很徬徨...我應該點做?

worry-mom

睇左幾間私人機構website, 好似得step & links有類似要揀既training.   呢兩間都有所謂3T既training(1星期返1堂).   有無人知好唔好呢?  定係應該選擇其中1T(私人訓練)先呢?   各位媽媽你地小朋友上邊間/私人training有無好介紹呢?
今日同c6傾開話想報training比囝囝上下堂先...唉...佢話都未評估, 點解要迫佢去上.  我其實好唔開心, 因為佢d語氣麻麻, 不過我明白佢好難接受, 我自己都係...想逃避, 忍唔住又喊左出o黎.   我真怕我自己頂唔住...谷爆啦.  唉....唔知點好!

nokia6300

其實你老公都說得岩既,看你仔仔情況都不是很差.

不過就唔好得左評估先做training,因評估真係要等好耐,你不如先睇下仔仔邊方面情況較弱,返下d 1:1 或姐小組先(如專注,說話之類),再得評估再決定.你可consider 一d 1:1既pst (pre-school training),都幾好ka,可以train專注,聽指令,都有小小st ka,係heep hong都有呢類training,你可以打去問下,都幾多人報的.

我都係過來人,不過唔開心左一陣就好快同仔仔開始training啦,而家都進步左好多,當然仲有好多野要加油啦!男人係難接受d,不過慢慢睇到小朋友有進步,都會明訓練既重要性的!

努力,祝你仔仔進步!

nokia6300

另外你有冇打算比仔仔返 nursery呢?我仔去完評估dr叫快d入學,我仔都會今年9月返nursery啦,你都可以搵d half day返,到時睇下仔仔有冇進步再加其他訓練.

worry-mom

你囝囝係咪08BB呢?  我囝囝上年已經有間幼兒園收左今年入PN班, 不過我自己作最壞打算, 我諗返左學後, 都會接到電話講囝囝既情況...被迫退學.  唉, 所以一下子真係接受不了, 但此終都係要面對, 覺得有D遺憾.  下個月仲會IN其他學校PN, 不過真係無晒心機了.

突如其來的...無從入手, 都唔知找咩training, 當然唔希望晒錢...最重要係唔想晒時間囉.   其實我應否找私人機構做評估呢?  step是否得一種評估, 而評估後又可以幫小朋友排位呢?  有無人知需唔需要約很久才可以做評估呢?

唔好意思...我真係太多問題啦.

原帖由 nokia6300 於 10-2-18 09:22 發表
另外你有冇打算比仔仔返 nursery呢?我仔去完評估dr叫快d入學,我仔都會今年9月返nursery啦,你都可以搵d half day返,到時睇下仔仔有冇進步再加其他訓練.

josephinehi

原帖由 worry-mom 於 10-2-8 02:09 發表
囝囝快到2歲, 覺得佢有自閉症特徵, 最明顯係別人跟他說話時無眼神交流, 說話不多.  最初我以為佢識講野後會有改善, 但現在佢都未識講很多說話.
想問下有經驗既媽媽我可以點做呢?  我已經覺得很不開心, 真係覺得接受 ...

我個和你個仔一樣,我現都接受不了, 不如你去STEP言語自療做評估,不過都幾EXPERNSIVE約$ 5000.

nokia6300

係呀,我仔係08bb,今年9月返nursery.

我仔係step做pre-school個個assessement,$2500,可以排埋services,之後我仔再係cac做評估,比年齡慢左d,suggest入nursery,之後我未排到gov't既services,所以係heep hong 做pt,再join一d 小組比佢玩下,其期覺得佢有si問題(感統),所以又join左一d 類似既playgroup,而家都返緊d1:1既,咁岩好早排左benji做st,所以而家都有叫做3t夾工 train 佢,希望佢可以係黃金期得到多d training.

