如何才能教出這樣的孩子?

Happy小米

eviepa,

十分同意你既看法.

小朋友其實好叻, 覺得佢地一岁多dee巳經係你講咩佢都明白.
唔好以為咁細唔明就要責打才能work.

打开第一次, 自己隻手好容易再打落去.
責打某程度來說, 是最不用花心思既方法.

有些人以認為某些小朋友用責打才能奏效, 會唔會係由細習慣咗?

ronni

原文章由 vane@nana 於 07-7-21 21:48 發表
看了這處的談論, 真的很感慨.....
想起了童年....... 我覺得對小孩子, 適當的責罰是對的. 只是不應打得太兇, 因為被打的小孩----無論長大後多幸福, 成為母親, 角式怎改變也好, 那些記憶,是一生也不能忘記的... ...

作為第一任媽媽, 睇到樓主的轉載, 真係令自己好難過, 因為自己的都是女兒, 由出生至今, 都無比呵護, 深怕她受傷害, 係佢成長過程(學爬/行), 每次跌得較傷, 自己都感同身受, 差點沒跟著哭了出來, 如果將來, 進校之後遇上咁不幸既事, 我真係唔知自己會點面對; 加上涉案既小朋友只有十歲(仲要成績咁好), 係唔係好多父母都太著重催谷成績, 而忘記品德的培育? 成績好將來就一定係好人? 而另外, 3個小朋友去欺負的對象, 是一個輕度弱智的小女孩, 可能因為母親(內地來港)為著適應香港生活, 為口奔馳, 所以未能放太多時間在女兒身上(身上有塗改液都未察覺), 令自己好感慨...

係現今香港, 我真係覺得"做人父母甚艱難", 係金錢上的栽培已是不能少, 但如果家庭經濟較好的普遍都係父母位居要職, 中產人仕, 照顧教育(平日)的責任, 不是落在工人就係祖父母的肩上....而全職媽媽自己照顧的話, 當然金錢的培育大部份都會比雙職父母家庭稍遜(本人是全職媽媽)....根本係兩難的局面...自己一方面好努力去聽取/了解各方面之教材(學業)教養(品德)之方法, 但有時都會無所適從(如本文, 2方面見解都令我覺得同意的地方), 有時都會諗, 如果我在職, 心理壓力/精神壓力都會比現在少, 亦會有私人空間...但每次見到女兒的笑面, 又會再抖擻精神, 努力吧....

現在只是最擔心, 自己唔識教, 將來教左個萬世魔王出黎, 今日既犧牲(事業)就好似白費了...

回應以上一段, 我對童年一個經歷非常深刻, 到今日都好記得, 就係小時有次唔知係考試成績不好還是未做好功課, 媽媽打罵幾句後將我推出門口(從小都有體罰的), 當時連鞋都無著, 只是有襪...當時哭得很利害, 個心都有諗好唔好走左去(唔記得幾歲, 我估10-12歲左右), 當然可能十幾分鐘後媽咪就開門.....我想講既係, 我唔記得點解比人趕, 唔記得當時幾歲, 唔記得係門口喊左幾耐, 我只係記得無著鞋比人趕上門口地毯上哭, 覺得自己好可憐....不過回想好在我細膽, 無真係走左去, 唔係出左意外就大件事.....到宜家有左潼潼, 我同自己講, 無論如何我唔會咁對佢, 因為唔想佢到大個都有呢個負面回憶係腦海入面!

