啊仔6歲幾，要帶眼鏡，唔知點解我好唔開心....

debby1328

開頭係有吾開心，但要調整心情，更慘嘅人同事出面大把，世事冇完美，只要小朋友身體健康，日日見到佢開心，咁咪得囉！

我小朋友4歲驗到超深近視，右眼850，左眼450，仲有弱視10行字只睇到3，4行，醫生話我懷孕時bb眼球發育不良。佢宜家都係6歲幾，已經帶咗兩年眼鏡，好在弱視已糾正。做父母擔心一定有，最難嘅係提佢保護眼睛，因為又要做功課，又要睇書，又要上網閱讀，坐姿又要正確，真係大家都煩，係學校又吾知佢記吾記得，我晚上會同佢按摩下眼睛同附近穴位，叫做好過乜都吾做啦！所以諗下積極方面，吾好吾開心喇！加油！

hoihoima

回復 Cheriechiu 的帖子

My son has eye disease and he needs to wear glasses from 2 years old.  The doctor once told us that he might need to do an eye operation.  There are many people who are not as lucky as your son.  Cherish what you have!

Charlotte_mom

卡卡卡, 無錯, 我細佬分唔到綠啡, 我仔仲勁!
ANNA, 我會俾多D機佢打, "鄧"返暈

cherry媽咪

是近視還是遠視呢？我阿女因為遠視，K3都戴眼鏡了！但遠視因佢年紀漸長，加上讀書，現在不用戴了，所以要她好好保護眼睛。其實當她第一次戴上眼鏡我都有心痛的感覺。

JoeyJoey

其實樓主都要小心小朋友會響發育時期,D近視度數會加得仲快(即使已帶眼鏡),每年會加深100度左右,要過左發育時期先會穩定落嚟....<我囡就係>
所以我選擇左同佢帶矯視CON...唔駛煩了

nakoko

Cheriechiu 發表於 12-11-30 14:06
其實我知道係好小事，但個心久久唔能夠釋懷，覺得自己做得唔夠好！亦擔心佢越來越深，好唔開心好唔開心！ ...

時間是最好的良藥,我仔8歲,3歲驗出一隻200一隻50散光,再加遠視再加弱視,簡直晴天霹靂,唔開心左好耐,當中呢5年,演變既過程都幾豐富下,現在散光冇變,但發展到一隻眼近視125一隻眼遠視175,都有些麻木的感覺,視光師建議配漸進鏡,說防急升的,有朋友仔仔都帶漸進鏡,說未帶前每年升百幾度,帶左後只升幾十度,我仔依家試緊,半年後follow看看有沒有幫助,不要怪責自己,如父母一方已有近視問題,小朋友有是遲早的事,因基因早已存在!!

chanwendy

cherry媽咪 發表於 12-12-4 10:43
是近視還是遠視呢？我阿女因為遠視，K3都戴眼鏡了！但遠視因佢年紀漸長，加上讀書，現在不用戴了，所以要她 ...

我女都係遠視, k2 下學期就開始帶眼鏡, 而家小一, 都仲係愈帶愈深, 已經第三副了, 我又冇心痛的感覺, 因為醫生話其實人人都有遠視底, 只係出幾多出來啫.  不過我見人地唔洗帶眼鏡都好快退, 但我女就愈帶愈深, 我都仲樂觀的, 醫生話一般九至十歲會退, 靜心等候中.  反正醫生都話退咗就好快變近視, 遲啲退就退啲開始近視囉.

chanwendy

其實樓主都唔洗太擔心吖, 近視可以做 laser, 但遠視好似冇得做 laser 添呀.

himmamme

其實你可以試下比佢戴蔡司或者依士露的減近視眼鏡,我細仔戴了一段時間,好似都ok.但時間不很長,好難講效用.但係一定冇壞處. 大仔就戴近視矯型隱形眼鏡.ok,但6歲咁細應該未用得.
建議你去間大型d的眼科中心,有埋眼科醫生和視光師那種做一次全面d既檢查,了解多少少佢既情況,又驗得準d. 我都係咁先有方向改善佢地既情況.

仲有一樣,自從知道阿仔有近視後,我唔会比佢練琴多過半個鐘,係同學仔媽咪分享,唔知有冇用.

Cheriechiu

再次多謝你哋嘅回覆及鼓勵，心情好番好多嘞！其實可能我唔開心嘅原因係怪自已做得唔夠好！當聽到視光師話近視係因為玩得電子產品太多，我有種無奈嘅感覺，因仔仔唔算玩得好多，鐘意睇書就真！

我知道有很多媽咪所付出嘅心機多好多，所以依家會think positive啲！

不過最難就係debby 1328所講，叫佢自已保護眼睛，改善睇書嘅習慣真係好難！唯有提多啲喇！

babybear

原帖由 cherry媽咪 於 12-12-04 發表
是近視還是遠視呢？我阿女因為遠視，K3都戴眼鏡了！但遠視因佢年紀漸長，加上讀書，現在不用戴了，所以要她 ...

遠視大大下係咪會淺咗或者會冇咗㗎？

chanwendy

babybear 發表於 12-12-5 10:03
遠視大大下係咪會淺咗或者會冇咗㗎？

應該護理得好係會退的, 醫生話一般小朋友大約九至十歲開始退, 但都因人而異, 有啲人連眼鏡都唔洗帶都在一年內退晒, 我女就帶咗年幾眼鏡, 一次比一次深, 我仲等緊開始退的時候.

himmamme

Cheriechiu 發表於 12-12-5 02:35
再次多謝你哋嘅回覆及鼓勵，心情好番好多嘞！其實可能我唔開心嘅原因係怪自已做得唔夠好！當聽到視光師話近 ...

話因'玩得電子產品太多',只係想當然,佢估時下小朋友玩得多,咁講冇走雞,吹水啫,唔洗咁介意.
好似我個仔都係睇書多,絕少电玩,因此视光師就教我有關燈光的控制等,咁佢追小說,我好難搞,唯有搞下個環境.

Haz-mama

呀女係眼科醫院check到, 佢有散光但度數唔深, (但遺傳的機會大 --> 我有近視 ), 為咗唔想加深度數, 所以, 戴眼鏡係無可避免了!  下個月又要去check眼了...

BBTWIN

我個女今個暑假CHECK到有近視, 我咪一樣甘唔開心. 但都沒辦法. 現今教育制度係迫小朋友有近視. 我好少比小朋友玩電腦遊戲機, 咪一樣會近視. 可能同遺傳有關, 亦都同學校的功課多不無關係.

do-re-me

視光師話至小要十歲先可以戴

jojoplanet

celiamum 發表於 12-12-3 10:04
1) 美國官方網站: http://www.quantumtouch.com/

2) 資料來源 :　http://blog.yahoo.com/_SEIZIF7K4ZHB4U ...

你可唔可以講下呢個方法點可以減近視?同埋點做?

happyfamilybaby

jojoplanet 發表於 13-1-28 15:20
你可唔可以講下呢個方法點可以減近視?同埋點做?

我都想知