2011年細女語言慢半年，今年k1定n好？

ccmama2011

原帖由 AgapePa 於 14-01-21 發表
小朋友的話言能力並非一歩一歩進歩,
係突然識講, 小女上N班前只會講單句, 但2個月後就乜都識講. ...

好多朋友都咁同我講，但我日日等佢突然識講野等到頸都長，哈！

最慘係佢自己個名（短既）都講唔到

ccmama2011

原帖由 j830syp 於 14-01-21 發表
回覆 ccmama2011 的帖子

那裏可以做語言評古？

健康院有轉介，私人既你google 下 言語治療

有好多間

千幾蚊第一次評估

pandafood

如果已經有K1 offer, 不仿可以讀K1. 下年再重讀K1.  我係覺得PN 都係唱遊下玩下，比佢重讀好似有點浪費光陰。因為我宜家有比我仔做認知訓練、語言訓練，佢地都認為就算小朋友唔講說話但都要豐富佢嘅詞語。PN生活一定開心啲，但好似K1會多啲野學，當然都要睇埋個小朋友情緒同埋學校比幾大壓力。
你比我好啦，我仔11年大仔，壓力很大。好多人覺得大仔唔應該重讀。但我覺得重讀打好基礎又有幾大件事呢？:;pppp:

ccmama2011

原帖由 pandafood 於 14-01-21 發表
如果已經有K1 offer, 不仿可以讀K1. 下年再重讀K1.  我係覺得PN 都係唱遊下玩下，比佢重讀好似有點浪費光陰 ...

我都同意，同埋早重讀好過再大啲自尊心仲多個時來讀

加油呀！

pandafood

大家咁話！ 每天都堅持同佢做一些訓練，真係有幫助架！

sunnymama2

pandafood 發表於 14-1-21 16:01
如果已經有K1 offer, 不仿可以讀K1. 下年再重讀K1.  我係覺得PN 都係唱遊下玩下，比佢重讀好似有點浪費光陰 ...

你講得好啱，我自己本身係12月出世，當年醫生同我媽媽講我發展遲緩，最後媽媽俾我讀遲一年，結果我幼稚園到小學名列前茅，中學讀女校協x成績雖然唔突出，但順利考入大學，畢業後係知名跨國工企業作，如果媽媽當年俾我早一年入學，可能我表現比其他小朋友差，失去學習的興趣，冇自信心，就冇今日的成就，所以建立自信心好重要！

ccmama2011

原帖由 pandafood 於 14-01-21 發表
大家咁話！ 每天都堅持同佢做一些訓練，真係有幫助架！

宜家你有做咩訓練？

點樣令佢講自己個名？

chrischo2002

原帖由 ccmama2011 於 14-01-21 發表
健康院同出面私人既語言治療

我囝係2011年11月b, 都未識動詞加名詞，只講食食，睇睇，但健康院仲未肯評估，要佢30個月再返去check, 咁我而家要不要搵私人評估？

ccmama2011

原帖由 chrischo2002 於 14-01-21 發表
我囝係2011年11月b, 都未識動詞加名詞，只講食食，睇睇，但健康院仲未肯評估，要佢30個月再返去check, 咁我 ...

我囡健康院評估完話佢遲，但醫生只係話再過半年睇下有冇進步再決定治療

政府真係你急佢唔急，半年又半年


但呢啲都係早訓練早啲改好，語言遲緩遲啲又變講唔啱音等等，所以我先出去搵私人機構

MrBeast

回覆 ccmama2011 的帖子

早好些，小孩不知乜事，k1尾有可能老師會講有關升k2的事。我個也是delayed speech但在k3 才repeat, 我日誌有詳細的分享。

chrischo2002

原帖由 ccmama2011 於 14-01-21 發表
我囡健康院評估完話佢遲，但醫生只係話再過半年睇下有冇進步再決定治療

政府真係你急佢唔急，半年又半年

請問你搵邊間私人機構？

pandafood

回覆 ccmama2011 的帖子

佢宜家番緊全日N班，放學後一星期兩天上專注班，一星期一次單對單認知訓練，一星期一次語言治療。

分兩間機構上，其實都幾累。 但我見佢暫時都頂到。 (剛開始一個月"密集", 語言治療就由上年十一月中開始)
佢30個月時被政府評為發展遲緩。 當時都沒有什麼說話肯講。耐唔中先出粒聲。 宜家多左好多BB話，好似係咁講野咁，會跟講單字，但有些發音係未得，我見佢有嘗試發，呢個真係要多d練習。 培養佢有信心講野，我眼見佢之前有d字係得個類似音，日日要佢講幾次，一兩個星期開始有點似，再講就開始發音愈來愈好。呢個初時真係要比多d耐性自己，因為我真係教到佢喉嚨痛，仲要繼續講講講。 佢開始肯講都好d，之前真係好似入左黑洞，個人灰爆。

