專注力不足學生不應讀band 1中學

netdordor

學校band幾, 不是最重要, 如果有band1學校適合自己小朋友, 也可以, 可能有些band2學校想升級, 也會大壓力.

phyvid

回復 nc2000 的帖子

小兒初上中一也有心散情況, 間中學又係全區最嚴既, 老師打電話來講到好嚴重, 嚇到我地幾驚佢被趕出校...

後來我們坐下來同佢慢慢傾, 了解佢每次心散時諗咩, 同時暗地里觀察佢做功課的情況, 先發覺佢有時不明唔敢問, 有時大安旨意, 結果忘記做功課, 做完又忘記帶.

後來鼓勵佢大胆問我地, 教佢方法整理功課及收集書包, 又教佢如何當課文係故事書的方法做課前溫書, 溫完又教佢如何簡化課文方便記入腦! 慢慢佢明白發現原來要用不同方法和角度去理解及記不同課目, 又可以當考考自己, 都幾有趣!

我地又分析俾他聽, 等他明白, 現時辛苦十年, 定想以後辛苦幾十年?!

現在佢已掌握了技巧, 專心了好多, 有條理好多, 但有時又心散, 不過見佢係一時時, 有時提下, 有時都由得佢!

作為父母, 當佢係朋友, 互相溝通好重要, 否則, 想幫都不知道怎樣幫, 最怕用錯方法, 害了佢一世!

千萬不要肓目聽人地講, 始終最了解佢的, 應該係作為父母的你地!

chanpa

那位社工唔夠料，根本談不上認識ADHD。  能力到band 1, 點解唔讀band 1。
多與學校老師溝通，和孩子商討Time Table。ADHD 同學不能上集體補習班，要個別密集訓練。越活動學習，越易分心。最難搞都是交齊功課。

cluk15hon

原帖由 crazycat 於 12-11-05 發表
小兒今年小六, ADHD, 成績BAND 1B, 都係好懶, 但有小聰明, 要我不斷督促才做功課和溫習,和他關係好差,
現 ...

我個仔都係專注力不足，伛剛升上中一，係B1生.他也入讀傳統之B1中学，不过，温習方面就要睇紧D，因为剛升上中一，課程，環境，同学，老师都不同了，他們須要要多的幫忙.我仔都有食藥，暫时都oK.大D希望能够靠自己更好.

phyvid

回覆marcusmama留言問課前溫書方法!

其實好簡單：

小朋友唔教，佢唔知原來可以備課!

方法係每日做完功課後，叫佢拿第二日要上的科目書本，睇下新一課有冇唔識的生字，有就解釋下，或叫佢自己查，跟住問佢知唔知內容講咩？佢講幾多都冇所謂，最重要係佢有睇!

佢講完之後，我會自己睇一次，然後將個大綱講一次，當然好似介紹電影甘，等佢有小小印象就得，如果佢唔明，就叫佢第二日上課留心，老師會講俾佢知，第二日上完課返來做完功課，先再問返佢記得幾多，之後再教佢點記重點，而每課的方法都唔同!

甘就可以令佢明白如何完整地學好每一課書! 但留意小朋友有時因預早睇左新課文，反而上課時會分心，所以只能講大網及生動小小，引佢好奇心等第二日老師講!

小朋友慢慢習慣左，佢會好自然自己預早睇晒新課文，之後記重點! 考試前，我只叫佢先溫返重點及曾經錯左的練習，有時間先溫課文!

其實這些讀書技巧個個唔同，所以作為家長，唔係要教知識，係要教智慧，即讀書方法同技巧，這些是現今學校同補習班好少會教的!

nc2000

的確係好方法，但每天做完功課再溫埋Quiz 丶丅est都要上床瞓了！

nc2000

原帖由 cluk15hon 於 12-11-12 發表
我個仔都係專注力不足，伛剛升上中一，係B1生.他也入讀傳統之B1中学，不过，温習方面就要睇紧D，因为剛升上 ...

當小兒升上中一，我嘗試放手，不再像小學般睇緊佢d功課，小測，test等，沒有再預早安排好時間去幫他溫習等，於是阿仔就懶惰大過一切，亦不控制自己的懶散，hea足三個月！現在我發覺未能放手，仍然要一步步帶住佢行，他仍需要幫助，希望我再度介入協助他，他各方面都能好起來，歩入正軌！我兒也有吃藥，但他仍然抗拒食藥，你兒有此情況嗎？

phyvid

回復 nc2000 的帖子

Quiz和test只是考試或測驗前先要溫習!

自從教識小兒, 如何記功課, 整理書包, 如何備課, 記重點, 基本上佢完全可自理! 每日只是回答佢的數學題, 所以目前好輕鬆, 希望佢可以保持到!