我初初就同你一樣,冇從入手,好在係heep hong 個 pt好好人,叫我咩都唔好理,排左 services先,條queue太長啦,之後再針對仔仔睇下邊方面較weak再加training,我就係返playgroup 睇到仔仔小肌都較差,所以做埋ot,我仔咩都慢,所以expect 左佢st都要,所以佢未開聲時已排定 st,而家返左未夠2個月,樣樣都有進步.

你又唔好唸得太差,可能仔仔返左學叻左好多呢!!有一個姑娘同我講,1歲同2歲比起2歲同3歲既要求高好多,所以都係"趁早train,效果會大好多"

其實一般playgroup 都cover 好多elements,聽指令,小肌訓練,社交咁,語言etc返左你可能睇到仔仔問題係邊,再安排針對性.

加油呀!

muimui5

如果同daddy意見唔一致，試D抵玩既Course啦，至少唁唔駛為$Argue。

有冇睇過依個Thread?
教育王國 » 特殊教育 » 理大有個新課程

http://www.rehabclinic.org/images/courses/cc_toddler_apr2010.pdf

條link果個Course 就當Playgroup玩都好平，雖然預咗Ｄ導師係实習生，但在未正式診斷前Train着先都好經濟，亦可以去試吓仔仔對其他人啲反應，同時buy time諗吓以後点做啦 。

Step既3T$3200 (4hr X 4 lessons)；Links 就$2100 (2hr x 4 lessons)，我較早前兩間都返過，喜歡Links多Ｄ，有興趣丙再傾。我夠鐘go home。

rpang001

我仔仔起step比$做詳細評估連報告,然後用9個月在links入組上半日制訓練,原先未証實係自閉時打算入普通幼兒院幼初班，但面試已出醜了，那9個月入面都執正d基本日常習慣,最特別係半日制可有更多時間比我同仔仔相處,全力訓練講說話同在公園玩去改善社交和大小肌...

到找入幼兒班的幼稚園就容易得多,自已考都有2-3間收,仲係d爭崩頭個d-'救世軍xxxx'.最後都係選了i位幼稚園讀幼兒班[全日制],仲係一班有3x-4x人個d.

其實過往做過的功夫真不少,又行戒口gfcf,又排毒[重金屬超標],又打b12,又驗食物敏感,又去學健腦操,又上自閉証小組.又私自上言語治療和大小肌訓練,又上社交訓練,什致連工作都放棄,但見佢有咁大進步,都算值得,在裝備入讀小學生活所面對的挑戰,實是盡父母所能。

worry-mom

多謝大家既解答.

今日打左去協康問左詳細, 嘩...pst既1:1 service都要等約2-3個月先有位, 真係好耐喎.  不過我都照報左先, 但係咁等唔係辦法.

nokia6300:
想問下你囝囝做$2500既評估, 跟$5500那種有何分別呢?  我指係咪做完評估, 份報告拿去排位都是一樣呢?   咁你最後係咪用step果份去排, 而唔係cac果份呢?    另外想知道所謂排位, 要排多久呢?  係咪指排i/e/s位既幼稚園呢?

muimui5:
我都有睇過條thread, 亦都有興趣報, 我今日打去問過, 我其實想知佢地幾時先可以confirm收唔收(4-5位), 因為佢地開幾多班, 果位小姐都好似唔係好sure.   因為我囝囝一向都有上開普通playgroup(上堂時間差不多), 但4月份既學費要3月初交了, 如果我報左poly, 但最後佢地唔收既, 咁連上開果間都無得上?  所以都唔知點.
我都有compare兩間3T course, 好似links係好d(2小時), 因為小朋友得2歲, 返太長時間唔知佢ok唔ok.
但係一同c6講呢兩個course, 佢就唔鍾意因為囝囝未做評估就比佢返.  如果可以你可否講多些關於呢個course比我知呢?

rpang001:
想問下...你用左幾多時間先排到i位幼稚園呢?  (由評估報告出左後).

