名幼定附近幼稚園？非常掙扎...

dragonwarrior

原帖由 solomonwong 於 13-05-21 發表
我的意見係，讀近的幼稚園．
首先，近的幼稚園冇咁出名，就代表差ｄ？邊個專家講？

我當然同意，越近越方便啦!亦非常同意，邨校都可以有好既幼稚園!

其實學業其次，品德先係最重要。我亦明白近朱者赤呢個道理！學校我地可以選擇，但同學仔就冇啦!我好驚我仔一返學就曳十倍!名幼呢方面有優勢，最低限度，全部小朋友的父母也十分緊張自己的小朋友，我冇見過名幼小朋友兩行鼻涕響公園度自己玩!

taktakchichi

名幼也好, 屋村幼稚園也好, 都一定有D較曳小朋友
學校係"協助"敎導小朋友o既品德, 屋企人先至係主要教到小朋友品德o既人.

你可以留意下屋企附近幼稚園o既學生, 睇下你自己覺將個小朋友交俾佢地睇你覺得有冇問題先.

恕我冒犯同歧視, 有D屋村幼稚園因為學費平, 仲要有教無類, 收咗好多低收入強國人同印巴藉人士o既小朋友, 呢D我真係唔係太接受到.

名幼其中一個好處就係呢種情況無乜可能出現. 就算有強國人, D強國人家長都較有修養, 而且唔少會去咗國際班.

dragonwarrior

原帖由 happy.rita 於 13-05-21 發表
如讀名中學，入唔到名大學，就算中學時識到啲有家底嘅同學，人地只會睇你唔起，唔會介紹份好工俾你。但即使 ...

呢樣都係我其中一樣既擔憂!
就算入到名中，考第尾就慘啦!我眼見D
F5升唔返原校（頗名校），要去D差D既學校讀中六、七，個心又掛住母校，但又覺得有D「魚」唔敢返去，見到existing 母校既同學好似想避開咁!好淒涼呀!洗唔洗咁自卑呢?(of course it will never happen again because of DSE)

冇錯，我同c6都有D不太喜歡名校出身既同事!千萬唔好誤會我地妒忌!見過太多過於有自信的...呢個問題好嚴重!變左自大又自卑！若果係有成就嗰D，當然冇問題啦！但人有三衰六旺，有D恃著名校出身，唔肯由低做起，結果做了軟飯王（真人真事呀!）
唉...做人真係好矛盾架!

dragonwarrior

原帖由 taktakchichi 於 13-05-21 發表
利益申報, 我個仔都係讀SC, 係屋企我地主要都係同佢講廣東話, 但無呢個問題囉.
個仔D同學其實平時主要用廣 ...

夷?咁攪笑?唔通佢真係去咗英普班?我又無問喎!
我朋友話女女同學們大部分時間用英語或國語溝通!所以女女就好似自閉了...咁唔多講野既小朋友，老師就更唔會特別照顧，所以就惡性循環
佢父母有知識，有教養，媽媽係FTM，日日陪佢地温習、做工課架!考試時爸爸會攞成個星期假陪溫習架!絶不是那些交比學校就算的父母。我諗入得到sc的小朋友家長冇一個唔係「跟得夫人」囉!

miss0217

我自己報咗八間幼稚園，除咗兩間頗有名外（因為近屋企至報），其他都係邨校或者普通幼園，全部車程唔過15分鐘。
我覺得不論幼園定小學，係唔係名就唔重要，最重要係適合自己小朋友，

ArBbaba

我都覺得小時候，應該多D玩先岩。學業真係無乜謂。
可惜香港的教育制度太變態，只要你跟不上，學校就唔等你，掃你升班。入一間好的小學係幾重要，因為小朋友既程度太體上係跟住學校上，同學唔夠程度，老師都無可能教深入D。一年又一年，到左高中要升大學的機會又小了。原本升小random派位好好地，可惜... 好的學校很多都轉了直資了... 一個小朋友，要老師係十幾廿分鐘的面試中睇到佢既資質，真的不易，如果我是小學老師，好的幼稚園來的小朋友應該會加分的。

係呢個情形下，唯有試下考名校，考不到當然沒去子，考上了又跟不上，才諗轉返出來也可以。

dragonwarrior

其實我好開心，仲有咁多咁理性既父母!