但是我地全家, 每晚只能看6點新聞和食飯時看一個鍾電視, 晚晚十時前就要上床! 星期六日要等佢做完功課先可以一齊出街, 呢種生活超單調! 沒法!

lillymarie

nc2000 發表於 12-11-18 00:56
當小兒升上中一，我嘗試放手，不再像小學般睇緊佢d功課，小測，test等，沒有再預早安排好時間去幫他溫習等 ...

procrastination是ADHD仔一個好大的問題. 點解你兒子抗拒食藥？
我覺得讀band 1學校好啊！讀書風氣好，上課同學大都專心安靜，對ADHD學生少些distraction.
中學和小學不一樣，最重要是教好他study skills, 教他怎樣備課，怎樣溫習。我兒自己就好喜歡先備課才去上課，他覺得這樣容易明白老師在教甚麼。

cluk15hon

回復 nc2000 的帖子

學校的老師有要求家長日日睇手冊,簽名.  目的同學生一起經過中一首兩個月. 直到統測.  而家有少少放手. 因為期限巳通過.  不過,而家目前,佢開始有點懶惰.  所以,要再跟進少少.  我地d小朋友要比一般多d時間去關注下.

nc2000

原帖由 cluk15hon 於 12-11-21 發表
回復 nc2000 的帖子

學校的老師有要求家長日日睇手冊,簽名.  目的同學生一起經過中一首兩個月. 直到統測.  ...

真的要比別人多一陪氣力去管教他們！但升上中學了，他們也是青少年了，總覺力不從心，不知如何幫他最好？！還像小學般一起溫習？為他預備worksheet比佢做？真希望阿仔快點開竅！

Marcus-Mama

回復 phyvid 的帖子

多謝指教

lillymarie

nc2000 發表於 12-11-22 00:04
真的要比別人多一陪氣力去管教他們！但升上中學了，他們也是青少年了，總覺力不從心，不知如何幫他最好？！ ...

有沒有試過教他整個時間表？每日放學後有甚麼要做，一一列出來，做個時間表自己去安排甚麼時候做甚麼事。提他每天要預留時間溫習十五分鐘。

若學校出了考試時間表和範圍，請他自己做個溫習計劃。


簡單地說，教他做你以前做的事，教他幫助自己溫習。例如你以前會出題目給他做，就教他怎樣出題目給自己。


我教我囝其中一個方法，溫習書本／筆記內容時，要他highlight keywords, 每個paragraph找出最重要的一句。他起初不懂得怎樣做，我就需要陪他一起做。但當他明白後，已不用再管他了。


我囝對抗性好強，講得多傷感情，自己又煩。所以用以上的方法去幫他，發現他對自己可以管理好自己亦感到自豪。

nc2000

回復 lillymarie 的帖子

你的方法亦即我跟他六年小學時的方法, 亦即教在六年, 陪左六年, 到中一亦時時提點他要咁做, 但他知道要咁做, 但就係懶同事事不上心, 所以全部無做, 最基本要求上課專心, 細心聽老師要求, 佢都做唔到, 所以放手兩三個月, 見佢一塌糊塗, 而家又黎重新開始扶佢行, 唉!

lillymarie

回復 nc2000 的帖子

咁可能係性格不同了。我囝好憎我管他的，同埋好怕做練習。為了不讓我插手，佢會好努力去做好D野。同時，若果佢成績唔好或者欠交功課等等，我會扣佢打機時間。現在溫習唔使陪佢一齊讀，但仍然要日日提佢溫習，一唔提就“唔記得”做。每日都要問佢做哂功課未，一定要提佢執書包。不然，第二朝出門前隨時同我講，啊，唔記得做乜做乜。最近佢都話我知佢返到學校先醒起做漏一份功課，好在上課前做起。我已接受現實，對囝囝，不能完全放手的。
其實你囝囝所謂無留心上課，係唔識？還是專心唔到？夠唔夠藥呢？因為中學有些科目可能有好多生字係專有名詞，小朋友未必明白或習慣。佢地覺得聽唔明或難就會無心機。

我囝暑假時叫佢自己先將本science書讀一次， 頭兩課書佢讀得好辛苦！因為有好多字佢見過但唔明白意思。當時真的要陪佢一齊讀，睇下佢究竟邊度唔明。例如話將沙和水溝埋一齊，等一陣D沙會settle. 阿囝就喊話睇唔明！原來佢唔明白settle即係點樣！所以起初會為到要睇science書而扭計，因為覺得好難。但讀到第5課書時，佢已開始應付到，就唔歡迎我陪佢一齊睇了。

cluk15hon

没有做ws.只是做past paper.

安格斯媽媽

真係視乎學校點睇，幫他或放棄他，再加上家長幫忙，他自己改進hea問題，學校有支援，b1,b2都一樣，若轉校學校唔配合一樣的。
我比你好彩，仔升中一個月被社工指他可能是亞氏保加症，專注力自理能力都有問題，建議教育局評估，我自行做了亞症評估，在這兩個月，社工輔導，學校體諒，他自己改進，問題全部解決，另外我自行評估結果只是虛驚，但我嫂指他要轉b2校，他只是升中適應問題，解決了他心理問題，沒有小學hea對成績不在乎態度，還表示越來越進步，仲自覺升中發小了脾氣