上語言治療同埋單對單認知訓練，導師都有教你番去點同佢訓練，大部份都係從遊戲中學習，其實當親子時間睇啦~ 輕鬆d。
你女有冇番N班？ 如果有，同學間刺激佢講野都係好好既方法。 因為我仔都係番左學開始多d聲，十一月中開始講野。另一方面都要處理小朋友既情緒問題。  

pandafood

chrischo2002 發表於 14-1-21 18:15
我囝係2011年11月b, 都未識動詞加名詞，只講食食，睇睇，但健康院仲未肯評估，要佢30個月再返去check, 咁我 ...

仲係番健康院check？ 有冇轉介去兒童體能智力測驗中心 ？ 可以搵左個私人做評估先，有咩事可以問健康院早d轉介或者一邊做私人治療先。

ccmama2011

原帖由 pandafood 於 14-01-22 發表
回覆 ccmama2011 的帖子

佢宜家番緊全日N班，放學後一星期兩天上專注班，一星期一次單對單認知訓練，一星 ...

多謝你詳細分享，你講得好啱，真係好似個黑洞，冇反應咁

個人真係灰爆同欲哭無淚，同埋情緒都真係要處理下，因為佢唔識表達，一唔鍾意就大喊，我都俾佢迫到顛



專注力訓練係邊度有？佢返左pn 講多左bb 話，成日一輪嘴講啲唔知咩，都應該係good sign haha

ccmama2011

原帖由 chrischo2002 於 14-01-21 發表
請問你搵邊間私人機構？

widex

坊間有好多，你比較下邊個啱你

ccmama2011

原帖由 HMHG 於 14-01-21 發表
回覆 ccmama2011 的帖子

我認為要repeat就K1repeat。收你囡囡讀K1果間學校ok嗎?如果ok,萬一出年再考K1的心 ...

又一村k1 pm

pandafood

ccmama2011 發表於 14-1-22 09:59
多謝你詳細分享，你講得好啱，真係好似個黑洞，冇反應咁

個人真係灰爆同欲哭無淚，同埋情緒都真係要處理下 ...

打左成篇竟然冇左，又灰爆。

講番正題，情緒影響學習，我仔坐唔定，周圍行，老師可能都已經頂佢唔順，社工比左個list我係一些機構中心，有改善專注力之類既班。 我唔知開唔開得名，唔敢開。 你可以search下或PM問我。 我只試過我個間，暫時OK. 我分享些許過程先。 聯絡上佢地講完個仔情況，就約見，比佢地中心一位資深既姑娘評估下我個仔宜家個情況。 中心下午既"專注力班" 係分 一三五 或 二四，佢評估完會建議你小朋友上邊班，可能會介紹你再另加什麼EXTRA TRAINING. 評估係要收費既。 亦都冇FORMAL WRITTEN REPORT比你。

我仔今個月先正式上堂，情況我覺得OK. 因為上堂可以比家長望到個情況，係幾唔專心架佢，但主要係玩遊戲，佢都ENJOY到，亦都有導師夾實佢。 好笑既係我仔其實唔係太聽得明指令，導師講完要點做之後會問邊個想做，佢總是會舉手，走到出去梗係做唔到亂來，佢呢個行為令我哭笑不得，因為N班老師成日話佢有自閉傾向，佢肯主動亦令我消除憂慮。 佢地上課師生係 1 vs 3, 所以都好睇得實。

如果你覺得比個小朋友迫到癲就真係諗下出去報下d班。有時學下佢地既方法 refresh下，有時抄考下佢地玩咩game. 最重要係多個party同你share下壓力。

MrBeast

chrischo2002 發表於 14-1-21 23:05
請問你搵邊間私人機構？

最好找非謀利的，eg, 協康，基督教服務處，etc.

ccmama2011

原帖由 pandafood 於 14-01-22 發表
打左成篇竟然冇左，又灰爆。

講番正題，情緒影響學習，我仔坐唔定，周圍行，老師可能都已經頂佢唔順，社工 ...

多謝你再打呀

咁你小朋友返學點返專注力班？

我囡都係上堂走來走去嫁，俾老師投訴