以上只是隨心發表, 無point可言, 謝樓主的位置~

[ 本文章最後由 ronni 於 07-7-22 08:30 編輯 ]

eviepa

Eviepa兄在此我又想請教，現今有沒有你所說的完美方法不傷害孩子的身、心、靈呢？

Dennisk 兄：

完美方法我不懂，不過如果用三不政策(不打、不罵、不哦)教女，
我倒有些經驗。

早在十一年前，當太太腹大便便，香港還未有「爸爸媽媽坐下來」鼓吹不打仔的節目時，我已經和太太商議好，決定終身放棄體罰，責罵亦應減到最低。當時有些朋友的意見是：「唔體罰？講就容易，做起來是沒可能的。」「細路仔唔打，很易壞的」。

對於這協議，我及內外子都一直堅守著，從不打、很少罵，因此女兒很乖，到她五歲時，我做了一個總結，覺得根本連偶爾一罵其實也不需要，講道理已可解決一切，所以已經開始不罵、不哦，而且已向女兒清楚表達了這個信息。「三不政策」已行了五、六年，女兒一直都是乖乖女，學業成績也很好。對著我，她就像一隻依人的小鳥，關係好得很，這樣不是比小量的打、罵、哦層次更高嗎？

兩、三年後，女兒就會踏入反叛期，就是「三不政策」的考驗期，這政策能否守得住言之尚早，但我是樂觀的。

我一向相信，兒女都是鏡子，你向他們做甚麼，他們便向別人做甚麼。你時常欣賞他們，他們便懂得欣賞別人；你時常挑他們的缺點，他們便會常挑別人的缺點；你時常責罵他們，他們便會常常指責他人(包括父母) ；你時常打他們，他們便會時常打別人(年少時沒有能力反擊父母，年紀較大時，便大件事) 。

教仔上上之策：多讚賞、多鼓勵、不打、少罵、少哦。

eviepa


[ 本文章最後由 eviepa 於 07-7-22 12:33 編輯 ]

春卷

我自己不是什麼專家，小女也是平庸之輩。關於責罰，有以下可分享。
認識一年長朋友，三子女也大學畢業而且是專業人士，孝順、事業有成，請教其教育之道，他答：打。唔啱就打。
(我自己沒有採用這方法，只証明每個人都是個體，受唔受真因人而異，又未必打親都變壞人。)
至於小女，四五歲前勁少罵，從不打，只讚和'tum'，但真的很曳，無禮貌，a-z都唔識。K.3起改變方法，比較嚴厲，會責罵，會打pet(象徵式)。乖了很多，成績又進步。最奇就是：比以前更愛我。
so, 我認為真係要睇吓自己個細路受邊套，不能一概而論。但有一樣好重要：愛心！
罰佢的目的是教好佢，並不是發洩自己的不滿。做返好時，要雙倍的讚賞。

ronni

EVIEPA,

想請教下, 囡囡只有13月大, 如果佢做左一D唔岩, 甚或危險既事情(EG, 攪電掣/電器), 佢咁細又未必明道理, 你會點建議我處理態度呢?

eviepa

原文章由 ronni 於 07-7-23 08:47 發表
EVIEPA,

想請教下, 囡囡只有13月大, 如果佢做左一D唔岩, 甚或危險既事情(EG, 攪電掣/電器), 佢咁細又未必明道理, 你會點建議我處理態度呢?

ronni,

妳可以省下講道理的功夫了，因為三歲前的兒童根本不會明白語言背後的意義。

打、鬧會有反效果，因為小朋友不會明白為何被打、鬧，只會覺得：媽媽麼該是非常愛錫我的，但為何會打我、鬧我呢？

處理這個問題，只有一個答案：家長有責任去儘量減少家中的危險品，或將之放置到一個 BB 觸摸不到的起方。

比如說，電掣一定用方腳，當沒有電器插著時，要用電掣專用膠插插著；家中有尖角的家具應用膠角封著；玻璃器具要放在高處...........。

eviepa

eemsfok

各位本人有感而發, 偶爾入到黎呢個topic, 睇到樓主既轉載新聞,好震驚, 好痛心, 我個囡同ronni個囡同年同月同日生, 作為女兒既母親,我好心痛.   如果我係果個女童既媽媽我真係唔知可以點樣面對呢件事.........但如我係果3個男童個母親我同樣唔知點面對, 可能果種罪疚感會令我更心痛, 更加震驚點解我個仔會咁樣????  


