後來到ＥＫ見第五志願派旅港先驚覺他原來係Band 2，因為我填了旅港係做第三志願。最後入了Band 2A學校。
你可能會話他是Band 2，派位結果好正常。不過，間Band 2A學校有大約1/3係Band 1學生，他考全級第一，連中學校長都認為他一定是Band 1 (因為校長只知收了幾多個Band 1, 2, 3, 唔知邊個係Band 1)。咁點解明明小學及中學都話係Band 1 的學生，係教育局的派位機制內變成Band 2？我認為係因為的前輩考Pre-S1成績的成績不好，拖累了他的Banding。但，我點會知道前輩考得好唔好？其實前輩有冇考Pre-S1都成問題。

點解會有人認為用學兄學姊的成績來評估下屆學生的成績係公平及合理？津小係派位，收到的小一學生的質素係冇保證，點會教到年年成績的水平係一致？就算親兄弟姊妹，他們的個性、智能及學習能力都不一樣啦。我希望教育局能認真檢討這個派位制度，不要再製造太多錯配的派位結果。

goodenough

原帖由 ATSLO 於 14-07-05 發表
重點不就是要＂確定＂是Band one！問題係一日未派位，一日都未必知自己的Banding（其實派了都未必知）。
去 ...

我睇到你的情況，我有興趣想知幾樣野。你小朋友自行報學校的情況和你們獲派的band 2中學是那一間。在九龍城本區內上年咁好環境下，一間band 2學校仍然可接收到1/3band  1生，我諗大家都好想知。

所以，我都有提醒其他家長，最好問一問老師標準分的排名，有d學校真係可以相差好少好少的上落可以相差幾十名，最終獲得的配對分又有好大的分別。一次的分別已經咁大，可想而知三次呈分後的分別是有幾犀利。單靠校內名次作推斷是比較草率。其次，呈分試嘅重點係穩定性，如果三次呈分都好穩定的同學，除了估算較準之外，對爭取入頭三的同學是必需，對邊緣同學的估算亦較肯定。如果三次呈分唔穩定的同學，有機會輸比自己同學之外，別人學校成績穩定的，排完banding後都有機會搶埋你個band 1位。所以，唔好全賴晒師兄師姐PS1成績，自己都要爭氣架。

fion6406

原帖由 goodenough 於 14-07-05 發表
如果有經驗的家長，從客觀因素去分析就知問題會出現的地方。上年有家長第五派入旅港，你只需將旅港填第四或 ...

其實九龍城一直被稱為band 1 位多，會唔會吸引了不少band 1 頭（band 1 頭跨區肯定唔怕跌band ）的外區學生跨入來報呢？如此，就會把原九龍城穩陣band 1 中/尾學生也推落band 2？有無這樣的可能？

fion6406

原帖由 opclk 於 14-07-05 發表
回覆 fion6406 的帖子

只有甲部可能,學校派位甲乙部是分開的,

我意思是外區學校學生用住址改乙部派位校網是九龍城區

fion6406

統一派位電腦攪珠前分3個band, 是把九龍城全部學生除3去分band, 如果成績前列位置被過江龍插了隊，band 1 原隊尾的學生是有可能排落band 2？

林嬌嬌

是的…全港計是band1,但在KL3有可能是band2

goodenough

原帖由 fion6406 於 14-07-05 發表
其實九龍城一直被稱為band 1 位多，會唔會吸引了不少band 1 頭（band 1 頭跨區肯定唔怕跌band ）的外區學生 ...

轉區係會增加學位的需求，但如果照你所說是一批band 1頭同學轉來的話，他們很多會在自行時已成功，唔會霸你好多位！

另一方面，轉區的變數，早已在三次呈分後，教局在四月中你們學校開家長會前已將你們學校的banding概況通知了學校而這個數字已包含了轉區的變化。今年還有埋上年的分佈，band1頭中尾的比例都更清楚了。

還有，如果當有band 2同學派到銀的話，亦可從中印證了上年區內的band 1位仍然是夠派的。

既然教局係有多方面的資料給學校去計算，雖不中亦不遠。模菱兩可的，可歸納為邊緣人，有一定的風險，至少讓家長知道。

goodenough

原帖由 fion6406 於 14-07-05 發表
統一派位電腦攪珠前分3個band, 是把九龍城全部學生除3去分band, 如果成績前列位置被過江龍插了隊，band 1  ...

