請問有沒有讀小一小朋友的家長是晚上8:00後先返屋企. 妳們覺得時間夠用嗎 ?

2fungs

呢 d 情況下，社工都會叫我地比d耐心，試下用獎勵計劃，初時同小朋友同商討訂下一d比較易達成的目標，到佢有成功感後，再商討將要求提高一點，以示有進步要提高少少要求..

慢慢來啦~!
加油呀!

丁丁*

唉 ~ 諗諗下真係少少私人時間都冇  :-| 晚上 8 點返到屋企個大人小朋友就要開始一齊打仗, 唔好話想約朋友食下飯, 真係想放工去買d 野都唔駛諗  
另外, 我想問一問, 大家既小朋友晚上8 點後仲有冇睇電視呢  

ydoris

我個女又係考親試都發燒架..來緊考四係6月中,我都驚佢又發燒呀~~~如果考吾到試會點架??佢星期二默完中文,星期四又默英文,學校都痴架~~想讀死人咩.我睇完6點半新聞就吾開電視架啦,真係第日可以吾買電視都得啦.無時間睇啦....

WINGHE

我個仔都係, 星期一黙英文, 星期三黙中文, 如果考試的中文黙書有2課課文+30個生字, 唸起都怕怕!!   

Mrssslui

我諗係小一階段,最緊要係培養小朋友自理既習慣.
我要求女女係我放工番屋企前做晒功課,而家叫佢做checking(唔識就另計),溫書(Dictation only),執書包,沖涼,仲有自己睇書既時間,完成後就自由活動,我番到後,就開始對功課,做上網功課.基本上係7:30pm前都能完成.跟住就一齊晚飯,食飯時就係睇電視既時間.飯後,有1hr,會一齊食desserts or 水果,再有storybook time & sharing time.9:30pm就上床睡了.
跟住就陪細個個,再繼續storybook time,佢就10:30pm 上床.
我就 10:30pm 開始減壓時間,就係追劇啦!
我計過,由番到屋企至大女睡只得3小時,咁就睇下點樣用呢d時間.所以叫女女做晒佢能力範圍內既事.

2fungs

mrssslui,
你就好啦，7:30pm 我才剛買完餸返屋企冇耐...

Mrssslui

咁你幾點食飯呀?又要買餸同cooking,咪冇咩時間囉?

2fungs 寫道:
mrssslui,
你就好啦，7:30pm 我才剛買完餸返屋企冇耐...

bnene

我的個案也一樣，以前是有工人，可以省了做家務的時間，但加班後再回家都已是七時多的事，吃過晚飯，再幫孩子對功課及溫書，晚上十時前大家都可以睡覺。不過在四月底我的工人走了，為了想讓孩子獨立及省一點錢，我們沒有再僱用工人了，孩子（P3及P1）每天放學自己回家裡，然後自己換好衣服、吃過下午茶及小休一會，約半小時左右(4:30pm)便開始做功課，並要求（命令）他們必須在我回家前完成所有功課（當然不懂的除外）。

而我則是5:30pm下班的，回到家裡(6:00~6:30)要一邊讓他們洗澡，一邊做點家務（包括把洗好及掠乾的衣服收下來，洗乾淨他們的餐具及準備晚餐），直至八時左右吃過飯（也要求他們吃得快，半小時要完成！），飯後洗碗及清潔洗手間後，才開始對他們的功課！有錯的要求他們要改正，有不懂的地方就講解及讓他們明白！），到十時他們都可以睡覺去了。

而在我做家務的期間，他們可以利用這些時間練琴、溫習默書等等，我小兒子（P1）也已養成習慣可以自己背默了。那我可以一邊做晚飯，一邊聽他練琴，是可以省卻不少時間的。其他的溫習，如做papers等，都是星期六及星期日的興趣班後做的，做完以後自己要對答案，有不明的，便再問我，我會再詳細解釋。

其實小學生活，重點是要讓孩子養成責任感及學懂時間管理，做好家課及溫習，是他自己應該做的事，爸媽所給的，是後勤的支援：有不明白的，爸媽便解釋，不要讓他們養成倚賴，要願意為自己負責任及認真做好自己應該做的事便行了。而我也跟老闆說了家裡的情況，把加班的時間改成早上八時多，一回到公司便開始工作，一到下班時間便即時下班（我老闆以前對下班即走的同事是很不滿的，但我跟他解釋後，他也接受了我做的改動，so far也沒有意見！），所以自己的time management也很重要的。

Mrssslui

bnene,

係喎!同你既時間表差唔多.不過,你仲勁,仲有時間cooking同做家務.

我做家務既時間,通常係一邊睇電視一邊摺衫.又或且一早起身涼衫.

yyc

bnene,

相信你兩個小朋友非一般品性! 絕對是懂事, 有禮, 溫純的, 十分配服你的教導!

ydoris

bnene,
你好勁呀..我有工人,但佢由我放工返來之前,我相信佢已經係廚房開始煮飯啦.我一個女4點返,一個5點返..但我6點半返來,佢仲煮緊飯,我同佢地對功課,教功課.同佢地2個洗澡(大女係自己洗),簽好通告,舖埋桌布.個工人仲煮緊飯呀...有時個女練埋琴tim..我都洗澡,都未煮好飯...p3真的可以照顧自己嗎??真的要向妳學習啦.