不過我真係好想問，有冇人夠膽出黎大聲咁講：
我唔會幫我小朋友報名幼 or
有名幼收左不過唔讀 or
我住九龍塘都冇報名幼

知易行難，如果有人敢企出黎講，我除左想寫個服字比佢之外，我更希望佢可以同我地分享下佢既教育理念同湊仔心得，好讓我們參詳一下!

dragonwarrior

原帖由 ArBbaba 於 13-05-21 發表
我都覺得小時候，應該多D玩先岩。學業真係無乜謂。
可惜香港的教育制度太變態，只要你跟不上，學校就唔等你 ...

你講得好客觀，亦反映到變態了的教育制度!


在下是否一位教師爸爸呢?好似萬分感慨，亦帶點無奈

happy.rita

原帖由 dragonwarrior 於 13-05-21 發表
呢樣都係我其中一樣既擔憂!
就算入到名中，考第尾就慘啦!我眼見D
F5升唔返原校 ...

我不是來自老牌名中，但不覺得來自老牌名中的大學同學過於自信，大家相處愉快。現在畢業十年了，無論同系或不同系的同學、hallmates，大家雖然很忙 （有醫生、律師、精算師、i-banker，不同行業都有），但仍保持聯絡，飯局的出席率很高。坦白說，如果覺得對方沒價值（不是從對方身上「攞著數」，而且大家有互相學習、資訊交流、甚至工作上有合作機會），就不會浪費時間出席飯局，所以想network人時要先裝備好自己。但聽不少來自老牌名中的大學同學說，很多升不上本地大學，都到外國升學，至於沒上大學的，就沒聯絡了。

如果一心只想小朋友「痴」到有家底的同學仔，你估同學仔的父母看不出來？我知道有舊同事叫自己的小朋友唔好同邊個小朋友玩，那小朋友只是幼稚園生

有勢利的父母想「痴」，亦有勢利的父母唔會被「痴」、甚至白眼 。

另外，而家好似喺九龍塘都叫做名幼，真係咁多名幼？

利申：沒有報所謂的名幼，因想小朋友之後讀國際學校，亦有心理準備小朋友考不上心儀的國際學校，要去大抽獎，讀地區小學也沒問題。坦白說，名校師資特別好？還是只是家長特別用心栽培？

happy.rita

讀書生涯都係睇入唔入到大學、入邊間大學讀邊個系。

dragonwarrior

原帖由 miss0217 於 13-05-21 發表
我自己報咗八間幼稚園，除咗兩間頗有名外（因為近屋企至報），其他都係邨校或者普通幼園，全部車程唔過15分 ...

介唔介意分享下，最後選了那一間呢?那間有甚麼吸引之處呢?先謝謝

dragonwarrior

原帖由 happy.rita 於 13-05-21 發表
我不是來自老牌名中，但不覺得來自老牌名中的大學同學過於自信，大家相處愉快。現在畢業十年了，無論同系或 ...

Happy Rita,你是非常幸福的一羣啊!

但對不起，你不能classify 在「不讀名幼」之列，你想小朋友讀國際學校啊!當然不是「名校」啦!是「貴族學校」呀!
唔係浄係交學費喎!

唔知有幾多jm知道入讀前係要交debenture 呢?即幾$呀?夠比一成首期買四百萬樓下既樓呀！


我自問真係冇咁既本事啦

dragonwarrior

原帖由 TeriAnla 於 13-05-21 發表
樓主不要給壓力自己和受別人影響。每個父母都會俾認為最好的俾自己囝囡，每個人的最好都有所不同。每人心中 ...

都漏左多謝你添!