學校會在選校前已知轉區派位帶來的變化對自己學校banding的影響，但學校未必知夠唔夠band 1位。所以學校係會傾向保守，但如果以上年有band 2同學可以派入band 1學校的情況，除非你沒有盡填區內所有band 1，即是人地本來有位剩的，你又冇填，這個是自己的問題。當然這個是上年的情形，如果遇到人多位少的年份或地區，那就算你填晒所有band 1都冇用。到這種情形，唯有將自己盡快送進band1C而避免跌落band 2。

Yanamami

果位同学SPC都收但無簽番，派得唔好，或者填表太進取加隰机no.衰到貼地，好彩返叩SPC都收番佢。

goodenough

opclk 發表於 14-7-5 19:34
回覆 fion6406 的帖子

每個制度都會有漏洞。人家有錢十幾區都有物業或住址您也没法。

係呀，有錢人可以學孟母三遷，冇能力嘅唯有想盡辦法，認清派位制度的不足，留意一下人家分享的地方。多些請教有經驗的老師，亦可問一問有經驗的人，再加以辨證！

ATSLO

原帖由 goodenough 於 14-07-05 發表
我睇到你的情況，我有興趣想知幾樣野。你小朋友自行報學校的情況和你們獲派的band 2中學是那一間。在九龍城 ...

因為老師話一定係band 1 學生，所以我好進取地頭6個志願都係band 1中學，當中包括旅港，黃笏南，丘佐榮，銀禧，詳細就唔記得了，第7開始揀b2。

成績係有上落，但排名都在5名之內上落，學校應該係以標準化後呈分的名次同我們講的。如果係你所講4月以知校內大約banding的情況，老師應該唔會俾錯料。但我估計學校的band 1學生較上一年少了20-30%，所以學校先會估計錯誤。而影響有咁大係因為去年取Pre-S1的年份有改動。 咁點會唔關前輩事呢？

ATSLO

成績上嘅上落並不是大上大落。

懶羊羊

原帖由 ATSLO 於 14-07-06 發表
因為老師話一定係band 1 學生，所以我好進取地頭6個志願都係band 1中學，當中包括旅港，黃笏南，丘佐榮，銀 ...

升中banding變數實在太多，透明度又低，唔怪得咁多家長有直资收就去馬，唔玩派位。

goodenough

原帖由 opclk 於 14-07-06 發表
回覆 ATSLO 的帖子

差2O~3O%真係死得。如小朋友是1C頭的。分分鐘落B2。

20-30%如果係計上年派幾多band 1，都不是沒可能。因九龍城區絕對有唔少band2派到band 1英中。一但今年學校整體隨機號碼唔好，跌幅可以好大。如果唔係像這些進取的學校，同學間嘅競爭大，一兩分的上落已足以有一、二十名，甚至幾十名的差距。不過這位家長已表明學校的名次是以標準分算了。

第二樣係，這個我諗你已經好瞭解的，就係就算用標準分來計算，仍然會跟教局所用的配對分有距離。若三次呈分有起落變化，最後已經會面目全非，還記得呈分在EK的口訣嗎？對了，就是一次都不能少，一科都不能少和一分都不能少。

強校網內競爭非常大，強校網內強校還好，一但是強網內的普通學校，或弱校，又真的有機會因PS1的的成績有影響。不是你們考得不好，只是強校平時有質量的訓練。PS1的變化好少會好突如其來的上落好大，但每一處地方都有失分的話，加加埋埋就會好大。

幸好，強如九龍城的校網，一去到外面全港的比較時，仍有強大的競爭力。所以直資和自行甚至叩門都有一定優勢。善用！

HappyEE

回覆 goodboy1 的帖子

我理解是五名之內上落, 即三次呈分名次分別都唔大過五名, 而不是考全班/全級頭五名