Kittymummy

我都無請工人,平時我爸爸幫我湊女放學, 放學後換完衫就立即做功課, 佢學校功課吾多, 30mins ~ 45mins 一定做完,之後就睇下電視.......我就放6:00 pm, 返到屋企大約7:00pm, 之後買餸煮飯, 8:30pm 食完. 係我煮飯期間, 囡囡就做珠算(30條), 每日如是. 食完飯後, 同佢睇下d功課, 默下dict, 之後叫佢做d exercise....我就無同佢溫習, 我覺得小一溫下dict, 另外做exercise就好足夠,暫時小一d時間都夠用.

不過, 我覺得最重要係train up佢每日要自動自覺做功課.
所以佢幼稚園時我已經同佢講, 放學後一定要先做好功課, 之後オ睇電視. so far佢呢個習慣keep左4年都無變. 同埋佢學校eng差不多每日有4句要默, 我亦都同佢講清楚, 吾好等我番嚟先串字,因為時間關係,食完飯就"澎澎聲"要默.

AndyRain

我就有奶奶既工人幫手接佢地放學同幫我買餸洗埋切埋d餸. 洗衫, 吸塵拖地咁.  但係我完全覺得唔夠時間用, 因為我有兩個細路, 當8點半食完飯(睇一陣電視), 要係佢地10點訓前搞掂晒真係談何容易.  呢個練琴(個細要我教的), 就叫個大既做練習. 到個細既練完琴就同個細既讀公文. 個大既就練琴.  淨係個琴都要好好咁分配時間先得.  唉.  

第時個女上埋小學仲唔知點算!!!!

丁丁*

我都要多多向妳們學習. 妳地好勁啊 ^^
Kittymummy 講得

bnene

才不是呢！他們也有被學校及老師投訴的時候，我也試過氣憤及灰心的。

不過，我盡量會讓他們知道，其實爸媽都很辛苦，每天這樣不停的工作，做家務，都是為了我們的家，這個家是他們都有份的，所以大家的相處是要和諧，要相親相愛，互相包容及體量。例如，我會對他們說，這個家都有他們的份兒，但他們從來都沒有做家務，我們也沒有要求他們做家務，因為我門都很愛他們的，希望他們不要辛苦，要盡量學好照顧自己以及做好自己的份內事，就是愛爸媽的表現了。

而最近我的小兒子確實是乖了一點，但我還有很多地方要學習的，希望更能幫助他們。

bnene

其實這樣的生活是很辛苦的，為了讓孩子學會time management的重要性，我自己更加需要以身作則，時間分配要好，希望這樣的付出不會被白費呢。

再者，我也期望這樣的生活可以幫我纖體成功呢。

Mrssslui 寫道:
bnene,

係喎!同你既時間表差唔多.不過,你仲勁,仲有時間cooking同做家務.

我做家務既時間,通常係一邊睇電視一邊摺衫.又或且一早起身涼衫.

AndyRain

但我就相反, 我有叫佢地幫手做家務的.  如食飯前舖報紙, ling快子等.  有時叫佢地幫手將d衫係衣架到除落黎. 食餅干要舖左報紙係地下度, 然後係報紙上面食.  食完自己jup埋d報紙.  

個仔就要每天自己洗個水wu. 游水野乾左就叫個仔自己放番入個游水袋到.  亞女(讀k2)做功課就要自己去ling張檯仔, 鄧仔, 做公文時就要自己去ling 個cd機.

我想俾佢地知道, 呢d野係佢地自己既野或佢地都有份的, 所以他們要承擔.  讀書叻唔係最緊要, 懂得照顧自己才是最重要.  萬一我有mei事, 佢地都唔駛咁慘嘛!!!

bnene

工人的效率，也是自己教出來。最重要是該她明白她每天應該做甚麼。

以往請工人時，我會跟她說清楚，不可以長時間呆在廚房，也沒有理由告訴我一頓飯可以煮兩小時，除非是家裡請客大排筵席的日子吧。每天她要甚麼時候起床，甚麼時候做好甚麼，是要訓練她去做的，她做得慢，當然是故意拖時間了。

我大兒子較為早熟一點，自我照顧能力較好，是可以照顧自己的。我們考慮到這一點，才決定不再僱用工人的。而我也見過有小朋友P1已開始自己坐公共小巴上學及放學的（我們有問過他的！）所以我孩子不算「強」了。

我自己都是由小一開始自行上學及放學的，每天還要做家務，四歲開始抹地，六歲開始洗碗至中七畢業！

bnene

AndyRain 寫道:
但我就相反, 我有叫佢地幫手做家務的.  如食飯前舖報紙, ling快子等.  有時叫佢地幫手將d衫係衣架到除落黎. 食餅干要舖左報紙係地下度, 然後係報紙上面食.  食完自己jup埋d報紙.  

個仔就要每天自己洗個水wu. 游水野乾左就叫個仔自己放番入個游水袋到.  亞女(讀k2)做功課就要自己去ling張檯仔, 鄧仔, 做公文時就要自己去ling 個cd機.

我想俾佢地知道, 呢d野係佢地自己既野或佢地都有份的, 所以他們要承擔.  讀書叻唔係最緊要, 懂得照顧自己才是最重要.  萬一我有mei事, 佢地都唔駛咁慘嘛!!!

很對耶，我告訴孩子，因為我很愛他們，所以一定會珍惜生命的，但意外的事很難說，所謂意外就是意料之外嘛！若我明天在街上被車子撞死了，那他們當然會傷心難過，但難過過後，還要好好地生活下去，難道到時才發現自己不懂得穿衣扣上鈕子、洗澡、喝水，自己拿書包做功課？那時他們會更痛苦的。

Kittymummy