識答, 但從來唔問問題

conconma

kindly check the pm, thx

kelvin_hmlau

conconma, 圖咭/玩具/生活化都好, 都係工具黎, 手法都好緊要...ABA/RDI/Louis都好, 舞得掂自己個A仔就ok la...

Capricorn2521, 睇黎你兒進展都唔錯, 如果無記錯, 上年讀緊S, 今年出返黎主流未?

Capricorn2521

checked and replied.

Thanks for your reminder.

conconma

yes totally agree, i dont ve any bias on either one...

Capricorn2521

今年未出主流住。因為我要返工，I位有D擔心，E位我又跟吾倒。所以想讀多一年先，比人跟貼D。不過，我都打算下個月比個仔每天放學後去主流暫托1-2個小時。

剛剛跟班老師傾完電話，話佢好乖，完全跟倒課堂常規，學野又快，不過，社交就係最弱一環，不肯share玩具，要重點訓練。

你的孩子應該k3了，小一方面安排如何呀?

kelvin_hmlau

oic. S位同主流兩者都有得失的...

我都參觀左幾間二三線小學, 不過好多小學上年都超額收生. 有d 收開學障兒的小學都話明今年唔想收咁多. (有客自然選擇多)

Olympian

其實唔問問題跟性格都亦有關係。

我囝囝性格較被動、慢熱及無所謂。好多時你唔比佢佢就算數。唔會"要求"，即係唔問人。

我教了他要求人的"台詞"，"唔該XXX得唔得?" eg.唔該開電視得唔得?

係屋企佢會問，但係係學校兩個月後先有問。

當然，亦可能因他不懂類化，以為呢句台詞只係屋企講。

xixi1218

原帖由 kelvin_hmlau 於 11-9-21 18:01 發表
conconma, 圖咭/玩具/生活化都好, 都係工具黎, 手法都好緊要...ABA/RDI/Louis都好, 舞得掂自己個A仔就ok la...

我覺得kelvin_hmlau 的回覆都很經典。
我仔之前也是不太會問問題，現在好些了，但是問WHY的問題還是很少，而且回答WHY的問題也不是每次都符合邏輯。有時我問他小朋友爲什麽哭，他會說因為很傷心，我問他爲什麽傷心，他說因為他哭 。。。。。我覺得WHY是一個對A來說比較難的問題和回答。

另外有時候他會不停地問同一個問題，重複地問，足以挑戰你的忍耐極限。

pocoyo123

社交真係好深層次嘅, 亞仔好喜歡到公園同其他小朋友玩, 踏下單車, 玩下滑梯,追追逐逐咁都可以, 一去到玩集體遊戲, 佢就好蝕, 好以, 今日有個小朋友細佢半年, 佢已可以講返好多以前發生過的事情比我知, 然後再分析對&錯, 我個仔最叻只可講返早一兩天發生的事, 而且從不學識去分析錯對, 如果公園有小朋友唔同佢玩, 佢不會自動走開, 佢會跟住人, 不停問人點解唔同我玩, 佢唔明點解人地討厭佢, 我都同佢解釋過朋友不是單方面, 人地不願意同你玩, 你就同其他人玩啦.唉, 有時在公園見一些哥哥搵佢笨, 我都唔會即時講, 返到屋企再解釋比佢聽, 好似, 之前有個小朋友佢架單車壊左, 就叫亞仔借佢玩, 佢又同亞仔一齊玩, 點知後來佢架單車整好啦, 佢即刻同我講唔想同佢玩, 亞仔每次去公園都想同佢玩, 我有次同爸爸傾開計, 講左佢點解唔同亞仔玩, 點知佢聽左後, 過兩日訓覺前問我係咪咁嘅原因, 我聽到好心酸, 好擔心將來佢地在這個你死我活的社會生存

xixi1218

原帖由 pocoyo123 於 11-9-28 00:04 發表
社交真係好深層次嘅, 亞仔好喜歡到公園同其他小朋友玩, 踏下單車, 玩下滑梯,追追逐逐咁都可以, 一去到玩集體遊戲, 佢就好蝕, 好以, 今日有個小朋友細佢半年, 佢已可以講返好多以前發生過的事情比我知, 然後再分析對& ...

