自組"音樂治療小組"

dada5

To : 各位有報小組既媽咪,

我頭先打去問過,知道最終會開兩組,5人一組.
第一組是3:30-4:15pm
第二組是4:15-5:00pm (我囝囝會join呢組)
Nov. 1,8,15,29 / Dec. 6,13,20 / Jan. 3,10,17 (Sat.)
個職員毛小姐話呢兩日會個別通知大家既.

dada5

cornelius

I see.

原帖由 dada5 於 08-10-22 12:49 發表
cornelius,

我之前打過去彭氏check,佢地話彭嘉華唔會再教小組,而係其他staffs教,仲要就佢地既時間,未必可以很快便組到既.
此外,所有小朋友不論上個別或小組都要俾彭嘉華做一次$600既評估.

dada5

...

BBIX

may i know if it's in eng or chin?

dada5

Chinese.

原帖由 BBIX 於 08-10-23 13:01 發表
may i know if it's in eng or chin?

BBIX

thks so much

annaanna

哎呀... 原本1對4，依家1對5，好似冇咁好喎~

原帖由 dada5 於 08-10-23 12:56 發表
To : 各位有報小組既媽咪,

我頭先打去問過,知道最終會開兩組,5人一組.
第一組是3:30-4:15pm
第二組是4:15-5:00pm (我囝囝會join呢組)
Nov. 1,8,15,29 / Dec. 6,13,20 / Jan. 3,10,17 (Sat.)
個職員毛小姐話呢兩日會 ...

dada5

annaanna,

我都有呢個諗法,但可能太多人報,佢又開唔到咁多班,所以要每班多收一個小朋友.希望佢handle得到啦.
其實都睇個治療師惦唔惦既,我囝囝在明愛上堂,係6個人一組,個導師都handle得好好.但在另一地方上堂,3個人一組都攪唔惦.

dada5

原帖由 annaanna 於 08-10-23 17:47 發表
哎呀... 原本1對4，依家1對5，好似冇咁好喎~

annaanna

咁又係o既.....不過我仲未收到centre電話，都唔知收唔收阿仔，or 收佢上邊班........

原帖由 dada5 於 08-10-23 20:39 發表
annaanna,

我都有呢個諗法,但可能太多人報,佢又開唔到咁多班,所以要每班多收一個小朋友.希望佢handle得到啦.
其實都睇個治療師惦唔惦既,我囝囝在明愛上堂,係6個人一組,個導師都handle得好好.但在另一地方上堂,3個人 ...

dada5

annanna,

我剛剛收到毛小姐既電話,妳囝囝應該係同我囝囝一班.佢會另外call妳及send資料俾妳.
另外,佢地話12月會搬去長沙灣.所以會send埋個新地址俾我地.
毛小姐話依家只係開到一組(因伍sir好忙,無時間).收既小朋友係最初申請那5個(即包括我同妳既囝囝),但我問咁即係唔係分能力啦.之前叫我地D小朋友去見,但依家又唔係用來分組,只係按報名既次序?!! 佢就解釋話伍sir都以專業既判斷來分組既.但我自己就覺得唔係囉.
我同毛小姐講,如果我地最早報名既小朋友有D能力真係未能上到小組或有幾大既距離既話,咁係唔能夠發揮到小組既作用,況且大人唔能夠陪上堂.所以我都有少少不滿.
Anyway,我都會報既.因為就算在出面報小組,佢地都係夠數就開組架啦,只不過係我覺得既然都係按報名次序,就唔駛浪費時間帶個仔俾佢見,有違最初既原意.

dada5

原帖由 annaanna 於 08-10-24 15:26 發表
咁又係o既.....不過我仲未收到centre電話，都唔知收唔收阿仔，or 收佢上邊班........

annaanna

OK, 咁起碼都可以去試下伍sir 同佢地上堂ok唔ok啦﹗咁就試10堂先囉，如果真係唔對路，玩完10堂咪走人囉﹗

原帖由 dada5 於 08-10-24 15:58 發表
annanna,

我剛剛收到毛小姐既電話,妳囝囝應該係同我囝囝一班.佢會另外call妳及send資料俾妳.
另外,佢地話12月會搬去長沙灣.所以會send埋個新地址俾我地.
毛小姐話依家只係開到一組(因伍sir好忙,無時間).收既小朋友 ...