雖然我個囡仲細, 但因我個姨甥11歲係同我一齊住(佢父母離異, 我家姐要成日出差,所以我地覺得同我一齊住會有多d家庭溫暖,家姐都會成日黎陪佢),佢10歲開始同我地住,可能升左中學至會返去同媽咪住.  其實佢係一個非常孝順及幾乖既小朋友, 同我地既感情都好好.... 只係我覺得佢開始大個好快會步入反叛期, 我冇教仔經驗,所以有時都會有衝動既時候, 當然我地唔會亂打; 用駡及哦會多d,但試左一年後我發覺愈係駡佢or挑剔佢既地方佢愈容易失控........... 機於呢個原因我上親子溝通版搵到呢個topic>>>>>>>>>小朋友大脾氣,可以點教>>>  http://discuz.baby-kingdom.com/viewthread.php?tid=840915&extra=page%3D2&page=30  

我足足用左兩日既下午時間去睇晒裡面既sharing, 從中我獲益良多, 同時我亦開始學習"praise,ignore and consequence", 我將呢個concept同我老公分享受分析,我亦靜悄悄地apply 0係我個姨甥身上, 都幾work, 我會繼續研究and practice...>>>>>其實呢個concept都係主張不打不駡不哦, 但如0係某d情況, 好似對人身安全有影響既情況下真係要打既話(例如小朋友太細又玩風扇), 佢都有教個好方法, 只需打一下痛既就夠, 但打者不能在盛怒下打,不能為發洩情緒而打.......不過最好都係唔好打......

大家可以參考下

ronni

原文章由 eemsfok 於 07-7-24 16:54 發表
各位本人有感而發, 偶爾入到黎呢個topic, 睇到樓主既轉載新聞,好震驚, 好痛心, 我個囡同ronni個囡同年同月同日生, 作為女兒既母親,我好心痛.   如果我係果個女童既媽媽我真係唔知可以點樣面對呢件事.........但 ...

thx for sharing, eva~ 我都睇左10頁, now好眼訓....我決定都要用呢個方法去湊潼潼

eemsfok

咁就好喇, 本來佢地件命都可能差不多(同年同月同日), 宜家仲配合埋一樣既家教方法..........咁佢地應該仲夾

大家一齊努力啦

原文章由 ronni 於 07-7-25 00:29 發表



thx for sharing, eva~ 我都睇左10頁, now好眼訓....我決定都要用呢個方法去湊潼潼

wnanama

原文章由 stccmc 於 07-7-23 01:47 發表
I think the basic requirement of parenting is to set "behavioural boundaries" for children.  Some parents can achieve this without smacking and scolding.  Some can't.  And yet some parents haven' ...

This is really my problem in parenting. When my kid was
small, I didn't set any boundaries for him because seems many things are無傷大雅,however, when he grew older,
3-4 yrs old,and had more interaction with others,I
thought I have to discipline him and set more boundaries. The conflicts then appear....... ,now, he is 6, I can say the the problem is more serious. Though the others don't  
think he is not bahave,I konw that he always don't want
to obey the instructions deep in heart. Sometimes, he is
even rude to me.

eviepa,
Actually I really buy your point of views,but seems it's
very hard for me to discipline the kid if I don't scold him.
And I also know it is not a good method and it will not be
work for some day for he will get used to be scolded. However, any better way I can do as he is already 6 yo?
Seems it is a power game, he always want to be a
winner,if he find he can control and 話事,he will become
easy, or else he just ignore all the ppls.

