聖約瑟小學與香港華仁小學

bb818

但係華仁中學都只係有168個位，而又要預留85%比華仁小學....

Bambi

麟媽媽妳講得幾o岩喎! 我老公小學同中學都係St. Joseph讀, 佢就係妳話果種出黎的外表ok醒目啦、談吐算風趣又招招積積咁，但有時會令人生厭、黑人憎個種喇, 另外林海峰都係St. Joseph亦都係呢種style喎.
本來在我囝囝出世時我地已經諗住要佢讀St. Joseph, 但後來知道上到中學要走起碼一半人, 而且只係返半晝, 同我地而家住九龍, 所以雖然有25分我都唔想揀佢.

PhoebeLee

Dear Zen,

想請問知唔知道華仁同 St. Joseph 會唔會收今年三年後新生?  同時想問華仁升中學收幾多華仁小學學生.

謝謝
Phoebe  

Sindy

Zen,

第一輪,我大女時只得10%,但佢話會每年加,加到30%,我諗都有30%啦掛,都幾年啦

首輪係任佢收人的,可收校內外的,但有些有直屬小學既中學,通常都會留返d位比小學,無明文規定唔收出面人,但佢地會照顧小學既學生先

第一輪好似間間學校唔同,我諗由開學開始掛,到第二年既二月到

另外,我諗band 3 應該無機會抽籤啦,收到得咁少人,我諗收完band 1之後,只有band 2有機搞到返上中學

hhmami

我大仔都係讀緊St Joseph，9月升P.3。我在今年初參加學校的一個家長講座時，校長曾經提過：

“去年大約有170個學生上到中學，而通常到P.5 & P.6 會有約一班學生因各種原因流失，即係由P.1 時全級約320個學生減至280個左右。”

咁即係約有60%左右的SJPS P.6 學生可以上到SJC，照咁計小朋友的成績就一定要keep住中上。其實真係幾大壓力，希望阿仔生性keep住D成績，可以升上SJC啦！

麟媽媽

我同學的兒子升小二，每天約5-6樣功課，但每樣都不是太多野要填寫，佢都可以在一、兩小時內完成所有功課。但佢地每星期都有兩次默書，一中一英，小朋友如剛從幼稚園升上小一，呢樣比較辛苦。

Hei-Hei

請問華仁又如何?

深唔深?? 功課多唔多?? 活動教學 or 傳統教學??

易唔易入讀?? 係咪都好多人爭??

適唔適合好動都小朋友??

謝謝分享!!!!!

麟媽媽

stccmc,
其實我都唔知而家個升中制度係點？！亞仔剛升小一，仲煩緊佢升小適應學習方式(睇怕都同幼稚園好唔同，特別佢間幼稚園咁casual...)，我仲未諗到升中會點。

至於個80名內個figure(由一個St. Joseph家長提供)，相信是媽媽們心裡的一個指標，St. Joseph媽媽們想兒子成績keep住中上(即頭幾十名內)是可理解的，由8班變5班，中學仲要收校外生，我諗呢個名次以上最穩陣原校升讀啩？

有無人可解釋下升中制度？不同校學生以咩衡量banding？只計校內成績？仲會唔會同其他學校學生比較？會唔會出現整體成績好的學校既band2-3學生等如整體成績好鬼差學校的band1-2？


Hei-Hei,

他是在首輪自行派位時被取錄的。

應該不是太多。其實都好睇小朋友本身係唔係快手快腳，我有些朋友的兒子大家都是三年班，一個唔使1、2個鐘便完成，一個好慢做成個下晝都未做完D功課！你仔仔現在高班做功課如何？是否自動自覺做，還是要你督促之下完成？佢地而家做功課的速度唔多唔少可反映佢上小一之後的情況，早點訓練他們的自理能力上小一之後比較輕鬆。至於老師方面不太清楚，開學之後先知。

華仁小學要分上下午校，每晝得兩班，得咁小學位，在首輪自行派位手持20分都需要抽籤，低過20分的抽籤機會都沒有，反而第二輪同區大抽獎機會仲大D。後補位好少好少，我有朋友申請後補見都無得見，真的好難入。

Bambi

我識得一個係St. Joseph教既老師, 都係講明話要保持80名內至有機會升原校中一.


麟媽媽 寫道:

至於個80名內個figure(由一個St. Joseph家長提供)，相信是媽媽們心裡的一個指標，St. Joseph媽媽們想兒子成績keep住中上(即頭幾十名內)是可理解的，由8班變5班，中學仲要收校外生，我諗呢個名次以上最穩陣原校升讀啩？

:-|

Sindy

可能band1有約八十人,咁咪一定入得返囉,名次八十以後可以抽都未定,因為八十到119當有四十個位拎出黎比band 2 ,咁band2多過四十個人,咪電腦決定囉,所以都唔一定入得到

JChan

Any comments on St Joseph's Secondary School?

JChan

Any comments on St Joseph's Secondary School?

JChan

Any comments on St Joseph's Secondary School?