讀下午班時間無咁好用,小朋友無時間學嘢? 有無家長俾到意.

陳皮爸媽

原帖由 iris5a 於 12-06-29 發表
我覺得讀下午班對小朋友同埋家長的心理質素都會好D, 一生人要早起的時間流流長, 俾多3年瞓晏D ...

我都好妒忌個仔可以訓到自然醒 ！我地要返工

winnietingting

我囡囡嚟緊都返下午班(pn 2歲班），我很擔心她早上起床後（如讓佢自然醍，大約9時起身），在學校會很倦，挨唔到放學（大約4時15分）。想問大家的小朋友咁叻，早上起身後真可挨到放學後才睡覺？

Cindyjasper

winnietingting 發表於 12-6-29 18:49
我囡囡嚟緊都返下午班(pn 2歲班），我很擔心她早上起床後（如讓佢自然醍，大約9時起身），在學校會很倦，挨 ...

唔洗驚, 頭果一兩日一定會唔慣, 當佢哋適應咗返學,到時就會習慣,
唔好睇少小朋友呀, 佢哋好叻架
不過最初幾日返學做家長就要忍心D, 佢哋多數會喊, 見到佢喊唔好再理佢, 即走.
可能你走咗之後喊一陣小朋友就好快無事, 反而不斷望佢好似依依不捨對大家都唔好
佢可能仲喊得耐, 呢個係經驗之談

joycelnl

啲媽媽咁有見地，我都比我個仔繼續讀下晝班😄

chowhui97

其實都要睇下學校近唔近同小朋友的習慣。以前PN我女返樓下上午班，無事都自己六七點起身，八點半落樓，大把時間！

依家K1, 為了入英普班要返下午，原來都ok! 佢依家大咗會訓到七點幾八點幾，晚上九點左右開始準備訓，下午四點幾返屋企會訓一個鐘。最開心係朝早唔駛叫佢起身，晚上又唔需要特別趕佢早啲訓，working parents 來講都唔錯架！！

JC_mami

下午四點午睡，肯晚上九時上床睡嗎？

Gabumama

唔記得話比大家知，有間名校幼稚園校長講過，「其實比小朋友讀下晝班係好過讀上晝班㗎，因為小朋友讀下晝嘅精神狀態都係好啲，唔明點解啲家長要谷晒啲小朋友讀上晝。」諗真啲又覺得都啱，就算係大人，一早起身返工，一開工都未必立即入到最佳狀態啦！更何況小朋友？

flopsybunnies

回復 Gabumama 的帖子

可能怕吃完午飯會飯氣攻心吧？午餐係咪唔好食太飽會好D？？

Gabumama

校長話讀下晝班好啲，可能因為可以比個小朋友瞓到自然醒，然後慢慢食嘢，warm up，跟住先至返學就係學嘢嘅最佳吸收嘅時間卦！？上晝班嘅話，就算個小朋友係瞓到自然醒，但係你又要趕住同佢刷牙洗面，食嘢換衫，佢都未warm up好就已經上緊堂咯，可能去到返學嘅中段先入到最佳狀態。

ppsfung

視乎學校是否近屋企, 如果只是幾分鐘路程, 返上午和下午都OK.

但如果要搭校車, 讀下午班會好D. 由其是冬天, 早上很冷, 又很遲才天光, 咁細個小朋友要天未光起床, 係樓下食西北風等校車都幾辛苦.

仲有如果父母要工作到較夜才回家, 小朋友太早睡便沒交流時間.

chubbychu

有好多幼稚園K2都要求學生返下午班, 所以早一年俾佢習慣都無問題.
同埋, 我見好多小朋友都上午返興趣班, 再午飯返下午班.

chapter

好LIKE呢個thread...!!!

之前小朋友返下午班總覺得呢到唔好嗰到唔好. 而家先諗到仲有十萬個好!
睇嚟有機會繼續讀下午英普都唔錯呢~!

VIVIANWEN

我本来都有些介意，将来个仔返下午班，现在睇到大家的意见，好像没有那么排斥了。多谢大家的分享。

somafa

真係好， 見到呢個post, 我個囡9月會返K1下午班， 我呢期就係好煩， 因為佢PN 係讀上午班， 慣左放學食完lunch, 會午睡到3點， 我就係度煩， 9月返下午班點算，無得瞓。

如果， 好似你地咁講， 都有好多好處。 但係仲一樣野諗唔通， 如果朝早9：30先起身食早餐， 咁當1：00要上校車， 12：00咪要食飯， 邊處食得落呀？  請有經驗既媽咪𧶽教。

fasic88

thanks all for sharing.  小女下个月就返下午PN班，我都很努力写信给学校，希望能够转上午班。

小女依家通常9pm-7am睡觉，日头nap就1pm-3pm，正是返学时间，请教应该如何安排nap 呢？早上nap看来都很难，放学后nap又怕晚上唔肯训。

HappyForeverMa

呀, 原來係咁架, 我仲以為下午班唔好添, 但小女本身有瞓晏覺習慣, 所以先諗住上午班適合D, 加上D人話上午係吸收知識既好時候嘛

Cindyjasper

chubbychu 發表於 12-7-3 16:51
有好多幼稚園K2都要求學生返下午班, 所以早一年俾佢習慣都無問題.
同埋, 我見好多小朋友都上午返興趣班,  ...

我個仔N班開始已經係返下晝, 依家讀K1, 佢通常瞓到十點幾, 十一點都有架, 跟住要食支奶,
大概十二點就要食飯, 佢仲可以食晒一碗飯 加一隻蛋, 食完咪返囉.....我諗佢習慣咗lu,  同埋我好少俾其雜食佢食,
所以佢知道唔食飯就會無野食.

開心小花

小朋友會慢慢適應的. 我隻衰豬上午PN又返過, 下午PN又返過. 一開始係返上午PN的, 日日最遲7:40AM一定要叫醒佢, 佢又起唔到身. 只係起身, 都可以同我糾纏20分鐘, 日日喊住起身同佢著校服, 又扭一大輪. 最後只可以飲枝奶, 8:20am就要趕住車佢返學. 試過幾次仲要半路嘔埋枝奶出來.
後來轉返下午PN, 每日瞓到8點幾先起身. 跟住玩下, 12:00pm食Lunch. 12:30pm之後慢慢出門口都得. 因為, 唔怕會塞車. 下午放學返來就4:30pm瞓到6:30pm. 我放工返去仲可以同佢玩到10:30pm先瞓. 有時, 佢同我玩得開心, 搞到成11點先肯瞓. 不過, 第2日唔駛咁早起身, 我又唔駛好似以前咁9:30pm就要趕佢上床.
不過, 唔知係唔係夜瞓, 我隻衰豬越來越遲起身.  

irene_the_pooh

阿囝8月都返下晝PN，我初頭又係超級擔心，因為佢既習慣係1:00 - 3:00訓晏覺！

大約一個月前我同阿囝傾閒計時，我同佢講遲D就冇得訓晏覺，因為要返學！
我大約講左3、4次，佢唔知點解咁巧合，自己介左1:00-3:00唔肯訓覺！

所以大家都可以試下brief定個小朋友先！