是啊，我也覺得社交真是很微妙，有時語言解釋不到的。。。。其實你小朋友已經比好多A仔好啦，例如會去找人玩，例如想同人玩，例如會問你原因等等。當然，做父母的都是會心酸，我都見到阿仔給人欺負但卻不知道是怎麼回事，和他解釋也不知道他是否明白。
不過想深一層，其實就算普通的小朋友，他們因為性格上的不同，也會有被欺負的一個，一堆小朋友中總會有弱勢的一方，溫和的一方，霸道的一方等等，如果我們能讓小朋友融入到社群，接近普通人，那麼就算是弱的一方，也是一個很大的進步了。

LPYdad1

Dear xixi1218

U are correct social activity actually is not easy fro autistic kids since there are a lot fundamental grounds built first before social activity. However, please do not give up and pls dont worry too much. Once he is ready, he will seek for social activity voluntarily.
u may join such as social class or even church to get some prework, probably u are doing it. It is easier than getting a fair play in playground w/ other kids. Also, there are adults guiding the kids.
One thing best is not mind about the loss from other kids if not so serious. He might gain more friendship if he is willing to give, right?

xixi1218

原帖由 LPYdad1 於 11-9-28 17:41 發表
Dear xixi1218

U are correct social activity actually is not easy fro autistic kids since there are a lot fundamental grounds built first before social activity. However, please do not give up and pls ...

agree!

szeszes

隨著我地不停輸入言語溝通技巧比佢, 當佢地儲滿料, 佢地會在適當時間, 你會發覺佢突然好似 "叮" 一聲醒來咁

我仔 - 評定有自閉徵狀成5歲才開始有3個組合既說話 (媽媽望下我), 大半年前, 講野仲係亂來 - 結構有問題, 做左半年言語治療 及 我地強硬地要求佢講完整既句子, 而家佢會問好多問題, 講好多假設既野

如: 我仔會問:

你講真定假呀?

你係唔係講緊笑呀?
mami, 我好耐無去赤柱, 不如星期六去, 好唔好呀?

如果我乖, 不如你帶我去XXX 玩?

今次讀書有102分 (110分係滿分, 因為有10分係 BONUS MARK), 你比 $10 我做獎勵, 得唔得?

最搞笑既近期一句:
mami, 我都係唔返太子學講野啦!! 因為李姑娘 (以前係黃姑娘) 又唔靚又唔可愛

kelvin_hmlau

你確係一個非常聰明的媽媽, 就係要求A仔講全句.

因為佢地成日講野講少d 重點, 例如:呢個乜野黎架?
又唔用手指, 重點又唔講, 父母估到佢問乜, 答左佢, 即係修補左d 錯野, 但其他人唔知佢講乜. 習慣成自然, 呢方面就會無進步.

我下次應該比個唔明的樣佢睇, 堅持要佢重講.

szeszes

不要誇獎我了!! 我只是知道, 言語發展一定要靠多聽多講既道理 (正如我地去學其他言語一樣, 英文/日文咁樣)

另外, 又可能我細時本身都有自傾 (因為跟據我家姐所講既事, 仲嚴重過我仔, 固執過我仔, 又唔出聲, 咩野都只識 CRY!! 去公園只會跟住亞哥玩, 亞哥唔同我玩, 我就自己係到爬 MONKEY BAR)

所以, 我好明白仔仔本身既問題, 又或者我仔亞 Q 精神啦!! 覺得仔仔似我細過, 其實真係好多野都好似, 連性格, 記性及行為... 種種都好似, 覺得仔仔將來一定無問題, 期望似我, 處事態度好, 得老闆重用 及 社交不差的人, 口才都不錯 (當年既我, 在無任何糾正及訓練, 係正常生活圈子入面, 跌跌踫踫下成長; 我都可以變為一個正常人, 無理由我仔唔得, 原因係... 我仔比我幸福, 出世於現今社會, 老公及我當佢係寶, 事事以佢為主)

係呀!! 真係要堅持佢講完整句子, 咁先會見效

我同事仔仔又係一個例子, 今年6月 (小朋友係2歲半) 仲未肯講野, 返左健康院搵轉介, 當時, 連叫 mami 都發音不準叫左貓毛, 由於呢位同事都知我仔仔有言語發展問題, 我就教佢在家時, 得閒同佢講多些野, 要慢些速度及發音準, 咀形誇張些; 仲要一定一定要小朋友跟佢講 (由其是係要求大人幫手 或 取物件時)

今日佢同我分享, 佢仔仔進步左好多 (前後係相差4個月乍), 昨天突然對住同事, 同事老公及 UNCLE 講: 媽媽你好嗎? 爸爸你好嗎? 叔叔你好嗎?

仲識問媽媽:
XX (小朋友自己既名) 單車呢? - 因為昨天帶佢去踩單車, 回家時問呢一句

仲識會叫大人:
媽媽過 o黎

見到街上人追巴士, 佢識講:
媽媽跑快 d

[ 本帖最後由 szeszes 於 11-10-6 16:09 編輯 ]