其實以我個囝囝入幼稚園時間來說, 佢應該出年2011年9月入K1, 咁我想問下, 假若我等cac做評估(可能要年底or出年年初), 咁到時趕唔趕得切排到有i/e/s位既幼稚園收呢?
我其實有無誤解左d野呢?   請指教.

rpang001

我仔仔3歲5個月才入i位幼兒班k1,計番轉頭2歲半做評估,約一年時間去找i位,記得當時做完評估後自己去找合適的i位幼兒學校,然後經兒童評估中心既社工去申請[當然自己去考同一間幼兒學校都得,但就冇特別治療提供.

在找合適i位幼兒學校,最緊要係知道條隊排得長唔長,每區條隊都唔同,通常一般幼兒學校有約12個i位[即全校不同班級總額],所有妳個case應有足夠時間攪,問題係邊間幼兒學校到2011學年有位可收妳囝囝.建議可找評估中心社工了解,並問什麼情況下[可否在評估後立即]才可申請報讀i位。

上網都可找到資料関於邊間幼兒學校有i位服務及其學額,但就好似冇講條隊有幾長,或找校長查詢更清楚

nokia6300

Hi worry-mom,

因我仔當時較細,未足1.5歲,所以佢地suggest做pre-school個assessement,都係可以幫埋排services的,做完之後within 1 week就見社工,便排左喇!我2個月後再係cac做評估,兒科dr咩都唔offer我,所以只好自己係私家做 training.

我呢d case 就正正好在去左私家喇!因有時一d marginal case,cac 未必比 services你，我當時都同dr說,佢又 suggest我仔早ｄ返 nursery,但仔仔又未行穩,都1.5歲喇,但佢都堅持連 e位都唔比,好在係step 度排緊了!

排services就係講緊排e/i/s喇!排幾耐真係唔知,generally 都over 1 年,所以我希望仔仔讀左一年nursery後可以排到 i 位 k1.

btw,你去邊間 cac ?

[ 本帖最後由 nokia6300 於 10-2-20 10:41 編輯 ]

worry-mom

nokia6300,
想問下step既pre-school assessment會否check到小朋友是否有自傾等情況呢?

聽你地咁講, 咁我諗都係要找私人做左評估及快快排位先?   其實我等緊下月初返健康院, 到時姑娘先幫我約期見醫生, 之後仲要等6-9個月先到cac做評估.  所以我暫時都未知去邊間cac, 我估以我住果區最近既...係咪油麻地有呢?   

你地仲知唔知有無邊d training可以報名後1個月內可以上堂, 而唔洗好似協康果d要等2-3個月呢?  我都想報st training, 但協康又係要等好耐.

rpang001

如果找私人既做st,可找d小組形式,包曬言語治療,職業治療和感觀統合訓練,以我仔仔讀嗰間,最主要收生都係睇現有開緊的小組仲有冇位同埋嗰組組員年齡/能力是否同妳囝囝相近......

以美國為主的一些組織會主張行生理療法,香港都有幾個醫生專門提供尼方面服務,效果見仁見智,詳細可到網上自閉症联盟。

muimui5

Step既 3T 組有幼師(PT)、職業治療師(OT) 同言語治療師(ST)3 parts每星期次序輪流Run 3組，不准觀課。放學前你果組最後果part既導師會向成斑簡介當日的內容同小朋友的表現，同介紹home training，但其他parts的details你要Stay behind問。佢既OT冇感统活動，只有大小肌肉訓練。啲home training 既work sheet 係黑白影印，想耐用点就要自己加功。

Links 的 “全方位” 每次感统活動、PT、OT、ST跟固定次序，部份可以隔窗/CCTV觀課，每堂都有評分紙同home training，啲work sheet 彩色過膠，填色就有spare copies，OT同ST落堂後同个別家長briefing，PT就歡迎電聯。雖然活動內容唔及Step講得detail，但我同C6覺得佢哋較貼合囡囡的需要同程度，亦好好傾。

我在Step上頭几堂都要揸筆晝線，對26mthBB太難了。如你BB唔夠2yrs，都係PolyU/Links適合点。仲有个 “朗研社” (Creative Power)的小組係Christian Background 既qualified PT run 的，佢哋好會Screen 啲仔似唔似要做評估，你可以考慮吓。有需要再傾。

worry-mom

rpang001,
你講果間係咪就係links呢?