dada5

annaanna, pwywong & chaukaren,

頭先我同一個BK媽咪(korg)傾電話.佢上星期六亦都有帶囝囝去伍sir到見(因為剛剛與我囝囝在明愛上完音樂治療小組,所以同我囝囝一齊上去).我諗因為我係搞手既關係,所以都話會收佢囝囝.
由於在伍sir度上小組係唔俾大人陪,而且只有佢一個人上堂,無assistant幫手既.所以我地驚佢得一個人唔能夠handle到5個特殊小朋友.
我地咁諗係因為在明愛度上堂,6人/組,全部都有家長坐在小朋友後面,仲有多一個assistant在課室幫手,才可以比較smooth咁上堂.
而我在另外兩個地方上過堂,都係可以俾大人陪同既.
故此令我有很大既hesitation.
此外,korg最近在演藝學院上左一個關於音樂治療既課程,就係伍sir主講既,佢覺得伍sir講野好慢好慢,每樣野重複三次,一個應該45分鐘講完既堂,佢就講左2小時.所以佢都決定唔會俾個囝上伍sir堂.
令我最感到不滿既係叫晒我地報左名既家長帶小朋友去俾佢見,又話開兩,三組,所以要按能力分組,依家又話開得一組,仲要唔係按能力,而係按報名既先後次序.
因我同部份媽咪傾過,得知有小朋友俾伍sir見過後,當時同佢講話未上到小組住,要考慮上個別.但依家又收人地.咁樣係會浪費小朋友既寶貴時間同家長既金錢.
我就此問過毛小姐,佢就成日都話伍sir既專業判斷,認為得就應該無問題既.
但依家我聽完korg上完佢course既comment,就更加反感.所以我都決定左唔報名啦.
各位媽咪, 妳地可以考慮清楚才決定是否報讀,我唔希望影響大家既決定,但更唔想自己覺得唔好既,介紹左俾妳地,累到大家.
唔好意思,希望大家明白!

dada5

原帖由 annaanna 於 08-10-24 16:25 發表
OK, 咁起碼都可以去試下伍sir 同佢地上堂ok唔ok啦﹗咁就試10堂先囉，如果真係唔對路，玩完10堂咪走人囉﹗

olima

早兩星期，我帶小朋友去見完伍sir之後，囝囝唔肯走，就同另一個媽咪跟reception姐姐傾分組的問題，那位reception 姐姐也提到從前試過有一自組隊伍(各媽咪之前已認識)其中一個小朋友上堂時不停地哭，哭了很多堂，佢媽咪最終覺得唔好意思退出，所以reception姐姐強調小組內小朋友能力相若是很重要的，如何將小朋友分組也很重要，但而家結果是1)先到先得，2)認為小朋友應個別訓練者又可入組，真的有d問題...

放棄此次課程後補的小朋友，又會用甚麼準則補上﹖

唉...

原帖由 dada5 於 08-10-24 17:31 發表
annaanna, pwywong & chaukaren,

頭先我同一個BK媽咪(korg)傾電話.佢上星期六亦都有帶囝囝去伍sir到見(因為剛剛與我囝囝在明愛上完音樂治療小組,所以同我囝囝一齊上去).我諗因為我係搞手既關係,所以都話會收佢囝囝. ...

dada5

olima,

我諗佢地都係會理咁多,總之收夠人數就開.
其實其他centre開小組,都唔一定要見過小朋友,才分組既.但係毛小姐之前講到好似好替D家長著想咁,又話4人一組最好,太多人上堂無咁好,今日我問佢點解依家係5人,佢又話當時同我講話最少4人開組,最多收5人.我即時糾正佢,話佢當時並唔係咁講既.
那伍sir自己又話要小朋友分組,係因為唔想有D小朋友如果講野無咁叻,但同組既其他小朋友講野又比較叻既話,那麼無咁叻既小朋友便會打擊自信心.我當時聽到仲覺得佢地都唔錯,唔會因為妳肯俾錢就收妳,起碼會在小朋友同家長既角度出發.但估唔到講一套,做一套.真係好失望.
攪到我又要幫阿仔再搵course讀.好彩未俾錢咋!

dada5

原帖由 olima 於 08-10-24 19:24 發表
早兩星期，我帶小朋友去見完伍sir之後，囝囝唔肯走，就同另一個媽咪跟reception姐姐傾分組的問題，那位reception 姐姐也提到從前試過有一自組隊伍(各媽咪之前已認識)其中一個小朋友上堂時不停地哭，哭了很多堂，佢媽咪最終覺得唔 ...

korg

dada5,

辛苦你幫我地搵老師, 又聯絡大家呀!!
最主要係我地知道咩係好--李姑娘, 所以我地唔想浪費$和時間. 諗起你囝囝最鍾意踫波波, 握握手, 呢D原素真係非常之好的!