Froggy_joe

睇完這宗新聞之後，背後還帶出了另一個問題，就是「融合教育」，大家點睇？

ronni

原文章由 eemsfok 於 07-7-25 01:00 發表
咁就好喇, 本來佢地件命都可能差不多(同年同月同日), 宜家仲配合埋一樣既家教方法..........咁佢地應該仲夾

大家一齊努力啦

btw, 唔講你唔信, mironi同venice都係同月同日, 係前後2日, 都係home撞親, 我個女係大人床"中"左落黎, 撞到人中位, nose同lips; venice就渣住學習杯行, 但自己kick親撞落地, 都係撞到人中位, nose同lips....真係勁邪....

eemsfok

我對呢樣野未有研究, 但直覺地覺得呢個concept本意係有佢既好處, 但實行起黎.....有冇足夠既supporting呢?  究竟有冇足夠既資料及教導比學生及其家長從而令佢地明白應該用點既方法及心態去同"特殊同學"相處呢?  實踐"融合教育"既學校,有冇提供足夠既師資及社工去跟進所有融合一齊學生呢,咁呢d老師有冇接受過一d特別既培訓呢.......................?

froggy....我講下講下我似問題媽媽咁不停咁問tim    

原文章由 Froggy_joe 於 07-7-25 08:27 發表
睇完這宗新聞之後，背後還帶出了另一個問題，就是「融合教育」，大家點睇？

Froggy_joe

eemsfok，其實你已經點出問題所在……
融合教育原係希望殘障及正常的兒童同樣得益，但現時香港師生比例差不多係1對40，老師根本照顧唔到如此大的學習差異，殘障同學只會因永遠趕不上進度而自悲，以往他們在Special School，學睇時鐘睇一年都無問題，但現在融合教育，他們只會永遠成為失敗者……
而呢單新聞更加睇到殘障小朋友在主流學校，佢地連保護自己的能力都無，好可悲。
至於正常的小朋友，就以呢單案為例，佢地都好慘，學校、政府根本無足夠的教育去教他們如何如殘障小朋友相處，三個同學仔，係咪三個都知道自己做緊乜野，其中可能係受朋輩(其中一/兩個唆使而跟住去做)，呢件事睇到，其實大家都係輸家……
政府，你推行融合教育的時候，有無想清楚，還是只是想盡快執晒d special school，係咁以俾d津貼予學校，等佢地收容呢班殘障學生，就如此了事?
此單新聞又再突顯了香港教育的失敗

原文章由 eemsfok 於 07-7-25 11:25 發表
我對呢樣野未有研究, 但直覺地覺得呢個concept本意係有佢既好處, 但實行起黎.....有冇足夠既supporting呢?  究竟有冇足夠既資料及教導比學生及其家長從而令佢地明白應該用點既方法及心態去同"特殊同學"相處呢?  ...

eemsfok

我識問你識答......yo呢個matching冇得頂呀

乜你唔覺香港既政策你愈分析就愈覺得可悲咩........今時今日教育下一代既責任都係靠返我地自己啦.........

原文章由 Froggy_joe 於 07-7-25 22:40 發表
eemsfok，其實你已經點出問題所在……
融合教育原係希望殘障及正常的兒童同樣得益，但現時香港師生比例差不多係1對40，老師根本照顧唔到如此大的學習差異，殘障同學只會因永遠趕不上進度而自悲，以往他們在Spe ...

[ 本文章最後由 eemsfok 於 07-7-25 23:12 編輯 ]

eemsfok

我識問你識答......yo呢個matching冇得頂呀

乜你唔覺香港既政策你愈分析就愈覺得可悲咩........今時今日教育下一代既責任都係靠返我地自己啦.........

原文章由 Froggy_joe 於 07-7-25 22:40 發表 eemsfok，其實你已經點出問題所在……融合教育原係希望殘障及正常的兒童同樣得益，但現時香港師生比例差不多係1對40，老師根本照顧唔到如此大的學習差異，殘障同學只會因永遠趕不上進度而自悲，以往他們在Spe ...

eviepa

原文章由 awah112 於 07-7-23 19:33 發表
eviepa

如果其他小朋友打我小朋友呢？(我小朋友冇還手)遇到咁既情況點應對？

awah112,

不要還手，但要馬上向老師舉報，家長亦要密切注意事態發展，儘量要做到不卑不亢。校園欺凌的受害者通常都是一些不懂得自己保護自己的人。

eviepa