muimui5,
多謝你詳細解釋, 咁聽落...links好似好d喎, 起碼課堂完左之後係個別講解.
不過...又有個問題, 原來家長唔可以陪架?  咁我個囝實唔肯架喎, 就算肯都係好短時間, 之後肯定喊住找我呢?!   有無見過其他小朋友係咁架?  佢地點handle呢?   
step仲要係3hrs...一定唔洗諗添!
polyU撞晒時間, 又唔知係咪收梗...唉!
你囡囡26mths?  我在另一條thread見你囡囡有surprise(講多左野)比你, 佢講野都ok喎.  係咪都係上左training後, 進步左呢?

btw, 昨天我囝囝搭lift時, 轉身同個婆婆講"hi"&揮手....果一刻, 我真係想喊出來呀!   希望大家既囝/囡, 每一天都在進步就好了!

rpang001

其實所提的訓練包括st,ot都係入於aba應用行為分析,以重點重覆同一行為/動作讓孩童熟習這類行為。ot/st在堂上祇能辨出其能力及改善的地方,平時在家裡由家長運用技巧去促進孩童的掌握能力,缺點為行為摸式較為生硬,欠缺彈性

另一種改善兒童社交/理解/溝通方式為地面親子時間floor time,下月[3月30日10:00-12:00起屯門大會堂]有免費講座,由社署臨床心理學家講說,有Q&A,.....有時間鼓勵妳去裝備好自己幫小朋友

nokia6300

唔好意思,太busy,

其實小朋友係唔係自閉,真係要大一點先check到,之前我覺我仔仔好似,係step做assessement時,都叫我要pay attention佢既發展,而家 train 左幾個月,冇左好多之前既特徵,不過都係慢,我曾經為左阿仔系唔系a仔愁左好耐,不過,原本系同唔系,都要accept,同埋要快d開始 training,所以你都唔好咁在意,小朋友發展空間真系可以好大,加油!

我仔番過 creative power,都可以的.而links既全方位,你放心,我仔未足2歲都番緊啦,d姑娘 take care得好好，可以一試!

nokia6300

btw, links 有d st小組,你check下有冇位!!

如真係未有位返 playgroup,多d同仔仔去街,唔好怕醜,咩都同佢講下,簡單d,我係一個唔停口既媽咪 since my son was only 5 mths.去下d有小朋友既屋企玩下,去下d公園,其實呢d對小朋友既幫助都好大.

ChingMan1002

想問係咪要評估左先可以去個到架?

muimui5

要媽咪陪就要上1 Vs 1 (PT) 或朗研社。我囡囡喺step同links返頭兩次開始時喊几分鐘，之後alright；我見過專係開始同臨尾喊的，又有些要6/7堂先唔喊，個個唔同，但要試先知。PolyU俾陪or not？

其實你覺得仔仔喺而家個playgroup係咪学到嘢？啲導師有冇advice俾你？如果這返咗幾個月都幫助不大，亦係時候轉了。我都係見囡囡返咗幾個月幼兒園的playgroup都好少進步才去“朗研社”。仲要留意仔仔有冇感统問題(囡囡就係)，如果有一般playgroup或幼兒園係唔識攪，一定要去PolyU/Links。

我囡囡26mths時評估 “自傾”，而家29mths了，這幾月有迨進步，但都唔多願意学講嘢，有啲phrases講了幾次就冇再講，我都在其他Thread “生”過。

原帖由 worry-mom 於 10-2-23 01:29 發表
rpang001,
你講果間係咪就係links呢?

muimui5,
多謝你詳細解釋, 咁聽落...links好似好d喎, 起碼課堂完左之後係個別講解.
不過...又有個問題, 原來家長唔可以陪架?  咁我個囝實唔肯架喎, 就算肯都係好短時間, 之後肯 ...