如果冇其他人幫手, 我覺得5個小朋友, 係冇可能做到呢個環境lor. 一個要起身, 一個要打鼓, 一個要彈結他, 一個要指定顏色嘅物件... 一定會好混亂的!! 唔好話係我地d小朋友, "正常"個d都唔得la.

我尋日同3個小朋友玩一d音樂遊戲, 我個仔加2個正常小朋友. 都係2歲半, 都唔可以坐定定玩好耐. 當然, 如果個課堂係, 每個小朋友攞一件樂器, 任佢地點玩都得, 個導師就彈d音樂去做backgound, 我個仔可以玩足一個鐘ga... haha!!

alvismother

太子果間比我既印象好差。

1.佢地會簡人教。(知道我個仔係彭氏上個別就吾收，就打電話比我同我講星期六只係開一組woo，可能怕有比較掛。)

2.時間安排差勁。(約左我星期六2:00pm，之前仲打電話提我吾好遲到，點知去去到一個人都冇，只有伍sir係課室做緊training。時間有改就應該盡快通知，一味叫人吾好遲到，自己遲就話知你。)

gor_gor

嘩,隔咗几日無上黎check各位家長既comment,當中原來發生咁多事.
上個星期五有一位叫joanne(唔知姓咩)覆我話唔收阿仔,話因為太多家長幫小朋友報,我問佢地係以咩criteria黎收生,佢話係報名次序同埋小朋友既能力.我問我已經算早報喎,我知道有d係比較遲,佢話另一樣係因為伍sir見過小朋友覺得佢情況唔係咁差喎.咁我咪講,情況唔差唔代表無問題,梗有問題先去上啫,唔係報黎做咩喎.佢話已經開咗兩班,都full咗,咁無計啦.
佢話下一期要到一月,咁都要等啦.第2日佢居然又call我話兩個小朋友唔join勒,問我報唔報,梗報啦,咪扑到去交$$$羅.
到而家見到咁多家長既comment都唔知點算好.最驚既係得伍sir一個人,又無幫手,真係唔知會係點.我都驚驚地.
而家唯有試吓啦,10堂,唔好既就揾過第二間啦.到時上到咁上下既話,我希望可以將我知道既同各位分享啦.
而報咗名既家長,到時見啦.

dada5

Joanne即係毛小姐

原帖由 gor_gor 於 08-10-31 13:34 發表
嘩,隔咗几日無上黎check各位家長既comment,當中原來發生咁多事.
上個星期五有一位叫joanne(唔知姓咩)覆我話唔收阿仔,話因為太多家長幫小朋友報,我問佢地係以咩criteria黎收生,佢話係報名次序同埋小朋友既能力.我問我 ...

dada5

gor-gor,

其實佢地講野成日都自打咀巴.
之前見完人地小朋友就同部份媽咪講,話佢地既小朋友能力唔太好,所以唔建議返小組,並提議佢地上個別堂.但後來又收人地.我質問佢地,就話係伍SIR既專業判斷啦.

唔收你囝囝嗰陣,又話覺得小朋友情況唔係咁差.咁即係點呀?乜佢地D"專業"判斷咁飄忽既!

dada5

原帖由 gor_gor 於 08-10-31 13:34 發表
嘩,隔咗几日無上黎check各位家長既comment,當中原來發生咁多事.
上個星期五有一位叫joanne(唔知姓咩)覆我話唔收阿仔,話因為太多家長幫小朋友報,我問佢地係以咩criteria黎收生,佢話係報名次序同埋小朋友既能力.我問我 ...

annaanna

我結果都報左伍sir果度，因為未知靈實係咪真係開到班，我怕靈實又冇，伍sir 呢度又reject就2頭唔到岸囉﹗
我都係抱住試一試o既心態咋....