放心，我暫時都冇比太大壓力自己，我仔先得六個幾月，我已經幫佢諗埋讀U，的確遠了少許。我都想唔受人影響架!不過曾經陪我妹幫佢女撲去名幼稚園s交表，所以有D陰影

monlingling

原帖由 dragonwarrior 於 13-05-21 發表
其實我好開心，仲有咁多咁理性既父母!

不過我真係好想問，有冇人夠膽出黎大聲咁講：

我唔會報九龍塘果d名幼lor, 我只會報屋企附近果d, 我希望阿女開開心心。
而家九龍塘開到周圍幼稚園，其實好多九龍塘幼稚園都係好普通，神級的只是少數！
我自己眼見兩個親戚讀真正神級名幼再上神級小學，幼稚園開始補習，小學日日做功課做到喊，普通中產家庭但阿媽日日送完番學要襯住d闊太媽咪飲茶，放假人地去歐洲旅行叫埋你一齊去，仲話出錢請你，親戚結果都有去，不過唔好意思所以自己俾番錢。
我自己唔想過呢d生活，普普通通就好了，如果阿女真係有資質，小學中學再算。
其實自己有心儀的私小，不過等阿女大d先再諗適唔適合再決定考唔考。

happy.rita

原帖由 dragonwarrior 於 13-05-22 發表
Happy Rita,你是非常幸福的一羣啊!

但對不起，你不能classify 在「不讀名幼」之列，你想小朋友讀 ...

我知我小朋友不是競爭直資、私小的一群，因考私小、直資很注重學術，但真正的國際幼稚園只重視小朋友的性格發展，沒有學術可言，只要考筆試一定死。因此，如小朋友考不到心儀的國際學校（其實好難考到，應該說考不到的機會較大），就等大抽獎。入地區小學，我和老公亦覺得OK。只想帶出名幼、名校並不是所有人眼中都咁重要，平常心吧！

dragonwarrior

原帖由 monlingling 於 13-05-22 發表
我唔會報九龍塘果d名幼lor, 我只會報屋企附近果d, 我希望阿女開開心心。
而家九龍塘開到周圍幼稚園，其實好 ...

Wow!!!!你好勁呀!

真係講得出，做得到!仲要過到自己!!!

我唔想見到我仔咁細果就做功課做到喊，更唔想佢日補夜補，為乜呢?入神級名校，唔通一心想個女做徐x淇?

連埋堆既資格都冇啦!請埋我去歐洲我都唔敢去呀!分分鐘唔係陪D闊太買cool 肚池同LB,係買hermxx 呀!

我都真係唔想咁!

dragonwarrior

原帖由 happy.rita 於 13-05-22 發表
我知我小朋友不是競爭直資、私小的一群，因考私小、直資很注重學術，但真正的國際幼稚園只重視小朋友的性格 ...

Rita,你係咪只係心儀一間國際學校呢?可否分享一下有咩咁吸引你呢?

如果真係入到，咁小朋友之後係咪都會升國際中學，之後外國大學呀?

TeriAnla

回復 dragonwarrior 的帖子

我都有報KLN TONG學校, 係咪名幼, 見人見志. 我係情意結大啲, 因為細個係個度讀書(幼稚園同小學), 行番個幾條街, 都有無限回憶.

我自己覺得父母對小朋友成長影響比較大. 而且每個人都有自己要行嘅路. 讀到名幼名小名中, 係咪就一片坦途冇人知. 當然某啲情況下, 名校出身有啲人際幫助, 但係咪識運用, 將來還是靠BB自己.   

Ononma

你地導出我好多相同唸法，我就係無報九龍塘啲神校，因為真係吾target local school.

但都要讀該區學校，因係近屋企, 可以自己接送。仲要特別簡local kinder，原因international primary school 真係吾易考，分分鐘連interview 的機會都無，所以kinder 時有底子，若然考吾到international school, 都有番少少能力讀 local 小學。

Ononma

仲有，樓主，讀international school 吾一定代表有米，有時只係好吾認同本地教育的做法、政策！