有冇媽咪選擇唔讀PN

feiji

我個仔PN時又冇成日病，但有啲同學仔病到一個月返得幾日學，真陰公。當然學下羣體生活都好嘅，但既然不是必須，都係揀間近近地好了。不過如果是雙職父母，我係贊成返學的。

^GGmami^

除非我係ftm, 而又會日日有好多小朋友陪我個女玩，唔係的話，我會揀比佢返學。返pn想佢多d人陪佢玩，唔洗日日對住姐姐咁悶，同埋又可以學下紀律，學下獨立，我覺得幾好呀！ 不過你話幫唔幫到考k班，就好睇你讀邊間pn班囉，唔好覺得一定有用 至於話考pn要做咩準備，我只係interview前比bb食飽d, 廢事我隻為食豬扭肚餓 但講真係無野可以準備，因為佢地得果歲幾，你期望佢會準備到咩呢？反而係父母要準備自己心態，唔好埋怨小朋友就真！

DonaldTsang

其實吾返PN，就算做FTM係屋企都吾能夠成日同佢玩。因為好赲架

wing214

如果Full time mama，應該唔好讀pn，但我兩公婆番工，屋企得姐姐+99湊，姐姐英文唔正，99又教壞個仔（例如：1，2個3，你食飯唔食...，叫仔＂咪嘈＂、＂唔關你事＂）上pn學下小小自立嘅技能比較好，例如排隊去洗手間、自己食小點等等

Goodway

雖然我係 FTM, 但我同C6都想阿仔讀PN, 但只接受半晝.... 我o地想阿仔過下群體生活, 去學校玩下, 學到其他知識會係 bonus, 同時我有3個鐘可以 free 出o黎做家務 & 買餸